الموضوع: أبوظبي وفندق تريدرز الشانقريلا في اليوم الوطني

::


تقرير بسيط عن رحلتنا لأبوظبي في اليوم الوطني بتاريخ 2- ديسمبر

وبما أنه بغينا نغير جو قلنا بنسكن في فندق .. بدل ما نروح لبيتنا اللي في أبوظبي

ووقع اختيارنا على فندق تريدرز قرية البري فالشانغريلا ... (فندق ممتاز من وجهة نظري )

وأول ما وصلنا الفندق كانت الساعه 1 الظهر تقريبا ... وهذي صورة الفندق من برا وهم بعد محتفلين بالاتحاد






سوينا جيك ان .. ما اخذ منا تقريبا يمكن 10 دقايق لانه ماكان فيه زحمه اول ماوصلنا

وهذي صور للوبي










ورحنا على الغرف كانت فالدور الثاني... كان حجزنا عبارة عن غرفتين بريمير و 3 غرف سوبيرير


والبريمير أكبر وأوسع .. وهذي صورتها





وهذا صورة الله يعزكم الحمام ( كبير وواسع )




وهذي البلكونه وتطلع على المسبح




وهذا المسبح



وهذي صوره لغرفة السوبيرير



وللفندق شاطي خاص + حديقه فيها ألعاب للأطفال









وفي هذي الصورة يبين فندق فيرمنت باب البحر



يتبـع ::

مواضيع عشوائيه ممكن تكون تعجبك اخترناها لك:

• ساعدوني اذن الدخول للامارات
• افضل من يقدم رحلة السفاري
• ليالي رمضان في أبوظبي
• استفسار من عرب لنك الحجوزات
• مدينة الطفل وعرض الدلافين
• وين اسكن في دبي؟
• سوال لاهل دبي او من خبراء بها
• هيئة أبوظبي للسياحة تدشن مركزاً جديداً في بكين
• ضع افضل الشقق واسعارها في الشارقة
• حبيت استفسر عن الاماكن اللي احصل فيها جلابيات حلوة
• استفسار عن مدينة الثلج
• خطوطنا شكرا عرب لينكـ فندق رامادا
• تجربتي مع طيران الامارات
• شباب احد عنده فكره عن فندق جولندن توليب البرشا
• ترانزيت في دبي
• استفسار عن شركات اماراتية
• استفسار عن
• ارجو المساعده الي يعرف شي عن الامارات يدخل
• أخوني خبراء دبي ممكن شوي؟؟؟
• اريد فندق في دبي قريب من المطاعم والاسواق

يعطيج العافيه اختي
شكل الفندق رووعه مشاء الله

موضـــــوع جميل ،، وصـــور رائعة

ممتاز
اكملى اختى الكريمة

::

حجزنا يخت لمدة 3 ساعات .. فاتجهنا للمارينا عشان نركب اليخت وكانت الساعه 8 فالليل ..وكان مسارنا الكورنيش والين قصر الامارات

مناظر البناياات المزينه بالانواار واايد حلو







وهني كيف الناس متجمهره على الكورنيش




وهني سارية العلم







وأول ما قربنا على قصر الامارات




صارت المفاجأة ... بدت الالعاب الناريه وكانت تطلقها سفن واقفه جدامنا يعني بينها وبنيهم مب أكثر عن 50 متر
يعني كنا في قلب الحدث... ومساكين اليهال خافوا من الاصواات

وهذي بعض من صورها












حركة الشلال كانت رووعه






وبجذي ..خلص تقرريري البسيط ^.^ وان شاء الله تعجبكم الصور






::

شكرا على الصور الجميلة

وأتمنى كتابة أسعار الغرف

ولك مني جزيل الشكر،،،،،،

المشاركة الأصلية كتبت بواسطة سعود بن محمد
http://www.arabtravelersforum.com/tr...4/#post4581714

تقرير خفيف و ممتع، و لو أمكن، أتمنى أن تنقلي لنا ملخص تجربتكم عن الفندق، و عن أبرز سلبياته و ايجابياته
من وجهة نظرك.

أما الصور، فهي أكثر من رااااائعة، و خصوصاً الليلية، فجزاك الله خيراً.

تسلم أخوية

وبخصوص الفندق كان حجزنا فيه لمدة يوم واحد فما شفت فيه أي سلبية الصراحه ...
الجيك أن كان سريع والجيك أوت بعد وحتى امي نست شنطتها فالغرفه واحتفظوا فيها وبعد كم يوم شليناها من عندهم ^.^

المشاركة الأصلية كتبت بواسطة بن غيث
http://www.arabtravelersforum.com/tr...4/#post4583504

شكرا على الصور الجميلة

وأتمنى كتابة أسعار الغرف

ولك مني جزيل الشكر،،،،،،

العفو يا أخوية

كان سعر غرف السوبيريور بـ 550 بدون الفطور ( اذا تبى فطور زيد 100 درهم تقريبا )


وغرف البريمير بـ 650 درهم بدون الفطور

وكان حجزنا عن طريق موقع http://www.booking.com/hotel/ae/trad...12&aid=1329869


::

روعه التقرير المختصر ولكنه دسم

اهم شي انكم استانستو

دمتي بووووووووود

ما شاء الله الله يعطيك الله على هذا التقرير والصوره الاكثر من رائعه جدا ،،، بإذن الله تعالى سوف يكون لـ أبوظبي زيارة في زيارتي لدبي

ما شاء الله عليج اختي

تقريرج اكثـر من رائع

والتصوير ابداع ~ لا يعلى عليـه

:

بس عندي استفسـار بخصوص اليخت

كيف حجزتوه ؟ ممكن التفاصيل لو ما عندج مانع

والسموحه على الازعاج

::







المشاركة الأصلية كتبت بواسطة liwa lover
http://www.arabtravelersforum.com/tr...8/#post4589598

روعه التقرير المختصر ولكنه دسم

اهم شي انكم استانستو

دمتي بووووووووود



اكيد استانسنا وتسلم يا اخويه على المرور







المشاركة الأصلية كتبت بواسطة كتكات783
http://www.arabtravelersforum.com/tr...6/#post4596106

مشكوووووووووورة أختي
الله يعطيكم العافية وفعلا الصور راااااائعة جدا



العفوووو
وتسلموون على المرور







المشاركة الأصلية كتبت بواسطة ابو(حمد)
http://www.arabtravelersforum.com/tr...0/#post4597850

ما شاء الله الله يعطيك الله على هذا التقرير والصوره الاكثر من رائعه جدا ،،، بإذن الله تعالى سوف يكون لـ أبوظبي زيارة في زيارتي لدبي



مرحبابك أخويه في أي وقت

وتسلم عالرد ^.^


::

المشاركة الأصلية كتبت بواسطة 3in uae
http://www.arabtravelersforum.com/tr...2/#post4600562

ما شاء الله عليج اختي

تقريرج اكثـر من رائع

والتصوير ابداع ~ لا يعلى عليـه

:

بس عندي استفسـار بخصوص اليخت

كيف حجزتوه ؟ ممكن التفاصيل لو ما عندج مانع

والسموحه على الازعاج





تسلميين أختي على المرور

واليخت تقدرين تحجزينه من شركات التأجير

ونحنا حجزنا من شركة اسمها اللولو لتأجير اليخوت سعرهم كان معقول بالنسبه للشركات الثانيه
وعلى حسب كم غرفة تبين فاليخت .. يعني الغرفتين مع صالتين بـ 1500 الساعه (كاسريهم يمكن ينقصونلج )
وفيه ارخص طبعا وأغلى ... على حسب عدد الغرف وطول اليخت وهالامور

وبعد تقدرين تسيرين وين مارينا اليخوت اللي عدال المارينا مول .. أو مارينا البطين وتسألين عن حد يأجر لأنه في ناس وايد تأجر بس ماتقدرين توصلينهم الا اذا سرتي دورتي وبأسعار رخيصه

وأي سؤال أنا حاضره ^.^


::

تقرير يجنن الله يعطيك العافية والصور شوقتنا لديرة الحبايب