على راسي حارتك خيت
اللئش (الئش = الكلام) الحلبي صعب يطلع صح إلا من الحلبية (غيرك حاولو كثير . بعدين شلون عرفتي انوا انا حلبي والله باين عليك مو سهلة يا ياسمينة خايف ما تكوني انت من المخ المخ مخ تووووووووووت.
والله ما في شي بشغلني غير شغلي والمشكلة إنه الكل بطل يصدقني حتى انت بعدين انت قلتي انه ما بطلع غير بالمناسبات خليكي اكدع مني وعملي مناسبات وتقارير رح تشوفيني كل يوم طالعلك
عموماً الله سلمكم مع أني كثير بشعر بسعادة لما بشوفك تكتبي عن سوريا بحماسة شديدة و بعرف انكم تحبوا المخامرات اقصد المغامرات بس اعتقد هي كانت مجازفة يعني انا من اهل البلد وما نزلت. المهم الله يزيح هالغمامة بأسرع وقت وتفرج على الناس خصوصاً مع دخول فصل الشتاء ولي ما بيعرف الشتاء بسوريا فهو شتاء قارس وصعب جداً۔
من عادات أهل سوريا هي تغزين الطعام الصيفي إلى الشتاء (مونة) وباين عليك انت عم تموني تقارير كمان!
يالله هاتي ما عندك يعني شوقتينا مع اني شفت تقريرك عن اروبا بس لسى ما فصفصته ، عندي رحلة مشابها لها وممكن اتشجع واكتب تقرير إذا لاقيت وقت فاضي وكانت الصور بتساعد.
تحياتي لكم دائماً.
[/QUOTE]
[/QUOTE]
ههههه يعني عم تضحكو على الشوام لما بيحكو حلبي بالمسلسلات لو مابعرف حلبي ماكان عرفت انو انت من حلب باين من لئشك اما انك تجوزت مرة تانية هههه حلوة اخر نكتة عندك مرة متل القمر وكمان ابنك الله يخليلك ياهم كلهم حلوين ليش لتتزوج خليها لربك الشتا هنيك هالسنة الله يكون بعونن المازوت طوابير عليه ومابيرضو يعبولن الا بدون اليوم و بدون لبكره وهيك مشان ماحدا يهرب لبرا
هلأ بلا غلاظة لازم تنزل لنا شي تقرير مرتب ولا بزعل منك هه عميل همة وشد حيلك شوي شبنا بتساعد الصور بتساعد خلصنا بقا عم استناك
يلا باي
ويعطيك العافية
المفضلات