الموضوع: يا دار لاهنتي و لا هان راعيج الكويت

السلام عليكم و رحمة الله و بركاته

أشكر كل من شجعني و ساعدني في كتابة التقرير

و اخص بالشكر اختي توبليرون على وقوفها بجانبي و على اللقاء الجميل

تفاصيل الرحلة

المدة : 5 ليالي / 6 ايام

التاريخ : من 23 /12 الى 28 / 12

اعضاء الرحلة : انا / زوجي / ابنائي 5 و 8 سنوات

الراعي الرسمي للرحله

تويوتا لاندكروزر

التصوير

كاميرا نيكون D90

سامسونج جالاكسي اس 4

بسم الله نبدأ

انطلقنا من دبي في تمام الساعة الثامنة و النصف صباحا و كان يوم الاثنين نص الاسبوع و الشارع

مزدحم قليلا و توجهنا مباشرة الى مطعم غنتوت الملكي الواقع على شارع الشيخ زايد قبل

منطقة الشهامة في ابوظبي

و اخذنا سندويشات بيض بالجبن و لحم ناشف مع شاي حليب ( كرك )

اكملنا مسيرنا باتجاه حدود دولة الامارات وصلنا الى منفذ الغويفات في تمام الساعه 12 و النصف

انهينا الاجراءات بكل يسر مع ازدحام خفيف للمركبات المغادرة للدوله لانه الوقت يصادف اجازة

نصف السنه الاولى للمدارس و الجامعات بعدها وصلنا الى محطة سحاب اولى المحطات بعد

الدخول الى الحدود السعودية و لابد من تناول وجبة الغداء في مطعم سحاب البخاري يوجد به غرف

للعائلات و هذه المرة قاموا بطلاء الغرف و زينوها برسومات مطبوعه على الجدار

و هذا غدائنا لذيذ جدا

ادينا صلاة الظهر مع العصر و انطلقنا و هذه صوره من الطريق و ستجدون تجمع المياه بسبب

الامطار التي هطلت ليلة سفرنا و كانت امطار غزيرة ما شاء الله اللهم زد و بارك

و طبعا لابد من وجود ترامس الشاي و القهوة

اكملنا المسير مع التوقف قليلا في المحطات للتزود بالبترول وصلنا الى حدود دولة الكويت في تمام

الساعه الثامنه و الربع بتوقيت الامارات

و انطلقنا مباشرة الى فندق لي رويال هوتيل موقعه في منطقة بنيد القار و حجزنا كان غرفة جونيور

مطلة على البحر و كان حجزنا 5 ليالي و لكن جلسنا 3 ليالي و غيرنا الفندق

غرفتنا في الطابق الثالث

الغرفة واسعه جدا

الضيافه صحن فواكه

غلاية الماء

اطلالة الغرفة واضح فيها الابراج

صندوق الامانات اللي من اشوفه احس براحه نفسيه مع روب استحمام واحد و شبشب واحد بصراحه كانوا بخلاء المفروض يكون 2

الميني بار

صورة بدون فلاش عجيبه

يتبع

مواضيع عشوائيه ممكن تكون تعجبك اخترناها لك:

• الكويـــــــت دليلك السياحي‏
• افتتاح متجر فيلا مودا
• افضل الشقق في السالمية
• سؤال عن
• جزاكم الله جنة الفردوس
• سآعدوني يآشباب
• مطعم قصر البدروني اللبناني
• الأقمشة الرجالية
• ودي ازور الكويت انا وربعي بس خايف وش رايكم
• مشروع توسعة مطار الكويت يستهدف استيعاب مليون مسافر
• بيت الكويتي
• صيف العائلات في الكويتعروض ومفاجآت
• سؤالى عن مكتب حجوزات ؟
• كل ماتحتاج معرفته عن الكويت؟
• سؤال للكويتات الذربات أبي رقم كوافيرة تجي البيت شغلها عددددل
• استفسار عن فنادق في الكويت ، أرجوا المساعده
• زيارة الملك الى استاذ جابر الدولي صور
• أصدقاء تايلاند من الكويت
• وين احصل دشداشة اماراتية شتوية بالكويت ؟
• طريق مطعم بيت دكسون وسوق السمك والافنيوز

تابع ،،،

تكرمون صور الحمام

الدش

صورة الفندق من الخارج

بعد ادخال الشنط ادينا الصلوات و غيرنا الملابس الى ملابس شتوية و انطلقنا الى مقهى الشميمري

المقهى يقع على الكورنيش بالقرب من مجمع شرق و قبل الوصول اليه مباشرة

الجو كان باااااااااااااااااااارد

و يوجد بالمقهى جلسات على البحر و جلسات داخليه خيمة و غرفة زجاجية مغلقه كنت اريد الجلوس في الخارج لكن من شدة البروده جلسنا في الخيمه

طلبت خبز رقاق بالزعتر لي و بالشوكليت لابني الصغير

مع غوري شاي ليدفينا

هذا فرن المشاوي و كان طلب زوجي كباب و ريش

للاسف نسيت تصوير المشاوي

و السبب كثرة القطط في المقهى و نحن نجلس على الكراسي الخشبيه الطوليه و القطط تحت الكراسي تنتظر من يطعمها و نحن مرعوبين

انتهينا من العشاء و عدنا الى الفندق منهكين و كانت الغرفة بارده جدا لان التكييف شغال قمت بخفض درجة الحرارة و خلدنا الى النوم

انتهى اليوم الاول و انتظروني في اليوم الثاني الجميل و الرائع

دمتم بود

تسلمييين يارب
وتسلميين على العنوان الرائع
الفندق جمييل ومرتب
والغرفه واسعه ماشاءالله
بس بط جبدي ليش التكييف شغال
چان قلتو لهم يطفونه لكم
ماشاءالله قهوة الشميمري من زمان مارحت لها ولا لاي قهوة شعبيه
العيال كبرت وهم اللي يتحكمون بالطلعه
بس ماعليه يبيله روحه مع ابو حسين
ننتظر اليوم الثاني على احر من الجمر

شفتيني انا معاكم بالثلاجه كاكاو توبليرون هههههه
المعتمد الرسمي لكاكاو الفنادق
يعطيج العافيه

المشاركة الأصلية كتبت بواسطة توبليرون
http://www.arabtravelersforum.com/tr...8/#post8161278

شفتيني انا معاكم بالثلاجه كاكاو توبليرون هههههه
المعتمد الرسمي لكاكاو الفنادق
يعطيج العافيه



تسلمين حبيبتي

تصدقين توني اكتشف معنى توبليرون مع اني وايد احب هالنوع بس الشوكليت الابيض اكثر

دار راسي و انا ادور المعنى بس لا تلوميني مخي مقفل من التعب

تابعيني للآخر مع احلى التفاصيل

اعذروني ساكمل التقرير في الليل ان شاء الله لانه باقي الموضوع ما رضى ينزل

اول مرة اجرب المطعم مع انه موجود في دبي مول لكن ما شفته ابدا السندويشات كانت لذيذه و تفي بالغرض

انتظرنا في المجمع لبعد صلاة المغرب و بعدها خرجنا منهكين و هذه الصور التقطتها عند المغرب و كانت اضاءة جميله جدا و بعضها التقطها ابني

مطعم تكساس رود هاوس



رجعنا الفندق نريح شوي



طبعا اول يوم وصلنا متأخرين و تعبانين ما في وقت للتصوير اليوم صورت اللوبي



و يوجد مكانين للمصاعد احنا مصعدنا على جهة اليسار قلت خلني اجرب المصعد اللي على اليمين و شفت هذي الصورة و الوالد قالي انه اسمه سمبوك



شفت درج و مكان يبهر نزلت مع ولدي الكبير





قرقور هليبو



اكتشفت انه مطعم

و هذا ولدي يتخيل نفسه يدندن على العود



طبعا المطعم بحري و خاص بالاكلات البحريه



شافني المسئول عن المطعم و هو سوداني الجنسية طبعا رحب بنا و اخذ يشرح لي المنيو اللي يقدم في المطعم طبعا الاسماك طازجه





المطعم يقدم وجبة من السمك مع غوري شاي و حلو و سلطة فواكه مع سلطة خضار و مخللات
و هذا كله يقدم ضمن الوجبة و بسعر 11,700 دينار السعر كان رمزي جدا





طبعا جاب لي الشاي و قال صوري و انا اصب شكله عارف اللي تصور منو



و هذي المقبلات طلبية احد الزباين



خلصت التصوير و رجعت للغرفة هذا ممر الغرف

بالعافية كل اللي اكلتووه
ما شاءالله شوقتينا على القهوة الشعبيه

جولتكم بسوق المباركية روعه وخوش محل هذا وين صدتيه ما شاءالله
عنده اغراض وايد حلووة

والافنيوز ما دشيتي جهة السوق خلف ستاربوكس مدخله
نفس المباركيه اسواق قديمة محدثه

اما مطعم الفندق ماجربتيه شكله حلوو

مركز سلطان كل شي فيه وعنده الفواكه بغير موسمها
أكيد ما صورتي وايد لاهية بالتسوق
عليييج بالعافية
ننتظر الباقي

ماشاء الله , تقرير جميل ورائع

بصراحه استغربت من موضوع ان الفندق موموفرين تدفئة

والمباركية من زمان عنها

متابعين ,,,

المشاركة الأصلية كتبت بواسطة توبليرون
http://www.arabtravelersforum.com/tr...2/#post8161882

بالعافية كل اللي اكلتووه
ما شاءالله شوقتينا على القهوة الشعبيه

جولتكم بسوق المباركية روعه وخوش محل هذا وين صدتيه ما شاءالله
عنده اغراض وايد حلووة

والافنيوز ما دشيتي جهة السوق خلف ستاربوكس مدخله
نفس المباركيه اسواق قديمة محدثه

اما مطعم الفندق ماجربتيه شكله حلوو

مركز سلطان كل شي فيه وعنده الفواكه بغير موسمها
أكيد ما صورتي وايد لاهية بالتسوق
عليييج بالعافية
ننتظر الباقي

الله يعافيج الغاليه

و الله انا امشي و عيالي ورايه يقولي زوجي وين سايره اقول خلنا نكتشف السوق و صدق هالمرة اكتشفت وايد اماكن و بتشوفونها ان شاء الله في باقي التقرير
الافنيوز بصراحه كان ودنا نزوره مره ثانية بس من الزحمة ما قدرنا الشارع من كل صوب مزدحم

و مطعم الفندق قلت لزوجي اذا بتجربه قال شو الفايده انا آكل و انتي تطالعيني لاني ما احب الاسماك

و ان شاء الله نعوضها في الايام القادمه

المشاركة الأصلية كتبت بواسطة Usas
http://www.arabtravelersforum.com/tr...5/#post8161885

ماشاء الله , تقرير جميل ورائع

بصراحه استغربت من موضوع ان الفندق موموفرين تدفئة

والمباركية من زمان عنها

متابعين ,,,

الاروع مرورك
انا استغربت اكثر يوم وصلت الفندق مع اني كنت متوقعه انه فنادق الكويت يوفرون دفايات لانه الجو عندكم ما شاء الله بارد جدا في الشتاء غير عنا

يازينها الكويت واهلها .. والله ودي ازورها

حبايبنا فيها كثير .. واولهم ابو عبدالله


عجبني كثير سوق المباركية والشغلات الحلوة القديمة اللي فيه


تسلمين ياهاوية على البداية

ومعاك مواصلين

المشاركة الأصلية كتبت بواسطة oceanus
http://www.arabtravelersforum.com/tr...0/#post8161910

يازينها الكويت واهلها .. والله ودي ازورها

حبايبنا فيها كثير .. واولهم ابو عبدالله


عجبني كثير سوق المباركية والشغلات الحلوة القديمة اللي فيه


تسلمين ياهاوية على البداية

ومعاك مواصلين

الله يسلمك

ما يردك الا اجازه يومين و تسحب وراها الويكند و تزور الكويت

الله يعطيج العافيه مشرفتنا على التقرير

ونورتو الكويت

ومتابعين معاج

الله الله خوش عنوان شدني من صفحة المنتدى الرئيسية
أثاريه لمشرفتنا الغالية هاوية الأسفار

ماشاءالله نورتونا حبايبنا وأهلنا الإمارات الحبيبة
استمتعنا معاج بهالأجزاء الرائعة
عندي وعندج خير أنتي لازم تزورين مركز سلطان وتتسوقين منه إذا زرتي الكويت وانا سبينس بدبي الرائعة
متاااااااابعين معاج تقريرج عن وطنج الثاني الكويت
الله يحفظ خليجنا

لاهنتي على العنوان والتقرير الراااائع
كل اللي كتبتيه وصورتيه ابداع
كان ودي أشوفج وأتعرف عليج
لكن لما دقت على أم حسين كنت بالاكواريوم وانتو بالفحيحيل وااايد المسافه بعيده
ان شاءالله زيارتج الجاية نضبط طلعتنا قبل فترة

يا سلام عليكم

المباركيه انا اعتبرها لابد بكل زياره لها جو ثاني

الشميمري كررتم الزياره مرتيين ويمكن ثلاثه هل يستاهل الي هالدرجه

الله يعطيج العافيه على هالتقرير الحلو
وفيه مطعم الشرق الدولي بطرف المباركيه يسار سوق البشوت ممتاز
ومتابعين

المشاركة الأصلية كتبت بواسطة mr.q8
http://www.arabtravelersforum.com/tr...6/#post8162016

الله يعطيج العافيه مشرفتنا على التقرير

ونورتو الكويت

ومتابعين معاج



الله يعافيك

منوره باهلها

المشاركة الأصلية كتبت بواسطة هدوء العالم
http://www.arabtravelersforum.com/tr...8/#post8162028

الله الله خوش عنوان شدني من صفحة المنتدى الرئيسية
أثاريه لمشرفتنا الغالية هاوية الأسفار

ماشاءالله نورتونا حبايبنا وأهلنا الإمارات الحبيبة
استمتعنا معاج بهالأجزاء الرائعة
عندي وعندج خير أنتي لازم تزورين مركز سلطان وتتسوقين منه إذا زرتي الكويت وانا سبينس بدبي الرائعة
متاااااااابعين معاج تقريرج عن وطنج الثاني الكويت
الله يحفظ خليجنا

مشكورة الغاليه العنوان طرى على بالي قبل ما اكتب الموضوع و خاصة اني احب هالاغنية و كلماتها و احس انها وطنيه

و سبحان الله اتيني قشعريره يوم اسمعها

شاكره مرورج

المشاركة الأصلية كتبت بواسطة الايماان
http://www.arabtravelersforum.com/tr...3/#post8162103

لاهنتي على العنوان والتقرير الراااائع
كل اللي كتبتيه وصورتيه ابداع
كان ودي أشوفج وأتعرف عليج
لكن لما دقت على أم حسين كنت بالاكواريوم وانتو بالفحيحيل وااايد المسافه بعيده
ان شاءالله زيارتج الجاية نضبط طلعتنا قبل فترة



لي الشرف الغاليه و ان شاء الله اليايات اكثر

حياج الله

المشاركة الأصلية كتبت بواسطة فيصل
http://www.arabtravelersforum.com/tr...9/#post8162149

يا سلام عليكم

المباركيه انا اعتبرها لابد بكل زياره لها جو ثاني

الشميمري كررتم الزياره مرتيين ويمكن ثلاثه هل يستاهل الي هالدرجه

صح ثلاثه
بصراحه يستاهل و خاصة انه احنا بالنسبه لنا مثل ما يقولون نضرب عصفورين بحجر

انا و زوجي نحب الاستمتاع بالاجواء التراثيه و خاصة انه فيه جلسات على البحر و منها مطعم نتعشى فيه

و العيال يدورون الملاهي و الالعاب ايضا متوفره

اذا زرت الكويت لازم تمر و تشوفه

المشاركة الأصلية كتبت بواسطة لوفتهانزااا
http://www.arabtravelersforum.com/tr...8/#post8162208

الله يعطيج العافيه على هالتقرير الحلو
وفيه مطعم الشرق الدولي بطرف المباركيه يسار سوق البشوت ممتاز
ومتابعين

و الله شفنا وايد مطاعم بس اوقات يكون الوقت غير مناسب و خاصه احنا اكلنا على قدنا

ما ناكل وايد

المشاركة الأصلية كتبت بواسطة هاوية الاسفار
http://www.arabtravelersforum.com/tr...9/#post8162269

مشكورة الغاليه العنوان طرى على بالي قبل ما اكتب الموضوع و خاصة اني احب هالاغنية و كلماتها و احس انها وطنيه و سبحان الله اتيني قشعريره يوم اسمعها شاكره مرورج

فدييييتج يا ام علي
تسلميين يارب

هلا هلا

حي الله اهل الامارات الحمدلله على السلامه زارتنا البركه ونورتوا الديره

قواج الله على هالتقرير الحلو والتصوير الحلو تسلم اناملج الذهبيه

المطعم اللي عاجبج ديكوره اكله واايد حلو حسافه ماقعدتي فيه اهو تابع لمحل ماركه كويتيه Deer & Dear

وتوهم فاتحين ما صار له فتره .. عليكم بالعافيه الريوق والغدا والعشا

طبعا ريوق المباركيه ياسلام عليه وبيض وطماط احلى ريوق

عاد المحل اللي في المباركيه اللي اشياء تراثيه في يمه محل بعد قديم مسويه محل وقهوه قديمه اسمه بيت احمد اعتقد قعدته اتشوق الصبح

نااطرين باجي التقرير وعليكم بالعافيه

بس ليش غيرتوا الفندق شكله حلو ونظيف وموقعه ممتاز ؟؟

المشاركة الأصلية كتبت بواسطة q8ya metnaqla
http://www.arabtravelersforum.com/tr...5/#post8162385

هلا هلا
حي الله اهل الامارات الحمدلله على السلامه زارتنا البركه ونورتوا الديره

قواج الله على هالتقرير الحلو والتصوير الحلو تسلم اناملج الذهبيه

المطعم اللي عاجبج ديكوره اكله واايد حلو حسافه ماقعدتي فيه اهو تابع لمحل ماركه كويتيه Deer & Dear
وتوهم فاتحين ما صار له فتره .. عليكم بالعافيه الريوق والغدا والعشا
طبعا ريوق المباركيه ياسلام عليه وبيض وطماط احلى ريوق
عاد المحل اللي في المباركيه اللي اشياء تراثيه في يمه محل بعد قديم مسويه محل وقهوه قديمه اسمه بيت احمد اعتقد قعدته اتشوق الصبح

نااطرين باجي التقرير وعليكم بالعافيه
بس ليش غيرتوا الفندق شكله حلو ونظيف وموقعه ممتاز ؟؟

الله يحييج الغاليه

في السفره هاي اكتشفت وايد اماكن و هاي اول مرة اطول في الكويت بالعاده نقعد يوم او يومين بس هالمرة اصريت اني اقعد اكثر مع انه زوجي كان معارض
بس الحمدلله وايد استانسنا و ان شاء الله نرجع في اقرب وقت
الفندق كنت ناوية احجز غرفتين بس قبل الحجز شاورت عيالي و قلت لهم بنقعد في الكويت في فندق بس غرفتين
طبعا ولدي الكبير قال انا ما برقد بروحي برقد وياكم
و بعدين ما تعودت اسكن في مكان واحد مدة طويله احب اجرب الفنادق و كانت فرصة

اعذروني بكمل باجر النت يفصل و الصور وايد

يعطيج العافيه
النت هالايام يخرب علينا ههههه حتى عندنا كل شوي يفصل وبطيئ
جولتكم بالمتاحف حلووة تصدقين انا ما دخلت بيت ديكسون ...
بس يبيبله ان شاءالله
واما متحف الكويت شي ثاني لو رايحة صوب الحياة الكويتيه القديمه
وناسه وروعه الاشياء اللي فيه

شفتي القبه السماويه بعدين اقول لج عنها
ولازم تروحين تزورينها المره اليايه

اما السدو حلوو والله بس ما نعرف نسوي سدو
وفريج صويلح يا سلاااام حلووو حلووو عليه بالعافيه اللي آكل البرياني
احب بريانيهم اما المجبوس مرة ثانيه اذوقج المجبوس العدل
ما ييتي عندي رحتي فريج صويلح ههههه بالعافيه عليكم
مرة ثانيه يوصلج للفندق ان شاءالله
منتظرين البقية

مشكله النت والفورمات ربي يعيينك


اليوم متاحف وديسكون شفت تقرير اختنا نانا وان زرت الكويت بزوره ان شاءالله مع زيارتنا نحضر زواج واقرب طياره

شكووو اقرب طيارة
استاذ فيصل ..مو قبول زيارة قصيرة للكويت ما يصير
بعدين زواج يعني ويك
استمتع بالكويت بعدين اقرب طياره

ماشاء الله
الحمدلله على السلامة
وربي يحفظكم ويسعدكم
كل الشكر لكِ على التقرير
تحياتي لكِ

كل الشكر لادارة المنتدى على تثبيت الموضوع و ان شاء الله ما نخيب ظنكم

لازلنا متابعين

بصراحه تقرير ولا اروع

الف الف مبروووك التثبيت تستاهلين ربي يهنيج
ليش ممنوع التصوير هذا خبل الامن ههههه
او يمكن المصور بيصور يخت او قارب شخص ما يبي احد يصوره ونبهه الامن ... ما علينا
المهم السوق اللي تحت اسمه الشايع انا اسمعه محلات الشايع وايد اغراض حلووه ورخيصه
والمطعم شوقتيني على حمسة الدياي ... شوكليت بار اوكي وووين الفراوله ههههههههه
اما التدخين ممنوع بالمولات بس المباركيه ما اعتقد ممنوع لانه فيه شيشه وعباره عن سوق مفتوح
علشان جذيه مسموح
والله ودنا يقطعون التدخين والشيشه من كل الكويت كلها ربي يفكهم منه
والمجبوس ياييلج ياييلج ان شاءالله
يعطيج العافيه كملي

تستاهلين التثبيت و 5 نجوم فوقهم

ماشاءالله خوش طلعات واستغلال للوقت صح

والاكل عليكم بالعافيه والمره اليايه ان شاءالله تزورونا في البيت وتجربين المجبوس الاصلي والمطبق

التدخين والله ياريت يطبقونه وان شاءالله يمنعونه من كل مكان

زياره المتاحف حلوه اتمنى انكم زايرين بيت العثمان صرااحه وااايد حلووووووو حساافه اذا مارحتوا

نسيت اي هذا سرداب الشايع معروووف والكل يحبه

اي زين سزيتوا في تجربة الفنادق حلو تغير اذا الفتره طويله

والمباركيه كل شي فيها ارخص من الاماكن الثانيه في الاشياء التراثيه وكاسريهم بعد بيرخصونلكم

طلب صغير اذا ممكن يا هاويه تحطين الاسعار للفنادق المطاعم

ومتابعيين معاج

الله يبارك فيكم

ان شاء الله بحط الاسعار للفنادق بس المطاعم نسيت احتفظ بالفواتير سامحيني
في وايد اماكن ما زرتها و السبب اني ما احتفظت باسامي الاماكن لاني رجعت من مكة و عقب يومين سافرت الكويت و ما فضيت بس كنت متذكره بعض الاسامي من تقرير اختنا نانا
و ان شاء الله في الاجازة القادمه بعد شهرين اذا الله كتب بزور الاماكن الناقصه

صج ما رحتي متحف بيت العثمان
ومتحف صالح العجيري اللي قلت لج قبل السفرة
الظاهر يبيلكم قعده اكثر ونروح فيلجا بعد معاج
ان شاءالله اليوم في جزء نتابعه متشوقيييين
بالانتظار

تابع الصالة

مراية الحمام بدون اضاءة

بعد الاضاءة

بعد ما ريحنا طلعنا متجهين الى مجمع الكوت بالفحيحيل

الجو كان بارد جدا و الجلسات جميلة و البحيرة تشرح الصدر

لقيت محل سارا كيك و اخذت مرطبانين بسكويت و طعمهم لذيذ

مركز السلطان

و هني شفت واحد يدخن و رمى السيجاره على الارض و كانت مشتعلة و دخل المحل و لا همه حد و الحمدلله كان في عامل تنظيف فقلت له يطفيها و ياخذها من على الارض

بعدها رجعنا الشقة و كان في كافتيريا مقابل الشقه خذنا سندويشات شاورما و جبن حلوم

بعدين زوجي كان مشتري قهوة كويتيه من مطحنه في الكوت و جربناها

بالنسبة للشقه كانت نظيفة جدا جدا و ادواتها نظيفه و جديده مع اني ما استخدمتها

لكن زوجي لم تعجبه المنطقه لانها كانت اغلبها مساكن للعمال ويكثر فيها الآسيويين

و ايضا بعيده عن التسوق و مركز المدينه و تناسب هواة الطبخ و العوايل الكبيره

تم خصم 119 دينار كويتي لمدة ليلتين مع التأمين

و بهذا انتهى يومنا الرابع و القاكم غدا مع آخر يوم لنا في الكويت

من زمان على سوق السالميه المعلم
يوم بناتي كانو صغار كنا نوديهم وبعدين كبروا خلاص ما يبونه
اما ميس الغانم وين صاير اهو في سوق السالميه ؟؟
مع ان ايام الخميس بالزوارة بالسالميه يطلبون لنا من ميس الغانم
بس ما سالتهم وين موجود هههههه
المهم عليكم بالعافيه
الشقه حلووة ونظيفه شكلها قلت لج يديدة علشان جذيه ما سمعت عنها
والمنطقه حلوة بس صح كلها اجانب موظفين الشركات
وعليج بالعافيه سارا كيك بتي فور لذيييذ وترف
منطقة الكوت لازم تلاقين من اللي ما يهتمون بالاخرين فعادي لو يدخن بوجه الواحد عااادي
ويقطها واذا تكلمتي بيضحك عليج .... انا ما قلت شي ههههه

متابعين معاج للاخر يا جمييل

المشاركة الأصلية كتبت بواسطة توبليرون
http://www.arabtravelersforum.com/tr...4/#post8163844

من زمان على سوق السالميه المعلم
يوم بناتي كانو صغار كنا نوديهم وبعدين كبروا خلاص ما يبونه
اما ميس الغانم وين صاير اهو في سوق السالميه ؟؟
مع ان ايام الخميس بالزوارة بالسالميه يطلبون لنا من ميس الغانم
بس ما سالتهم وين موجود هههههه
المهم عليكم بالعافيه
الشقه حلووة ونظيفه شكلها قلت لج يديدة علشان جذيه ما سمعت عنها
والمنطقه حلوة بس صح كلها اجانب موظفين الشركات
وعليج بالعافيه سارا كيك بتي فور لذيييذ وترف
منطقة الكوت لازم تلاقين من اللي ما يهتمون بالاخرين فعادي لو يدخن بوجه الواحد عااادي
ويقطها واذا تكلمتي بيضحك عليج .... انا ما قلت شي ههههه

متابعين معاج للاخر يا جمييل

مشكورة على متابعتج ويايه

سوق السالمية احلى شيء عندهم محل الحلويات عنده اشكال و الوان من الحلويات

لا حبيبتي ميس الغانم على الكورنيش بس طلعنا من سوق السالميه و قلت لازم نتغدى فيه لاني بصراحة ما القى حد يسوي عرايس بالدجاج لا عندنا و لا عندكم الا من النادر
و التبوله عندهم لذيذه يمي

بالنسبه للتدخين لا والله مب بس في الكوت حتى في الافنيوز و الشرق و هذا شفته جدام عيني

صور جميلة ورائعة , بالنسبة لميس الغانم اتوقع مكانهم بالمنطقة العاشرة وليس الرئيسي , متابعيين ,,,

بالنسبه للعرايس باللحم أغلب مطاعم الكويت يضبطونها
بس اللي بالمباركيه اغلبهم زيته كثير ماعدا مطعم الشرق الدولي (معنننند على هالمطعم)
وفيه مطعم ملك المشويات بشرق بجنب محلات الاتصالات الكثيره أفضل من كل اللي بالمباركيه
من وجهة نظري ووجهة نظر الربع هناك
لكن مافيه عوائل / سفري ينفع - بس عجيب هالمطعم

أهلا بك مشرفتنا

تقرير جميل لبلد أجمل

ماشاء الله عليكم جولات متميزة جدا ,, استفدت من بعض المعالم التي لم يسبق لي زيارتها

كمقهى سليمان الشميمري , بيت ديكسون , متحف الكويت , بيت السدو

بالنسبة للشقة المفروشة أشوفها حلوة وستايلها جميل

شكرا مرة أخرى

المشاركة الأصلية كتبت بواسطة لوفتهانزااا
http://www.arabtravelersforum.com/tr...8/#post8164218

بالنسبه للعرايس باللحم أغلب مطاعم الكويت يضبطونها
بس اللي بالمباركيه اغلبهم زيته كثير ماعدا مطعم الشرق الدولي (معنننند على هالمطعم)
وفيه مطعم ملك المشويات بشرق بجنب محلات الاتصالات الكثيره أفضل من كل اللي بالمباركيه
من وجهة نظري ووجهة نظر الربع هناك
لكن مافيه عوائل / سفري ينفع - بس عجيب هالمطعم



عرايس بالدجاج و ليس باللحم و اذا تعرف مطاعم يسوونها لا تبخل علينا
شكرا على المرور

المشاركة الأصلية كتبت بواسطة كتكات783
http://www.arabtravelersforum.com/tr...4/#post8164234

أهلا بك مشرفتنا

تقرير جميل لبلد أجمل

ماشاء الله عليكم جولات متميزة جدا ,, استفدت من بعض المعالم التي لم يسبق لي زيارتها

كمقهى سليمان الشميمري , بيت ديكسون , متحف الكويت , بيت السدو

بالنسبة للشقة المفروشة أشوفها حلوة وستايلها جميل

شكرا مرة أخرى

الشقه ما عليها كلام بس المشكله في المسافه و خاصه انه زوجي لازم يصبح في المباركيه و يمسي في الشميمري

و اليوم ان شاء الله بحاول انزل الجزء الاخير و صور اكثر عن الشقه

و في بعد اماكن كثيرة يوم رجعت يقولي ولد اختي في مطعم اسمه نامليت و في مطعم ديكسون و اماكن تراثية كثيره ان شاء الله نزورها في المرات القادمة

عليكم بالعافيه ميس الغانم

وثاني شي شقتكم حلوه ماتوقعتها جذي بس المنطقه اغلبها عمال شركات وبعيده نوعا ما عن الديره بس حلوه للي يبي يسكن حوالين الكوت وفحيحيل

والتدخين نتمنى من كل قلبنا انهم يمنعونهم

ميس الغانم ماركه مطاعم الكويت


الشقه حلو بس مكانها يمكن ما يعجب العوائل

يعطيج العافية مشرفتنا الغالية على الأجزاء الرووووعة

انا بالكويت ولا مرة جربت فريج صويلح نفكر ونطلع بعدين نغير امكن لأنه نفس طبخنا
عكس لو كنا بالسعودية نجرب المثلولثة ومأدري أطباق يعرفونها أهلي بالمطبخ السعودي

والتدخين
نتمنى مو يمنعونه من أماكن محددة إلا ينغرض آميييين

الشقة شكلها نظيفه بس ما حسيتوا بالراحة
وفيه خيارات وفندقين بمحافظة الأحمدي
فندق السفير بالعقيلة
وفندق ومنتجع هيلتون الكويت

ولا الأفضل
فنادق البدع القريبة من السالمية

متااااابعين معاج
وبعد ماشاءالله تقبل الله طاعتكم وعمرة مقبولة

المشاركة الأصلية كتبت بواسطة هاوية الاسفار
http://www.arabtravelersforum.com/tr...9/#post8164269

عرايس بالدجاج و ليس باللحم و اذا تعرف مطاعم يسوونها لا تبخل علينا
شكرا على المرور

مطعم ملك المشويات بشرق
مطعم الهدى بخيطان شارع المطار قبل السينما
مطعم اوتار برا المارينا بجنب فرع فيفا
مطعم الشمم
مطعم مستر كويتي بالرقعي وفرع ثاني بصباح السالم
مطعم الوزان بالشويخ آخر الشارع اللي فيه بيع لحوم ودواجن مافيه عائلات
قصر النخيل بالسالميه
هليوبلس بالفروانيه 00 روعه العرايس عنده


ترا لي اكثر من سنه عن بعضهم وبعضهم اكثر من 3 سنوات
تحيات ابوخليفه كان مدمن مطاعم

جوله رائعة لمتاحف الكويت
وياريت مريتوا على بيت العثمان بحولي وبيت أحمد بالمباركية
بالنسبة للتدخين والله تعبنا منهم المشكلة ان بالكويت عندنا قانون يمنع التدخين لكن مومطبق ان شاءالله يطبقونه
شقتكم وايد حلوه ومبين نظيفة
لكن مثل ماقلتي بعيده عن العاصمة
بانتظار باقي التقرير

"يا دار لا هنتي ولا هان راعيج"
اسم جميل لتقرير عن بلد ولا اجمل

يسعد صباحك مشرفتنا ..

تقرير رائع واجزاء حلوة واعدتي لي الذكريات الحلوة برحلتي للكويت..

اختيارك للأماكن ينم عن خبرة في السفر وحب الاكتشاف والاستمتاع بكل وقت ..

تقرير رائع من يد خبيرة

تسلم الايادي

وعذرا لم ارى التقرير الا امس بسبب الانشغال..

متابعة ولو متأخرة لكن مركزة لكل التفاصيل الحلوة..

المشاركة الأصلية كتبت بواسطة لوفتهانزااا
http://www.arabtravelersforum.com/tr...3/#post8164683

مطعم ملك المشويات بشرق
مطعم الهدى بخيطان شارع المطار قبل السينما
مطعم اوتار برا المارينا بجنب فرع فيفا
مطعم الشمم
مطعم مستر كويتي بالرقعي وفرع ثاني بصباح السالم
مطعم الوزان بالشويخ آخر الشارع اللي فيه بيع لحوم ودواجن مافيه عائلات
قصر النخيل بالسالميه
هليوبلس بالفروانيه 00 روعه العرايس عنده


ترا لي اكثر من سنه عن بعضهم وبعضهم اكثر من 3 سنوات
تحيات ابوخليفه كان مدمن مطاعم



ما شاء الله كل هذيل

عيل يبغيلنا شهر في الكويت عشان نجربهم

و يا ليت لو كنا من النوع الاكول لكن الحمدلله وجبة وحده رئيسيه تكفينا

شكرا لك

المشاركة الأصلية كتبت بواسطة nanaabuabed
http://www.arabtravelersforum.com/tr...6/#post8164836

"يا دار لا هنتي ولا هان راعيج"
اسم جميل لتقرير عن بلد ولا اجمل

يسعد صباحك مشرفتنا ..

تقرير رائع واجزاء حلوة واعدتي لي الذكريات الحلوة برحلتي للكويت..

اختيارك للأماكن ينم عن خبرة في السفر وحب الاكتشاف والاستمتاع بكل وقت ..

تقرير رائع من يد خبيرة

تسلم الايادي

وعذرا لم ارى التقرير الا امس بسبب الانشغال..

متابعة ولو متأخرة لكن مركزة لكل التفاصيل الحلوة..



مشكوره على المتابعه المتأخره

بس بصراحه انا استفدت من تقريرج وايد بهالسفره لكن للاسف ما احتفظت بالاماكن اللي كنت انوي زيارتها لاني ما كنت متاكده من السفر 100%

بس الحمدلله اللي تم في ذاكرتي زرته و الباقي نسيتهم بس ان شاء الله المرات القادمه

و الاكتشاف الله يخليلنا القارمن صديقنا الصدوق بس لازم اسوي تحديث للبيانات كل سنه

و تابعينا للآخر

يامساء الجوكلت باااااااار

من اقوى كافيهات الكاكاو احبببببه كل طبق سويت لذيذ عندهم

وياحلو يمعتكم عليكم بالعافيه ان شاءالله المره اليايه نلتقي فيج كلنا

وعليكم بالعافيه صليوح لوووووووووول الله يحفظهم

من احب الاسواق على قلبي سوق شرق خصوصا في هالاجواء الشتويه وتقعدين في ستاربكس اللي بالدبنهامز فوق يطل عالمرسى

عجيييب

ناطرين معاج الى النهاية

هههههههههه يام علي اللي مايطيع يضيع
مو قلت لج تفضلي تغدو عندنا قلتي توني ماكله بفريج صلييييييييووح هههههه
باين عليج مو أكيلة لحم ....

سوق شرق احلى شي الظهاري او العصر احسه هذا وقته بس

الشميمري حلووة قعدته على البحر حلاته بالصيف علشان تشمين ريحة البحر والرطووووبه هههههه

اما اللقاء كان في مجمع المطاعم سبونز بالمهبوله

اختي ام علي انا اللي لي الشرف بمعرفتج والتعرف على انسانه من اول
ما شفتها حسيت اني اعرفها من سنين
وللعلم يا جماعة معرفتي بهاوية الاسفار بالمنتدى ما صار لها الا شهر يمكن وبسرعه
تأقلمنا مع بعض انسانه شفافه وكأني شفت اختي اللي ولدتها امي
ربي يحفظها ويحفظ عايلتها الكريمه
والله يا ام علي مشتاقين للقاء الثاني والثالث والالف ان شاءالله
اختي تسلم عليج واستانست عليج ودايما تسأل عنج

بانتظار لم المشتروات والسفر الله يعينج

يا حلووووووو ولدج فريج صليييوح == فريج صويلح
لوووووول
يا حلو بدلياتنا

زوجج يذكرني بأبوي الغالي ان حب شئ ادمن عليه

وعليييكم بألف عاااافية خواتي الغاليات ام حسون و هاوية الأسفار

وسوق شرق والكورنيش حابة أروووح لهم بهالأجواء الحلوه وأصور واليهال يلعبون بالسكوتر بس أه الكسل ذابحني

إن شاءالله يحمسني تقريرج وأروووح

متااابعين معاج أخر يوم وحسافة إنه أخر يوم

إضغط على الصورة لتكبيرها ... أبعاد الصورة الأصلية 664x449 وحجمها 99 كيلو بايت .

والله العظيم أحس جتني ضيقة بالصدر وانا احاول اقراها
لحسة مخ

جزء راااائع
وحسافه ماقدرت أشوفكم بلقائكم لاني كنت بالاكواريوم
وفريج صويلح لاتروحين له وقت الزحمه حاولي تروحين مبجر
وماالومكم حبيتوا قهوه الشميمري القعده والاجواء فيها تهبل
واخر يوم بالسفر يكون أبيخ يوم
بانتظار باقي التقرير

المشاركة الأصلية كتبت بواسطة الايماان
http://www.arabtravelersforum.com/tr...9/#post8165419

جزء راااائعوحسافه ماقدرت أشوفكم بلقائكم لاني كنت بالاكواريوموفريج صويلح لاتروحين له وقت الزحمه حاولي تروحين مبجر وماالومكم حبيتوا قهوه الشميمري القعده والاجواء فيها تهبلواخر يوم بالسفر يكون أبيخ يومبانتظار باقي التقرير

اموون كله مني ما قلت لج مبجر
والا الخميس على وعدنا لو شايفتني قضيته
بالمواساة ابر ودريب والجمعه صرت زينه شوي كلمت هاوية العصاري
وما اتفقنا الا حده حده
وان شاءالله خيرها بغيرها نتقابل كلنا مع هاويه لها نية ان شاءالله