الموضوع: رحلتي الى فرنسا كان و باريس اول تقرير واقعي عن عاصمه الريفيرا

وايييييييي على فرنسا..قلبي عورني وانا اشوف الصور مع اني راجعه من شهر لكن احس اني ماشبعت والله عقب صورك ودي اسافر لها الحين.....الجو الحلو والمطر والمناظر الحلوة والطبيعه الخضرا...
احلى من جي مافي...واحلى صورة عجبتني بوتيك لوي فيتون...خخخخخ

Abdulaziz مشكور على الكلام الحلو و على اشرافك على المنتدى الاحلى :113:
عاشقه دبي الله يعافيج ..مو مشكله الصيف الياي نسوي رحله جماعيه لاعضاء المنتدى :109:
ام ياسمينا ماكو فايده الحريم ما يعجبهم الا السوق :109: خليتي كل المناظر ما عجبج الا لويس فيتون
خـــــاص ولله لو راده علي اصعد فوق الدور الثالث
و بالنسبه للفندق اهو بكان مو نيس اسمه (كروازيت بيتش هوتيل) و سعره بالليله 60 دينار يعني تقريبا 160-165 يورو (على حسب صرف العمله) الصراحه الفندق اكثر من رائع للي ما يحب الفشخره الزايده

اخوي mzwd يعطيك العافية :x1:

عندي سؤالين لو تكرمت :
1- كم كلفت الرحلة لشخص واحد ( سكن + تذاكر ) احسبها لي بالدولار لو تكرمت ؟؟
2- كم يوم كانت الرحلة ؟؟ وهل تستاهل الواحد يروح لنيس وكان + باريس ولا كان + باريس فقط ؟؟

وشكرا لك

روما666





1- كم كلفت الرحلة لشخص واحد ( سكن + تذاكر ) احسبها لي بالدولار لو تكرمت ؟؟



بالنسبه لسفرتنا اختلفت التكلفه بالنسبه للمشتريات لكن مبدئيا كانت بين 3570 لغايه 4285 دولار للشخص الواحد (للعلم السكن في باريس في اللاديفانس وفر علينا وايد) طبعا مع مشتريات معقوله (بالنسبه للحريم احتمال يطلع الضعف :109: )






2- كم يوم كانت الرحلة ؟؟ وهل تستاهل الواحد يروح لنيس وكان + باريس ولا كان + باريس فقط ؟؟



رحلتنا كانت تقريبا اسبوعين 4 ليالي في كان و 9 ليالي في باريس
و بالنسبه للمناطق انا ارشح زياره كان لمده 5-7 ايام و منها زياره (موناكو- نيس -سانت تروبيز ) و مهم انك ما تطوف مهرجان الالعاب الناريه اذا بتزورها خلال الصيف (بين شهر 6 و 8) طبعا السكن يكون بكان لأنها اونس (يكفي فيها التمشي على البحر) صج ان الجدول اليومي شبه مكرر لكن غير ممل بالمره و بالنسبه لباريس يكفيها بين 4-6 ايام بكل معالمها و اسواقها المعروفه (الشانزليزيه و غالاري لافاييت و مجمع باللاديفانس) و هالاسواق فيهم كل شي تقريبا و يفضل الخروج صباحا لزياره المعالم السياحيه عشان تكسب الوقت

للعلم باريس تكفيها زياره وحده (خصوصا اذا الواحد شاف كل معالمها السياحيه) اما كان تستاهل الواحد يزورها مره ثانيه لأنها منطقه راحه و استجمام

و اقرب المناطق و الدول للجنوب الفرنسي شمال ايطاليا (ميلان و فينيسيا) و برشلونه في اسبانيا
و من الشمال يمكن زياره لندن ....تنفع هالخطه حق الي يحب يزور فرنسا و الدول المجاوره

تقريرك ... رائع بمعنى الكلمة ...
ونشكرك على هالصور وعلى هالمعلومات....
.
بس ابي اسالك .. ينفع الواحد يسكن بعيد عن الشانز... ويروح لها بالميترو يوميا ...
يعني تشوف فية توفير لو سويت كذا ...؟؟
بعدين الرير والخط الاصفر رقم واحد مو كلهم زي بعض . يعني تذكرتهم واحدة ؟
والف الف شكر ... على موضوعك المميز
تحياتي:24:

abo awad
بالنسبه للسكن بعيد عن الشانز ممكن و الذهاب يوميا بالمترو ايضا ممكن لكن ممكن يكون ممل للبعض خصوصا ان القطارات توقف الساعه 1 ليلا

و من ناحيه التوفير فالمترو شي طبيعي اوفر من فرق السكن بالشانز

و بالنسبه للتذاكر فالتذكره تستخدم للميترو و RER و الباصات
التذكره الواحد تكلف اقل من 2 يورو و اذا كانت مشاوريك وايد باليوم الواحد يعني تطلع من الفندق و ترجعله اكثر من مره باليوم تقدر تاخذ التذكره اليوميه المفتوحه (و اهي نفسها الي توصلك للمناطق البعيده مثل ديزني لاند و قصر فرساي) او الاسبوعيه

موضوع رائع مررررررررررررررررررررررررررررررررررررررررررره
:113:

انا كنت في باريس وتمنيت اني زرت كان بس ماسمحتلي الفرصه :110:

معليش السنه الجايه :101:

alsuroor الصراحه كان ما تتفوت و اذا حبيت تزور فرنسا مره ثانيه ماله داعي تزور باريس و الافضل انك تزور الجنوب الفرنسي

السلام عليكم أخ mzwd
عندي سؤال بالنسبه للموقع الي حجزت منه الشقهhttp://www.pierre-et-vacances.co.uk
بصراحه ماعرفتله..موعارفه احدد المنطقه الي ابيها حست فيه ماطلعلي غير خيارين مومحدد موقعهم وين بالضبط...انا ابي شقق في paris وgrenoble حق شهر يناير الياي انشاءالله فابي مساعدتك اذا ماعليك امر

bent al-kuwait
للأسف اني ما جربت الموقع لأن حجزنا كان عن طريق جماعه لنا كانوا موجودين بباريس بنفس الفندق
و احنا اغلب سفراتنا كلها عن طريق مكان السفريات
بس ان شاءالله اذا عرفت الطريقه راح اعطيج خبر و آسف اني ما قدرت اساعدج بالموضوع

http://www.pierreetvacances.com/scri...City&langue=en

هذا اللنك لشقق بيير فكانس واسمها (كلبر)وتبعد عن سنتر الديفانص كيلومتر بالتمام والكمال.وهناك بيير فكانس آخر اسمه (لو بارك)ويبعد نص كيلومتر عن السنتر لكن غرفه صغيره وهناك تمثال ماودك تمر من عنده

المستثمر الدولي
يعطيك العافيه على مساعدتك و افادتك

الجود من الموجود
الله يسلمك و مشكور على المرور

اخي الكريم لم تذكر سعر الغندق بكان ؟


تحياتي

جنتلمان نجد الله يسلمك
اخوي الاوربي شاكرك على مرورك و استفسارك

و بالنسبه للسؤال انا جاوبت عليه بالصفحه السابقه ردا على احد الاعضاء






بالنسبه للفندق اهو بكان مو نيس اسمه (كروازيت بيتش هوتيل) و سعره بالليله 60 دينار يعني تقريبا 160-165 يورو (على حسب صرف العمله) الصراحه الفندق اكثر من رائع للي ما يحب الفشخره الزايده



و الفندق يتبع سلسله فنادق Mecure
واذا عندك اي استفسار ثاني هم حاضر و من عيوني

مشكور اخوي علي التقرير الحلو
الله يعطيك الف عافيه

دُرَر الكويت الله يعافيك او يعافيج :101:

بصراحه هذي السفرات السنعه الي تشمل كل شي السياحه والتسوق انا بصراحه راح اقلد سفراتك انشالله هالسنه دزردورف وبعدين كان فكيتني من التخطيط والتفكير :114: بس عندي سؤال سوق دزردورف نفس اسوقتنا بالكويت ولاكثر واحلي والله يعطيك الف عافيه:113:

تويتى75 للعلم ان سفرتي كانت ناقصه وايد شغلات لأني بصراحه ما بحثت عدل قبل السفر الا شي بسيط خصوصا بسفره المانيا و تقدر تاخذ فكره اكثر من المواقع الي ذكرتهم في نهايه كل مشاركه خاصه بكل منطقه و بسفرتنا ما رحنا متاحف او اماكن تاريخيه لأن الربع مو من محبي التاريخ مثلي

و بفرنسا نفس الطريقه بالنسبه لكان انا ذكرت الاماكن الي زرناها و الاماكن الي تستحق الزياره شرط انك تقعد فيها بحدود اسبوع مثل الجزيره الي مقابل كان و التمشي بنيس و زياره الاماكن السياحيه فيها و الذهاب الى سانت روبيز الي اهي مصيف مشاهير هوليوود

اما باريس لأني زرتها من قبل سنه 1999 فعندي فكره عن الاماكن السياحيه الي فيها و تظل اماكن ما زرناها و على العموم باريس تعتبر في احدى السنوات المركز الاول من ناحيه السياحه و انا اشوف ان زياره وحده تكفيها لمده اسبوع او 10 ايام بالكثير

بالنسبه لسؤالك عن الاسواق انا اشوف انها كمستوى مو احسن من الكويت لأن الكويت الحمدلله كل شي فيها لكن الي يميز المانيا وجود ماركات غير موجوده بالكويت و توفر بضائع ايضا غير موجوده بالكويت (تخيل كنت ادور على تيشرتات بولو بالكويت ما حصلت شي سنع و هناك حصلتهم بالهبل كل الالوان الي تتخيلها موجوده) بس الشي الحلو الي عندهم ان تقريبا اغلب المحلات تبيع اشهر الماركات مع بعض يعني تزور محلين او ثلاث محلات كبار يكفي و تحصل فيهم كل الي تبي و ما تحتاج تروح للوكيل و ديزلدزرف ما راح تتعب بالسوق لأنه بشارع واحد فقط (خل ام العيال تتسوق و انت اقعد بكافيه و عدل مزاجك بقهوه ) ) بالنسبه لنا خلصنا السوق بيوم واحد اما الحريم الله اعلم اشكثر يبيلهم

ملاحظه اخيره : السوق متشابه بكل مناطق المانيا يعني تسوق بمنطقه وحده و استانس بالباقي

aua شكرا على الرد الحلو

تويتى75 عذريني اختي ولله الواحد مرات ما يعرف من النك اذا الي قاعد يكلمه واحد ولا وحده

على العموم اهم شارع بدزلدورف اهو كونيغسالي الي فيه اغلب المحلات و اهو تقريبا مثل شارع سالم المبارك (السوق القديم) بس هناك عندهم نهر بالنص بين السايدين بدل الرصيف الي بالكويت و طبعا فرق مستوى المحلات و توصي بالميزانيه الي على ظهر المأسوف على شبابه ابو العيال

حاسبه حسابي عدل بالميزانيه :24: بسألك تصلح للاطفال وبصراحه عندي طفل بو سنه متردده اخذه او اخليه شلون جوهم.... وزحمه لويه وله عادي بشنو تنصحني

زحمتها عاديه و جوهم وايد حلو لما رحتلها شهر 8 كنت البس تيشيرت فوقه جاكيت خفيف بس الصراحه بردهم حلو و منعش مو مثل بردنا
الزبده اخذي ملابس ربيعيه جم طويل بس خفيف او صيفي مع جاكيت او بلوفر خفيف

عن نفسي ما افضل السفر للاطفال اقل من سنتين او 3 بشكل عام بس اذا عندج استعداد تجابلين ولدج هذا شي يرجعلج و اذا مالج خلق و ودج تاخذين راحتج بالروحه و الرده و ماترتبطين بالياهل و لويته و ازعاجه هذا غير ازعاج الناس بالطياره و غيره (لأن الصراحه هالشي يزعجني شخصيا) خليه عند اهلكم بالكويت

مشكوووووووووووور كلامك ريحني شكلي بخليه والله يعيني :110: كافي علي الاثنين الي معاي غير بو العيال وانشالله نستفيد من مواضيعك الباقيه للسنه الجايه:101:

المشاركة الأصلية كتبت بواسطة mzwd
http://www.arabtravelersforum.com/tr...6/#post1089496

دُرَر الكويت الله يعافيك او يعافيج :101:





مرحبا اخوي مزود
الحين بذمتك درر اسم بنت والا ولد :105:
خلاص نادني ام عبدالعزيز :101:

اهم شي في هذا الموضوع ماقلته وهو

منوين اجرت الفنادق و بكم و كيف تتمشى بالسياره و انت ما تدل شي في المدن ذي؟؟؟؟

FSOLY
بالنسبه لأسعار الفنادق ذكرت هالنقطه اكثر من مره تقدر تشوف الردود السابقه (الصفحه السابقه) و الحجز كان عن طريق مكتب سفريات بالكويت اما باريس فكان الحجز عن طريق اهل صاحبنا الي كانوا ساكنين بنفس الفندق فحصلنا سعر ارخص






كيف تتمشى بالسياره و انت ما تدل شي في المدن ذي؟؟؟؟



طرق كان و المناطق القريبه منها سهله وبسيطه و في خط سريع يوصل بين المناطق (تدفع فيه رسوم) و خط ساحلي(مجاني) الطريقين يمرون على مناطق الريفيرا (موناكو - نيس - كان - سانت روبيز -...) و الخرائط متوفره عند الرسبشن بالفندق او المكتبات و اذا حصلت سياره فيها navigation يكون احسن

بس اذا ما عندك نيه تطلع بره كان يفضل انك ما تأجر سياره لأنك راح تتعب بالمواقف و كان صغيره بحيث انك ما تحتاج سياره فيها
و اذا حبيت تطلع بره فيفضل سياره عن القطار عشان تستمعت بالطريق و يفضل سياره كشف عشان تستمعت بالجو الحلو

la reine مشكور (يعني يكون فاهم فرنسي :109: )

ولو انها متأخره كثير بس الحمدلله على السلامه

تقرير أكثر من رائع وصور أروع ومعلومات قيمه

يعطيك العافيه على هل الجهود الطيب

أخي الفاضل تقريرك اكثر من رائع وبصراحه شوقتنا على السفر

انا عندي شويه استفسارات واتمنى الاجابة عليها

1- اي مدينة ترشحها للسكن في الريفيرا الفرنسية مونت كارلو-نيس - كان - موناكو
2- عدد الايام في كل مدينة
3-انا شيكت على اسعار الفنادق في كان لقيتها غالية نار، خصوصا ان احنا عائلة كبيرة فاقترحت على زوجي نسكن في نيس اهون من كان فشرايك؟ تسوى نيس نسكن فيها ونمر على كان بالسيارة ولا لازم نسكن في كان احلى؟

احنا عائلة مكونة من خمس اشخاص تنصحنا بشقة ولا فندق ووين؟

واسفين على الازعاج ياولد بلادي

أم علاوي






1- اي مدينة ترشحها للسكن في الريفيرا الفرنسية مونت كارلو-نيس - كان - موناكو



اولا مونت كارلو جزء من موناكو
ثانيا بالنسبه للي شفته بعيني موناكو ما تستاهل اكثر من يوم واحد و للأسف اني ما نزلت بنيس بس مريت عليها مرور الكرام فما اقدر احكم عليها بس كان تستاهل الواحد يسكن فيها لأنها ونيسه و التمشي على البحر لغايه 2 او 3 الفجر و الوضع امان و اذا تحبون السباحه فشاطئ نيس صخري و شاطئ كان رملي






2- عدد الايام في كل مدينة



اسبوع يعتبر كافي للمناطق كلها (كان- نيس -موناكو) مع تأجير سياره للتنقل بينهم






3-انا شيكت على اسعار الفنادق في كان لقيتها غالية نار، خصوصا ان احنا عائلة كبيرة فاقترحت على زوجي نسكن في نيس اهون من كان فشرايك؟ تسوى نيس نسكن فيها ونمر على كان بالسيارة ولا لازم نسكن في كان احلى؟



المشكله اني ما شفت شي بنيس عشان اقدر احكم عليها كل الي مريته فيها 10 دقايق بالسياره بس
بس على العموم الطريق بينهم تقريبا ربع ساعه او 20 دقيقه بالسياره و انصح بالطريق الساحلي لأنه مجاني و مناظره حلوه و تقدرون تتنقلون بين المناطق كل يوم و على فكره نيس تكون بالنص بين كان و موناكو و بين نيس و موناكو يمكن 10 دقايق بالسياره

طبعا بالنهايه راح اتحيز حق كان و اقول انها احلى و ماراح تتحسفون للسكن فيها حتى لو كانت اغلى






احنا عائلة مكونة من خمس اشخاص تنصحنا بشقة ولا فندق ووين؟



ولله كل شي يعتمد على ميزانيتكم و مستوى الفندق الي تبون تسكنون فيه او الشقق
و المنطقه حلوه بشقه ولا فندق
و بالنسبه للاسعار اكيد الفنادق الي على البحر تكون اغلى بس فندقنا كان داخل شارع بس نشوف البحر من البلكونه سعره تقريبا نص اسعار الفنادق الي على البحر و في فنادق وايده تكون داخل بس بالنهايه البحر ما يبعد عنهم اكثر دقيقتين مشي لأن المنطقه صغيره و ملمومه


بالنهايه اعذريني اختي اذا ما جاوبت على اسألتج بالشكل المطلوب و اذا في استفسارات ثانيه انا بالخدمه و مشكوره على مرورج

أم علاوي ولله الواحد قام يحتار يروح اي دوله و وده يروح كل الدول بسفره وحده

بس الله يستر لأني قريب اتوظف ان شاءالله فما يندرى متى اقدر آخذ اجازه عشان اسافر فيها

المشاركة الأصلية كتبت بواسطة mzwd
http://www.arabtravelersforum.com/tr...3/#post1125823

أم علاوي ولله الواحد قام يحتار يروح اي دوله و وده يروح كل الدول بسفره وحده

بس الله يستر لأني قريب اتوظف ان شاءالله فما يندرى متى اقدر آخذ اجازه عشان اسافر فيها



الله يوفقك وتلقى الوظيفة المناسبة :24: وتسافر من معاشك :109:

الله يعطيك العافيه تقرير حلو .. خاصه ان المنتدى ما فيه مواضيع ومعلومات كافيه عن كان ..
بس في اماكن كثيره في كان مارحتها .. وخساره انك ما قضيت يوم تتمشى فيه بنيس تراها حلوه ..
شكلك رحلتكم كانت بحريه

بالنسبه لفندق كالرتون الله عليه
وهو تابع لسلسلة فنادق انتركونتنتال .. الفندق راقي ومعاملتهم حلوه .. لكن اللي ما عجبني فيه مواقف السيارات .. جد غااااااااااااااااااااااليه بطريقه مبالغ فيها .. واحنا كنا فاكرينه مجاني لان احنا حاجزين بالفندق ..

بنت القصيد
بما انج كنتي ساكنه بكارلتون ياريت تعطيني اسعار الغرف فيه

عاد تصدقين كنت متوقع ان السيارات الي واقفه مجاناً
احنا لما اجرنا سياره ما وقفناها بمواقف الفندق لأنها غاليه شلون مواقف كارلتون
على العموم فندقنا جنب فندقكم (طلعنا جيران :109: )

سعر الغرفه بشهر اغسطس 225 يورو .. وعلى فكره لو تحاول تحجز من الحين ماراح تلاقي حجز ..





عاد تصدقين كنت متوقع ان السيارات الي واقفه مجاناً



واحنا بعد كان موقف بااااااااايخ لان واحنا طالعين انصدمنا بالفاتوره ,,
كل ما ندخل الفندق يجينا العامل وياخذ السيارة ويصفها بالباركنج .. على فكره الباركنج يبعد 5 دقايق عن الفندق .. توقعنا الخدمه مجانيه .. وزوجي كل مايجي العامل ياخذ منا السياره يعطيه بخشيش لو ندري ان الخدمه بفلوس ما بخششناهم ..





احنا لما اجرنا سياره ما وقفناها بمواقف الفندق لأنها غاليه



يعدي عليكم طلعتوا شطار مب من ربعنا

سعر الكارلتون حلوو والله توقعت اغله مقارنه باسعار باريس .. طيب حبيت اسال الحين اذا مثلاً عددنا 8 وحجزنا 3 غرف يكون اوكي والا يدققون على اللي معاكم لاني معانا 2 صغار بس فوق 15 .. لان صارت لنا سالفه بايطاليا بفنيسيا بالتحديد ماارضوا يدخلونهم معانا ورفضوا يقولون كل غرفه فيها 2 بس قلنا مب مشكله هم معانا وسواو لنا سالفه لي حجزنا لهم غرف هم بروحهم ..؟؟ مع العلم ان بالمانيا وبفيينا مااسوا معانا جذي ..

أم حمده مشكوره اختي على الكلام الحلو
سامحيني على التأخير في الرد لأن توني اشوف الايميل

ان شاءالله تعطيني فرصه اقل من يوم وماراح تلقين الا الي يسرج

:24::24::101:شكرآ اخي هذا شيمنا في المسافرون العرب

ماشاء الله تبارك الله مووووووضعك راااااااااااايق

صحيح ان مافيه تفاصيل بس سهل وممتع

الله يعطيك العافية

مشاء الله عليكم تقرير جميل ورائع ورحلة لكم لن تنسى

الف الف شكر عالتقرير الرائع

ماقصرت وتسلم يمناك

:24:

شكرآ اخي العزيز الله لايحرمنا من تقاريركم اللي تشرح النفس وتعطي الامان للواحد والطمأنينه

بس لي سؤال

وين تنصحني ارووح في نيس او اشياء مافوتها في نيس لاني بقعد فيها 6 ايام ايضآ

وهل يوجد العاب ناريه ايضآ في نيس


وتم طباعه جدول كان

اختي لأسف ما عندي فكره عن نيس لأني مربت فيها مرور الكرام بس بس اتوقع في موضوع عن نيس للأخ تان تان

ماله داعي تحجزين بكان و نيس لأن المسافه بينهم تقريبا ثلث ساعه بالسياره يكفي السكن بمنطقه وحده منهم و تزورون الثانيه و للعلم السكن بنيس ارخص لكن كان اونس

و بالنسبه للالعاب الناريه موجوده بكان بس و يزورها الناس من كل فرنسا و ايطاليا

و بالتوفيق

تبدي الالعاب الناريه الساعه 10 مساءا صادف يوم الاثنين بس اتوقع ان المفروض يكون بيوم ثاني لكن تأجل بسبب الجو

المنطقه امان قصى درجه و للعلم العوائل الخليجيه كل يوم تقعد و تتمشى على البحر لغايه الساعه 2 او 3 الفجر

و ما شفت ان احد تعرض لأحد لأن المنطقه تعتبر مصيف اثرياء العالم يعني كل الي بالمنطقه شايفين خير و المنطقه آمنه روحي و لا تحاتين شي

ما شاء الله
تقريرك رووووووووووعه
الحمدلله انكم استانستو
يعطيج العااااااااااااافيه

http://www.asmilies.com

المرام




يعطيج العااااااااااااافيه



؟؟؟؟:114:
على العموم الله يعافيج :109:

سمسم2006 العفو

كورليوني الله يعافيك اخوي و مشكور على الرد

الحمدلله على السلامه وتقرير جدا جدا راائع اخووي ..


ماقصرت ابد تسلم يمنااك على الصور ..


وكااااااااااان مره مره مره حلوه صورها وان شالله ازوها ..

يعطيك الف عافية على التقرير الرائع والجميل

عديمة الإحساس و hmoodi الله يعافيكم

الله يعافيك

مزود
ألف شكر لك أخوي
وتقرير رائع جداً .. أستفدت منه كثيراً

بأستفيد من خبرتك ومعلوماتك

أريد برنامج كامل لزيارة الأماكن السياحية في باريس .. لمدة 4 أيام؟
هل ممكن تجهزه لي قبل الثلاثاء القادم.
مع العلم أنني أمشي كثير .. وبرنامجي يبدأ من 8 صباح حتى 9 بالليل.

أنتظر برنامجك.

مع خالص احترامي

شكرا عالتقرير الرووووعة...

بس عندي سؤال بسيط ..انا ان شاء الله حأكون بكان من 16 الى 20 اغسطس .. هل بيكون بها التوقيت اي مهرجانات فيها .. مثل مهرجان الالعاب النارية او المهرجانات السينمائية ؟؟

مشكوووووووووووووورين مقدماً

بالنسبه للمهرجانات ماني متأكد بس اذا ماني غلطان انا حطيت موقع المهرجان بالموضوع تقدر تتأكد من موقعهم اضمن

و مهرجان كان السينمائي يكون شهر مارس

عن جد اخوي mzwdتقرير اكثر من رائع الله يعطيك العافيه وجزاك الله خير

:24:

واااااااااااااااااااااااو
صراحة تقرير و لا اروع
شي خيال الف شكر

يسلموا على التقرير الحلوو بس لاحظت انكم راكبين قطار و5 ساعات مراااا تعب وين المترو اللي يقولوا عليه ولا مو عندهم بمكان ثاني ولا وش القصة والمترو اريح واسرع من القطار العادي بمليون مرة

السندريلا سوسو بالنسبة للمترو يكون موجود داخل المدن فقط يعني داخل باريس بس و يوصل لاماكن متقاربه (قوس النصر - المسله المصريه - متحف اللوفر - برج ايفل - ..) و يغطي تقريبا كل مدينه باريس

بالنسبه للمسافات مثلا المترو بين قوس النصر و الاديفانس راح يوقف بخمس محطات اما القطار العادي RER راح يوصل دايركت

يعني القطار العادي RER يستخدم للمسافات الابعد نسبيا يعني يوصل لي قصر فرساي و ديزني لاند او يختصر بعض مسارات المترو

و اذا ما خانتني الذاكره في قطار سريع اهو الي يوصل بين المناطق الفرنسيه و يطلع من محطات رئيسيه بس
مثل محطه paris gare de lyon هالمحطه توصل بين باريس و المناطق الخارجية و في قطار بعد يوصل بين الدول (فرنسا - سويسرا - ايطاليا)

و خريطه القطارات موجوده بكل المحطات تبين كل محطه و شنو نوع القطارات الي توصل فيها

العالم العفو اخوي و الله يعافيك