يعطيك العافيه خووووش تقرير
استمتع وانا اقراه ودقيق حتى بالاسعار ولقيت مبتغاي فيه
لكن اخوي بغيت اسئلك عن اسم الشقه بالضبط اللي سكنتوا فيها باللاديفانس لاني دخلت الموقع اللي انت حاطه افتر راسي Pp;
لاني ابي سكن حلو ومرتب ورخيص حق 8 اشخاص واغلبهم اطفال وعجبني المكان
وشنو السوبر ماركت اللي تقضيت منه وباسعار رخيصه باللاديفانس ماذكرت اسمه ؟؟
وللمره الثانيه يعطيك الف عافية على الموضوع
مشكور اخوي ما قصرت
لكن هذا غير عن اللي ذكرته اول
هذا اسمه Adagio City Aparthotel Kleber - Paris
والاسم اللي قاعده تذكره بيير اند اكانس غير
سامحني اذا ازعجبتك بس ميخالف ابي اتاكد
يمكن يكون هذا اسم الفندق بس اهو يتبع شركه بيير اند فاكانس
مثل فندق كان اسمه كرووزايت بيتش هوتيل و يتبع شركه ميركيور
و بعضهم يتسمى على المكان الي فيه الفندق
و هلم جرا
و الموقع الي حاطه فيه كل فنادق بيير اند فاكانس في فرنسا و يختلف اسم الفندق باختلاف موقعه
يعطيك العافيه اخوي وشفت موقعه بالخريطه
لكن سؤالي يبعد وايد عن المجمع ومكان التجمع في لاديفانس يعني جم يبعد عن الهلتون ؟
وهل تنصحني فيه ؟
المسافه بين الفندق و محطه القطار تقريبا 800 متر يعني عشر دقايق مشي و ممكن الواحد يضيع بالبدايه لأن الطريج فيه يمين و يسار
ادخل http://maps.google.com روح على باريس بعدين عط هالعنوان (73 avenue Gambetta, 92400) راح تشوف موقع الفندق بالضبط
بس نصيحتي هالفندق ينفع اذا كانت مده الاقامه اكثر من اسبوع او اذا كان عددكم كبير
و حط ببالك ان طريقه المواصلات بين اللاديفانس و الشانز اما المترو و المحطه تسكر الساعه 12 او التاكسي و سعره غالي
و على فكره منطقه اللاديفانس في الليل هادئه زياده عن اللزوم (يعني شوي موحشه) و تقريبا كل شي مسكر فيها عكس الشانز الي يظل كل شي مفتوح
الفندق انصح فيه من ناحيه النظافه و موظفين الاستقبال اغلبهم مغاربه و فيه بقاله و محل مكالمات خارجيه و ماكدونالدز قراب من الفندق و بالنسبه للهلتون ما اعرف موقعه
و في النهايه القرار لك باختيار الانسب لوضعك و انا حاضر لأي مساعده
ااخوي مشكور على سعه صدرك ونصايحك
يصراحه انا بسوي رحله للأطفال ولانه العدد 8 اشخاص ابي اخذ شقق وعلى حسب كلام الاعضاء انه اللاديفانس عند الهلتون نطقه حيه وتونس
انا ابي مكان اوفرلي وبنفس الوقت ونيس وقريب من اهم النقاط اللي هي محطه المترو مطاعم او مكان يونس ومجمعات ولانه معاي اطفال ما ودي بمكان امشي مسافه طويله من المترو لي الفندق خاصه اذا كنت راجعه باليل
فاخوي اذا تعرف شقق موقعها حلو وسعرها زين ياليت ادلني عليها ومشكوووووووووووور وايد وايد على معاونتك
اختك أديــــــــــم
يعطيك الف عافيه اخوي وشاكره لك تعاونك
ماشاءالله تقريرك روعه
واهم شي استانستو
abo_khalefa_q8 تسلم يالغالي و الصراحه كانت من احلى سفراتي لي اليوم
مشكور تقرير رائع وصور اروع
دمت بصحه
السلام عليكم .. تقرير كبير وثري
وعندي اسئلة عليه .. هل ممكن اروح لكان من باريس الصبح
وارجع بالليل يعني نفس اليوم ؟ وكم ساعه من باريس لكان ؟ وكم ثمن التذكرة درجة اولى ؟
وماهي افضل الاماكن والمطاعم والشوارع والمقاهي الي ممكن ازورها في هذا اليوم ؟
ولك خالص شكري
الله يرد خطاك اخوي اولا مستحيل تفكر انك تروح لكان و ترجع باريس بنفس اليوم لأن الدرب بالقطار 5 ساعات رايح و خمس ساعات راد (تقدر ترجع للتقرير)
ثانيا اذا مستعجل على كان يبيلك على الاقل 4 ايام
و بالنسبه لأسعار التذاكر ما اتذكرها و الاماكن الي سألت عنها تقدر تتمشى على شارع كرووزايت (شارع البحر) و تلقى فيه كل الي يعجبك مطاعم - مقاهي - الشاطئ- بعض المحلات
^^
مشكور ع الاجابة .. طيب ممكن فكرة عن اسماء فنادق
كان ومواقعها وصورها واسعارها في الصيف ؟
و سؤال خارج التقرير .. هل ممكن اروح لجنيف
الصبح وارد بالليل نفس اليوم يعني علما انها 3 ساعات بس ؟
الصراحه ما جربتها وللاسف اني ما رحت جنيف من قبل
تقدر تتأكد منها اكثر بقسم فرنسا او سويسرا
سؤالك جاوبت عليه بالموضوع بس ما يمنع اعيده مره ثانيه
اذا كانت ميزانيتك مبحبحه عندك ثلاث فنادق فخمه و كلها على البحر (مارتينز - كارلتون - ماجيستك)
و الافضل انك تتأكد من اسعارهم على http://www.booking.com?aid=1329869
فندق ميرمار مو سامع فيه
بارك الله فيك حبيبنا ... صراااااحه تقريررررر روعه ..استمتعت كثير بقرراااااائته
عندي استفسار الله يعافيك ..هل فيه طيران دايركت الى كان ؟
ووش الافضل من وجهت نظرك باريس والاكان ..انا رحت باريس وشفتها حقيقه روووعه بل قمه في الروعه وخاصه الاديفاااااااااانس ...انا حاب ان شاء الله اروووح لكان واجلس فيها 4 ايام ثم اطلع منها واروح للندن وااجلس فيها 10 ايام
بووودي تعطيني رايك ؟ تحياتي لك يالغاااااالي
اخ ابومصطفى
على حد علمي الطيران الوحيد الي يروح كان دايركت طبعا عن طريق مطار نيس اهو طيران الامارات و تكون بدايه الرحله من مطار دبي
خطتك للسفر لكان و لندن حلوه لأن انا اشوف ان لندن و باريس ستايلهم متقارب كعواصم و مناطق مناسبه للتسوق لكن باريس تتفوق على لندن من ناحيه المقاهي الموجوده بالشانز و لندن تتفوق على باريس من ناحيه اماكن التسوق الموجوده بأماكن متقاربه (اوكسفورد - ريجينت - بيكاديلي)
و بالنسبه للمقارنه بين كان و باريس ماكو مقارنه لأن كل منطقه لها جو و طابع مختلف
حياك الله اخوي شكري و الله يسلمك
abdullah-m الصراحه انا ما زرت انسي لكن اتوقع لو كنت تحب المناطق الساحليه و السهر و التمشي راح تفوتك كان
شكرا على الطرح الرائع
فرواله2 الشكر موصول لج
يعطيك العافيه أخوي ،،، و مشكور على هذا التقرير الرائع
دلع أنثى الله يعافيج اختي
رحله حلوه خاصه في الجزء الثاني جزء باريس
والحمدلله عالسلامه
حياك الله اخوي (abo_al3eez) ولو ان احنا استمتعنا بكان اكثر
على العموم لولا اختلاف الاذواق لبارت السلع
الحمدلله ع السلامه ورحلة حلوه صراحه ويعطيك العافيه على المعلومات
والصور والأسعار وتقرير يستاهل الخمس نجوم صراحه بس طال عمرك اباخذ
رايك في باريس هالوقت حلوه او لأ ؟ وبالصيف اتوقع احلأ عشان الناس والخليجيين
وسؤال اخير / كم تتوقع يكفينا فاليوم احنا شخصين يعني اكل وقهاوي وتمشي بالشانز
وبرج ايفل والله يخليك لاتقول على حسب الشخص يعني قول سعر المطعم كذا والقهوه كذا
والتاكسي كذا والقارب ومشكور واسف لأني كثرت الأسئله عليك ومشكور من قلبي
حمد ال عبدان
الله يعافيك اخوي
بالنسبه للجو حاليا اتوقع انه حلو و الاكيد ان الخليجيين اقل من الصيف
و اخيرا بالنسبه للاسعار التقرير انا منزله من 2006 و اليوم 2011 يعني مستحيل اذكر الاسعار و الاكيد ان الاسعار تغيرت و مستحيل شخص يعطيك ميزانيته و تنطبق عليك
في ناس تاكل وجبتين باليوم و ناس اكثر من 3 بعضهم بمطاعم فاست فود و غيرهم بافخم المطاعم و التنقلات ناس بالمترو و غيرهم بالتكاسي و غيرهم يأجرون سياره
و السوق ناس تحب الماركات الغاليه و ناس تبي شي رخيص و ناس تشتري شي متوسط
و الرحلات تختلف على حسب الخطه والشركه و حتى الوقت
و الاسعار بالصيف تختلف عن باقي فصول السنه
اخي الكريم سؤال الجواب عليه شبه مستحيل الا اذا حصلت شخص مسافر من فتره قريبه جدا و بنفس الفتره الي تحب انك تسافر فيها
و ارجو المعذره مره ثانيه
ضوابط المشاركة
رد مع اقتباس
المفضلات