المشاركة الأصلية كتبت بواسطة توبليرون
http://www.arabtravelersforum.com/tr...7/#post8165117
هههههههههه يام علي اللي مايطيع يضيع
مو قلت لج تفضلي تغدو عندنا قلتي توني ماكله بفريج صلييييييييووح هههههه
باين عليج مو أكيلة لحم ....
سوق شرق احلى شي الظهاري او العصر احسه هذا وقته بس
الشميمري حلووة قعدته على البحر حلاته بالصيف علشان تشمين ريحة البحر والرطووووبه هههههه
اما اللقاء كان في مجمع المطاعم سبونز بالمهبوله
اختي ام علي انا اللي لي الشرف بمعرفتج والتعرف على انسانه من اول
ما شفتها حسيت اني اعرفها من سنين
وللعلم يا جماعة معرفتي بهاوية الاسفار بالمنتدى ما صار لها الا شهر يمكن وبسرعه
تأقلمنا مع بعض انسانه شفافه وكأني شفت اختي اللي ولدتها امي
ربي يحفظها ويحفظ عايلتها الكريمه
والله يا ام علي مشتاقين للقاء الثاني والثالث والالف ان شاءالله
اختي تسلم عليج واستانست عليج ودايما تسأل عنج
سألت عنها العافيه
بانتظار لم المشتروات والسفر الله يعينج
تسلمين حبيبتي كلج ذوق
اخجلتيني بكلامج المعسول و الله احنا النا الشرف بمعرفتج و مثل ما يقولون الكتاب باين من عنوانه
ارتحتلج من شفتج بس في ناس من اول نظره ما ترتاحين لهم بس الحمدلله الله وفقني في هالمعرفه اللي عساها تدوم و ما تنقطع
صح كلامج ما احب اللحم و لا السمج عشان جي تشوفين ريلي مبتلش فيني ما يدخل مطاعم السي فود اذا انا وياه
و ان شاء الله اللقاء يكون قريب في انتظاركم
المفضلات