الموضوع: ساعدوني اول زيارة ليه الى الكويت

السلام عليكم ورحمة الله وبركاته
صباحكم ومسائكم خيرات

بإذن الله بروح لأول مره الى الكويت

حابه تساعدوني وتبيضو وجهي قدام زوجي لاني انا اللي اصريت انو نروح لها

رحلتي بتكون يوم 13 اكتوبر يعني الاحد المقبل والعودة يوم 17 اكتوبر ايام العيد الاضحى

يعني تقريبا 5 ايام وعددنا شخصين فقط

اول شي ابغا مساعدتكم بفنادق يكون فيها جاكوزي في الغرفة

وكمان ابغا افضل الفنادق المطله على البحر بس الجاكوزي اهم حتى لو مو مطل على البحر لانو رحلتي هدفها الاسترخاء

وياليت لوتعطوني اهم الامكان الحلوه اللي اروحها

انا زيارتي لها سياحه مو لغرض معين وماعرفت الا اني اروح لمجمع الكوت والافينيوز

وهل في مسرحيات ساتقام !!؟

واماكن السينما فين ؟؟

والمطاعم ابغا الافضل الا الاكل البحري مااكلو

واكون شاكرة لكم مقدما

مواضيع عشوائيه ممكن تكون تعجبك اخترناها لك:

• طيران الجزيرة» تطلق خدمة « » لتمكين المسافرين من استخدام هواتفهم النقالة
• استفسار عن تأجير السيارات في الكويت
• يـا أهل الكويت الكرام ، إستفسارات يبيلها طولة بال
• كيف الجو بشهر ابريل
• رحلتي إلى الكويتــــ كل المتعة والإثارة
• طلب من اهل الكويــــ خوالي ــــت
• عالمنا الخاص للشاي الفاخر بالكويت
• يا أهل الكويت طالبكم الرأي في هالفندق
• شوركم يا أهل الكويت
• احتاج شقة غرفة و صاله
• أرجو المساعدة في اختيار شقق جيدة
• ما أخبار حديقة الحيوان ؟ اش سالفة كاميرات المرور ؟
• التركيبة السكانية في الكويت
• عودتي و غدائي في مطعم فرايديز مارينا ’ يوم العيد الوطني
• «السنغافورية» تسير رحلات أسبوعياً بين أبوظبي والكويت
• عروض المدينه الترفيهيه
• أهل الكويت ياليت تفيدوني
• الكويتية تطلق أقوى عروض السفر
• ملافع الشرقيه بالكويت
• فندق جيد وقريب من الاسواق في الكويت العاصمة

حياكم الله بالكويت حبيبتي الفنادق اغلبها
فيها جاكوزي اذا تبين شي راقي وجديد عندك الجميرا ... ميسوني ... هيلتون المنقف ... بلو راديسون ساس جديد جدا

او اقرأي ببوكينغ تحصلين مكتوب اذا الفندق فيه جاكوزي والا لأ

الافنيوز والكوت فيهم مطاعم وسينمات وكل مولات الكويت فيهم سينما ومطاعم عديدة
والافضل طبعا الافنيوز و360

المسرحيات اكيد في العيد في مسرحيات تابعي اخبارها بالصحف او تسألين الفندق
الاماكن كلها مشتاقه لك ههههههههه حبيبتي شنو تحبين اماكن تروحين لها عندك حديقة الشعب
او التمشي على البحر عند المارينا كريسنت وهناك بعد فندق المارينا جمييل جداا والسوق بينهم جسر

المركز العلمي والتمشيه عنده
في طريق الهبوله وانتي جايه من الكويت للفنطاس تلاقين اماكن حلووه لمجمعات المطاعم
الجلسات حلوة ورايقه اهم مكان موجود هو سبونز اول مطعم يطل على الشارع هو فرايديز

اما بالسالميه عندك الجلسات اللي عند موفنبيك البدع تلاقين المطاعم والكافيهات
وان شاءالله تستمتعون بالديره واخذي من الفندق اماكن سياحيه اخرى
وتنور الكويت فيكم

اتوقع بالنسبه للجاكوزي لازم يتم التأكد من الفندق نفسه عن طريق النت او الاتصال عليهم

نسبه للأماكن فيه سوق شرق والمارينا مول والمباركيه و360 والافنيوز والمهلب

بالنسبه للسينما فيه موجود بنفس المجمعات اغلبها

النسبه للمطاعم شارع الخليج مليان مطاعم وشارع المطاعم اللي بالسالميه

الله يسعدكم ماقصرتوا بس والله ديرتكم حلوه من الصور غريبه مافي احد يتكلم عنها كثير
وانا عاد حبايبي اهل الكويت فان شاءالله انبسط
والف شكر لكم

حياك الله والكويت تنور فيكم
يمكن تشوفين صور وتقارير بالبوابه تعرفي اكثر عن الكويت

حياكم الله في ديرتكم
والحمدالله على سلامتكم
بالنسبه للمسرحيات عدي وخربطي من كثرهم اعتقد في 3 او 4 مسرحيات للكبار
وعندج حفلات غنائيه
وهذا جدول تقريبا في كل شي اختاري شنو اللي يناسبكم

http://www.arabtravelersforum.com/travel487746/

واذا انتوا من محبيبن المتاحف انصحكم في محف بيت العثمان في حولي واايد حلوو

وحياكم الله