الموضوع: والله قهــــر والله تحطيم يالوزاره

السلام عليكم ورحمة الله وبركاته

والله قهر الناس تنتظر من متى هالبعثات وكل يوم نعد الايام ونقول قرب الموعد

ويوم قرب اعلنوووا تاجلت والناس صارت لعبه من خبر لخبر والله ماعرفنا حق هالوزاره :112:

ايش ذنب الناس الي معاها قبول ومعاها تاشيرات وتنتظر وتقول قرب موعد القرار وتتفاجأ بالتاجيل

ايش ذنب الناس الي تنتظر التسجيل وخذت موعد من السفاره وفرحت يوم جاها الموعد واخرتها تاجلت :110:

وبعدين الى متى بنشوف اعصابنا بهذي الطريقه والله انا عن نفسي اعصابي انهااارت من هالبعثات

والله تعبت نفسيا ومعنويا وكل شي :105:

شهر سبعه الواحد متى يمديه يسجل يطلع له ضمان يجيب قبول والموعد حق السفاره الي خذيناه شنسوي فيه نروح لهم خالين لا قبول لا خطاب لا بطيخ

ولا ننتظر التسجيل وناخذ موعد بشهر 1000 سنه 10000000


ويقولون نظاااام بعد الله كريم بس

يا اخواااان وشو الحل الحين شسالفه وربي ضايعين بين هالخبر وهالخبر بين هالوزاره وهالبعثات

الجريده مكتوب الوزاره تحاول تفتحها بوقتها والمسؤولين الي سؤولهم الاخوان يقولون تاجلت خلاص

ابغى افهم ايش سبب التناقض هذا كله

اااه والله تعبنا ماسوت علينا قلنا نبي بعثه طلعت من خشومنا والله العظيم

خلو بعثاتهم لهم :110:

الله كريم بس

مواضيع عشوائيه ممكن تكون تعجبك اخترناها لك:

• أسئلة للدراسة في امريكا
• طالبة مبعوثه جديد وعندي بعض الاستفسارات
• أميـــر الدمـــوع هل أنتــي السبب يا أمـــي ؟
• ملبورن والأخوان اللي عندهم خلفيه نوتنجهام
• استفسار عن تتبع حالة الجواز
• باركوا لي اليوم استلمت قرار الابتعاث والاركاب
• ابغى ابتعث الى امريكا
• الرسالة على الجوال هل هي خطئ
• تخصصات جامعة هارفارد وجامعة يال
• البعـــــثـــــات مساحه للحوار
• أبي أطلع فيزا وانا بقعد بس شهرين ونص دراسه كييف أطلعها ؟
• جامعة هيل فورد
• تعبنا مع السفارة
• اسف على اعادة كتابة الموضوع مع انه انحذف امس
• تسجيل للايلتس اونلاين؟؟؟
• وش أفضل كروت اتصال من أمريكا للسعودية ؟؟
• لماذا الوقوف بواشنطن
• الى اهل ليدز مع التحية
• استفسار بخصوص موعد الملتقى
• لم استطع دفع السيفس وموعدي غدا هل هناك دفع عن طريق السفارة

اذا هو مصدر من جريدة الوطن لا يهمونك قالو مرتين ان مكافئات البعثه بتزيد ولازادات

واذا هو من بعض الاعضاء لاتشيل هم انشاء الله وباذن الله تكون اشاعه والميه تكذب غطاس

وادعووو الله ان تكون اشاعات

مرحبا
أعلمكم اني احد واسطات صاحبتي كلم واحد اعلى مركزا من صالح ال الشيخ وقال
(انه ننتظر بداية شهر ربيع الثاني وستكون الاولوية للذين يريدون استكمال اوراقهم)
وأنا من جهتي
بتأكد من هذا الخبر الأسبوع الجاي
وسأوافيكم بالخبر
:24:

اخوي مستر ريحني شسالفه الحين

وربي يدي على قلبي ولاني عارف وشو الموضوع

خايف حدي وجالس على اعصابي

المشاركة الأصلية كتبت بواسطة إيمان علي


مرحبا
أعلمكم اني احد واسطات صاحبتي كلم واحد اعلى مركزا من صالح ال الشيخ وقال
(انه ننتظر بداية شهر ربيع الثاني وستكون الاولوية للذين يريدون استكمال اوراقهم)
وأنا من جهتي
بتأكد من هذا الخبر الأسبوع الجاي
وسأوافيكم بالخبر
:24:





الله يسمع منك ويفتحونها زي ما قلتي

والله تعبنا ما عاد فينا اي احتمال

يا ابن الحلال وسع صدرك بس ...


ان جت البعثه خير وبركه .. وان ما جت عاد وش نسوي الشكوى لله ..


والله العظيم اني احتتريت البعثات هذي من شهر رمضان اللي فات ........
وبديت اراسل الجامعات علشان القبول هاليومين ..

بس ماندري عن الوزاره وخربطتها ......

انا تمنيت يتأجل الى شهر 7 .. لاني مغظوط على الاخر ..
بس شكلها مثل ماقلت بيسايرونا ثمن يقولون اقلبو وجيهكم مافيه بعثات ...


عاد انوااااااااااااع التحطيم قسم بالله لو يصير هالشي .....

وطااااااااااااااااارت الطيور با ارزاقهااااااااااااااااا

ياشباب لا تستعجلون كل شي في وقته حلو

الجريدة أشارت إلى أن الدكتور المعجل سيعقد مؤتمرا صحافيا هذا الأسبوع لتوضيح البرنامج الجديد للابتعاث لدول آسيا، و سيسأل عدد من الصحفيين عن البرنامج المخصص لأمريكا.

إذاً انتظروا و لا تحرقوا أعصابكم.

السلام عليكم
شارع التحلية ممكن تقول لي متى وقت المؤتمر وعلى اي قناة

الجريدة اللي تقول إنه سيعقد مؤتمر صحفي يعلن فيه المعجل عن باب الابتعاث لدول آسيا . .
لا أعرف بالظبط و لكن نسبة إلى جريدة الوطن فإنه في هذا الاسبوع.

اللهم اخرس كل لسان ينطق بشائعه لامكان لها من الصحة

حسبي الله ونعم الوكيل

شباب سلاماااااااااااااااااااااااااااااااااااااااات وشفيكم يعني اذا ماطلعتوا تدرسون برى بتموتون الله يهديكم

والله انا من ناحيتي اشوفها عادي لانو اذا مافي بعثات يعني ماراح تدرسون ياخي عندنا جامعات وانتم مسوين فيها انو مافي جامعات الا برى السعودية قولوا الحمدلله على كل حال وادرسوا هنا وصدقوني بعدين تقولون ذا ون قال الصدق تبون توجعون دماغكم بالبعثة والله العظيم انها ماتسوى تفكرون فيها اسالوني انا وانا كنت بروح ماستر يعني مو زي اغلبكم باتشلور اقسم بالله انخا وجع راس وصدقوني اذا انتم منتظرين البعثات ولا جت يمكن تصيبكم حالة نفسية من جد والله هالكلام................


وسلام

يا شباب والله قبل 10 دقائق من المشاركة كلمت واحد في وزارة التعليم العالي واحد من الشباب في المرتبة العاشرة ونفى التاجيل وقال كلام منتديات
البعثـــــــــــــــــــــــــــــــــــــــا ت الاسبوع القادم أو الي بعده في الكثير

والله يا اخوان انا مكلم واحد مكانه حساس في الوزاره وقال لي ان الخبر واصله وسئل وقالوا له
انا 90% وانا وربي ما ودي انقل لكم الخبر اللي وصلني لكن هذا اللي جاني وقلت الله يعين

بصراحه قمةةةةةة المهزله شكلهم يبون يقولون ما في ابتعاث بس بطريقة غير مباشر

اي والله تكفى تكفى ياباتل يصير كلام صح
اللهم اكتب مافيه خير وصالح لنا

والله مهزله من جد يا نااااس

كل موظف في الوزاره يقول كلام من عنده واحد يقول ما راح تتاجل

والثاني يقول تاجلت والثالث يقول ماثبت شي رسمي والرابع يقول تاجلت شهر

وكل واحد يقول كلام من عنده الظاهر السالفه لعب

واخر قرار يقولك مافي بعثاااااات الغيناها مالنا خلق نستقبل طلبات

الله كريم بس قايلكم خلو بعثاتهم لهم

نسأل انفسنا وش الاسباب اللي تدعي تاجيل السفر؟

الحمدالله الاقتصاد بخير وكل الامور محسوبه تمام..ان كان في تاجيل راح يتم تاحيل بعثات امريكا وفتح الاخريات لاعطائها حقها لان العالم كلهم امريكا

وانا انصح العالم تروح غير امريكا

يا شباب ما أحد راح منكم للوزارة اليوم يستفسر ؟
بصراحة ما كنت فاضي لأني مشغول في الدوام . . و لا لقيت الدكتور الحميضي على التلفون.

سوف يتم إن شاء الله تعالى إستقبال الطلبات وعرض شروط ومسوغات الإبتعاث في بداية شهر ربيع الثاني 1427هـ/ بداية مايو 2006

يجبان نتعلم من اينا ناخذ مصادرنا

مصدرنا الوحيد هو موقع التعليم العالي والموقع يقول اللي كتبته فوق

ولايهمكم ايمصدر ثاني الى لما يتغير الموعد

وباذن الله باقي على نفس الموعد:24:

اخوي راعي وناسه

الي عرفته من الاخوااان انه برنامج البعثات كله تاجل

ماحددو وقالوا امريكا ولا غيرها

وانشالله ربي يكتب لنا مافيه الخير

انا بصراحة مع التأجيل ..

فقط للاشخاص اللي ما سجلوا في البعثة الماضية ..

أما الاخوان اللي عندهم قبول ومطلعين الفيزة وما بقي لهم الا قرار الابتعاث

المفروض من بكرة يطلعون قراراتهم ويخلونهم يسافرون ...

الله كريم ..

ولش تاخذونها انها سلبية


يقولك المثل كل تأخيره فيها خيره ..

ياشباب ماعليكم من اي مصادر الا الموجود في موقع الوزاره خلاص مادام قالوا انها في شهر مايو

ان شاء الله انها راح تفتح في هذا الموعد

ما نقول الا الله يكتب اللي فيه الخير....سواء انها تفتح الاسبوع الجاي او تتأخر...او حتى تنلغي من الأساس!!

تفاااااااااااااااااااااااااائلوا بالخير تجدوه

آه يالتأجيل يكفيني آه
القلق في كل اتجاه
و أمي تقول:
هالولد وش بلاه ؟

ياناس نبي نرووووووووووح ملينا خلاص

ما تقدر تقول انها تأجلت الا اذا جا بداية شهر 4 وهي ما انفتحت....ذيك الساعه نقول تأجلت اما الإشاعات والخرابيط ذي....لا تصدقها ولا تكذبها

السلام عليكم افري بودي
شبــــــــــاب اول شي قولوا لا اله الى الله وثاني شي لا تتحطمون تراني انا اخوكم كنت مقدم على البعثه من 10 شهور والله من الصيف الماضي من اوائل الطلاب المتقدمين وجرب جميع انواع النفسيات يوم مبسوط ويوم متحطم ويوم مدري كيف ولاكن فلنهايه ربكم فرجها من عندوا صح سويت زيكم ما ابي البعثه وخلاص بشتغل مع ابوي ولاكن شوفوها تسهلت وماعليكم من الي بتسمعونه اهم شي ادعوا وقولوا الله يختار مافيه الخير
واخيرا باقي على سفري 21 يوم من الان الله ييسر امورنا

ياخوان هل فيه خبر رسمي ؟؟
هل فيه مسؤول صرح بهالخبر ان البعثات تأجلت ؟؟
انا مادري ليش تعيدون في كذا موضوع نفس السالفه والى الان ماشفت احد الاعضاء جاب لنا خبر مأكد من أحد المسؤولين بالوزارة ومعلنه في جريدة أوفي قناة أو في أي جهة اخرى اعلامية

انا من يوم قريت الخبر هذا واتتبعه في كل موضوع ينزل بهالمنتدى
الى الان مالقيت واحد من الاعضاء قال ان فيه مسؤول صرح في جريدة كذا في تاريخ كذا ..

اتمنى منكم الاجابة الكافية

صحيح ولقد تم تاجيلها

سوف يتم إن شاء الله تعالى إستقبال الطلبات وعرض شروط ومسوغات الإبتعاث في الخامس عشر من شهر رجب 1427هـ/ أغسطس 2006


المصدر
http://www.mohe.gov.sa/USA2006_Main.aspx



عليكم بالصبر 3 شهور