الموضوع: عـــــاجـــل

السلام عليكم ورحمة الله وبركاته ..

اخواني واخواتي المسافرون ..


انا ناوي اطلع امريكا ( ميامي ) ان شاء الله .. تاريخ 10 او 11 او 12 من الشهر الحالي ..


ومحتاج مساعدتكم في الحصول على طيران ممتاز و سعره مناسب ..


وان شاء الله ماراح تقصرون معاي في مساعدتي ..


وياليت كل واحد يقولنا رايه في الأميريكان اير لاينز .. او البرتش ..

لان ما حصلت على القطرية في التاريخ المطلوب ..


ومشكووووووورين جميعا مقدما ..

مواضيع عشوائيه ممكن تكون تعجبك اخترناها لك:

• ياجماعة الخير اسعفونا هل الموقع هذا موثوق شكلنا انسرقنا سددنا بالفيزا
• مساعدة لتعديل جزء من رحلتي
• معلومات عامة وتعريفية عن الولايات المتحدة الامريكية
• ايجار سياره
• اقتراحاتكم لا هنتو مخطط الرحلة
• ابي افضل خطوط واقل سعر من الرياض الى شيكاغو
• مقابلتنا الاسبوع الي طاف
• بعض الاستفسارات عن جزر هاواي
• بعد بعد معاناة عام كامل تم الحصول الفيزا
• سفري بعد اسبوع و اسئلتي عن الشنط والعفش
• انا مسافر إلى اريد اعرف اماكن سياحيه
• ساعدوني
• سؤال عن مخطط الرحلة
• ديزني بالشتاء
• هل يوجد مدارس عربية
• الأن طيران الامارات إلى نيويورك مع الاسعار
• باقي ١٤ يوم همتكم معاي للتشطيب
• استفسار سريع وظروري الحين
• حجز الشقق المفروشة
• لمن يريد الحصول على قبول من معهد انجليزي أو جامعه معتمده باامريكا

القطرية كويسة

لكن غريبة إنكـ ما حصلت في التاريخ المطلوب ، مع العلم إن القطرية رحلاتها يومية !!!!!


أتمنى لكـ التوفيق إن شاء الله بقية الأعضاء يساعدونكـ

يعطيك العافية اخوي عالي الطموح ..


انا حجزت الحمد لله ..

وحجزي كالتالي ..


البحرين - الدوحة على القطرية ..

الدوحة - باريس على القطرية ..

باريس ميامي على الاميريكان اير لاينز .

........


والعودة

نيويورك - لندن على الاميريكان ايرلاينز ..

لندن - دبي على الفيرجن اتلانتك ..

دبي - البحرين على الخليج ..


والحجز كان لـ 4 اشخاص ..

وطلع علي بـ 5206$ .. التوتال طبعا ..


شرايكم ..



باقي السيارة ..

وش رايكم احجز من النت ولا لما اوصل من المطار ..

وايش وضع الرخصة .. هل يحتاج اني اطلع رخصة دولية او اكتفي بالرخصة السعودية المترجمة ؟؟


ويعطيكم العافية ..

خذ مع الرخصة السعودية رخصة دولية للاحتياط !!

بالتوفيق

هلا عزيزي

والله صراحه 1300 دولار على الشخص وايد تبي راي قصوا عليك ....

انا حجزت تذكره

البحرين - قطر " على القطرية "
قطر - باريس " على القطرية"
باريس - ميامي "امريكان ايرلاينز"

ميامي - نيويورك "امريكان ايرلاينز"
نيويورك - لندن " امريكان ايرلاينز"
لندن - البحرين " برتش ايرويز"

كامل طلع لي 970 دولا .... وبتاريخ 5

لو حاب احجز لك تذاكر مع ربعك خبرني بتواريخ المغادره والعوده ... بس حط في بالك انه مو شرط تحصل بنفس التاريخ ممكن يومين او 3 زايد او قاصر حسب السعر

بالنسبة لي موضوع السياره احجز من النت بس بدون ماتدفع عن طريق موقع السيارات الاجار نفس ما انا سويت على شركة thirfty ممكن تحجز نوع السياره ويطلع لك السعر وكل شي وتطبع ورقة الحجز بدون اي رسوم او اي دفع ولما توصل اهناك يكون الخيار لك اما تاخذ حجزك او تشوف لك شي ثاني

هلا بك اخوي بحريني ..

اول شي انا حاجز عن طريق النت ..

ثاني شي انا لازم اسافر بتاريخ 10 او 11 شهر 7 بالكثير ..

وارجع تاريخ 10 شهر 8 ..


ياليت تفيدني بمواقع الحجوزات .. واكون لك شاكر ..

الله يعينكم على الحر في ميامي
تونا راجعين منها والله حر مرررة!!حتى نيويورك اللي باردة هالسنة حر !
اذا تقدروا تغيروا خطتكم روحوا لكالفورنيا وماجاورها (نصيحة ملقوف) بس والله ذبحنا الحر في فلوريدا وميامي حبيت اضيف رأيي.يمكن تسفيدوا انتو أو باقي الاعضاء.

مشكور اخوي طيور .. وراح انظر في اقتراحك .. والله يكتب الي فيه الخير ..

الاخ البحريني .. انتظر ردك ..

وين حصلت السعر هذا ..

مع العلم اني بحثت عن سعر رحلتك ولقيتها بـ 1170 دولار تقريبا ...

فـ ياليت تفيدنا وين حصلت هالسعر ..

لان ابي 6 تذاكر بتاريخ 10 او 11 .. هالشهر ..

أخوي .... أنا من 3 سنوات كان حجزي لميامي ... وكانت الرحلة تبداء من البحرين (بسيارتي).... ثم بالطائرة إلى باريس..ومن ثم إلى نيويورك ثم إلى ميامي.... ماأذكر الخطوط اللي طلعت بها لكن أذكر أجمل نقطه فيها كانت بين رحلتي من البحرين ورحلتي من باريس .. كان الفرق بس ساعتين...وعلى ماأذكر كانت شركتين مختلفتين للخطوط... ولا تلومني لو ماتذكرت الخطوط لكن وعد ببحث لك في جعبتي عن الرحله

احنا حنروح ميامي ان شاء الله في سبتمبر كيف راح يكون الجو؟
ايش افضل الاماكن الي ممكن نزورها خلال 3ايام ؟ وافضل منطقة للسكن وياليت تعطونا اسماء فنادق نظيفة وسعرها معقول



وشكرا مقدما::