[align=center]
الحلقة الرابعة
كنت في نوام عميق ,, ما قمت من النوم الا حول العصر ,, قمت توضيت وصليت الظهر والعصر ,, فتحت نافذة غرفتي كان الجو رااااااااااااااااااائع بغيت انهبل :109: كانت الغيوم مغطية المدينة وترش خفيف مطر خيالي وكل شي اخضر من حولك تستنشق الهوا الطبيعي ,, تشم ريحة المطر والزرع بصراحه جازلي الوضع ,, خذيت كرسي المكتب وجلست استمتع بالمنظر :101: ثم قمت وفتحت شناطي ورتبت ملابسي ,, بالدولاب ,, وكل شي تمام خلاص ,, جيت بنزل اشوف اهل البيت (( طالع عروس مهب طالب :109: )) ,, المهم نزلت وحصلت عيالهم جالسين بالصالة يشوفون التلفزيون ( ولد وبنت ) جيتهم وصافحتهم ورحبو فيني وجلسنا نسوولف وناخذ ونعطي ,, الولد اسمة البرت عمره 17 يدرس بالثانوية ,,والبنت اسمها ساره عمرها حول ال20 تدرس مسيقى :114: ,, جلسنا شوي نسولف عرفت منهم ان امهم من اصل فرنسي تزوجت ابوهم وعاشت هنا واخذت الجواز الامريكي ,, عرفتهم بنفسي وببلدي وحاولت اختصر علشان ما احرج نفسي واقول نوت اندر ستاند :109: , المهم شوي الا نقزلي البرت وقال تعال تغد,, قلت ايه والله جوعاااان اخر وجبة اكلتها في نيويورك مكدونالدز تتذكرون ؟؟ قالي هذا اكلك سخنه بالميكرويف حنا تغدينا وانت نايم ,, قلت اوكي اخذت الغدا وسخنته ,, كان الغدا عباره عن ماكرونة بالجمبري مع سلطة امريكية
قريبة من هذا الشكل
كليت الحمد لله ,, طبعا ابوهم وامهم كانو طالعين يشترون اغراض ,, الى الان ما شفت امهم :101:
ساره قالت بروح اجلس على الانترنت ,, وجلسنا انا والبرت نسولف ,, تبون الصراحه مهب سوالف سوالف ,, كان هو يتكلم وانا اقول (يس اوف كورس ) شي افهمه واشياء اطلع الشيب من راسه علشان يشرحها لي :115: .. المهم قالي وش رايك نروح ناخذ لنا لفة بالحاره؟؟ قلت قدام يالبرت يا صديقي :109: ,, تجهزت وطلعنا ندور على الحاره ,,ويعرفني على اخوياه وندور كان الجو جميل والهوا عليل .. ابي اتكلم عن المدينة شوي مدينة ايرفاين مدينة نظيفة جداً واغلب سكانها من المكتفين ماديا ,, ومستوى الامان فيها عالي وشعبها طيب الى ابعد درجة ,, حتى وانت طالع الصبح بالشارع تشوفهم يسلمون عليك مبتسمين ,, الى الان والله ما شفت احد كشر بوجهه اذا قلتلهم انا من السعودية ,, الشعب راقي ,, ويتفهم الاجانب ,, وبشوش :x1:
بعد الجولة رجعنا للبيت
نهاية الحلقة الرابعة ....... :smile:
,,,[/align]
تعبت
ما يصير كذا حرام عليك
مايمدينا نخش جو الا وانت تقول انتظروا الحلقة الجايه
بس صراحة اسلوبك هذا يخلي الواحد يتشوق للقصة اكثر
ومشكور على المجهود
سمول ملاحظة: بحكم انك عشت في لوس انجلس فالله لا يهينك رد على موضوعي بحاجة تفيدني عن المدينة هل هي غالية في كل شي (بالنسبة للسكن معليك منه ) يعني 600--700 دولار تكفي
http://www.travel4arab.com/vb/showthread.php?t=40984
[align=center]الحلقة الخامسة
حبيت قبل ما ابدا اقول كذا نقطه,, لان جاتني استفسارات كثيرة على الرسائل الخاصة
العائلة كلمتهم بالتلفون من قبل ما اجي وخبرتهم بالاكل اللي انا اكله واللي ما اكله ,, علشان يحسبون حسابهم .
* كان موعد وصولي قبل بداية دراستي بالمعهد با اسبوع تقريباً علشان اتاقلم على الوضع .
* العائلة كانت جدا متعاونه معي
رجعنا للبيت انا والبرت ,, حصلت امهم وابوهم جايين ,, عرفتهم بنفسي وعرفوني با انفسهم الاب اسمه مايكل ,, والام اسمها كارنا وجلسنا كلنا بالصالة نسولف :gathering .. ومعنا البرت , شوي دخلت ساره علينا كانت طالعه برى مع ربعها , كان بالي مشغول على الاهل , لاحظ الى الان ما كلمت اهلي , وما يدروني عني شي .... حي ولا ميت :114: كلمت ابوهم , قلت ابي اكلم اهلي اعلمهم اني وصلت ووضعي تمام ,, استاذنت اخذ التلفون ورحت غرفتي واتصلت على ابوي ما رد ,, واتصلت على البيت محد رد :114: اتصلت على جوال اخوي مقفل , :4: ,, رجعت مره ثانية ادق على البيت محد رد وارجع ادق وادق وادق انواع الازعاج :101: الين ردت على اختي الصغيره \ ثلام عليكم مين انتا ؟!! هلا رورو انا تعبت .. وتقوووم تزاعق!! يمه تعالو تعبت على التلفوون اسمع الصراخ والازعاج :109: كلمتهم وطمنتهم ,, كلش تمام ,, نزلت برجع التلفون ,, لقيتهم مسوين حلفة لي :115: ياحليهم :101: شارين تورته وكاتبين عليهم السعودية واسمي :106: بصراحه استانست , وبعد هالحفله تعشينا ,, كلمت ابوهم على العشاء على اني ابي خط انترنت بالغرفه ,, ومستعد ادفع ,, قال لا ما يحتاج تدفع الانترنت شي رئيسي عندنا والكل يستخدمه , واذا تبي تستخدمه انزل بالصاله وشتغل عليه , واذا مصر تبي النت بالغرفه بكره الكيبل واصل عندك بالغرفه :x1: ,, بعد العشا عطاني مايكل مفاتيح البيت وكلهم راحو ينامون ,, مابقى الا ساره ,, نزلت الاب توب وشبكت على النت وجلست اوريها صور عن السعودية وقعدنا نتصفح .. الانترنت عندهم سررريع ما قد شفت مثلة :114: ,, لدرجة انه يمديك تنزل فلم كامل DVD في اقل من نص ساعه :114: سرعة عجيبه ,, المهم طلعت ساره تنام ,, خفت اجلس لحالي :115: وطلعت انا بعد اناام [/align]
كنت جالس على كرسي اتابع الشباب وهم يلعبون مستانس ومبسوط شوي الا ويجيني ذاك الكلب ابن الكلب اللي يمشي 200 !!!وناصيني انا يوم شفته اقسم بالله وجهي قمط مدري وش اسوي !! انحاش ! اخاف يضحكون علي !! او اسوي نفسي قوي وما اتحرك .. بس اخاف ينط علي !!
والله انك منسم يا تعبت ,,,,,
خخخخخخخخخخخخخخخخخخخخخ خخخخخخخخخخخخخخخخخخخخخخخ
بس لا تصيف علينا :36_3_16: اخلص ترانا تحتريك
سرد جميل لقصة رائعة ,,,,,
جعلتنا نعيش واقعك ونحس بما تحس ،،،،،،
اخي تعبت لا تعلم كيف اغرورقت عيناي بالدموع عند قرائتي :
استاذنت اخذ التلفون ورحت غرفتي واتصلت على ابوي ما رد ,, واتصلت على البيت محد رد اتصلت على جوال اخوي مقفل , ,, رجعت مره ثانية ادق على البيت محد رد وارجع ادق وادق وادق انواع الازعاج الين ردت على اختي الصغيره \ ثلام عليكم مين انتا ؟!! هلا رورو انا تعبت .. وتقوووم تزاعق!! يمه تعالو تعبت على التلفوون اسمع الصراخ والازعاج كلمتهم وطمنتهم
بإنتظار جديدك
وفقك الله
اهلا اخي
صحيح أخي العزيز المغامرة نوعا ما متعبة ولكن حينما يتذكر الانسان المرات الخالدة التي مر بها الا وان ترفرف علي حاجبيبة علامات النتصر ولاتحرمنا من مواضيعك
الاخ العزيز ابو عابد علي ماعتقد يقصد الصحفي الامريكي العظيم روبيل دانتل الصحفي البارع ومحارب الامبريالية وقد كان من اعضم صحفيي النهضة الامريكية بس بصراحة انا معجب جدا بكلام الاخ بو عابد في ذكر هذا الرجل وماشالله معلوماتة مميزة خصوصا وان الصحفي روبيل قد توفي في المهجر منذ 132سنة في المهجر
اخوي تعتب..........من الملحقيه للسفارة خذيت تاكسي؟؟؟.......المسافة مره قريبة ولاتحتاج تاكسي!!!!!....السفارة قدام الwatergate building الي فيها الملحقية وفيها بعد الخطوط السعودية...
على العموم القصة حلوه وممتعه ومشوقة...انا درست بـ سياتل 4 سنوات وعندي قصص وأحداث كثيرة ولاكن ناقصني اسلوبك ومنكم نتعلم....بالتوفيق
السلام عليكم
كنت حاب اصبر الين نهايه القصه
وبرد بس قلت انت وين ونهايه المسلسل وين
يلا المهم اسلوبك جدا جميل وبسيط
وماشاء الله عليك ماشيه معاك تساهيل وممشي امورك تمام
هادا من رضى الوالد والوالد الله يحفظهم لك
والله يحفظك قوووووووووووووووووووووول
اميـــــــــــــــــــــــــــــــــــــــــــــــ ــــــــــــــــــــــــــــــــــــــــــــن
dlooo3
المفضلات