الموضوع: رحلتي الى فرنسا كان و باريس اول تقرير واقعي عن عاصمه الريفيرا

بسم الله الرحمن الرحيم
في البداية احب اشكر كل القائمين من مشرفين و اداره و اعضاء على جهودهم المبذوله في هذا الموقع الاكثر من رائع و الي استفاد منه الكثيرين و منهم انا
عشان جذي حبيت ارد و لو شي بسيط لهذا المنتدى و اعضائه الاعزاء
http://www.travel4arab.com/vb/showthread.php?t=47658
حبيت اشطب على هذا القسم من خلال سفرتي الى فرنسا
عشان نشوف قسم ثاني الصيف القادم :109:
طبعا في ناس راح تقول بلا كلام زايد و نبي نشوف الرحله
انا لاحظت ان جرى العرف تكون في مقدمه بعدين ندخل بالعميق :109:
المهم قبل شوي بس انتهيت من تحميل صور الجزء الاول من الرحله الي اهي لمنطقه كان :surf و عدد الصور 110 صور
و من ناحيه ثانيه حبيت اكتب هالمقدمه عشان اجبر روحي اني اكمل الموضوع بدون تأخير
ادري كثرت حجي بس ان شاءالله بالموضوع راح اقلل من الكلام و اكثر من الصور لأن الصور لها تأثير اكبر مع بعض الشروحات البسيطه و التوضيح
و ترقبوا رحلتي الى كان و باريس قريبا جدا جدا جدا جدا جدا

مواضيع عشوائيه ممكن تكون تعجبك اخترناها لك:

• حجز التذاكر والفيز
• بعض الإستفسارات و الأسئلة
• مساعدة في برنامج سياحي
• رحلة سياحة واستجمام وفعل خير
• باريس
• محتار
• فيزا فرنسا من لندن
• ارجو مساعدتي باختيار الفنادق بباريس
• صلنفة الجمال و الهدوء بالصور
• للخبـرآآء إستفسـآآآر للسكن بالنسبة إلى عآآآئلـة
• استفسار عن المواصلات من نيس الى كان والتكلفه
• ذكرياتي الفرنسية بين باريسبوردونانت و كوليور
• قطار اليورو ستار ومحطة قار دي نورد استفسارات ارجو الاجابة عليه
• محلات الماركات الشانزليزيه
• خمس ليالي في باريس
• رحلة الاحلام لباريس شهر اغسطس ساعدوني بالجدول
• ايهم افضل شقق للسكن في باريس؟
• فنادق الشانزليزيهعطوني رايكم ؟
• اي مدينة تنصحوني لتكون محطة راحة بين جنيف وباريس
• سحر باريس بالصور تكملة للرحلة اوربا

الحمد الله على السلامة..
وبانتظار التقرير..

الحمد لله على السلامه
وشكل التقرير بيكون رائع
في انتضارك

الحمد الله على السلامة..
وبانتظار التقرير..

على سلامتك ..

في انتظار التالي..تقبل احترامي..

أختك بنت أغادير

ننتظر تقريرك ان شاء الله

الحمد الله على السلامة لا يكون من ضمن الصور اللي صورتها في كان صورتي عفواً خشتي ههههههاي انا دايم اشوف واحد يصور بالليل والنهار لا يكون انت ١١٠ صورة ما شاء الله عليك انا اصور ٥ صور واطفش
بأنتظار تقريرك يا عسل

اشكركم اخواني و اخواتي على تشجيعكم لي
و الي خلاني اكتب هالتقرير اهو رد الجميل لهذا المنتدى و ملاحظتي عدم وجود مواضيع عن منطقه كان
حتى و ان وجدت لا تؤدي الغرض لذلك استعنت بالمواقع الأجنبيه

اخوي french.coffee يمكن تلقى صورتك من بين الصور و على فكره 110 صور بعد التدقيق و التمحيص و الرقابه و استبعاد الصور الشخصيه الي مالها داعي

للعلم عدد الصور خلال الرحله كامله اكثر من 600 صوره

و نعود للمهم بسم الله نبدأ التقرير

و الي خلاني اكتب هالتقرير اهو رد الجميل لهذا المنتدى و ملاحظتي عدم وجود مواضيع عن منطقه كان
حتى و ان وجدت لا تؤدي الغرض لذلك استعنت بالمواقع الأجنبيه


تصدق اني الاسبوع الاجاي رايحه كان انشاء الله وادور تقارير عن كان مالقيت لاني اول مره اروحلها وجاء تقريرك اللي كلمه حلو شويه عليه:24: :24: صراحه جاء في وقته
وياليت تكمل الموضوع قبل لاسافر:110:
ويعطيك العافيه:106:
:x1: :x1: :x1: :x1: :x1: :x1: :x1: :x1: :x1:

الحمد الله على السلامة.. وتسلم على الصور الرائعة .... وبانتظار بقية التقرير..

واذا ممكن سؤال هل تعتبر كان افضل من باريس ؟؟؟؟ وهل يوجد بها سياح خليج

الاخت Nouny الصراحه مشكوره على الكلام الحلو و اشوه اني نزلت الموضوع بالوقت المناسب
و انتي جذي تخليني اضطر اكمل الموضوع باسرع وقت على الاقل القسم الخاص بكان

اخوي بعدين اسافر
الله يسلمك و من وجهه نظري ان كان افضل من باريس من ناحيه الجو العام و الراحه النفسيه و تقدر انها شبه منتزه و من خلال رحلتي كان يبيلها على الاقل 6 او 7 ايام و باريس يكفيها 4 او 5 ايام بس على حسب الجو يعني اذا صار مطر اما انك تغامر و تنفذ برنامج الرحله بكافه الاحوال الجويه (و هذا الي لازم يصير)او انك تقعد بالفندق لغايه ما يتعدل الجو و انا لا افضل هالخيار لأن احتمال تقعد طول المده بالفندق لأن جو باريس بارد و غالبا مغيم و ممطر

و من ناحيه السياح الخليجيين في كان تحصل كويتيين و سعوديين و قطريين و شخصيات عامه و سياسيه و امراء و شيوخ و في باريس اقدر اقول بالنسبه للسياح راح تحس روحك قاعد بدوله عربيه او خليجيه من كثر السياح العرب و الخليجيين فيها

يعطيك العافية يا مزود

تقرير مره جميل انا كنت ساكن في نفس الفندق تاريخ 7/8 والفندق مره جميل ونظيف وسعره حلو حنا خذينا سويت وكان سعره 350 يورو في الليله بصراحه الفندق خطير
بالنسبه لي انا ارتاح في كان اكثر من باريس هدوء وجوها رائع وجميل وشاعري خليني امتع ناظري ههههههاي
بسرعه نزل تقريرك الثاني لا تتاخر علينا يا حلو

الحمدلله على السلامة

وتقرير رائع حقيقة وصور تجنن ليتك بس تكبر الصور تخليها 640*480 :24:

يعطيك العافية وناطرين تكملة التقرير :101:

روعه التقرير والصور

مشكور على الصور الحلوة :24: وعلى المجهود الرائعة:113: الله يعطيك العافية
وبانتظااااار المزيد والمزيد من التقرير

روعه التقرير والصور والف شكر

--------------------------------------------------------------------------------

روعه التقرير والصور

abo leeen الله يعافيك
french.coffee معاك 100% و طلعنا جيران و احنا ماندري:109:
بنت البحرين ولله ودي اكبر الصور بس مركز تحميل الصور الخاص بالمنتدى يجبرني على حجم معين و 50 صورة كحد اقصى بالرد الواحد
تان تان انت اروع
bent al-kuwait الله يعافيج و مشكوره على المرور

بصراحة رائع جدا استمر بنفس الاسلوووب
يعطيك العافية:24:

تسلم إيدك على هذا التقرير الحلو ،،،واللي جاء في وقته
فأتا أتمنى زيارة الريفيرا الفرنسيه في أقرب وقت ممكن ،،
والصور الرائعه أكبر برهان على حلاوة المكان ،،،
فالله الله بالتفصيل الممل وكثًر من الصور الممتعه
الله يعطيك العافيه أخوي .... أختك / لــيــا لـــي

الحمدالله على السلامه

روما666 - ليالي2005 - اصغر مشترك

الله يعافيكم و شاكر لكم مروركم

و كونوا بانتظار الحلقه الأخيره من كان و بعدها باريس

اهلين .. اشك اننا في رحله وحده

نفس الشي من الرياض لدبي لنيس ترانزيت روما

صدفه اجل

بس احنا سكنا بالكارلتووووووووون مره حلووو وسيع صدر بلاماره كان فزاع ساكن معنا ههههههه

بس الصور قلبت ذكرياتي اااااااه ياكاااااااان

يعطيك العااااااااافية

وانا جيتها بعدكم بعشر ايام هههههههه

بس كان الجو شمس وحرررر حبتين

تسلم ايدك روعة

متابعين معك
استمر رائع :24:

fendi - خاااااااااالد - bent al-kuwait
يشرفني مروركم و اليكم الجزء الأخير من (كان)

و بعدها باخذ راحه و أعد تقرير باريس :24:

الصراحه ممتع
كل ما ادخل المنتدى ادخل موضوعك

خوووش تقرير

bent al-kuwait انتوا الي امتعتوني بردودكم
تان تان الصراحه احرجتني
أحب ماليزياتسلملي على المرور

salem2000 الله يعافيك على الرد
انت عارف ان نيس و كان مناطق ساحليه و بالفتره النهاريه غالبيه الناس تكون بلبس البحر فممكن هالمناظر ما تناسب العوائل المحافظه لكن في الليل الوضع يكون مناسب

في عوائل تقظي النهار بالنوم او السوق و في الليل تتمشى على البحر هذا وضع اغلب العوائل الي شفتها هناك

الف شكر للصور الراااااااااااائعة

:106:

عشان خاطر عيونكم و عشان لا تطوفكم الالعاب الناريه رفعتها لكم على موقع و تقدرون تنزلون اللقطات الحلوه و ان شاءالله تستمتعون فيها
[line]
http://www2.malfat.com/files/video.zip
http://www2.malfat.com/files/video2.zip
http://www2.malfat.com/files/video3.zip
[line]

:50055: :50055: :50055:

مشكور اخوي ع التقرير الجميل
تصدق ودي ارجع الحين ل كان واتسدح ع البحر هههههههههههههاي
يلا لا تتأخر علينا بالتقرير يا عسل

تم تعديل الروابط لمقاطع حفل الألعاب الناريه بكان
اعتذر عن عدم جوده التصوير لأني كنت استخدم كاميرا التلفون و الكاميرا العاديه
http://www.megaupload.com/?d=ZA1A7SZ4
http://www.megaupload.com/?d=RHOFKDAX
http://www.megaupload.com/?d=K6315G1R
و اذا كان في مشاكل بموقع التحميل ياريت تبلغوني عشان انقل الملفات على موقع ثاني

للي ما يعرف يستخدم موقع التنزيل راح اشرحلكم الطريقه و هي سهله جدا

المشاركة الأصلية كتبت بواسطة salem2000


يعطيك الف عافيه mzwd على التقرير الحلو و المفيد.... هل تصلح كان ونيس للعوائل وشكرا



عذرا على اللقافه بس برأيي انها ما تصلح ابدا للعوايل :108: :108:

يعيطك ألف عافيه أخوي mzwd
تقرير رائع وشوقتني لكان لأني ذا الصيف مارحت لها
بس فيه مطعم طافك بس ناسي أسمه
أعتبره أحلى مطعم فكان وخصوصاً أنه مايسكر الا 5 الصبح
ووصفه تخلي النوقا والماجستيك ع اليمين تروح الما ينتهي فيك الطريق يصير فوجهك قسم الشرطه تروح يسار تمشي على طول يلف فيك الشارع يمين إجباري يمين أمش على طول يجيك ع اليمين
رائع جداً واللي بيروح لكان أنصحه يزوره
وننتظر تقرير باريس

تحياتي لك

هيبة ملك رحنا المكان الي قلت عنه لكن بالسياره لنهايه الشارع لين دخلنا بالظلمه و رجعنا مره ثانيه بس ما فكرنا ان نزل بهالمطاعم

وشاكرلك المرور

روووووووووعة تسلم ايدك

الاخ[blink]mzwd[/blink]
تقـــــــــــــــــــــــــــــــــرير رائـــــــــــــــــع:113:

[glint]يعطيك العافية[/glint]

:113: :x1: :113: :x1: :113: :x1: :113: :x1: :113: :x1: :24:

ابويزيد4 الله يعافيك

الله يعطيك العافية على التقرير الرائع وتسلم ايديك على الصور الحلوة بما انك رحت المانيا وفرنسا نصيحة مني اخذ ربعك السنة الياية وروحوا النمسا عجيبة :24: وبتدعولي انشاءالله وانا باخذ اهلي وبنروح فرنسا وبدعيلك انشاءالله.:113:

مواااااااااصلين معاك التقرير

مثل ماقلت الواحد لمن يسافر حلاته يزور اكثر من منطقة حتى يحس بالتغيير ومايحس بالملل
اذا تبي طبيعة انصحك بزلمسي مناظر خيالية وجو عجيب وبعدين فيها متعة البحيرة حلوة تركب هالقوارب والبرشوتات والطيارات الشراعية والزحلاقيات من فوق الجبال غير قمة الثلج في كابرون.

اما اذا تبي مجمعات فمثل ماقلت انت عليك بميونخ تشبع من السوق فيها
واذا تبي اثار عندك فينا مدينة عريقة تشوف المباني القديمة ودار الاوبرا والكنبيسة .........الخ
اما اذا تبي ساحلية يكثرهم باوروبا عاد انت اختار المدينة اللي تعجبك
اما ايطاليا حلوة لكن مشكلتها جوها حار

المهم
مواصلين معاك التقرير

مسافرة كويتية يعطيج العافيه على موجز المعلومات السريع و المفيد و الصراحه من خلال جولتي اليوم بالمنتدى شكلي بعزم على ميونخ و اسبانيا او ايطاليا او كلهم على حسب الايام الي تحتاجها كل دوله و المناطق الي فيها (مازلت في مرحله الاستكشاف و التحريات)
و بالنسبه لفيينا و زلمسي حلاتهم بعد الزواج مو الحين :109:

على العموم تو الناس على الصيف الياي يمكن الواحد يغير تفكيره 180 درجه

بالنسبه لسفره هالصيف كان حلم اني ازور المناطق الي زرتها بعدين استبعدت هالشي بسبب التكلفه و فكرت بهولندا و اليونان و رومانيا و قبرص و تايلند (كنا حاجزين لها و تأكد حجزي بيوم السفره) لكن بالنهايه رحنا المكان الي حلمت فيه استبعدته في البدايه الي اهو الريفيرا

و شاكرلج على الرد (لأن الردود هالايام صايره مثل بيض الصعو :109: ) ; مثل كويتي

في هذي فإنت صاج فينا وزلمسي حلاتهم شهر عسل على قولت احد الاعضاء كان ناوي يروح هالسنة النمسا بس استمرضت امه وراح فيها علاج فرنسا ومن الحين يخطط بيتزوج السنة الياية عشان يروح النمسا شهر عسل واختيار موفق له.

وبانتظار باقي التقرير عشان ماتصير الردود جنها بيض الصعو

مسافرة كويتية الصراحه شي وايد فرحني اهو ان عدد مشاهدين الموضوع طاف الاف شخص بوقت قياسي بس الي يزعل انقراض الردود
مو شرط اشاده بالموضوع على الاقل اضافه للموضوع عشان تكتمل الرؤيه عند الاخوه الاعضاء للي يحب يزور باريس او حتى الريفيرا
المهم عشانج و بما انج وصلتي مرحله بيض الصعو اهديج الجزء الثالث من الرحله

بعد الانتهاء من متحف اللوفر في الجزء السابق اتجهنا الى مدينه صغيره للالعاب بالقرب من المتحف



وقتها الربع صمموا يستعيدون ايام الطفوله لكن انا وقتها كنت دايخ و اخذتلهم هذي الصوره البريئه



و صور من المدينه الصغيره











هاللعبه قعدنا ساعه مجابلينها و كل واحد يعزم الثاني عليها و بالنهايه وصل قروب فكونا من السالفه







صور منوعه





الرحله النهريه

يوم من الايام عزمنا نطلع كالعاده لكن للأسف كان الجو ممطر (هني ندور المطر و هناك ننحاش منه :109: )



قررنا نروح للرحله النهريه



طبعا اغلب الشركات المتخصصه بالرحلات النهريه تتواجد بالقرب من برج ايفل (محطه Bir Hakeim الميترو رقم 6)







بناءا على نصيحه احد الاخوان بالمنتدى حجزنا من شركه BATOBUS و الي يميز هالشركه ان قواربها لها سقف زجاجي يعني مايطوفكم اي منظر وين ما كنتوا قاعدين بالقارب

و هذا موقع الشركه على الانترنت http://www.batobus.com

سعر التذكره 11 يورو لمده يوم و خلال الرحله راح تمرون على عدد من المعالم و منها (على حسب ترتيب المرور)

Tour Eiffel - Musee d'Orsay - St-Germain-des-pres - Notre Dame - Jardin des Plantes - Hotel de Ville - Louvre - Champs Elysees



و تنطلق الرحلات كل نص ساعه تقريبا و توقف في 8 محطات الي اهي نفسها المعالم الي راح تمر عليها

و هذي صور من الرحله











و كونوا بانتظار الحلقه الاخيره من باريس و الرحله بشكل عام

مدام انك كملت ماراح تصير الردود مثل بيض الصعو
الله يعطيك العافية على المواصلة وبانتظار الجزء الاخير من الرحلة

الزوله الدلوعه مشكوره على الرد الحلو

المشاركة الأصلية كتبت بواسطة fw_kw


الله يعطيك العافيه على الموقع
تشرفني زيارتك لموضوعي لمدينة السجاد الاحمر على هذا الرابط
http://www.travel4arab.com/vb/showthread.php?t=82645




الصراحه قبل لا اكتب موضوعي اطلعت على موضوع مدينه السجاد الاحمر و استفدت من المعلومات الي فيه في كتابه تقريري و حبيت اني اكتب تقرير يكون شامل و مكمل لموضوع (مدينه السجاد الاحمر)

و شاكرلج مشاركتج

وييييييييييين الجزء الاخير؟؟؟؟؟؟

الجزء الاخير في طور التنفيذ و ان شاء الله خلال ساعات راح انزله بالموضوع

ماقصرت اخويmzwd
كفيت ووفيت. شرح ممتاز صور رائعة , رحلة مرتبه الله يعطيك العافية
على التقرير الحلو

الله يعطيك العافية رحلة حلوة وممتعة
تقرير رائع ووافي بالاسلوب والصور

يعطيك ألف عافيه أخي mzwd
تقرير أكثر من رائع تسلم أناملك
بس حبيبي ماشا ءالله عليك كيف عرفت طريقه خارطه المترو
والله رحت 4لباريس وكان مرات ولازم أخبص فيها

تحياتي

bent al-kuwait و مسافرة كويتية مشكورين على المرور و الردود و تشجيعكم لي

هيبة ملك ولله ظلينا جم يوم يالله استوعبنا موضوع الميترو
و اي واحد ماراح يتمكن من السالفه الا بعد ثلاث او ايام من استخدام الميترو و التنقل لأكثر من مكان بس على فكره استخدام الميترو ممتع ياريت عندنا مثله بالخليج جان مرتاحين :109:

السلام عليكم ورحمة الله وبركاتة

العزيز..mzwd

رحلة رائعه وجميلة...كيف لا وانت تسطر لنا كلامك الجميل...والصورك الرائعه...

تقبل فائق احترامي...

الله يهداك mzwd شفيك نسيتنى
انا كنت مزهبه الجنطه تاريخ 3 /8 وقفت عند باب بيتنا انطرك
لعشان تمرنى وتاخذنى وانت انحشت لاتنسانى السنه الجايه انا وياكم مع اهلى اخخخخخخخخخخخخخخ
لاتلومنى تبليت عليك شنو اسوى الصور حلوووووووووووووووووووه
ويعطيك الف عافيه وتسلم ايد اللى صورة وفكرت فى اهل المنتدى