الموضوع: انا مسافر يوم الاحد القادم باذن الله وعندي بعض الاستفسارات البسيطه

السلام عليكم ورحمه الله وبركاته

طبعا هذي اول مشاركة لي معكم في هالمنتدى الجميل والمفيد بنفس الوقت

انا بعون الله مسافر للفلبين يوم الاحد رحلتي 1 جانيوري على الخطوط الفلبينية بالكاد لقيت لي حجز من الزحمه

طبعا سفري لقضاء حاجة ولايمنع من السياحة بنفس الوقت

انا مسافر عشان الاسنان سمعت كثير عن مدى براعتهم وشغلهم في الاسنان هذا غير انه الاسعار مره مره مره لاتقارن بالاسعار عندنا ......بالنسبة للاسنان عندنا لو بتحشي حشوة او بتعمل جسر او تلبيس لسن قال لك الدكتور هات كل اللي بحسابك لا وبعد اتدين فوقهم عشان اعالجلك سنانك المفروض الحكومة تلتفت للغلاء الفاحش لطب الاسنان عندنا وتعيد النظر في التسعيرات لانه مو كل الناس عندها ملايين

على العموم عندي كم استفسار شاغلني ياليت احد يساعدني فيهم

1- هل الخطوط الفلبينية جيده للسفر عن طريقها لاني مالقيت حجز باي خطوط غيرها

2- هل العيادات بتكون قفله عندهم عشان العيد ولو كانت بتكون مقفله قد ايش تكون اجازتهم هم لراس السنة

3- انا حجزت في فندق ريجنسي مدري وش رايكم فيه والا اغيره ؟؟؟

4-هل بطاقات الصراف للبنك الامريكي او الراجحي تعمل هناك دون اي مشاكل ؟؟؟؟؟؟((هذا اهم سؤال بالنسبة لي ))

5-بالنسبة لي انا راح اروح لحالي نظرا لاني بقضي حاجتي وبرجع فاكيد راح احتاج الى مرشد سياحي وخصوصا انها اول مره اطب فيها الفلبين ولا اعرف وين لازم اتواجد وين لازم اتجنب فمن الطبعي اخذ لي مرشد سياحي يرافقني فترة اقامتي هناك فالسؤال : هل اجد في الفندق مرشدين سياحيين هناك او لازم اروح لمكاتب السياحة هناك ؟؟؟؟


ارجوكم احد يفيدني بالاسئلة هذي باسرع وقت لاني ماشي يوم الاحد فضروري اعرف اهم شي وهو هل بطاقات الصراف تعمل هناك واحدد البنك الامريكي والراجحي وخصوصا انهم هالبطاقتين يدعمون بكات كثيرة بس مدري اذا في الفلبين مدعومة الشبكات اللي تدعمهم هالبطاقات

مواضيع عشوائيه ممكن تكون تعجبك اخترناها لك:

• تكفون لا هنتو۔ ابي فندق
• استفسارات ، رحله بحريه وصيد سمك
• سيبو او بروكاي
• سوال افضل فندق في بيرتو قاريرا
• رأيكم في السكن في منطقة مترو مانيلا و مكاتي الفلبين
• طلب بخصوص سيبو
• صور في الفلبين من تصويري الخاص
• اللي يعرف احد بمانيلا يتصل عليه ؟
• ارجو المساعده
• افاااااا يا ذا العلم الخطوط الفلبينية تصرق السعوديين مع المصدر
• معلومات عن مانيلا
• شرايكم في شقق لأول مره تنزل في بوابه الفلبين
• الحل هنا
• هل يوجد سفارة للفلبين في لبنان رجاء ؟
• كل عام وانتم بخير بحلول شهر رمضان المبارك
• يا ويلكم من اللةفررررريتو راسي
• محتاج الموقع الخاص لفندق فريسر مانيلا سلسيدو جزاكم ربي جل الخيرات
• فزعتكم يا اخوان
• استفسار من اهل الخبر عن الاستيراد من الورده
• استفسار عن فندق اقل من في مكاتي

اخوي العزيز تمنياتي لك بسفره سعيدة
من ناحية بطاقة الصراف بإمكانك استخدامها بكل سهولة (راجحي امريكي ))
من ناحية الخطوط الفلبينية جيدة وسبق وسافرت عليها ((طبعاًبتنزل بمطار غير المطار اللي تنزل فيه الخطوط السعودية والامر عادي))
من ناحية العيادات لااعلم الان.. ولكن يمكن استفسر وارد لك خبر قريب
من ناحية الفندق ممتاز
هناك مرشدين سياحين واذكر لهم مكاتب بمكاتي
تحياتي

الأخ وبران ما قصر .... وياليت تتطلع على مقالات الاعضاء الموجودة في المنتدى .... ارشادات رائعة وتسهل لك الرحلة .... وانصح بالاتي :
- اكتب مكان اقامتك في بطاقة دخول الفلبين قبل الوصول الى الجوازات حتى لا تتعرض الى زيادة في الاسئلة من قبل جوازاتهم .
- اصرف مبلغ بسيط قبل ما تطلع من المطار سواء ريال او دولار بقدر 100 دولار عشان التاكسي.
- استأجر التاكسي من المكاتب الموجودة في المطار ولا تاخذ تكسي من دون مكتب ابدا ابدا
-

اجازة العيد ياخوى من 3 الى 5 ايام ماعندك احد لامطاعم والاسواق الدنيا مقفلة
الا محلات السوبر ماركت 7/12 هذه اللى بتكون مفتوحة ايام العيد
الله يعينك على شغالة هاليومين هذا اذا لقيت بعد
ونصيحتى لك لاتاخذ تاكسي من بره خصوصاً من صالة الوصول للطيران المحلى
عليك وعلى المكاتب ولاترى قل على دراهمك السلام

مرحبا أخوي saloome :101:
بخصوص بطاقات الصراف أكيد تقدر تستخدمها هناك بس لازم تتأكد أن مكتوب خالف البطاقة كلمة
( سيروس أو مايستروس أو فيزا أو ما ستركارد ) وللمعلومية ترا على كل سحبة ياخذو منك 15 ريال هذا طبعآ غير فرق العملة .
وبخصوص الفندق رجنسي تراه ممتاز من ناحية ألأمن والنظافة وموقعة بس على حسب علمى أنه زاد من قيمة الغرف حوالي من 500 ألى 1000 بيسو من حوالي شهر , يعني تأكد من قيمة الغرفة قبل ما تروح.
ومن ناحية المرشد السياحي أقدر أعطيك رقم المرشد أللي كان معاي في رحلاتي للفلبين وتراه ممتاز, بس راسلني على الخاص أو على الأيميل أذا ما قدرت تراسلني على الخاص وتامر أمر.
وتقدر تقرا التقريرين أللي في توقيعي تحت وتاخذ لك فكرة عن البلد وأيش راح تشوفه هناك ووين ممكن تروح وكم راح يكلفك كل شيئ تقريبآ .
وأن شاء الله تروح وترجع بالسلامة
:surf :surf :surf

بس راسلني على الخاص أو على الأيميل أذا ما قدرت تراسلني على الخاص وتامر أمر.

بس الوقت ((((((( لكم اوكي)))))

عنوان دكتورة في الأسنان في الفلبين


أذا كان هناك شخص يريد الذهاب

إلي العيادة وهذا هو العنوان



Dra/ Orbelin O0 Valenzuela
Lady Dentist
#1700 Ekksdn Bldg
Room 208 2 Nd Flr.
Mabini St. Malate . Manila
Hom:006322513892
Cok:006325224086
Mol: 00639275540360

وانا انشاء الله بالحقك يوم 10 /1/ 2006 وعلى الخطوط الفلبينية وفي نفس الفندق ومسافر لوحدي ومن خلال بعض الاصدقاء تعرفت على عناوين مرشدين سياحيين في مانيلا
تروح وترجع بالسلامة ياااااااااااااااااااااااااااااااااااارب

اخي هت نيوز 999
:smile002:

مثل ما قالوا الاخوة ....بتستفيد كثير من هذا المنتدى....وقد لاتحتاج المرشد السياحي كثيرا.

استخدمت فيزا الراجحي و ذلك من حوالي الشهر...ولكن هناك اجهزة لاتقبل الفيزا...بس اسأل ويدلونك.
لكن يسمح لك بسحب 5000 بيزو في المره الواحده ....ماحاولت اسحب اكثر من مره في اليوم.:114:

انصحك...مثل ما قال اخونا سعود1 خذ معاك بما يساوي 100 دولار عملة بيزو...يعني ما يقارب5500
حاول توزع فلوسك في اكثر من جيب...حتى اذا فقدت شي يبقى الباقي.
واصرف من البنوك او المصارف .
ولا تحط فلوسك في البنطلون بعدين تطيح منك وانت ماتدري.....(صارت لي) :110:
خ
خل جوازك بالخزنة حقة البنك ..وخذ معك صورة منه...بما فيها صورة ختم الدخول.

لايسمح لك بأخذ اكثر من 1000 بيزو وانت مغادر البلد...يعني اصرف اول باول.
اذا جبت معك 3000 دولار ...لابد تبلغ الجمرك في المطار لأنه لن يسمح لك باخذ اكثر من ذلك المبلغ عند الخروج.يعطونك ورقة عليها.
وبصراحة ما حد سألني عند الدخول او الخروج بس الاحتياط واجب.:115:

تروح وترجع بالسلامه....واسنانك:36_9_2: تمام ان شاء الله.

أخوك ابوهيثم

الاجابة السابقة موجهه للأخ saloome
مع وافر الاعتذار للجميع :101:
ابوهيثم

تحياتي للجميع .....
بالنسبة لاستخدام بطاقة الصراف - اذا تستخدم بطاقة سامبا .... اضن بدون رسوم واكثر امان في حالة استخدامها في بنك سيتي بانك في شارع مكاتي آفنيو باتجاه قلوريايتا ... وجهاز الصراف عندهم عالمي ومتقدم جدا مع اني استخدمته من ثلاث سنوات .... بس ياليت استأجار تاكسي ثاني بعد الصرف احتياطا. وتروحون وترجعون بالسلامة