الموضوع: بزوركم يا أهل كويت العــــــــــــز ساعدوني

مرحباا ..
كيف حالكم .. ؟
انشالله طيبين .. :24: ..
انا بزوركم انشالله بثاني يوم العيد (عيدالفطر) وبجلس عندكم 5 ايام .. ف أبغي اعرف منكم .. :36_1_34: ..
هل محلاتكم كلها تفتح بأيام العيد .. ؟ :36_3_3: ..
وين محل انسام الخلف .. ياليت الوصف بالضبط .. ؟
وين محل عواطف الحاي .. ؟
إيش هي الاماكن اللي تبيع ملابس سهره شيييك وانيقه وبسيطه جداا .. ؟
ابغي محلات تبيع فساتين زفاف بسييطه وانيقه وفخمه جدااا (لايهم السعر) .. ابغي ستايل أجنبي ..
وين محلات العطور عندكم .. ؟
ادري كثرت طلباتي .. بس مالي الا انتواا ..
بلييز ساعدووني ..
والف شكر لكم يالنشامى .. :36_3_12: ..

مواضيع عشوائيه ممكن تكون تعجبك اخترناها لك:

• ممكن ترتيت الاماكن القريبة من بعض
• شوركم يا أهل الكويت
• ناصيتكم ياأهل الكويت
• أفضل المواقع
• يأهل الكويت وسياحها فزعتكم بلييز رشحوا لي اي فندق من ها القائمة اختار
• عندك اي استفسار عن الكويت تفضل ؟
• استفسار عن طريقمجمع
• السكن خارج السالمية
• طلب من أهل الكويت ؟
• جدول مناسب لمدة ايام في اجازة العيد
• هل توجد فعاليات الاسبوع القادم
• يا اهل الكويت النشامه
• ساعدوني بالمجمعات
• للمهتمين بالمكتبات تفظلوا
• شارع سالم المبارك بالسالميةقديما
• مواقف مطار الكويت
• طلب لإهل الكويت الطيبين
• الكويتية تخصم لتذكرة المعاق ومرافقه
• مطلوب شقة بالفراونية او خيطان
• رحلة إلى متحف الكويت الوطنيصور عديدة و معلومات بالتفصيل

ياهلا ويامرحبا بمس شوكليت والله والنبي يحييج في بيتج ودارج حبيتارحب فيج اولا

وكل اللي تبينه موجود في بوابه الكويت الا المصممات اعتقد اول مره ينذكرون هني ياليت الاخوات لو يعرفون شي يزودون الاخت مس
ومبارك عليكم الشهر مقدما

الف شكر على الرد السريع ..
والله يعطيك العافيه .. *_* ..

المشاركة الأصلية كتبت بواسطة Miss chocolate


الف شكر على الرد السريع ..
والله يعطيك العافيه .. *_* ..



ودي اجاوب بس اخاف اكون غلطان انسام الخلف وعواطف الحاي في حولي

فساتين كشخه وغاليه بعد في مجمع الصالحيه
والعطورات في كل مجمع منتشره

حياج الله بالكويت يا اختي العزيزه بالكويت بالنسبه حق فساتين السهره بالكويت اذا كان جسمك حلو و مخصر مثل ما يقولون ما لج الى فيلا-مودا بس الفساتين هناك ارخص واحد فيهم تقريبا ب 2000 دولار هذه الرخيص و اختي انا انصحك السكن بفندق المرينا ارقي فنادق الكويت من واقع تجربه شخصيه و اذا حابه تجيك طياره خاصه من ديرتك لي الكويت ممكن ندبرها لك بس تدللي و حنا حاظرين

اللطاف الحاي محلها في مجمع جاليري 2000 في السالمية شارع سالم المبارك

بالنسبة لفساتين السهرة افضلها في مجمع زهرة في السالمية ايضا شارع سالم المبارك
مجمع ليلى جاليري السالمية شارع سالم المبارك
مجمع المهلب في حولي

وطبعا يوجد عشرات المحلات الأخرى في حولي والسالمية والفروانية

هلا فيج اختي انشاءالله نفيدج:
كل المحلات تفتح بالعيد ماتسكر ابدا.
ملابس السهرة والزفاف تحصلينهم في مجمع الراية و شاهه والصالحية والمهلب و البستان ومجمع النقرة الشمالي وليلى جاليري ورشا شيك والفنار .
بكل المجمعات تحصلين العطورات واشهر المحلات الشايع و أجمل و القرشي و بيضون وامل الكويت كذلك العربية للعود في مجمع الكوت.
منطقة النقرة فيها الكثير من المشاغل اللي تبيع ملابس الزفاف جاهزة اشهرها لاهور و ديزاينرز وديفون وبازار وبجانبه محل يبيع ملابس السهرة ......الخ

اذا تبين اعبي انصحج بمحل حناين في مجمع النقرة الشمالي شغلة رووووووووووعة وعندج بعد بدون اسم

انسام الخلف مشغلها في الجابرية وهذا رقمها 9368367
عندج بعد المصمم سعد الدواس تصاميمة روعة انا مجربته 5338866
عواطف الحاي 5321852
اذا تبين بدلات عرايس من فرنسا هذا رقمهم 7839879
ملابس ايلي صعب في مجمع مريم بالسرداب
واذا تبين بدلات سهرة ايطالية 2663410

طولت عليج وااايد بس انشاءالله اني اكون قدمت الفايدة لج

الف الف شكر لكم ياا اخوااني .. ..

من جد تسلموون كلكم والله ..

افدتوني كثييير ..

واخص بالشكر اختي مسافره كويتية .. من جد ماقصرتي حبيبتي ..

المشاركة الأصلية كتبت بواسطة Miss chocolate


الف الف شكر لكم ياا اخوااني .. ..
من جد تسلموون كلكم والله ..
افدتوني كثييير ..
واخص بالشكر اختي مسافره كويتية .. من جد ماقصرتي حبيبتي ..



هلا والله
بالعكس ماسويت الا الواجب وسامحينا على القصور

ماشاااااااااااااااااالله

محلات بيع وتأجير الفساتين:
أنجفه
رشا شيك: عند دوار البدع
الدزه: عند دوار البدع
انسام الخلف:ما اعرف عنوانها