الموضوع: الرياض جنيف فرانكفورت الرياض رأيكم

السلام عليكم. ما رأيكم بخط الرحلة. هذا. لان الرحلات دايركت. مالي خلق حوسة ترانزيت. اضافة الى السعر معقول
الرياض جنيف
فرانكفورت. الرياض.
أشوف الأغلبية ميونخ.
ودي ازور سويسرا النمسا المانيا.
ممكن اكتفي بالمانيا وسويسرا. ما رأيكم
ربي يحرم يديكم على النار

سؤالي الثاني. اللثمة على الوجه هل هناك مشاكل خاصة. في المانيا. وشكرا لكم من الموبايل

مواضيع عشوائيه ممكن تكون تعجبك اخترناها لك:

• الحمدالله انتهينا من الجدول
• استفسار عن المواصلات يا أهل الخبرة
• مساعدة في خطتي من باريس الى جنيف مرورا بستراسبورغ وانترلاكن
• تخطيط رحلتي لسويسرا الرجاء المساعدة
• هل يوجد موقع يبحث عن افضل اسعار التذاكر طوال فتره معينه؟
• حجزت شقه في بوكنج لكن فيه شي مافهمته
• تأشيرة اروبا سارية المفعول
• السكن في القرى القريبة من انترلاكن
• تكفون ابي احد يساعدني بحجز شقه مالقيت شي مناسب
• ضروري ل آنترلاكن ...
• أستفسار عن فندق أو شقة في جنيف
• أخوكم حاليا في أنتر لاكن أ لأستفسارات حاضر
• ارججوا تقييّم هذا الفندق
• من روست الى سويسرا
• ما ندم من استشار أريد مساعدتكم ي أهل الخبرة
• استفسار السويس باس
• ارجو مساعدتي فهي اول سفرة لي لاوربا
• ابي احجز فنادق في سويسرا عن طريق البوكينق
• بخصوص قمة ينفروا ورأيكم بجدولي
• غداً رحلتي الى انتر لكن ولدي ثلاث استفسارات ارجو الإفادة

بالنسبة للسؤال الأول

إن شاء الله يفيدونك باللي أخبر مني


أما عن السؤال الثاني


النقاب واللثام والحجاب بشكل عام مافيه أي مشكلة أبد أبد

طبعا مافي شك الدايركت دائما اريح وافضل

بالنسبة لزيارتك لسويسرا والنمسا والمانيا

تعتمد على عدد الايام

وجميعها تستحق الزيارة

بالنسبة للأغلبية اللي تشوفهم يحجزون على ميونخ لأنها قريبة من زيلامسي

او يرغبون الاقامة في بداية رحلتهم في ميونخ وما جاورها

....

وعلى فكره لما تشوف الحجوزات اعكس الاتجاه اذا ما كان عندكم مانع

وغالبا في فرق سعر يكون اقل على حسب الشهر اللي ناوين تسافرون فيه

الرياض فرانكفورت

جنيف الرياض

جرب وشوف

.....

رحلة سعيدة ان شاء الله

مشكورين ما قصرتو. الرحلة مدتها 14 يوم. ودي ازور كل المدن لانها اول زيارة. الحجز في اغسطس سنستأجر سيارة ان شاء الله. يعني ترشح لي الرياض فرانكفورت ...اولا ثم جنيف الرياض. يعني ما راح يكون فيه مشقة. والرحلة لن تفقد متعتها. لاني فعلا. ودي اخر الايام اختم بانترلاكن. للاستجمام. بارك الله فيكم. لو احد جرب خط السير هذا. يساعدني. اكون ممتنة من الموبايل

وبالنسبة للسيارة سمعت انه فيه ضرايب عند اختلاف دولة التسليم. كيف بيكون الوضع ؟؟؟ من الموبايل

انا اقترح عليكم

يوم الوصول فرانكفورت

4 ايام زيلامسي او كابرون ومنها تزورون سالزبورج

3 بيرتساو وما راح تندمون ومنها تزورون قارمش الألمانيه حلوه وقريبه من بيرتساو بحدود ساعة وطريقها ما يحتاج الريف الألماني

5 انترلاكن

ويوم بجنيف استعدادا للسفر

وبخصوص السيارة فيه هالأيام تخفيض في هيرتز يوصل ل33% وهي الأرخص على الإطلاق وجربتها مرتين هي الأروع والأرخص

وأكيد فيه ضريبة تسليم في بلد آخر

انا اشوف انكتنزل لميونخ افضل
مدينة فرانكفورت مدينة عملية وتجارية
والسياحة قليلة بها كوجهة
افضل واقرب لك ميونخ
والامر يعود لرغبتك

الله يعينك على رحلتك

ترى حتضرب مسافات ماهي قصيرة

خلينا نبدأ حبه حبه للبرنامج اللي ناسبك

الوصول فرانكفورت

الى زيلامسي 570 كيلو

الى بيرتساو 120 كيلو

الى قارمش 80 كيلو

الى انترلاكن 380 كيلو

الى جنيف 220 كيلو

طبعا ممكن تلغي السكن في بيرتساو وتخليه بقارمش كذا تكون خففت شوي من ضغط المسافات

واذا كنت تفكر بطريقة الغاء دفع ضريبة تسليم السيارة

تطلع من مطار فرانكفورت على ستراسبورغ الفرنسية ومنها تستلم السيارة وتنطلق لزيلامسي

وتسلم السيارة بمطار جنيف الجانب الفرنسي

بس برضه بتكون المسافات طويلة من المطار الى ستراسبورغ 210 كيلو ومنها الى زيلامسي تقريبا 550 كيلو

وبتسير رحلتكم مسافات بمسافات وحتفقدون المتعة حتى وان كانت الطبيعة ممتعه والاجواء رائعة

لكن راح يصيبكم ملل مش طبيعي

راجع المسافات وفكر فيها صح

وهذا الكلام ايضا ينطبق لو عكست السير اللي هو الوصول جنيف والمغادرة فرانفكورت

والقرار لكم

تحيااااتي

اوه ماي قاد يا بو نورة. يعني اشوف المشكلة بفرانكفورت. طيب راح نستخدم القطار. المشكلة اني ما اعرف المسافات. ودي ازور كلير. بفرانكفورت. بس يمديها كبرت الحين. طيب الغابة السوداء وين ،،،، مو مشكلة ندفع ضرايب ما فيه محطة بين فرانكفورت واي مدينة ثانية للاستراحة. لو حبينا ناخذ سيارة ؟؟؟ من الموبايل

الغابات السوداء ايضا بعيدة
تقريبا 260 كيلو ومنها الى زيلامسي 530 كيلو
تقريبا الخيارات ضعيفة بالاستراحة
اما ميونخ وتبعد عن فرانكفورت 400 كيلو ومنها الى زيلامسي 170 كيلو
او قرية انقولشتات بس اتوقع مافيها الا اوت لت وماهو قد كذا وظلم للرحلة انكم تزورون اوت لت في بدايتها
وتبعد عن فرانكفورت 320 كيلو تقريبا ومنها الى زيلامسي 250
وايضا في خيار انكم تروحون كونستانس وتبعد عن فرانكفورت 350 ومنها لزيلامسي 380 لكن متعبه جدا لانكم بعدين بتروحون على قارمش وو و و .. الخ
في خيار رائع وهو الأفضل من وجهة نظري الراحه في نورنبيرغ وتبعد عن فرانكفورت 225 ومنها لزيلامسي 380 كيلو
انا حطيت لك اغلب الحلول
ولو كتبت اكثر حتوهك واجننك ههههه
ولكن ممكن خبراء المانيا يفيدونك لو تطرح استفسارك عندهم عن افضل محطة بين فرانكفورت وزيلامسي
موفقين ورحلة سعيدة

الله يجزاك. خير ما قصرت كل هذا ونستنى خبراء ما شاء الله عليك.
ربي يوفقك دنيا وآخرة قل امين. ،،،،، خلك معي في الموضوع الين ارسي على بر.
الخيار الاول. ان خذينا به ضيعنا يوم بفرانكفورت. وعلى قولة المثل وين اذنك يا جحا نرجع للترانزيت اصرف اكنسل الرحلة وناخذ ترانزيت ولو انه اغلى.
الخيار الاخير اعجبني نطلع على طول من المطار الى نورنبيرغ. (طيب وش يميزها)) بما ان الرحلة 9 الصبح ودايركت يمكن نلحق على النهار نجلس يوم وعلى زيلامسي. 4ساعات. مو كنه كثير ؟؟. طيب وش رايك. نجلس يوم بفرانكفورت وناخذ قطار على زيلامسي. او ميونخ. مو كذا اريح
ترا ما عندي مشكلة اكتفي بألمانيا وسويسرا. سمعت ان زيلامسي تشبه مناطق كثير بسويسرا. انا بروح استجمام ولا رايحة أكد.
نستنى رأيكم الحصيف. ولو فيه مداخلة من خبراء آخرين ياليت. من الموبايل

شذى القهوه

سويسرا والنمسا مثل بعض مع اني اشوف سويسرا احلى

ايش رايكم بهالجدول اللي حيكون بين المانيا وفرنسا وسويسرا

اشوفه مريح جدا

والجدول ل6 ايام في روست كالتالي

من فرانكفورت دايركت الى روست الألمانيه ( اللي فيها ملاهي اليورب بارك الشهيره)واشوفها وسط بين كثر من الفعاليات والمدن الرااائعه سواء بألمانيا او فرنسا منها بادن بادن الغابة السوداء ستراسبورغ الفرنسيه

بحيرة كونستانس

من فرانكفورت الى رست 240 كلم



اما الزيارات اليوميه غير الالعاب الموجوده داخل رست راح تكون الى هذه المناطق والمسافه الموجوده ذهاب فقط




من رست الى فرايبورغFreiburg الالمانيه المسافه 38 كلم

من رست الى بادن بادن Baden-Baden المسافه 82 كلم

من رست الى Todtnau الالمانيه المسافه 67 كلم وفيها اطول زحليقه صيفيه

من رست الى ستراسبورغ 60الفرنسيه كلم مدينه تشبه فينيسيا



من رست الى كولمار الفرنسيه42 كلم

من رست الى Triberg الالمانيه المسافه 79 كلم وفيها اطول شلال

من رست الى Titisee-Neustadt المسافه 71 كلم وهي عباره عن بحيره رائعه ويمكن الجمع بينها وبين فرايبورغ في يوم واحد
من رست الى كونستانس والمسافه 161 كلم

بعدها الى انترلاكن ل6 ايام المسافة بحدود 240 كم فقط

والفعاليات كثيرة حول انترلاكن مابين قمم ثلجيه وبحيرات وشلالات و6 ايام بالكاد تزوروا كل الأماكن حولها

اخيرا يومين بجنيف ومنها المغادرة لأرض الوطن

المسافات

240 من فرانكفورت الى رست

240 من رست الى انترلاكن

230كم من انترلاكن ال جنيف

اشوف هالجدول راح يختصر مسافات كبيرة

الاستاذ سياله. بوركت أناملك. 😀 ايه هذا المخطط السنع ،،،،، انا قرأت ردك أمس في الثلث الأخير من الليل. يا أنا دعيت لك ،،ومريت تقريرك ما شاء الله تبارك الله تصوير خرافي

اراجع معك الوصول فرانكفورت استئجار سيارة من المطار. من خلال هرتز وفيه شركة المانية يمدحون اسعارها. بقارن بينهم

الذهاب مباشرة الى رست 6 ايام

الذهاب الى انترلاكن 6 ايام

جنيف يوم واحد لان الرحلة 13 يوم. تسليم السيارة في المطار الجانب السويسري سمعت انه اقل ضرايب والله اعلم



طيب سؤال ،،اي المدن هذي افضل للتسوق. ما يهم ان كان من اول الرحلة لان معنا سيارة ما فيها غير شخصين يعني بنخلي الاكياس بالسيارة. لو خلينا يوم الوصول بفرانكفورت معقولة ما فيها شي يسوى ؟؟



طلو على موضوعي بين الفينة والاخرى. الله يسعدكم. لا يزال عندي استفسارات اذا ما لقيت. اجابة بسدحها هنا. من الموبايل

طبيعي اذا كان الوصول لفرانكفورت والرغبة بزيارة النمسا بيكون مكد وتعب
وافهمناك بداية الموضوع
واذا بتلغي النمسا اتبع برنامج سياله

ابو نورة كلكم ما قصرتو وش نسوي ما نعرف اوروبا وعلى قولة المثل الجاهل عدو نفسه.
الله ينور عليكم من الموبايل

المشاركة الأصلية كتبت بواسطة شذى القهوة
http://www.arabtravelersforum.com/tr...1/#post8155761

ابو نورة كلكم ما قصرتو وش نسوي ما نعرف اوروبا وعلى قولة المثل الجاهل عدو نفسه.
الله ينور عليكم من الموبايل



احنا هنا تحت امركم

ونفيد ونستفيد

وبخدمتكم دائما ان شاء الله

ما تقصر ربي يفتح عليكم
الحين عندي كم سؤال لاني بحثت وما حصلت اجابة
فرانكفورت الا تستحق الجلوس فيها يوم واحد للراحة. والتسوق. ؟
والطريق لرست سلس وغير متعب بعد رحلة طويلة؟؟؟
اماكن تسوق في خط رحلتي؟ مايكون ماركات نفس بلدي .
الريف الفرنسي هل عنده مشاكل في النقاب ؟؟
دخلت على موقع هرتز لحجز سيارة ،، كيف اعرف ان السيارة ديزل وش افضل نوع اقتصادي لراكبين ؟؟

شكرا من الاعماق،،،، من الموبايل

انصحك بموقع

http://www.europcar.com
و

http://www.sixt.com

شخص ما. شكرا جزيلا من الموبايل

المشاركة الأصلية كتبت بواسطة شذى القهوة
http://www.arabtravelersforum.com/tr...1/#post8154991

الاستاذ سياله. بوركت أناملك. 😀 ايه هذا المخطط السنع ،،،،، انا قرأت ردك أمس في الثلث الأخير من الليل. يا أنا دعيت لك ،،ومريت تقريرك ما شاء الله تبارك الله تصوير خرافي

اراجع معك الوصول فرانكفورت استئجار سيارة من المطار. من خلال هرتز وفيه شركة المانية يمدحون اسعارها. بقارن بينهم

الذهاب مباشرة الى رست 6 ايام

الذهاب الى انترلاكن 6 ايام

جنيف يوم واحد لان الرحلة 13 يوم. تسليم السيارة في المطار الجانب السويسري سمعت انه اقل ضرايب والله اعلم



طيب سؤال ،،اي المدن هذي افضل للتسوق. ما يهم ان كان من اول الرحلة لان معنا سيارة ما فيها غير شخصين يعني بنخلي الاكياس بالسيارة. لو خلينا يوم الوصول بفرانكفورت معقولة ما فيها شي يسوى ؟؟



طلو على موضوعي بين الفينة والاخرى. الله يسعدكم. لا يزال عندي استفسارات اذا ما لقيت. اجابة بسدحها هنا. من الموبايل

الله يجزاك خير

وهذا والله اللي نبغاه بهالمنتدى اللي كلنا فيه بالخدمه للجميع

ونصيحه اول يوم تواصلون على روست والمسافه معقوله لأنكم بتضيعون يوم بفرانكفورت

واتوقع حتى لو بقيتوا فيها يوم ماراح توصلون وتروحون السوق

بالنسبة للسيارة فيه شركه رائعه و رخيصه
شركه وسيط

وهذارابط الشركه

http://www.airportrentalcars.com/

وانا حاجز عندهم هالسنه وكانت الشركه اللي راح أأجر عندهم هي هيرتز

لكن وجدت سعر الوسيط افضل من جميع شركات التأجير

بالنسبة للتسوق فما افضل يكون باليوم الأول والأفضل بأخر الرحله

وعندك ستراسبورغ وجنيف وان كانت اوربا غاااااااليه

بما انه يوم واحد بفرانكفورت ريحو بعد عناء الطائرة وبعد كذا التجول بشارع زايل وفيه مقاهي ومطاعم ومحلات تسوق

واذا قررتو تجلسون اكثر من يوم يفضل وضع استفسار ببوابة المانيا لتجدوا اجابات دقيقة جدا

الطريق لروست بالتأكيد رائع وأسال الله العلي العظيم ان يطعمكم من خيره ويصرف الشر عنكم

اماكن التسوق ممكن وانت رايح لروست لكن حنطول عليك المسافه ههههههه وانت مو ناقص

على العموم اسمه wertheim village وايضا أي معلومات اكثر من بوابة المانيا

بالنسبة للنقاب ان شاء الله مافي مشاكل

بالنسبة لاختيار نوع الوقود على حد علمي ان لما توصل عندهم تحدد والمتوفر يعطونك هو

ومافي هذاك الفرق بينهم ودائما الديزل يمشي مسافه اكثر لكن البنزين أقوى خاصه للمرتفعات وكل سيارة تفرق عن الثانية

ومن رأيي البنزين افضل اقل شي ما تسمع صوت للسيارة وفي المرتفعات مريح وقوي

جزاكم الله خير. على المعلومات القيمة. تم وضع يوم لفرانكفورت بعد التشاور ،، الحين حجزنا بروست شقة فندقية 5 ايام اشوف المنتدى يمدحونها. جا الدور على انترلاكن حاولنا نحجز نفس الشقق اللي اخترتها يا سيالة بس طلع شارطين اقل شي 7 ايام بالتاريخ اللي بنوصل فيه ان شاء الله،، وحنا ناوين 6 واكثر اللي رشحوهم بالمنتدى محجوزين باغسطس بسم الله ،،، هل ترشحون فندق او شقق فندقية. معينة. وبحال كان فندق هل المطاعم المتوفرة جيدة. وايش رايكم بالمنطقة المحيطة بانترلاكن. اللي تبعد 15 كيلو تقريبا. هل تنصحون فيها. احس بتصير موحشة ليلا. وهل الطريق لها سهل. وكيف جوها لا تكون باردة جدا. لاني اشوف الخيارات فيها اكثر. بس على جبال. من الموبايل