الموضوع: هونج كونج و رحلة العيد

المشاركة الأصلية كتبت بواسطة سارووونه
http://www.arabtravelersforum.com/tr...6/#post6246556

الله يعطيك الف عافيه اختي على هالبارت الحلو .۔
والله على مطل ذا بيك الجو فيه يرد الرووووووووح
ومطعم نور سبق وان طقينا مشوار مخصوص عشان ناكل فيه ههههههه
لذيذ ونظيف بس اسعاره شوي غاليه مثل باقي المطاعم العربيه بهونغ كونغ

مازلنا متابعيين ومستمتعيين ..

هلا و غلا بج أختي و أنا أشكرج و أثمن تقديرج بأن منحتي تقريري المتواضع خمس نجوم و هذا يشجعني أكثر و أكثر إني أقدم كل مفيد و ممتع لأخواني الأعضاء .
و متابعتج لي شي يسعدني وااااايد
و أتمنى إنه تكملة التقرير تكون بنفس المستوى و تنال إعجابكم و رضاكم .

يوم شفت الصوره قلت وقت مغرب بس يوم قلتي نتغدي حسيت الجو مغيم ولا ما اشوف انا

المطعم اذكر اني قريت عنه ويوم شفت سارونه ردت تذكرت تقريرها اذا انا مو غلطان باسم رحله سريعه او ويكند سريع حاجه زي كذا ونبهت لمطعم كانت تبي تدشه بس خافت من شكله الخارجي


متابعين التقرير وبالراس روحه للصين وهونغ كونغ باذن الله

مشكوره
تقريرك شجعني اسافر لها باجازة عيد الاضحى
او في شهر خمسه ميلادي
تتوقعين اي الوقتين يكون الجو مناسب فيها ومو حار؟

هلا اختي قدمتي الكثير الله يسعدك ويجزاك خير
بالنسبة لموظفين الفندق جدا راقين من افضل فنادق سكنت فيها
وتعاملهم جدا راقي ماتوقعت كذا بصراحة تعاملهم
بالنسبة لسعر كان وقتها يوافقك اليوم الوطني لصين
وكانت الدنيا زحمة بكل مكان في هونج كونج ماتتصورين كل شي غالي
انا طالع من الصين ببعد عنهم حصلتهم موجودين بكل مكان اروح له
موجودين ,,, المشكلة الدخلة والطلعه متعبة شوي لو تعودت
برضة متعبة لان كل شي بالفندق ممتاز الا هالنقطة بس مميزاته
تمسح هالسلبية ..
اكرر شكري لك
تحياتي

عيبني التقرير واايد بس انتي ذكرتي بداية التقرير انهم يضحكون عليكم ما تشجعت اسافر هونج كونج

المشاركة الأصلية كتبت بواسطة فــيـصـل
http://www.arabtravelersforum.com/tr...8/#post6253588




يوم شفت الصوره قلت وقت مغرب بس يوم قلتي نتغدي حسيت الجو مغيم ولا ما اشوف انا

المطعم اذكر اني قريت عنه ويوم شفت سارونه ردت تذكرت تقريرها اذا انا مو غلطان باسم رحله سريعه او ويكند سريع حاجه زي كذا ونبهت لمطعم كانت تبي تدشه بس خافت من شكله الخارجي


متابعين التقرير وبالراس روحه للصين وهونغ كونغ باذن الله



أشكرك أخوي جزيل الشكر على متابعتك لتقريري المتواضع
هي أخوي الجو مغيم بس حار و درجة الحرارة في أغلب أيام تواجدنا في هونج كونج ما كانت تنزل عن الثلاثينات إلا خلال ساعات الليل و الفجر ، و بالنسبة للمطعم هو نفسه اللي ذكرته الأخت سارونه في تقريرها و هو من المطاعم الهندية القديمة في هونج كونج موجود فيها من سنة ١٩٨٧ .







المشاركة الأصلية كتبت بواسطة amon@hamod
http://www.arabtravelersforum.com/tr...2/#post6253612

مشكوره
تقريرك شجعني اسافر لها باجازة عيد الاضحى
او في شهر خمسه ميلادي
تتوقعين اي الوقتين يكون الجو مناسب فيها ومو حار؟



العفو اخوي و مشكور على متابعتك لتقريري
أتوقع أخوي في إجازة العيد الجو أحسن لأنه حسب المواقع الجو في ها الفترة من السنة يكون في بداية العشرينات و ممكن أقل بعد و بشكل عام ينصحون إنه الواحد يزور هونج كونج من شهر نوفمبر لين شهر فبراير لأنه الشتاء فيها يكون حلو و مناسب للسياحة و مب برد قارص و ثلوج مثل الكثير من الدول .
و الله يوفقك أخوي في الرحلة و تستمتع فيها

المشاركة الأصلية كتبت بواسطة saudi inchina
http://www.arabtravelersforum.com/tr...0/#post6253940

هلا اختي قدمتي الكثير الله يسعدك ويجزاك خير
بالنسبة لموظفين الفندق جدا راقين من افضل فنادق سكنت فيها
وتعاملهم جدا راقي ماتوقعت كذا بصراحة تعاملهم
بالنسبة لسعر كان وقتها يوافقك اليوم الوطني لصين
وكانت الدنيا زحمة بكل مكان في هونج كونج ماتتصورين كل شي غالي
انا طالع من الصين ببعد عنهم حصلتهم موجودين بكل مكان اروح له
موجودين ,,, المشكلة الدخلة والطلعه متعبة شوي لو تعودت
برضة متعبة لان كل شي بالفندق ممتاز الا هالنقطة بس مميزاته
تمسح هالسلبية ..
اكرر شكري لك
تحياتي



مشكور أخوي الفاضل على هذه الدعوات الطيبة و على متابعتك للتقرير
و أخوي الصينين ما شاء الله وايدين ما يخلصون نحن خططنا انه نروح هونج كونج في نهاية أغسطس لأنه دوام المدارس في الصين تقريبا يبدا في هـا الوقت و قلنا أكيد ما بيكونون متواجدين بكثرة في هونج كونج بس يوم رحنا شفناهم جدامنا في كل مكان
و نحن بعد في أمور ما عجبتنا في الفندق مثل صغر اللوبي و بوفيه الإفطار بس مثل ما قلت أخوي مميزات الفندق تتفوق على سلبياته و تمسحها






المشاركة الأصلية كتبت بواسطة alia69128
http://www.arabtravelersforum.com/tr...2/#post6259122

عيبني التقرير واايد بس انتي ذكرتي بداية التقرير انهم يضحكون عليكم ما تشجعت اسافر هونج كونج



مشكورة عزيزتي على متابعتج للتقرير و إن شاء الله تعجبج باقي الحلقات بعد
أختي بالنسبة لموضوع الضحك و النظرات الصراحة نحن تضايقنا منها بس يعني ما منعتنا من التجول في البلاد و الاستمتاع بوقتنا و اللي خفف علينا الموضوع إنه هاي التصرفات كانت صادرة من الصينين السياح أو العايشين في هونج كونج أما الهونج كونجيين فكل اللي صادفنهم كانوا طيبيبن و راقين في تعاملهم ويانا و حتى في منهم كانوا يشتكون من تصرفات الصينين .

اختي تقريرك حلو وشجعني افكر اسافر لها مستقبلا
كيف النقاب في هونج كونغ؟ شفتي احد متنقب من السياح ؟ لان زوجتي منقبه
وكيف الشوبينغ ؟ مقاساتهم زي مقاساتنا ؟ لان احجامهم صغيره واذكر لما رحت ماليزيا كانت مقاساتهم تناسبهم بس ماتناسبنا

وصلت متاخرة شوي
الحمدلله ع السلامة اختي..يعطيك الف عاااافية ع التقرير الرائع والصور الرااائعة.۔
ذكرتيني بايام هونج كونج الجميلة..۔
الفندق مرررة حلو واعجبتني فكرة فطوركم بفندق ديزني لاند،,والكافي اللي بديزني نفسه اللي تقهوينا فيه،,يااحلوها ايام.۔
حلوة القرية وحلوو فطوركم وانا للاسف مازرتها والمول تبع الفندق متكتك...واااصلي ابداعك وانا متاابعة...

تقرير رائع ما شاالله بارك الله فيج

تستاهليين يالغاليه ..التقرير مميز جدا .۔ويستاهل كل النجووووم .۔

بالنسبه لزيارة المعبد انا مافكرت ازوره يمكن لانه بعيد شوي عن السنتر وقريب من المطار ۔
حسافه انكم زرتم هونغ كونغ والجو حار ..خيرها بغيرها ان شاء الله ..
متابعين ..

تبارك الرحمن
تقرير رائع بمعنى الكلمه
استمتعت معاج بكل جزء و بكل التفاصيل
كان عندي رغبه كبيره و لهفه لزياره هونج كونج بس مادري بعد كلامج و تقاريرج تحولت اللهفه لكوريا

بانتظار الباقي

اختي
لو سمحتي فخلالك جولتك في هونج الم تجربي الباص السياحي للتنقل
لو سمحتي احتاج تفصيل عن الباص الاحمر
من اي محطة يكون التحرك والحجز
بكم الشخص الواحد
كم ساعة التجول
وهل العوده الى نفس المكان الذي تم الصعود اليه

المشاركة الأصلية كتبت بواسطة راعي الشيخه
http://www.arabtravelersforum.com/tr...4/#post6272874

اختي تقريرك حلو وشجعني افكر اسافر لها مستقبلا
كيف النقاب في هونج كونغ؟ شفتي احد متنقب من السياح ؟ لان زوجتي منقبه
وكيف الشوبينغ ؟ مقاساتهم زي مقاساتنا ؟ لان احجامهم صغيره واذكر لما رحت ماليزيا كانت مقاساتهم تناسبهم بس ماتناسبنا



مشكور أخوي على متابعتك لتقريري و ثنائك عليه و أعتذر أخوي بشدة على ردي المتأخر لأني ها الفترة مشغولة بالامتحانات.
بالنسبة للنقاب نحن شفنا متنقبات في هونج كونج بس البلاد أخوي مليانة صينيين و الصينيين في وايد منهم أول مرة يشوفون شي اسمه نقاب أو حتى حجاب فعلشان جذي الأمر لا يخلو من النظرات و الضحكات بس ما يوصل الموضوع للمضايقات المباشرة .
و الله أخوي البلاد تعتبر من وجهات التسوق الأولى في آسيا و وايد عندهم مراكز و شوارع تسوق بس بالنسبة للمقاسات أنا أغلب المحلات اللي زرتها كانت مقاساتهم ما تزيد عن ما يعادل مقاس 16 أو 18 بريطاني كحد أقصى (UK size)
و أي أسئلة ثانية أخوي أنا حاضرة و من العين.






المشاركة الأصلية كتبت بواسطة beyond expectation
http://www.arabtravelersforum.com/tr...2/#post6274032

وصلت متاخرة شوي
الحمدلله ع السلامة اختي..يعطيك الف عاااافية ع التقرير الرائع والصور الرااائعة.۔
ذكرتيني بايام هونج كونج الجميلة..۔
الفندق مرررة حلو واعجبتني فكرة فطوركم بفندق ديزني لاند،,والكافي اللي بديزني نفسه اللي تقهوينا فيه،,يااحلوها ايام.۔
حلوة القرية وحلوو فطوركم وانا للاسف مازرتها والمول تبع الفندق متكتك...واااصلي ابداعك وانا متاابعة...



هلا فيج أختي و أفا عليج متى ما وصلتي وجودج يشرف تقريري
الله يسلمج و يعافيج عزيزتي فعلا اختي ايامنا في هونج كونج صدق كانت حلوة خاصة ديزني لاند و فندقها مشتاقين لهم
مشكوووووورة على الإطراء و إن شاء الله باقي التقرير يكون في نفس المستوى و ينال اعجابكم .





المشاركة الأصلية كتبت بواسطة سارووونه
http://www.arabtravelersforum.com/tr...4/#post6284064

تستاهليين يالغاليه ..التقرير مميز جدا .۔ويستاهل كل النجووووم .۔

بالنسبه لزيارة المعبد انا مافكرت ازوره يمكن لانه بعيد شوي عن السنتر وقريب من المطار ۔
حسافه انكم زرتم هونغ كونغ والجو حار ..خيرها بغيرها ان شاء الله ..
متابعين ..

هذا من ذوقج و طيب منبعج أختي الغالية
و ان شاء الله خيرها في غيرها و مشكوووووووووورة على المتابعة

المشاركة الأصلية كتبت بواسطة alia69128
http://www.arabtravelersforum.com/tr...6/#post6278066

تقرير رائع ما شاالله بارك الله فيج



مشكووورة أختي على متابعتك لتقريري و ثنائك عليه .






المشاركة الأصلية كتبت بواسطة aLKuwaitia
http://www.arabtravelersforum.com/tr...4/#post6291714

تبارك الرحمن
تقرير رائع بمعنى الكلمه
استمتعت معاج بكل جزء و بكل التفاصيل
كان عندي رغبه كبيره و لهفه لزياره هونج كونج بس مادري بعد كلامج و تقاريرج تحولت اللهفه لكوريا

بانتظار الباقي



مشكوووووورة عزيزتي على متابعتج لتقريري و إطرائج المشجع عليه
و الله اختي كوريا بالرغم من إنها أقل صخبا من هونج كونج و السياح و حتى المطاعم الحلال فيها أقل بس لها سحرها الخاص و مع إني زرتها مرتين أحس بعدني ما شبعت منها .





المشاركة الأصلية كتبت بواسطة شكبم
http://www.arabtravelersforum.com/tr...6/#post6303836

اختي
لو سمحتي فخلالك جولتك في هونج الم تجربي الباص السياحي للتنقل
لو سمحتي احتاج تفصيل عن الباص الاحمر
من اي محطة يكون التحرك والحجز
بكم الشخص الواحد
كم ساعة التجول
وهل العوده الى نفس المكان الذي تم الصعود اليه




للأسف أختي ما أقدر أفيدج في هذا الموضوع لأننا ما استخدمنا الباص السياحي بس استخدمنا المترو و التكسي في التنقل و أكرر اعتذازي مرة أخرى .

ماشاء الله تقرير رائع ومتميز
الله يعطيك العافيه
متابعين

البعض ينصح بعدم استخدام التاكسي وذلك لان سائق التاكسي عندما تفتح الشباك للتاكسي للنهويه يقفله
مما يضايق الراكب من الروائح الغير محببه داخل التاكسي
فمن باب تجربه لكم في التاكسي هل هذا صحيح

متابع
التقرير مشوق جداً

تسلم ايدينك على التصوير والابداع لــ HONGKONG الجميلة واذا كانت لديك صور من كاولون

المشاركة الأصلية كتبت بواسطة sunr!se
http://www.arabtravelersforum.com/tr...6/#post6306646

ماشاء الله تقرير رائع ومتميز
الله يعطيك العافيه
متابعين

مشكووور أخوي على متابعتك لتقريري و ثنائك عليه
و ان شاء الله تكملة التقرير تنال إعجابكم






المشاركة الأصلية كتبت بواسطة شكبم
http://www.arabtravelersforum.com/tr...0/#post6307250

البعض ينصح بعدم استخدام التاكسي وذلك لان سائق التاكسي عندما تفتح الشباك للتاكسي للنهويه يقفله
مما يضايق الراكب من الروائح الغير محببه داخل التاكسي
فمن باب تجربه لكم في التاكسي هل هذا صحيح




هلا بج عزيزتي
و الله بالنسبة للتكسي اختي نحن ركبناه أكثر من مرة و لا مرة حسينا إنه فيه روائح غير محببة بالعكس تكاسيهم نظيفة و مريحة و إذا حبيتوا اختي تفتحون النافذة أكيد لازم تستأذنون من السايق لأنها سيارته في النهاية و نحن كنا أحيانا نطلب منهم يخفون التكييف أو يزيدونه و كانوا على طول يسوون ها الشي من غير تذمر .






المشاركة الأصلية كتبت بواسطة Emirates Air
http://www.arabtravelersforum.com/tr...2/#post6307442

متابع
التقرير مشوق جداً



مشكووووور أخوي على متابعتك لتقريري المتواضع و ثنائك عليه






المشاركة الأصلية كتبت بواسطة ريال امريكي
http://www.arabtravelersforum.com/tr...2/#post6313402

تسلم ايدينك على التصوير والابداع لــ HONGKONG الجميلة واذا كانت لديك صور من كاولون



الله يسلمك أخوي و مشكووور على المتابعة
و ان شاء قريب بنزل الحلقات المتبقية و فيها صور من كولون

شكرا على التقرير ، هذا اول تقرير اقراه عن هونج كونج وعجبتني البلاد وضحكت على سالفة الهندي اشكرج اختي مره ثانيه وبانتظار البقية

تقرير جميل مشكورة عليه

يعطيك الف عاافية جزء جميل جدا.۔
بالنسبة لهاربور سيتي انا ماعجبني ابدا سبحان الله وع قولتك اسيابه ضيقة واحس اننا ضعنا فيه
وخساااارة ماشفت قسم محلات الاطفال
بالعااافية عليكم فطوركم وغداكم وانا كنت من الناس اللي تطلب المتوفر من الاكل الحلال ولايخلو اي كافي تقريبا من مالذ وطاب
لك كل الشكر......

يعطيك الف عافيه اختي على البارت الحلو ...
والله عالشوبينق بهونغ كونغ متعه مابعدها متعه ..
وبالعافيه عليكم الفطور والغدا ..واكتشاف جديد لمطعم الباشا الصيني ان شاء الله نجربه قريب ..
اما عدة الشاي الصيني فعندي مثلها بشقتي بكوانزو ههههههههه اذا رحت صورتها لكم
والله يجزا الوالده كل خير يارب على حثها للتبرع والدال على الخير كفاعله ..
متابعيين..

ماشاء الله تقرير كافي ووافي اختي ويعطيج العافية

يالس افكر اسير هونغ كونغ شهر 12 وقت الكريسمس ومعاي المدام وبنتي عمرها سنه وشهرين !

بغيت اعرف كم يوم يكفيني + المترو كيف وخاصة معاي العربانة + وأي نصائح اخرى !

وهل تنصحيني اسكن في نفس فندقكم ! وخاصة اللي واضح انه مرتب وقريب من اهم الاماكن !

المشاركة الأصلية كتبت بواسطة beyond expectation
http://www.arabtravelersforum.com/tr...4/#post6392144

يعطيك الف عاافية جزء جميل جدا.۔
بالنسبة لهاربور سيتي انا ماعجبني ابدا سبحان الله وع قولتك اسيابه ضيقة واحس اننا ضعنا فيه
وخساااارة ماشفت قسم محلات الاطفال
بالعااافية عليكم فطوركم وغداكم وانا كنت من الناس اللي تطلب المتوفر من الاكل الحلال ولايخلو اي كافي تقريبا من مالذ وطاب
لك كل الشكر......



الله يعافيج عزيزتي و مشكوووورة على المتابعة و الإطراء
تصدقين انه نحن بعد ضعنا في هاربور سيتي لا و بعد و نحن ضايعين اكتشفنا قسم محلات الأطفال و الكافيه اللي فطرنا فيه يعني كان ضياع مفيد
العفو اختي و ان شاء الله الحلقات الجاية تعجبكم أكثر






المشاركة الأصلية كتبت بواسطة سارووونه
http://www.arabtravelersforum.com/tr...8/#post6395198

يعطيك الف عافيه اختي على البارت الحلو ...
والله عالشوبينق بهونغ كونغ متعه مابعدها متعه ..
وبالعافيه عليكم الفطور والغدا ..واكتشاف جديد لمطعم الباشا الصيني ان شاء الله نجربه قريب ..
اما عدة الشاي الصيني فعندي مثلها بشقتي بكوانزو ههههههههه اذا رحت صورتها لكم
والله يجزا الوالده كل خير يارب على حثها للتبرع والدال على الخير كفاعله ..
متابعيين..

الله يعافيج عزيزتي و مشكووورة على المتابعة و الإطراء
التسوق صدق كانت له متعة مميزة خاصة الشارع اللي بجانب المركز الإسلامي و مركز ميرامار وايد عجبوني لأنهم مليانين محلات يابانية و كورية و أنا وايد أحب موضة ها الشعبين .
و مطعم الباشا لازم تجربونه لأنه وايد روعة خاصة إذا كنتوا تحبون الأكل الصيني و ننتظر صورة عدة الشاي بس بشرط تكون وياها دروس لصنع الشاي بعد.
و الوالدة تسلم عليج و تشكرج على الدعوة الطيبة و تقولج لج مثلها ان شاء الله و هي ما قالت لي اكتب عن ها الموضوع إلا لأنها تدري إنه الخير بعده موجود في الناس بس بعضهم يحتاجون شوية تذكير ( و ذكر فإن الذكرى تنفع المؤمنين ) .

المشاركة الأصلية كتبت بواسطة هيمان سفر
http://www.arabtravelersforum.com/tr...4/#post6332464

شكرا على التقرير ، هذا اول تقرير اقراه عن هونج كونج وعجبتني البلاد وضحكت على سالفة الهندي اشكرج اختي مره ثانيه وبانتظار البقية



العفو اخي الفاضل
و الحمد لله انه تقريري نال اعجابك و سالفة الهندي صدق غريبة و تضحك .
ان شاء الله بحاول انزل الحلقات الباقية قريب






المشاركة الأصلية كتبت بواسطة لولي شاكر
http://www.arabtravelersforum.com/tr...4/#post6387504

تقرير جميل مشكورة عليه



العفو و أشكرك شكرا جزيلا على الثناء و الإطراء .

المشاركة الأصلية كتبت بواسطة ترتوب
http://www.arabtravelersforum.com/tr...8/#post6398538

ماشاء الله تقرير كافي ووافي اختي ويعطيج العافية

يالس افكر اسير هونغ كونغ شهر 12 وقت الكريسمس ومعاي المدام وبنتي عمرها سنه وشهرين !

بغيت اعرف كم يوم يكفيني + المترو كيف وخاصة معاي العربانة + وأي نصائح اخرى !

وهل تنصحيني اسكن في نفس فندقكم ! وخاصة اللي واضح انه مرتب وقريب من اهم الاماكن !



مشكوووور أخوي على الثناء و الإطراء و الله يعافيك
بالنسبة لاستفساراتك أخي الفاضل:
أتوقع خمس أيام كفاية لتغطية الأماكن المهمة فيها خاصة إذا مخططين تروحون أكثر من مكان في اليوم الواحد بس إذا ناوين تخلون جدولكم مريح و مب مزدحم وايد مثل جدولنا تقدرون تزيدون يوم أو يومين بعد .
بالنسبة للمترو اخوي الموضوع اظن انه يعتمد على المحطة اللي بتروحولها و الوقت اللي بتروحون فيه يعني مثلا الصبح وقت روحتهم للدوامات المترو يكون أشبه بخلية نحل و خط المترو الأحمر هو عبارة عن قسمين واحد بين جزيرة هونج كونج و جزيرة كولون و هذا زحمته لا تطاق أما القسم الثاني اللي يودي المحطات الثانية في الخط الأحمر فزحمته معقولة و علشان جذي أخوي من رأيي إنك تخلي تنقلاتك متراوحة بين التكاسي و المترو لأنه المترو أحس ما ينفع للأماكن البعيدة بالنسبة للي وياهم أطفال صغار لأنكم بتتلعوزون ويا العربة .

بالنسبة للفندق نحن شفناه ممتاز خاصة موقعه و حجم غرفه لأنه حسب ما قريت في المنتدى و بعض المواقع الثانية إنه أغلب فنادق هونج كونج غرفها صغيرة بس هذا الفندق حجم غرفه جيد جدا أما موقعه فهو ممتاز بكل معنى الكلمة لأنه قريب من أماكن التسوق ، المطاعم الحلال ، محطة المترو و بعض الأماكن السياحية بعد بس هو مب من الفنادق المطلة على البحر.

أنصحك أخوي بعد بزيارة مكاو حلوة و فيها أشياء ما بتشوفونها في هونج كونج تقدرون تباتون فيها بعد إذا حبيتوا أو تروحولها الصبح و تردون المغرب ، الفيري لها من هونج كونج ياخذ حوالي ساعة و فيزتها تطلعونها يوم توصلونها ( أنا افترضت اخوي إنكم من الإمارات ) نحن رحنالها و ان شاء الله بنزل الحلقة الخاصة بها الزيارة قريب ، و ممكن تسكونون يوم في فندق ديزني لاند بعد لأنه وايد حلو .

و أي استفسارات ثانية أخوي أنا حاضرة

تحمست اروح هونج كونج زوجي راح لها عمل يمدح فيها من ناحية النظافه والترتيب-بس بعد هالتقرير الرائع لابد من زيارتها حسيت الديزني فبها من ديزني اورلاندو ولا

تقرير رووووووووووعه يعطيكي العافية

جزء جميل جدا غاليتي..ماااقصرتي معلومات مفيدة..وبالعااافية عليكم الغداء والعصيرات..۔
بانتظار رحلة مكاو....

المشاركة الأصلية كتبت بواسطة انشودة الشتاء
http://www.arabtravelersforum.com/tr...4/#post6404854

تحمست اروح هونج كونج زوجي راح لها عمل يمدح فيها من ناحية النظافه والترتيب-بس بعد هالتقرير الرائع لابد من زيارتها حسيت الديزني فبها من ديزني اورلاندو ولا



مشكووووورة اختي على متابعتك لتقريري و ثنائك عليه
هونج كونج من ناحية النظافة و الترتيب ممتازة و أظن إنها مدينة سياحية من الدرجة الأولى لولا بعض الأمور اللي ذكرتها في بداية التقرير.
و الله اختي للأسف ما زرت ديزني أورلاندو علشان أحكم بس بشكل عام ديزني لاند هونج كونج صغيرة و تقدرين تسوين كل شي فيها في يوم واحد.






المشاركة الأصلية كتبت بواسطة عزوز اللزوز
http://www.arabtravelersforum.com/tr...0/#post6428440

تقرير رووووووووووعه يعطيكي العافية



الله يعافيك أخوي و مشكوووور على الثناء و الإطراء





المشاركة الأصلية كتبت بواسطة beyond expectation
http://www.arabtravelersforum.com/tr...8/#post6449818

جزء جميل جدا غاليتي..ماااقصرتي معلومات مفيدة..وبالعااافية عليكم الغداء والعصيرات..۔
بانتظار رحلة مكاو....



الله يعافيج عزيزتي و قصر الشر عنك
عاد هاذي الحلقة كانت عبارة عن مشهيات و مقبلات خفيفة بس ان شاء الله الوجبة الرئيسية و الدسمة بتكون حلقة مكاو .

اشكرك على هذا التقرير الراتع وهو بحق افضل ما قرات من تقارير والسبب فى ذلك يرجع الى شرحك بكل التفاصيل الخاصه بالزيارات سواء من ناحيه المواصلات او تذاكر الدخول او الالعاب ولكن العيب الوحيد من وجه نظرى هو عدم زياره اوشن بارك فالجميع يقول انها افضل من والت ديزى وكنت ارغب فى معرفه اسعار التذاكر فيها
نحن فى انتظار رحله مكاو على احر من الجمر حتى يمكن معرفه اذاكنا سوف نضعها فى البرنامج ام نلغيها
ارجو ان لا تبخل علينا باى معلومه خاصه تكلفه الانتقال سعر الفيزا هل من الافضل الذهاب مع شركه ام اخذ سياره من هناك اسعار الاماكن الساحيه اهم الاماكن السياحيه
فى الختام الف شكر على هذا التفرير وهو بالفعل يستحق 5 نجوم

تقرير روعه تبارك الله

السلام عليكم

تقرير جميل وشاكرة لج دقتج في ذكر التفاصيل

وبالنسبه للسوق احدى صديقاتي اذكرتلي سوق لمنتجاتهم وتقول انه ملابسهم رائعه ولديهم قطع مميزه راح اسالها عنه عشان تضيفينا لمعلوماتج يمكن تزورين هونج كونج مره ثانية*

صور من الطريق للتاور











طبعا التاور فيه محلات و كافيهات و هاي صورة جانب منها



تذكرة التاور



صور من التاور و الصراحة المناظر اللي شفناها من هذا التاور عجبتنا أكثر من اللي شفناها من ذا بيك






































كانوا مسوين مثل معرض صغير لهالو كيتي و هاذي صور منه











عاملة تنظف التاور من برع ما شاء الله عليها قلبها قوي




و على فكرة لمحبي المغامرة و الإثارة التاور فيهbunjy jumping و sky jumping و sky walking

طول الوقت و نحن في التاور كنت جالسة أدعي و أقول إن شاء الله يوقف المطر علشان نقدر نروح سينادو سكوير لأنه بصراحة خاطري أزوره من زمان و الحمدلله يوم طلعنا من التاور كان المطر موقف و خوفا من إنه يرد يطيح قلنا للسايق ودنا سينادو سكوير senado square على طول .

من الطريق للسكوير















يتبع.....

البرتغالين حكموا مكاو لين سنة 1999 و علشان جذي الكثير من المباني في مكاو مبنية على الطراز البرتغالي و سينادو سكوير هو واحد من الأماكن اللي كل مبانيها مبنية على هذا الطراز ، السكوير وايد حلو بس فيه نقطة وحدة ما عجبتني و هي إنه أغلب المحلات اللي فيه هي محلات حديثة و معروفة يعني حسيت لو أنهم مزجوا بين المحلات الحديثة و بين المحلات اللي تبيع منتجات تراثية بيكون الموضوع أحلى لأنه المكان تاريخي و كل شي فيه لازم تكون فيه لمسة قديمة شويه .

صور من السكوير























بعد اللفة رحنا نريح في ستار بكس و كانت عندهم تشكيلة حلوة من السندويشات و الفطائر النباتية ، و شفنا فيه شلة شباب كوريين من بوسان جلسنا نسولف و ياهم.

عجبني شكل هذا السندويتش



تكملة الصور من سينادو سكوير

















بعدين ردينا السيارة و سألنا السايق الحين وين تبون تروحون؟ قلناله ودنا the venetian قال بوصلكم محطة باصات الفنادق و خذوا باص الفندق و هو بيوديكم لأنه أنا ما أقدر أوصلكم عند بوابة الفندق ، طبعا نحن كنا نبا نسير متحف ماكاو بعد لأنه وايد يمدحونه بس للأسف في الوقت الي رحنا فيه كان مغلق للصيانة.

صور من الطريق إلى محطة الباصات











في محطة الباصات بتشوفون باصات كل الفنادق موجودة و انتو ما عليكم إلا تركبون الباص اللي عليه اسم الفندق اللي رايحيله و بعدين بيوصلكم له مجانا .

صور من الباص



















اسمحولي الحين بروح شويه اريح و عقب كم من ساعة بكمل الحلقة ان شاء الله

بس بغيت أوضح نقطة و هي إنه مكاو تعتبر لاس فيجاس الشرق يعني كل فنادقها فيها كازينوهات و الكثير منها نسخة طبق الأصل عن فنادق لاس فيجاس و الفينيتيان هو واحد من هاذي الفنادق و هو عبارة عن فندق و مركز تسوق متكامل و فيه بعد عروض سيرك و مسرح معروفة وايد في ناس يروحون ماكاو بس علشان هاذي العروض .

شوفوا كيف لوبي الفندق مزدحم





في الطريق إلى المركز



صور المركز



























شفنا في المركز بعد عروس و معرس و وراهم فرقة لابسين لبس إيطالي و يغنون بس مروا بسرعة ما لحقت أصورهم .

بعد جولة التسوق الطويلة حسينا بجوع و اخترنا مطعم إيطالي نتغدا فيه
طلبنا شوربة و سلطة سيزر بالسلمون بس من غير بيكون و بيتزا مارجريتا و نوعين من المعكرونة كنا حابين نطلب ريزوتو بعد بس يوم شفنا شكله في الصورة شكينا أنه فيه خمر سألنا الويتر و قال هي فيه بس إذا تبون بقول للشيف يخفف من الخمر اللي فيه طبعا ما في داعي أقولكم شو كان ردنا .
صور طلباتنا









من ديكور المطعم



بعد الغدا ركبنا الباص اللي يودي الميناء ، و ردينا على فيري الساعة 3:30

عند الميناء شفت عربات قديمة و أنا أصور وحدة منها قام سايقها عصب عليه و أشر لي علشان ما أصوره بس أنا سويت عمري ما أشوف شي و صورته و مشيت .



ما قدرت أصور شي من الفيري لأنه الكراسي اللي عند النوافذ كانت كلها محجوزة .

طبعا الرحلة استغرقت ساعة و بعد الوصول ريحنا شويه و بعدين نزلنا نتجول في الأسواق القريبة من الفندق .

انتظروني في الحلقة القادمة

المشاركة الأصلية كتبت بواسطة drgamal123
http://www.arabtravelersforum.com/tr...8/#post6459208

اشكرك على هذا التقرير الراتع وهو بحق افضل ما قرات من تقارير والسبب فى ذلك يرجع الى شرحك بكل التفاصيل الخاصه بالزيارات سواء من ناحيه المواصلات او تذاكر الدخول او الالعاب ولكن العيب الوحيد من وجه نظرى هو عدم زياره اوشن بارك فالجميع يقول انها افضل من والت ديزى وكنت ارغب فى معرفه اسعار التذاكر فيها
نحن فى انتظار رحله مكاو على احر من الجمر حتى يمكن معرفه اذاكنا سوف نضعها فى البرنامج ام نلغيها
ارجو ان لا تبخل علينا باى معلومه خاصه تكلفه الانتقال سعر الفيزا هل من الافضل الذهاب مع شركه ام اخذ سياره من هناك اسعار الاماكن الساحيه اهم الاماكن السياحيه
فى الختام الف شكر على هذا التفرير وهو بالفعل يستحق 5 نجوم



العفو أخي الفاضل و أشكرك جزيل الشكر على ردك الأكثر من رائع و الثناء و الإطراء
بالنسبة للتفاصيل أنا أحب أذكرها علشان أساعد أي شخص حاب يسافر و هذا هو الهدف الرئيسي من كتابتي للتقارير و أوشن بارك أخوي كانت في المخطط بس للأسف ارتفاع درجة الحرارة خلانا نلغي زيارتها بس حسب موقعهم هاذي هي أسعار التذاكر:
للشخص الكبير : 280 دولار هونج كونجي و للطفل تحت 12 سنة : 140 دولار هونج كونجي

بالنسبة لمكاو أخوي أنا نزلت حلقتها و كتبت فيها كل التفاصيل اللي متذكرتنها و الجنسيات اللي تحتاج فيزا لدخول مكاو موجودة في الرابط : http://www.fsm.gov.mo/psp/eng/EDoN.html








المشاركة الأصلية كتبت بواسطة ريم*الدوحة
http://www.arabtravelersforum.com/tr...2/#post6459492

تقرير روعه تبارك الله



مشكورة أختي على ثنائج على تقريري و الحمدلله إنه نال إعجابكم

المشاركة الأصلية كتبت بواسطة سنغفور
http://www.arabtravelersforum.com/tr...6/#post6469776

السلام عليكم




و عليكم السلام و رحمة الله و بركاته
الله يعافيك أخوي و مشكووووور على الثناء و الإطراء
أظن الشركة اسمها PCCW
و هاذي هي الصورة







المشاركة الأصلية كتبت بواسطة أديــــــــــم
http://www.arabtravelersforum.com/tr...8/#post6469898

تقرير جميل وشاكرة لج دقتج في ذكر التفاصيل

وبالنسبه للسوق احدى صديقاتي اذكرتلي سوق لمنتجاتهم وتقول انه ملابسهم رائعه ولديهم قطع مميزه راح اسالها عنه عشان تضيفينا لمعلوماتج يمكن تزورين هونج كونج مره ثانية*



مشكوورة عزيزتي على ثنائج على تقريري و الحمدلله إنه نال إعجابج
و مشكوووووورة مقدما على اسم السوق و ان شاء الله إذا رحنا مرة ثانية بنروحله .

ما شاء الله وش هالزين
الله يعطيك العافية كل شي جميل و منسق و مرتب
تقرير متعوب عليه الصراحة
بصراحة ابي ارجع له مره ثانية و احلله تحليل لاني ناويه اروح هونج كونج بس قبل اي تخطيط
ابي اعرف الجو كيف رح يكون في اخر مارس ؟ ياليت تفيديني اختي قبل لا ابتدي مشوار التخطيط

والف مليون شكر على كل ما خطته يدك

راااااااااااااائع مشكووورة ماااقصرتي..۔
استمتعت جدا وانا اقرا هذا الجزء،,جدا جميلة جولتكم والسكوير تفتح النفس..۔
سلمت يداك ع هالنقل الممتع
تقبلي تحياتي.........

ما شاء اللله تبارك الله
تقرير ولا اروع
انا شدني التقرير لاني راح اطلع هونق كونق في شهر فبراير الجاي 2012 ان شاء الله
انا طالع عشان مؤتمر طبي بس بعد ما شفت تقريرك عن هونق كونق شكلي ما راح احضر بقضيها دواره

يعطيك العافيه وننتظر البقيه

بااارت ولا احلى للرائعه مكااااو ...
انا مثلك زرت فندق الفينتيان واستمتعت فيه جدا ...القعده فيه بس ترد الرووووح ..
وصور السكوير رااائعه ..يوم زرناه كان فيه تصليحات عشان كذا مااستمتعنا فيه ...!!
تصدقين يوم زرنا مكاو شفنا عائله اماراتيه ابو مع بناته فيوم قريت هالبارت قلت بس اكيد هي الي شفتها بمكاو خخخخخ بس يوم قريت موعد زيارتك بعد عيد الفطر عرفت انه مو انتي ..زيارتي كانت بشعبان تقريبا ...
اذا فضيت نزلت لكم تقرير عنه ان شاء الله ...
مستمتعين معاك حبيبتي ...واصلي ..

اسم السوق اختي سوقو اللي قتلج عنه بهونج كونج*

وكل عام والامارات بالف خير وماشاءالله كان خوش اختفال ومتعوب عليه*

موضوعك رووووعه واستفدت منه كثيييير

ابي سال كيف حجزتي الفطور في فندق ديزني لاند ؟؟

يعطيك العافيه

المشاركة الأصلية كتبت بواسطة Never2late
http://www.arabtravelersforum.com/tr...4/#post6477154

ما شاء الله وش هالزين
الله يعطيك العافية كل شي جميل و منسق و مرتب
تقرير متعوب عليه الصراحة
بصراحة ابي ارجع له مره ثانية و احلله تحليل لاني ناويه اروح هونج كونج بس قبل اي تخطيط
ابي اعرف الجو كيف رح يكون في اخر مارس ؟ ياليت تفيديني اختي قبل لا ابتدي مشوار التخطيط

والف مليون شكر على كل ما خطته يدك



مشكورة عزيزتي على ردك الرائع و الراقي و المشجع

و أعتذر عن تأخري في الرد عليج لأني بصراحة كنت متعقدة من شكل المنتدى الجديد و كل يوم أدخل المنتدى علشان أشوف إذا رجعت الصور نفس قبل و الحمدلله اليوم شفتها بحجمها الطبيعي فستانست وايد و انفتحت شهيتي للرد .

بالنسبة للجو في نهاية مارس غالبا بتكون درجات الحرارة في بداية العشرينات و ممكن تنزل عن العشرينات أحيانا.

العفو أختي و إذا خطرت في بالج أي استفسارات ثانية ما يردج إلا لسانج.

المشاركة الأصلية كتبت بواسطة beyond expectation
http://www.arabtravelersforum.com/tr...4/#post6478714

راااااااااااااائع مشكووورة ماااقصرتي..۔
استمتعت جدا وانا اقرا هذا الجزء،,جدا جميلة جولتكم والسكوير تفتح النفس..۔
سلمت يداك ع هالنقل الممتع
تقبلي تحياتي.........



ردج الأروع غاليتي و الحمدلله إنه جزء مكاو نال إعجابج و استمتعتي بقرائته
و الله مكاو اختي وايد حلوة و فيها وايد أماكن سياحية ثانية ما رحنالها طبعا بسبب المطر الغزير اللي أعاق حركتنا نوعا ما بس بشكل عام استانسنا فيها وايد و صدقج الله السكوير وايد يفتح النفس و مكان رائع جدا لمحبي التصوير .

الله يسلمج عزيزتي و مشكورة على متابعتج المستمرة للتقرير.

المشاركة الأصلية كتبت بواسطة dr-cyto
http://www.arabtravelersforum.com/tr...4/#post6480814

ما شاء اللله تبارك الله
تقرير ولا اروع
انا شدني التقرير لاني راح اطلع هونق كونق في شهر فبراير الجاي 2012 ان شاء الله
انا طالع عشان مؤتمر طبي بس بعد ما شفت تقريرك عن هونق كونق شكلي ما راح احضر بقضيها دواره

يعطيك العافيه وننتظر البقيه



الله يعافيك أخوي و مشكور على ثنائك على تقريري والحمدلله انه نال إعجابك .
و ان شاء الله تستمتع في رحلتك لهونج كونج خصوصا لأنه الجو في هاذي الفترة بيكون حلو

المشاركة الأصلية كتبت بواسطة سارووونه
http://www.arabtravelersforum.com/tr...0/#post6481720

بااارت ولا احلى للرائعه مكااااو ...
انا مثلك زرت فندق الفينتيان واستمتعت فيه جدا ...القعده فيه بس ترد الرووووح ..
وصور السكوير رااائعه ..يوم زرناه كان فيه تصليحات عشان كذا مااستمتعنا فيه ...!!
تصدقين يوم زرنا مكاو شفنا عائله اماراتيه ابو مع بناته فيوم قريت هالبارت قلت بس اكيد هي الي شفتها بمكاو خخخخخ بس يوم قريت موعد زيارتك بعد عيد الفطر عرفت انه مو انتي ..زيارتي كانت بشعبان تقريبا ...
اذا فضيت نزلت لكم تقرير عنه ان شاء الله ...
مستمتعين معاك حبيبتي ...واصلي ..

مشكووووورة غاليتي على ردج الرائع و متابعتج الدائمة للتقرير
و مكاو و الله حلوة ما تتفوت خاصة السكوير وايد عجبنا ما تحسين فيه انج في بلاد آسيوية ان شاء الله تزورونه مرة ثانية و تسمتعون فيه.
و اعتذر لأني تأخرت في إكمال التقرير لانه و الله تعقدت من شكل المنتدى الجديد و مشكلة الصور

المشاركة الأصلية كتبت بواسطة أديــــــــــم
http://www.arabtravelersforum.com/tr...5/#post6487995

اسم السوق اختي سوقو اللي قتلج عنه بهونج كونج*

وكل عام والامارات بالف خير وماشاءالله كان خوش اختفال ومتعوب عليه*



مشكووورة اختي ما قصرتي
سوقو نحن اكتشفنا في اليوم قبل الأخير لنا في هونج كونج و علشان جذي للأسف ما تسوقنا فيه بما فيه الكفاية
و مشكوووورة عزيزتي على التهنئة الحلوة و الله يديم علينا و عليكم العز و الأمان.

المشاركة الأصلية كتبت بواسطة jador
http://www.arabtravelersforum.com/tr...5/#post6499065

موضوعك رووووعه واستفدت منه كثيييير

ابي سال كيف حجزتي الفطور في فندق ديزني لاند ؟؟

يعطيك العافيه



الله يعافيج اختي و مشكوورة على ردج المشجع و ثنائج على تقريري
بالنسبة للفطور اختي انا بعثت ايميل لفندق ديزني لاند ( الايميل موجود في موقعهم على النت) و سألتهم عن كيفية الحجز و قالوا لي انه الحجز يكون عن طريق الاتصال فاتصلت فيهم وحجزت و ما سألوني إلا عن التاريخ و الوقت و الاسم.

السلام عليكم ورحمه الله وبركاته

مرحبا و سهلا

ماشالله عليج .. مبدعه وكلمه مبدعه قليله في حقج

الواحد مايدري يبدا باي موضوع .. موضوعج هذا ولا موضوعج الي عن كوريا ..

مب مطول عليج لكن عندي بعض الاستفسارات

انا ناوي ازورها هونغ كونغ + كوريا شهر 7 الياي .. طبعا الي فهمته من موضوعج ( مع اني للحين ما خلصته) انه شهر 7 عندهم حر و رطوبه .. هل تشوفين ان الجو يلعب دور في الطلعات و الوناسه ..انا انسان ماحب الحر و الرطوبه !!

وثاني استفسار .. عندج فكره كيف بيكون الجو في كوريا شهر 7 ؟؟ ناوي ازورها سياحه

كل الشكر لج

المشاركة الأصلية كتبت بواسطة سبع الامارات
http://www.arabtravelersforum.com/tr...3/#post6527233

السلام عليكم ورحمه الله وبركاته

مرحبا و سهلا

ماشالله عليج .. مبدعه وكلمه مبدعه قليله في حقج

الواحد مايدري يبدا باي موضوع .. موضوعج هذا ولا موضوعج الي عن كوريا ..

مب مطول عليج لكن عندي بعض الاستفسارات

انا ناوي ازورها هونغ كونغ + كوريا شهر 7 الياي .. طبعا الي فهمته من موضوعج ( مع اني للحين ما خلصته) انه شهر 7 عندهم حر و رطوبه .. هل تشوفين ان الجو يلعب دور في الطلعات و الوناسه ..انا انسان ماحب الحر و الرطوبه !!

وثاني استفسار .. عندج فكره كيف بيكون الجو في كوريا شهر 7 ؟؟ ناوي ازورها سياحه

كل الشكر لج



و عليكم السلام و رحمة الله و بركاته

مرحبا بك اخوي في تقريري المتواضع و اعتذر على تأحري في الرد
و مشكوووووور جزيل الشكر على ردك الرائع و المشجع و الصراحة ما في شي يشجعني على كتابة التقارير كثر ردود أعضاء المنتدى الكرام الأكثر من رائعة

اخوي بالنسبة لهونج كونج هي في هذا الوقت تكون حارة بشكل عام و مسألة تأثيرها على الطلعة و الوناسة تعتمد على الشخص يعني نحن من النوع اللي يتعب من الحر و عشان جذيه لغينا أوشن بارك من الجدول و بعض الأماكن المفتوحة ما استانسنا فيها وايد بسبة الحر فمن رأيي أخوي بما أنك ما تحب الحر لو تزور هونج كونج في و قت ثاني غير شهور الصيف بيكون أحسن.

أما كوريا فنحن زرناها مرة في نهاية شهر 7 و كان الجو بشكل عام حلو أغلب الأيام كانت درجة الحرارة في العشرينات .

العفو اخوي و أي أسئلة ثانية أنا حاضرة

ماشاء الله عليج اختي كفيتي ووفيتي بهالتقرير الجميل فعلا هونج كونج تستاهل الزياره وتقريرك عيشنا الجو كانا مسافرين معاكم

بالتوفيق ان شاء الله

اول ما قريت اسم مكاو قعدت افكر الاسم مو غريب علي .. يوم شفت القوارب تذكرت
شايفته بمسلسل كوري هههههه

كامساميدا اووني

معلومات و رحلة جميلة

ماشاءالله تقريير يفتح النفس ^^

شكلي بهوون عن المالديف

متابعينــ