الموضوع: ايش تسوي بالطائرة

السلام عليكم
صباح الفل ..
ايش تسووون بالطائرة ..14 ساعه لأمريكا ..
اقتراحاتكم ..
يعني بعضهم يقول أفلام .. بعضهم روايات .. بعضهم سواليف .. بعضهم جالس مطنقر بس .. بعضهم تفكير ..
وأغلبهم ويلي انا واحد منهم نووووووووم .. طيب هل هناك عوامل تساعد على النوم ..؟؟ نوووم مو 3 ساعات لااا لااا
10 ساعات .. ..
ارائكم ..

مواضيع عشوائيه ممكن تكون تعجبك اخترناها لك:

• ياخبراء الجي بي اس
• موعدي بكرة في الرياااض
• ولد الكورنيش يتلقى اول اتصال اقصد السفار
• ارجوا افادتي بخصوص الشنط على
• السلام عليكم سواح كويتي يجيب على استفساراتكم لأمريكا
• اسوء سفارة في العالم
• السكن في اورلاندو ريزورت او فندق
• تجربتى فى بالتيمور
• رجاء موافاتنا بالمستندات التالية وإرسالها بالبريد السريع
• تعبئة النوذج هل يشمل الاطفال؟؟؟
• رحلتي بالعوده من مطار اوهير الى واشنطن دي سي مصيبببه؟؟؟
• سوأل للأخ بخصوص الفيزا
• إستفسار مهم عن الجواز الرجاء الرد
• مساعدة
• سكن بواشنطن ليومين وارخص طيران ساعدوني
• ميامي
• وأخيرا بعد ثلاث سنوات حلصت على الفيزا
• ايهما افضل بوسطن ام تامباارجو المشورة
• بخصوص الفيزا
• خبر اكيد بالنسبة لاجراءات الدخول

والله انه موضوع طيب ....

والله اني ما ادري انا مو متعود على المسافه هذي حدي ثان ساعات ...

ومن جد شايل هم الرحله ...

واقرب مالها عب الهارديسك افلام وادعس ....

لو تتابع لميس تخلص وانت ماوصلت...

بالنسبة لي ماخذه اونو العب مع ريلي والعيال +السلم والثعبان+افلام(مجموعة المحقق كونان من عشاقها)+مجلات سنان للاولدوالgame boy+psp +كتابين لي ولريلي ومجموعة سيرة الرسول عليه الصلاة والسلام ل د.طارق السويدان على الi pod وطبعا اكيد بنام جم ساعة

والاشياء هذي لسفرة كلها موبس لطيارة من الرياض لنيويورك بعد من نيويورك لاورلاندو
وسلامتكم

والله يا اخوي تختلف ولاكن تشتمل على نوم ثم اناظر فلم ثم نوم مره ثانية ثمن اروح وراء عند المضيفين واقعد اسوالف حول ساعة انا وياهم وسوالف مع الي جنبي اتسذب عليه شوي ويستذب على شوي الين ناصل

أهم شــى معي في اي سفرة كتــاب
لانه هو الوحيد اللي تقدر تستخدمة في كل وقت مـا يحتاج شحن أو غيره

شايل هم ... خاصه انه معي بزران 3 سنوات و الثاني اقل من سنه.

و الاخس من هذا ان رحلتنا على السياحية

طال عمرك انا آخذ معاي الآي بود واحمل فيه افلام جديده وآخذ الوصله كمان
ويالله اطالع فيهم الما اطفش واذا قربت اطفش ابلعلي حبوب منومه وهي النومه

أشوف كثير من الأعضاء يتكلم عن تعبئة الهارد دسك بالأفلام

سؤالي هل في خطر بالنسبة للتفتيش وقت الوصول؟؟؟؟

سؤالي الثاني بالنسبة للحبوب المنومة

اللي عنده خبره ياليت يفيدنا
وش النوع؟؟؟ وهل له أعراض أخرى جانبيه؟؟؟ وما إلى ذلك ؟؟؟؟

مشكورين جميعا

اقصى مده قضيتها بالطياره 8 ساعات
غالبا اقضيها مابين قرايه كتاب و نوم شوي وتفرج على الافلام وسوالف مع اللي جنبي

هذي يمكن المرة التاسعة يلي اسافر فيها لأمريكا خلال سنتين .

وكل مرة أول ما تقلع الطائرة أنام , يصحوني المضيفات عند الهبوط )

احنا نفس حالة الاخ الاندلسي .. اول ما تطير الطياره ننام بس نصحى للاكل و نرد ننام ههههههههه
طبعا بمساعدة حبة ناخذها من صيديلية boots .. بس مو زين ياخذها اللي عنده ضغظ ... بس النوم يخليك توصل نشيط و ماكو جت لاغ .. يعني نومتك ما تتخربط هناك

اي و اغلب الحبوب ما تنفع للي عندهم ضغظ فتأكدوا من الدكتور او الصيدلي قبل لا تاخذون ...

و الله يعين الكل على الطريق و بالسلامه ان شاء الله

اختي بنت الكويت ايش الحبه الي تاخذينها ؟

لاني احيانا احتاج اخذ حبوب منومه بس يكون فيه اعراض جانبيه مثل الخدور بالاطراف بعد مااصحى .!

ودي اخذ حبه تنومني بس اصحى نشيطه

انا بروح عالقطريه ومن خبرتي برامجها وافلامها تهبل توصل امريكا وانت ماخلصتها بعد مفكر اخذ حبوب بندول نايت لاني جربتها تنومني بس سمعت ان في صيدلية بوتس في حبوب تنوم بالطياره بشوفها

المشكلة باللي معاهم عيال صغار بو خمس وثمن سنوات عسي الله يحفظهم شتسوي فيهم ما نقدر ننام الا لما ينامون وبس يتمللون واكرة شي عندي ويرفع ضغطي لما كل خمس دقايق يسألوني متي نوصل ماما؟

Just R الحبه اسمها Stugeron 15 هي اصلا تستخدم حق اللي ما يتحملون السفر باي وسيلة نقل بري او بحري او جوي و تكرمين تقلب كبدهم ... و في نفس الوقت تنوم .. بس احلا شي انج لما توصلين تصحين عادي خفيفه ان شاء الله .... و مكتوب على العلبه الدوز اللي للكبار من فوق 12 سنه ... و كمان للاطفال من عمر 5 الى12 و اشتريه من صيدلية boots
احنا اول مره اخذناه علشان اختي ما تتحمل و كان عمرها 13 و قالنا الدكتور كلكم تقدرون تاخذونه

مراااااحب
روح لقرب صيدلية وقلة عندي رحلة لو سمحت حبوب منومة لمدة 4 ساعات
كذا شكلها http://hh7.net/

بنادول نايت حلو ينيم 7-8 ساعات وبدون اي مشاكل

انا عن نفسي
اناظر افلام
وطبعا 14 ساعه
مستحيل اقعد صاحية طول الوقت
فأنا انووم بدوون شي
وبطبيعتي كذا
اذا نمت خلاص محد يقدر يقومني الا اناطولت بقوة

انا من الناس اللي يتعبوا كثير في الطياره النوم مايجيني والافلام اذا كثرت امل منها تلقى عيوني على الفلم

وفكري مع غيره واقعد متوتر الين تصل الرحله هذا مع كثرة سفري وركوبي للطائره لكن اقصى رحله لي

كانت 10 ساعات يعني الله يعين على رحلة نيويورك شايل همها من الان

والمشكله خايف اخذ الدوا ويعطي نتيجه عكسيه وابتلش

امس كانت لي رحله بين جده والرياض لتقديم الفيزا قلت لخوي شايل هم الطياره قلي لا وبتروح امريكا

والله الموضوع رائع لنقل خبرات الاخرين وجا بوقته بصراحة كل الشكر لصاحب الموضوع
بس تقريبا تلخصت امور الناس في تضيع الوقت
- ناس ما شاء الله عليهم تنام طول فترة الرحلة

انا والله مدري وش بسوي !!

أطول سفرة سافرتها في حياتي كانت 4 ساعات إلى تركيا !! ، والآن بروح أمريكا بإذن الله في 14 ساعة !!!

مع العلم إن الـ 4 ساعات الماضية كلها نوم ، لكن ما أتوقع إني أقدر أنام 14 ساعة

ومن ناحية الأفلام ، ما أحسه وقت إستمتاع بأفلام ، إلا الأفلام إنتم تشوفونها عاللابتوب ولا على الشاشة حقة السيت ؟؟!

والمشكلة إني من النوع اللي يطفش بسررعة ، يعني ما أحب الجلسة الطويلة ولا الوقفة الطويلة ! ، لكن بالتوفيق

أشكركـ

ههههههههههههههه
الله يعطيكم العافيه والله على الردود
أنا حاطن الموضوع وانشغلت بهالاختبارات
وناسي عمري أبوووها حاله ..

لكن واضح ان الاغلب اتفق على النوووم .. تراني أقدر هالشيء هذا ...!!

أفلام وبرامج ..
الا بسألكم الاتحاد كيف أفلامهم وبرامجهم .. طفش ولا وناسه ..؟؟

سافرت عالاتحاد الى بيروت العام ،،
الصراحه برامجهم وافلامهم حلوه وجديده ،، يعني ما تمللت ابد ..
رحله موفقه ..

أنا راسي يابس .. مستحيل أنام بالطيارة الا ذا كنت مواصل مانمت لي يوم .. ويكون متقطع ..

أعجبتني فكرة الحبوب المنومة ..

أطول رحلة لي 10 ساعة في الطيارة متواصلة .. ما نمت فيها مع اني كنت مرهق

أنا جربت الاماراتية من باريس - دبي .. 7 ساعات .. مرت كنها 4 ساعات .. برامجهم حلوه أفلام ألعاب تليفون تكلم فيه أي مقعد بإختصار طيارة تفتح النفس .. وخدمة حلوه ..

شايل هم اذا نويت أروح لأمريكا

الرياض - دبي - لوس أنجلس

دبي - لوس أنجلس 16 ساعة ونص .. يعني لو أنام 10 ساعات .. يبقى 6 ساعات .. والله إحباط


.

.

الكبار سهله حبوب منومه او روايات او قران او ايبود
بالنسبه للاطفال :
قيم بوي
بي اس بي
دفتر الوان
العاب مثل تركيبه او اي شي يخليهم مشغولين لان اذا فضوا راح تستوي
مصيبه ههههه

المشاركة الأصلية كتبت بواسطة GARDENIA#1
http://www.arabtravelersforum.com/tr...4/#post3930854

بنادول نايت حلو ينيم 7-8 ساعات وبدون اي مشاكل



ممتازة بس لاتطق الحبتين االا وانت رابط الحزام

من جد احنا جربنا الاماراتيه يوم برحله باريس ومرت الساعات بسرعه

بس الله يعين الحين بنروح لوس انجلوس على الاماراتيه بعد بس البزران مافي شي يشغلهم ,, حدهم اذا انشغلو بس 5 ساعات ,,, ومن جد اشين شي لما كل شوي يسالون متى بنوصل

الله يحفظ كل واحد معاه طفل المشكله انى احب بنتى عمره سنتين وبخليه شهر ......... و16 ساعه فى الطياره من الرياض دبى ودبى لوس انجليس وشى بسوى؟؟؟؟؟؟

والموضوع حلو جدا

اشكركم

الله يعينا بعونه ان شا الله ... بس ليش تشلون افلام وياكم تراها الطياره
ممزوره من الافلام .. انا سافرت على طيران الامارات و كل الافلام اليديده
حاطينها .. حتى من كثرهن ما رمت اشوفهن كلهن ...
..
..
لا تنسون الادعيه
..
سبحان الذي سخر لنا هذا و ما كنا له مقرنين و انا الى ربنا لمنقلبون ..
..
شكرا لصاحب / صاحبة الموضوع

أخواني أخواتي السلام عليكم
لاتنسون القرأن الكريم فرصة تقرون كم جزء في مثل هالرحلات الطويلة
بارك الله لنا ولكم وشكرا لصاحب الموضوع

^^^^

فعلا
الله يذكرك بالشهاده

مشكووووورين ع الإقتراحات الحلووة

المشاركة الأصلية كتبت بواسطة حب الشرقية
http://www.arabtravelersforum.com/tr...7/#post3938897

دام الشغلة صارت إقتراحات خلونا نعطيكم كم فكرة:


1) قراءة شيء من القرآن الكريم... وحلو مثلا يكون في منافسة بين العائلة بحفظ سورة معينة من القرآن يتم الإتفاق عليها وتكون الجائزة القيام بأحد البرامج هناك في الدولة مثلا ملاهي أوعشاء في مطعم مرغوب به .....
2) الدعاء .... لأنها فرصة كبيرة حيث أن دعوة المسافر مستجابة
3) قراءة كتاب أو جزء منه ... أنصح جدا بالروايات لأنها تجذبك وتاكل الوقت بدون ما تشعر
4) قراءة كتاب بشكل مشترك بحيث تكون هناك نقاشات حول موضوع الكتاب (يعني مثلا أنا أفكر أني أقرأ مع زوجتي كتاب عن تربية الأبناء بحيث يكون في بينا نقاشات مشتركة نصل من خلالها إلى تصور واحد واضح)
5) الإستماع إلى شيء مفيد ... أنصح بسماع السيرة النبوية للدكتور طارق السويدان
6) في ألعاب الذكاء التنافسية مثل الفناتير جدا جميلة وتصنع جو جميل خلال الرحلة
7) عمل بعض الترتيبات وتجهيز الأوراق بالنسبة للرحلة
8) محاولة القراءة عن طبيعة البلد اللي بتسافر له وطبيعة أهله وما إلى ذلك
9) فرصة لصفاء الذهن للتفكير والتخطيط لأمور مستقبلية
10) قضاء بعض الوقت لمشاهدة فيديو أو فيلم أو ما إلى ذلك
11) الذهاب إلى آخر الطيارة للقيام ببعض التمارين الرياضية الخفيفة لتنشيط الدم في الجسم
12) ممكن إذا كان الطاقم متعاون .. تدخل إلى غرفة القيادة وتأخذ لك فكرة عن الطيران وتاخذ وتعطي مع الكابتن ... ترى حتى الكابتن يكون زهقان .... لكن إنتبه أحيانا ما يبون أحد خلك خفيف ...
13) طبعا هذا مهم جدا... حاول تدخل الطيارة وأنت منهك جدا لقضاء أكبر قدر ممكن من الرحلة وأنت نائم

في النهاية الله يعينا وإياكم وسفرة سعيدة





ان شالله راح اطبقهم خوش اقتراحات يعطيك العافيه

و شكرا لصاحب الموضوع ياي بوقته

السلام عليكم

و الله انا اكثر مده قضيتها بالطيارة كانت14 ساعة ترانزيت
واقضي الوقت بين افلام والعاب ومسلسلات
الغريب اني كنت مره راجع وكان واحج بجنبي وخلص الشحن حق اللابتوب تبعه المهم طلب المضيفه واقل ابي اشحن اللابتوب وقالته له تحت الكرسي فيه فيش كهرباء بس لازم تحويله وبالفعل طلع التحويله وقعد يشحن
بصراحه انا اول مره اعرف ان الطيارة فيها افياش كهرب
سلام

^^^

أنا خبري الأفياش موجوده في الأولى ورجال الأعمال

إنت كنت في أي درجة ؟؟

تعتمد على اي درجة انت طالع اذا الفرست كلاس ودرجة رجال الاعمال اعتقد ما عندك مشكلة راح ترتاح
اذا على الدرجة الضيافة الله يعينك على الضيق وخاصة اذا الطيارة زحمة بتدوخ من الزحمة
سافرت في الضيف قبل سنة الطيارة فل الفل ما فيها الا مقعد او اثنين فاضية والباقية ما شاء الله فل تعبت ما قدرت اتحرك او انوم وخاصة اذا جنبك كبير في العمر ويشاخر الله يسهرا وراحت
طبعا الخطوط السعودية الجوع طقني عطونا وجبتين بس والرحلة من الرياض لواشنطن والحق يقال المطبخ مفتوح فيه فواكه تقدر تروح وتاخذ
اشوف ناس جايبين معاهم شنط صغيرة فيها بعض الأكلات والعصيرات فكرة حلوة
مالك إلا السوالف والنوم
الافلام الله يخلف حاطين الخطوط السعودية حلقة طاش ما طاش حقت ناصر القصبي يوم كان في الرياض لوحده والناس راحوا القمر فعلا تحس انك تبي تصيح من القهر مسافر ومتغرب وحاطين لك هالفلم حاسين فيك يبون يوجعونك
اذا مسافر على الاماراتية الافلام حقت السنة
تقبل تحياتي طولت السوالف

الاماراتية حلوه الدرجة الفرست والبزنس لكن السيحية دمار ضيقة ومعامله كلش موشي فرق بين الدرجات في كل شي حتى المعاملة ماحبيتها

والقراءة ممتعة بالطيارة خصوصا الروايت البوليسية

ههههههههه
من جد الحمد لله اني ماطلعت على الخطوط السعودية ..
لأني طلعت عليها جده هيثرو والله لايوريك الأفلام رايحه فيها .. طاش ماطاش أيام جدتي وقرررف ..
وفوازير رمضان الي تضيق الصدر .. خيييييييير والله يعيشوونك جو كأنك رايح حفر الباطن ذذهاب وعوودة خخخخخ
لبى الاتحاد بس ..

كيف الخطوط البريطانيه؟ ايش مستوى الخدمه عندهم؟

شباب إلي جرب القطرية بالنسبة للخطوط الطويلة مثل أمريكا هل يوجد شحن لابتوب على الدرجة السياحية

^^^

نفس السؤال

الامارتيه فيها فيش على السيت وجنب الشاشه ..درجه سياحيه

والطيران السعودي الدرجه السياحيه .؟

هل فيه شاحن في طيران الاتحــاد ..؟؟

ارجوا من الاخوان ,, عدم الخروج عن نص الموضوع

ولكم جزيل الشكر ,,

الاماراتية حلوه الدرجة الفرست والبزنس لكن السيحية دمار ضيقة ومعامله كلش موشي فرق بين الدرجات في كل شي حتى المعاملة ماحبيتها

والقراءة ممتعة بالطيارة خصوصا الروايت البوليسية



كلامكم غريب الكل يجمع بأن الإماراتية بجميع درجاتها هي أفضل الموجود وتسبق الآخرين بمراحل

هل كان لك تجربة معهم لسفرة طويلة ؟؟؟؟

يا ليت لو تفيدونا ؟؟

انا بالعاده سفرات طويله زي كذا أخلي اللي بجنبي

يسوي لي مساج واطلع رجليني مع الدريشه واحلى نومه ..... أمزح

عاد الصراحه انا من النوع اللي يمل بسرعه وأقعد أتقلب يمين ويسار وتطلع روحي من السفرات الطويله.

وما أنام الا اذا قرأت كتاب والمشكله اني ماأحب القراءه ,يعني مافيه حل أبد.الله يعين

انا مفكره اقرا قران و اذكار علشان ربي يسهل
و قلت باخذ حبوب منومه
بندول نايت يسبب اراق ما لا انت الي نايم ولا انت صاحي و مرتاح
و خبر حلو انه في كهربا بالسياحيه

بالنسبة لي آخذ معي مجلات التسالي الي يكون فيها الكلمات المتقاطعة والصور المتشابهه
كذلك مجله اذا كنت من محبي القراءة
كذلك متابعه افلام الطائرة
والنوم قد ما استطيع وبالنسبة لي لا أنام أكثر من ساعة او ساعتين بالكثير
ولا تنسى الاستماع للقرآن الكريم
بالتوفيق

انا عندي رحلة لأستراليا .. 14 ساعة و 20 دقيقة ..

ما ادري اشلون ابقزرها ..

مابين بندول نايت .. و .. افلام .. السوالف .. والله ما ادري

المشاركة الأصلية كتبت بواسطة حب الشرقية
http://www.arabtravelersforum.com/tr...0/#post3951300

كلامكم غريب الكل يجمع بأن الإماراتية بجميع درجاتها هي أفضل الموجود وتسبق الآخرين بمراحل

هل كان لك تجربة معهم لسفرة طويلة ؟؟؟؟

يا ليت لو تفيدونا ؟؟




ايه والله مرتين لمليزيا وهونج كونج الذهاب على الاولى ولا اروع منها والعودة سياحي ولا اسوء منها

انا للاسف ماعمري سافرت سفرات طويلة
بس كل شخص وميولة انا عن نفسي احب اقرا وخصوصا من النت يروح الوقت بسرعة ما شاء الله
والمجلات اكيد والقرأن والافلام

المشاركة الأصلية كتبت بواسطة حب الشرقية
http://www.arabtravelersforum.com/tr...7/#post3938897

دام الشغلة صارت إقتراحات خلونا نعطيكم كم فكرة:


1) قراءة شيء من القرآن الكريم... وحلو مثلا يكون في منافسة بين العائلة بحفظ سورة معينة من القرآن يتم الإتفاق عليها وتكون الجائزة القيام بأحد البرامج هناك في الدولة مثلا ملاهي أوعشاء في مطعم مرغوب به .....
2) الدعاء .... لأنها فرصة كبيرة حيث أن دعوة المسافر مستجابة
3) قراءة كتاب أو جزء منه ... أنصح جدا بالروايات لأنها تجذبك وتاكل الوقت بدون ما تشعر
4) قراءة كتاب بشكل مشترك بحيث تكون هناك نقاشات حول موضوع الكتاب (يعني مثلا أنا أفكر أني أقرأ مع زوجتي كتاب عن تربية الأبناء بحيث يكون في بينا نقاشات مشتركة نصل من خلالها إلى تصور واحد واضح)
5) الإستماع إلى شيء مفيد ... أنصح بسماع السيرة النبوية للدكتور طارق السويدان
6) في ألعاب الذكاء التنافسية مثل الفناتير جدا جميلة وتصنع جو جميل خلال الرحلة
7) عمل بعض الترتيبات وتجهيز الأوراق بالنسبة للرحلة
8) محاولة القراءة عن طبيعة البلد اللي بتسافر له وطبيعة أهله وما إلى ذلك
9) فرصة لصفاء الذهن للتفكير والتخطيط لأمور مستقبلية
10) قضاء بعض الوقت لمشاهدة فيديو أو فيلم أو ما إلى ذلك
11) الذهاب إلى آخر الطيارة للقيام ببعض التمارين الرياضية الخفيفة لتنشيط الدم في الجسم
12) ممكن إذا كان الطاقم متعاون .. تدخل إلى غرفة القيادة وتأخذ لك فكرة عن الطيران وتاخذ وتعطي مع الكابتن ... ترى حتى الكابتن يكون زهقان .... لكن إنتبه أحيانا ما يبون أحد خلك خفيف ...
13) طبعا هذا مهم جدا... حاول تدخل الطيارة وأنت منهك جدا لقضاء أكبر قدر ممكن من الرحلة وأنت نائم

في النهاية الله يعينا وإياكم وسفرة سعيدة





ههههه حلوة حقت ادخل لغرفة الطيار اخر مره سويتها

السلام عليكم
واللة يا إخوان وأخوات آنا عاد وحده عسره بالطياره واعاني من فوبيا طيران بس عاد مو القويه إلي إتخليني طول الرحلة ابجي بس أبجي شويه اول ما نطير وبعدين اهدا شوي بس ألاحظ أي حركه بالطياره يعني " ليش اهتزت, ليش هالصوت ,دايما أحس إن في شي مو طبيعي,....."
عشان جذيه قلت أبي حبوب منومه بس ما تكون تأذي ورحت بوتس الكويت وسألت عن أي حبوب عندهم قالولي بس بندول نايت وبصراحة ما احبه يسوي أرق بدون نوم
إن شاء اللة بطير عالإتحاد أول مره أجربهم بس جربت الإماراتية من دبي إلى المانيا كانت الطياره قديمة والشاشات خربانة وتأزمنا فيها بس العودة من باريس إلى دبي كانت الطيارة روعه واحدث شي والأفلام ضيعت الوقت حتى لي درجت كان ودنا الطيار يا خذله بعد جم لفه لين ما يخلص الفلم
بس ياريت إذا احد عنده غسم حبوب غير إلى قالت عنه الاخت بنت الكويت يفيدنا

لي تجربة مع بندول نايت كلته في الطيارة و مانمت الا بعد اربع ساعاااااااااات

انا طبيعتي ماانام بسرعة وبندول نايت انا اقوى منه

بجرب اللي ذكروه الاعضاء دوا اسمه stugeron 15 ان شاالله اييب فييني

يا أخوان ترى الحبوب المنومة قد تسبب لك مشاكل صحية خاصة لمن يعانون من مشكلة الخفقان او ارتفاع الضغط او السكر
وانصح باستشارة الطبيب قبل تناولها وهل لها آثار جانبية أم لا
بالتوفيق للجميع

هلا بكم

انا بطبيعتي احب السفر ولا الاقي صعوبه بالطيران

بس بالاونه الاخيره كانه جاني فوبيا الطيران وصرت اخاف ا\ا اهتزت الطياره او ادخلت في المطبات الهوائيه


طبعا بالبدايه دعاء السفر ه\ا جدا ضرورى لا تنسونه وادعو فان دعاء السفر مستجاب باذن الله


بعدها احاول اركز بالاقلاع واستواء الطياره بالجو واشوف عسا الكل وجهه مرتاح انبسط


بعدها عاد حط السماعات واستمع للقران يريحني


بعدها ان كان فيه افلام اشوفها وتسوا ومسليه ما عندي مانع بس تجذب انتباهي


وقت الوجبه ياخذ وقت خصوصا مع الاطقال وحتى الكبار لا تكب انتبه خلص يلا بسرعه وهكذا ,,,,


ما عمرى اكلت حبوب منومه وفي مره طلبتها من دكنوري ونصحني اكل نص حبه منها بس ترا ما عرفت اسمها لانها من مستشفى حكومى وما تصرف الا باستشاره ,,,بس للامانه ما اكلتها لانه قلت لو نمت من بينتبه لعيالي وزجي ماله خلق عليهم ,,,


وانشالله تمر الساعات وناصل بالسلامه لا تشيلون هم ,,اهم شي اعصابكم تكون هاديه وتريحون اجسامكم لما بعد الطيران والدبكي بالمطار ,,,

ياربي انا اكره شي المده الطويله بالطائره و لا انام و ارقب اي حركه بالطائره من شده الخوف ... احب اقرا و اخذي معي روايه حلوه و مجلات و اتونس بهن و اذا فيه فلم حلو تابعته وبنفس الوقت اكون علي اعصابي ...
بس ربكم كريم سبحانه يسهل علينا و عليكم يارب
الف شكر لصاحب الموضوع ...

قرآآآآن تكسب أجر وتريح اعصابك والحمدلله كل حرف بحسنة والحسنة بعشر امثالها

وحاول تسولف مع اللي بجنبك اذا انت ارتحت له .. تعرف على ثقافاته وقصة حياته و عطه صورة حلوة عن المسلمين وهدية بسيطة بنهاية الرحلة يمكن يهدي فيك الله احد للإسلام .. وتكون خير لك من حمر النعم

[color="navy"]نـــــــــــــــــــــــــــــــــــــــــــــــــ وووووووووووووووووووووم........[/color]
ولاحــظ فرق التوقـــــيت حـــدود 10 ســـاعات وكذلك النهــــار عندهم طــــــــــــــــــــــــــــــــووووووووووووويل.. . ويالله تعودنـــــــــــــا