الموضوع: المنقفط من النمسا بث حي و مباشر

لاتفوتكم الزحليقه الصيفية(Sammer Rodeln) في Saalfelden
:24: طولها 1600 متر انا اتوقع انكما بتطلعونها ثانيه فورا بعد الاولى:109:

وشرايك تنصحني اخذ درجه اولى او السياحيه وكم فرق التذكرة بعدين انا قريت في بعض المواضيع ان التذكرة حق دخول القطار فقط يعني لو ماتحصل كرسي راح تكمل الطريق وانت واقف واذا بغيت تضمن كرسي لازم تقص تذكرة ثانيه!!!!!!! تراي شايل هم من هالناحيه
عندي سؤال: وين احط الشنط في القطار؟

ليش كذا وش فيهم العوايل ...
نحن قومٌ لانذهب الى أي مكان الا ومياداليتنا معنا...:106:
على العموم اتمنى لكم قضاء اوقات سعيده في رحاب زيلامسي الساحرة
تلبسوا ترى درجة الحراره في زيلامسي 11--16
وعلى ارتفاعات اكثر من 1500 تصل الى أقل من 2:36_15_6:
نستودعكم الله الذي لايضيع ودائعه

كلمه مشكوووور قليله في مجهودك :113:

اللومي
الفرق بين الاولى والثاني مهب هاك اللي يستاهل
السعر مذكور بالتقرير حق الرحله بس اذكر ان الاولى زياده 80 % عن الثانيه , هذي بالسبعينات وهذي ب بالاربعينات (تقريبا )
كراسي جلد بالنسبه لللاولى مخمل للثانيه ,
بعض الصفوف بالاولى متقابله وبعضها ورا بعض مثل الطياره , نفس الشي بالنسبه للثانيه
كراسي الاولى اريح من الثانيه ولكن كراسي الثاني مريحه جدا
اذا كنت ناوي تاخذلك تعسيله (قيلوله ) مع اني ماانصح فيها علشانك تبي تتفرج على الطبيعه خذ بالاولى , ولا الثانيه ممتازه
الاولى فيها شاحن كومبيوتر الثانيه ماشفنا
الاولى فيها طاولات للكومبيوتر وللقهوه الثانيه الظاهر مافيه , واذا فيها فانها بس بالكراسي اللي ورا بعض مهب بالمتقابلات
بالنسبه للعفش , نفس نظام الطياره , فيه شبك فوق الكراسي من اول المطار لاخر المطار , يشيلها
بالدرجه الاولى محدهه منطقتك , بالدرجه الثانيه غير محدده
الدرجه الاولى كانت فاضيه بالرحله من فيينا الى سالزبيرق , ونفس الشي بالنسبه للدرجه الثاني من سالزبيرق الى زي لامسي كانت فاضيه جدا , يعني مافيه مشكله ان شاء الله عمليه تحديد المقعد , بس حاول انك تركب قبل موعد الانطلاق بثلث ساعه على الاقل لشان تاخذ الموقع اللي يناسبك
بالدرجه الاولى عندهم مضيف يجيبلك الطلبات اللي انت تبيها (كلش بحقه ) من مشروبات , الدرجه الثانيه شكلك انت اللي تخدم نفسك بنفسك
طول الطريق تبي تفكر , ليش مايحطون مثله بالسعوديه ؟؟؟؟

تقرير اليوم رائع وتمت قراءته بعد صلاة الفجر مع قهوة الصباح بس مافيه موزارت

مدة العرض : 6 أيام , و سعره للشخص الواحد 60 يورو

العرض اللي ب60 يورو من وين خذتوه؟؟؟؟؟؟:114:

مراحب عزيزي وحقيقة مستمتعين بهذا العرض النمساوي الجميل وتستحق جائزة من وزارة السياحة النمساوية على ما تقدمه من دعم للسياحة في النمسا
بالنسبة لمطعم بيتزا انطونيوا لا يفوتكم البرياني م مممممممممم وهو قريب من فندق لا تيني وتجد له بروشرات بالعربي مع السواقين عموما عدي فندق لاتيني وبعد حوالي 200 متر على يسارك يقع الفندق لا يفوتك وبتعدي لي
تحياتي

بسم الله الرحمن الرحيم

و صبحكم الله بالخير جميعا

تحية "باردة" من زيلامسي الممطرة :101:

تواصلا معكم عبر التقارير اليومية , تقرير اليوم هو الاقصر لعدم ملائمة الظروف الجوية للقيام بأي رحلة , طول البارحة كانت الامطار تهطل و بشدة على زيلامسي , وعند اشراقة الصباح كانت الجبال المحيطة بنا تكتسي باللون الأبيض , تتذكرون صور التلفريك الطويل اللي امس؟ في الصباح كان مغطى بالثلوج بالكامل

هذه صورة صباح اليوم , قد لا تكون الثلوج في قمة الجبل واضحة بسبب الغيوم



يخت البحيرة السياحي يخترق ((قوس قزح)) :24:



بعد توقف الامطار و بعد صلاة العصر , قررنا الذهاب الى الداون تاون , و بعد بحث سريع عن مطعم "انتونيو" استطعت تحديد مكانه بسهولة , طلع في "شتادروف" وليس في زيلامسي !!

عند الخامسة مساءا ذهبنا الى محطة الباص القريبة من الفندق "تبعد 500 متر" و يمر بها الباص كل ساعه على النحو : 8:30 صباحا , 9:30 , 10:30 ............... 7:30 مساءا" و لكل محطة توقيت خاص بها , تجده معلقا بجانب كراسي الانتظار , و لكن بقي قرابة 20 دقيقة على مرور الباص , اممممممممم وش نسوي؟

تتذكرون قبل كم يوم صورنا مقهى و قلنا فيه شيبان يلعبون هناك؟ :24: حصلناهم يلعبون اليوم ..

اللعبة عبارة عن قرص حديدي , ثقيل الوزن على ما يبدو , بأسفله قطع من البلاستيك , يقومون بزحلقته على الارض لضرب القطعة الحمراء في المنتصف , طبعا اصغر واحد فيهم عمره 70 , و بامكانهم استخدام جوانب المسار "زي البلياردو" , و تعال شفهم اذا واحد منهم جابها صح , انواع التشجيع ,



لمن قرب الباص رجعنا للمحطة , واخذنا لمحطة زيلامسي العامة , وقف فيها دقيقتين , طبعا للاسف ما قدرت افهم حركة الباصات عندهم ولذلك مابي اتفلسف بارقام الباصات , انا اعتمد كليا على سؤال السواق عن المنطقة اللي باروح لها ولذلك ما راح ابلش , ولكن اللي يحس ان لغته ضعيفه لازم يعتمد على ارقام و مسارات الباصات , ..

بعدها انطلق الباص باتجاه "شتادروف" , وهي المنطقة اللي فيها المطعم , وقفنا باقرب محطة باص , ونزلنا كعابي , الجو ممطر واللي يمشي بدون "مظلة" هذا منتحر لان المطر يهطل دون سابق انذار , مشينا تقريبا 100 متر , حصلنا المطعم على الساعه 6 تقريبا و كان فاضي مافيه احد غيرنا , الهندي استلمنا اسئلة , انتم ساكنين بلاتيني؟ قلنا لا ..

المطعم من الداخل



طبعا , من ضمن سواليف الظهر , المنقفط كان مشتهي شوربة .. و فلفل و ليمون , و رزقه الله على قد نيته , و هذي الشوربة و الليمون , الفلفل ما صورناه :109:

شوربة العدس , بالبرد واااااو



و اخذنا معاها بيتزا دجااج



و برياني دجاج



و اثنين بارد , وطلع الحساب اعتقد 28 او 30 منيب متأكد , بس الاكل لذيذ ,

وما أنسى اقولكم ان المنيو عندهم بالعربي , لكن اللي كتبها , كاتبها برجله الله يهديه , والا انه توه متعلم العربي :108: كأنها هيروغليفي مو عربي !

بعدها اخذنا اليسار , نبغى نروح سوبرماركت بيلا , مو معقولة كل مرة نشتري من سبار , لازم نجرب بيلا :101:

كنت ادور على قفازات أيدي , بس للاسف ما عندهم ,

هذا هو السوبر ماركت , و الكابرون وراااه



و هذا بيلا بصورة مقربة



بعدها اخذنا الباص على الداون تاون مرة ثانية , و طبعا كل التنقلات باستخدام بطاقة "الستين يورو" اللي تكلمنا عنها الأمس , مسكتة البطاقة بصراحة :24:

اخذنا فرة في الداون تاون , زحمة و خليجيين من كل حدب و صوب , و يبدو فيه احتفال و اغاني ريفيه ,

هذي طاولة و كرسي يمشون , يجي يتسفط قدامك و يقول اجلس , طبعا "عريبيا" يستحون و مسوين اتيكيت , وما يجلس الا الاجانب , وانا منقهر من بعيد انتظرهم يعزموني عشان اجلس :109: بس للاسف لاني عارفين اني "جزوم" ما جو عندي :108:



على الساعة 8 ونص تقريبا و بعد مغيب الشمس , اخذنا تاكسي من محطة القطار و ووصلنا للفندق , و بهذا انتهت جولتنا في الداون تاون


والسلام عليكم و رحمة الله وبركاته

KFUPM

يعطيك العافية والله على هالتغطية المباشرة واليومية من زلاممسي
صج شي متعوب عليه ومشكور على الصور الحلوة

تقرييييييير راااااائع
ذكرتني برحلتي الى زيلامسي العام الماضي ...... ياااااه اياااااااام

صراحة اكتشفت اماكن ما شفتها برحلتي السايقة
بحفظ الموضوع الى ان ننوي السفر الى زيلامسي مرة ثانية ان شاء الله ( اذا الله عطانا عمر )

على فكرة في مطعم عنده بيتزا عجيبة بالقرب من محطة القطار
مكانه عند طلعتك من المحطة وباتجاه الاشارة المرورية سوف تجد مطعم بيتزا مقابل لهذه الاشارة
بيتزتهم عجيبة ة ة ة

وعليكم بالعافية
وترجعون بالسلامة

حقيقة ما زلنا مستمتعين بهذا العرض الذي لا نريد له النهاية لولا خوفنا على الغالي K.F.U.P.M. أنه ينسى الديرة وبعد أذنك ترى عندي صور لمطعم انطونيوا حاب أحطها في موضوعك
صورة لواجهة المطعم

صورة للمطعم من الداخل

صورة للمنيو العربي للمطعم

عزيزي لا تنسى تروح للشلالات وهذه صورة لها

تحياتي

الله يعطيكم العافية ويهنيكم

امتعتونا معكم .

kfupm
ماشاءالله لا إله إلا الله تقرير وصور ولا أروع
جايتني توصية لقراءة تقريرك وصراحة انه يستاهل وقفة
بس وينك أول الصيف ؟؟ الحين خلصت الاجازة

وانتبه للمنقفط ترانا نعرفه زين

:24: تقرير وصور ممتازه وقد حققتوا انجاز واسبقية باعتباركم اول من شرب قهوه سعودية على اعلى قمه في زل ام سي( قمةكابرون الثلجية):109:
اذا عندكم وقت وتحبوا مشاهدة حيوانات في الطبيعه اقترح عليكم زيارةWILD&FREIZEITPARK Ferleiten
حوالي 20دقيقه بالباص وهي عباره عن( حديقة حيوانات زل أم سي ) على مرتفع جبلي في مكان خيالي وحواليها مناظررائعه مثل شلالات في الجبال :24:

[size="4"][color="Navy"]K.F.U.P.M

التقرير كذا:24:

يا خي مدري ليش يوم قريت اسمك حسيت ان ودي اطبع جدول:110:


س: فيه صيفي السنة ذي ولا لا

وما أنسى اقولكم ان المنيو عندهم بالعربي , لكن اللي كتبها , كاتبها برجله الله يهديه , والا انه توه متعلم العربي :108: كأنها هيروغليفي مو عربي !

هههههههههههههههههههههههههههههههههاي :109: اضحك الله سنك على هذه النكتة والله انك اضحكتنى بعفويه وقد اسعتنا بهذه الرحلة الممتعه :113: ، مع خالص الشكر لك على هذا المجهود ادعوا الله عزوجل ان يسعدك فى هذه الرحلة وان يرزقك رحلة اخرى ولك تحياتي

يعطيكم العافية 10/10 وماقصرتو بأسلوبكم الجميل والسلس في نفس الوقت , والله اعطيتو فكرة وانطباع جيد عن المسلمين بحواركم مع ام ستيف :24:
توصلون بالسلامة ولاتستهلكون لياقتكم ترى كريمل يبيلها مجهود 1300 متر طلوع هدت حيلنا والله بس تسوى من يعنالها وانا اخوك ,,,

مراحب عزيزي K.F.U.P.M ومازلنا مستمتعين بروعة هذا التقرير وقد نصحت الكثير بمتابعته
ملاحظيتي حبيبي أنك لم تذهب إلى مرتفعات كابرون المتعارف عليها وهذا واضح من الصور التي أرفقتها ويظهر إن القهوة لحست عقلك عموماً مرتفعات كابرون الثلجية عالم آخر وناسة وتزلج وعالم من كل الجنسيات ومطاعم وكافيهات ومحلات تجارية وهذا اسمها

وهذه بعض الصور منها


[blink]تحياتي وأشواقي [/blink]

بسم الله الرحمن الرحيم

والسلام عليكم و رحمة الله وبركاته

ها نحن نعود مرة اخرى بتقرير يومي جديد من زيلامسي "المشمسة"

الطقس كان جيدا منذ الصباح , وحسب متابعتنا لمواقع الطقس كان من المتوقع ان يكون اليوم "مشمسا" :24:

عندما يكون الجو مشمسا في زيلامسي فأنت على موعد مع يوم طويل , الكل يمارس هوايته , السباحة في البحيرة , الكرة الشاطئية , "حصد التبن" الله يكرمكم :109: , ما يحصدونه الا اذا طلعت الشمس :108: !!

وجهتنا كانت صباحا الى الزحليقة الصيفية , عبر محطة الباص القريبة من الفندق , عند العاشرة و النصف اتجهنا الى محطة الباصات الرئيسية في زيلامسي ..

يوم مشمس .. ويا زين الشمس احيانا :109:



منذ خمسة ايام , لأول مرة يكون الجو صحوا



استقلينا الباص الى سالفيلدين .. طبعا هذه المرة الباص غير مجاني .. والمشوار بـ 10.80 يورو للشخص ذهابا و ايابا .. والنزول في محطة Biberg

سمعتوا؟ باللون الاحمر و بالبنط العريض

Biberg

لا احد ينسى هالاسم ..

الطريق الى سالفلدين ..



وصلنا المحطة في 10 دقائق ..



تمشي لمدة 10 - 15 دقيقة سيرا على الاقدام .. على حسب مكينتك :109:



تراءت لنا من بعيد العربات المعلقة الخاصة بالزحليقة ..



يجيك مفترق طرق .. و انت تمشي على رجولك .. هد السرعة :109: و خذ اليسار كما تشير هذه اللوحة



و كالعادة قررت اكون محترف تصوير

hi Iam in crown plaza in saluzburg and I thing I saw you ,
you are 2 friend :114: :114: :114: :114: :114: :114: :114: :114:

المشاركة الأصلية كتبت بواسطة klega


أخوي ...kfupm
صدقني المرتفعات اللي صورتوها ليست هي المرتفعات المتعارف عليها واللي يذهبون لها السياح والدليل انك مصور أنفاق قبل الوصول للثلوج فمرتفعات كابرون لايوجد بها أنفاق ؟؟؟؟ تأكدوا من الموضوع وترى تذاكر الصعود هي اللي وضعها الأخ الوطواط بالصورة اللي بالاسفل هي الصحيحة

فإذا كانت التذاكر نفس اللي بالصورة فهو المكان الصحيح ... تحياتي




النفق في قمة الجبل .. و التذاكر نفس اللي في الصورة

و بكرا رايحين له مرة ثانية ان شاء الله

هذي آيس كوفي ما صارت قهوه بهالثلوج

صور جداً رائعة
مشاء الله

الله يعطيك العافية على المواصلة اليومية
وبنتظار باقي اليوميات

[center]لووول التقرير اكثر من رائع بصراحة :24: تستاهلوون عليه تحية :113: من جد وفرتوا علينا المصاريف ،،، اقعد عند هالمكيف واستمتع بالتقرير :114:

المشاركة الأصلية كتبت بواسطة mbctonight


hi Iam in crown plaza in saluzburg and I thing I saw you ,
you are 2 friend :114: :114: :114: :114: :114: :114: :114: :114:



والله ليش لا ..

ايه حنا 2 و شفنا خليجيين كثير كثير .. قد تكون احدهم :101:








المشاركة الأصلية كتبت بواسطة extream



هذي آيس كوفي ما صارت قهوه بهالثلوج



وش نسوي مدمنين بعيد عنك :11ight:







المشاركة الأصلية كتبت بواسطة صعـب المنـا ل


صور جداً رائعة
مشاء الله



حياك الله و شرفت الموضوع :101:







المشاركة الأصلية كتبت بواسطة مسافرة كويتية


الله يعطيك العافية على المواصلة اليومية
وبنتظار باقي اليوميات



ان شاء الله اقادم احلى







المشاركة الأصلية كتبت بواسطة بدر_KSA


[center]لووول التقرير اكثر من رائع بصراحة :24: تستاهلوون عليه تحية :113: من جد وفرتوا علينا المصاريف ،،، اقعد عند هالمكيف واستمتع بالتقرير :114:



حيا الله الراس الكبيرة :109:

ما ناقصنا الا انت و تكتمل شلة الأنس :110:

تسلم والله وصوووور جدا رائعة وتقرير مفصل ماشاء الله عليك
والله ذكرتنا بالأيام الحلوة وتحياتي لكم وإنشاء الله تستمتعون برحلتكم
وترجعون سالمين إنشاء الله

أختكم
رفيعة الشان

المشاركة الأصلية كتبت بواسطة k.f.u.p.m.


طبعا نسيت اقولكم تذكرون العجوز اللي بماك قبل يومين؟ لقيتها فوق ناشبه لواحد تسولف معه .. شكلها طلعت نشبة و انا انواع التصدد عنها لا تنشب لي .. و اشوى شكل شوفها شجر عدت اموري بسلام :109:
و السلام عليكم و رحمة الله و بركاته
Kfupm



كذا تمام عليكم هذا المكان الصحيح ... والله يمتعكم ان شاء الله ويجيبكم بالسلامة
علشانها عجوز تصدد عنها :109: لو مهب عجوز ماتصددت عنها ...

ليت رحلتي لم تتزامن مع رحلتكما يا أخوي K.f.u.p.m و المنقفط لمشيت على خطاكما
(بس عسى مقاسكم مهب كبير)

انتما يقال للمبدعين ك K.f.u.p.m و المنقفط

تقرير رائع الله يعطيك العافيه

الله يجزاكم خير على هذا التقرير اليومي الاكثر من رائع :x1:
سلملي على خويك المنقفط وقله
يسلم عليك fhd454 :gathering
ليش مارحتوا لمحبوبته شاموني
هذي تعتبر خيانه
وانا مع ابو ريان ابي صورة المنقفط على السيكل
ولكم جزيل الشكر
وترجعون بالسلامه
fhd454 المسافرون العرب - بوكيت:11_horror

Kfupm

تقرير رائع و صور أروع و الثلج أحلى شي بالموضوع:113:

الله يهنيكم بالرحله....ويبسطكم أكثر وأكثر
متحمسه مرررررره لتقرير اليوم..ياترى وين رحتوا؟!!!!!

تسلم و ربي يعطيك ألف عافية


امتعتنا بهذا التقرير جميل و الممتع


متابعين معك و ننتظر المزيد


تحياتي لك و للجميع

يعطيك العافية الصور جدا رائعة ويازين الثلج والتزحلق تحس انك بعالم ثاني رحلة موفقة انشاءالله
وبانتظار الباقي

تقرير رائع جداً :24:
الله يعطيك العافيه انت وخويك المنقفط:109: والله يجزاك خير وأنت نموذج مثالي للشاب المسلم :x1:
والله شكلي السنه القادمه نزور النمسا انا و المعلم:m9:
:smile001:

حيالله اخوي الغالي

تشرفت بمعرفتكم

انت واخوى المنقفط المتزلج الكبير والمحترف الخطير

وان شاء الله نشوفكم على خير

ولى عوده للموضوع ان شاء الله

:109:

يعني نجلس شهر نبث؟ :11ight:

مددوا لنا كم اسبوع على حسابكم و نبث لكم كل ساعه :surf

انتهت الرحلة بحمد الله ورعايته .. و وصل الرحالة الى دبي في طريقهم الى الرياض ان شاء الله

و ستصلكم قصتنا مع قطاراتنا الى ميونخ :109:

أكشن × أكشن × كوميدي × رعب ههههههههههههههههه

اخراج شركة القطارات النمساوية OBB



KFUPM

صرااااحة تستاهلون :113: :113: :113:

الصور والتقرير اكثر من رائع وزي ما قلت النمسا حلوه وانتم زدتوها حلاوه
الله يوصلكم سالمين وجزاكم الله الف خير على المعلومات الوافيه

الحمدلله على السلامه ياقي من السفر

لحمد الله على السلامة والله يرجعكم سالمين ومشكووووووووووووورين على هالمجهوووووووووووووود الرائع وماقصرتوا .......!!

الاخ
k.f.u.p.m.

صراحه ونستنا بصور وتقرير الحلو

ومشكور على الجهد إلي بذلته لسرد صور وتقارير في سبيل اسعادنا

الله يعطيك العافية وصحه

تحياتي

الحمد لله على السلامه

الحمد لله وصلتوا سالمين اما رعب رعب ههههههههههه ارفع قصتك لمخرج بس وتوكل على الله
:109: :109: :109:

المشاركة الأصلية كتبت بواسطة أبو ريان


welcome to riyadh
حمد لله على السلامة ...
لكن واضح إن الحلقة الأخيرة خيالية وخطيرة
لكن الصورة ما وصلت إلى هالحين :114:



حيا الله ابو ريان .. الله يسلمك و يبقيك .. و مبروك عليك الشهر

الحلقة الاخيرة نزلت خلاص .. و الصورة ماااش :108: الرجال صار يهددني و انا دخلني الماء :11ight:

تعرفني غلبان و المنقفط باسه قوي الله يكفينا شره و شر من فيه شر :109:








المشاركة الأصلية كتبت بواسطة أم أبراهيم


الحمد لله على السلامه



الله يسلمك يا رب








المشاركة الأصلية كتبت بواسطة بوساره


الحمد الله على السلامه وصراحه رووووعه ولا في الأحلام هذا التقرير الكامل عيشتنا في اجواء اتحسس الواحد انه معاك في كل لحظة لازم اجرب اسافر النمسا مع واحد من الشباب بدون ام العيال



ايه ايه ترا مافي احلى من سفرات العزوبية :11ight:








المشاركة الأصلية كتبت بواسطة رفيعة الشان


الحمدلله على السلامة
وننتظر الأحداث الخطيرة يلى بسرعة



الله يسلمك و الاحداث نزلت خلاص :11ight:








المشاركة الأصلية كتبت بواسطة نسيناكم

الحمد لله وصلتوا سالمين اما رعب رعب ههههههههههه ارفع قصتك لمخرج بس وتوكل على الله
:109: :109: :109:

بنسويها حلقة بطاش السنة الجاية :24:

هلا بالعزوبية وسلامات الحلقة الاخيرة هذي ام بي سي 2 مو رحلة يارجال لو ما تكلمت كان الامور حلوة لكنك مدور شر يوم تكلم وتشري المشاكل

المشاركة الأصلية كتبت بواسطة راى


هلا باخوي الغالي
الحمد لله على السلامه
ومبارك عليك الشهر ولو انه متاخر
لكن باسبقهم واقول عيدك مبارك
وكل عام وانت بخير
وسلملي على المنقفط
وان شاء الله نشوفكم برحله ثانيه
ونذوقكم كبستنا العجيبه بلا برنقز بلا خرابيط
رز الصبح والظهر وبالليل وآخر الليل
ماخذينه ويانا من الكويت 40 كيلو هههههه




عذرا على التأخير

ومن العايدين بعد الزحمة









المشاركة الأصلية كتبت بواسطة alhdf


هلا بالعزوبية وسلامات الحلقة الاخيرة هذي ام بي سي 2 مو رحلة يارجال لو ما تكلمت كان الامور حلوة لكنك مدور شر يوم تكلم وتشري المشاكل




يا رجال هذي هي ملح الرحلة ولا بد من هالمواقف

مشكوووووووووووووووووووووووووووووور ....؟ الله يعطيك العافية :113:

سبحان الله,,نفس رحلتنا تشابه كبير

تقرير جدا ممتع

يعطيك العافية

المشاركة الأصلية كتبت بواسطة سويسرا و بس
http://www.arabtravelersforum.com/tr...56/#post964756

سبحان الله,,نفس رحلتنا تشابه كبير

تقرير جدا ممتع

يعطيك العافية



الله يعافيك يا رب

والله يستاهل ابو الزمل لكن بشرط تكون العضوية خمس نجوم:36_11_4:

شيء خياااااااااااااالي وانا رتبت رحلتي على هالبرنامج تقريبا الغالب


يعطيك العافية انت ومن معاك

المشاركة الأصلية كتبت بواسطة قصيدة المساء
http://www.arabtravelersforum.com/tr...0/#post1087680

من اجمل التقارير الي شفتها الحقيقه

الحمد الله على السلامه لو انها متاخره كثير



الله يسلمك








المشاركة الأصلية كتبت بواسطة alhdf
http://www.arabtravelersforum.com/tr...0/#post1097790

أخويk.f.u.p.m. وين الي وعدتنا فيه وهو شرح عن عضوية الفنادق والأفضل منها !!!!




موجودة و تنشر قريبا باذن الله







المشاركة الأصلية كتبت بواسطة المنقفط
http://www.arabtravelersforum.com/tr...2/#post1098242

ههههههههههههههههههه

من حقك يالهدف انك تطلبها
بس ترا الرجال يبي ياخذ عموله بالمقابل على كل فندق




سنايدي يا خويي ايه اضبط القطة







المشاركة الأصلية كتبت بواسطة Blue_Diamond
http://www.arabtravelersforum.com/tr...1/#post1100231

رووووووووووووووووعة ما شاء الله تقرير وصور ممتازة و شوقتونا على هالمكان الجنة




شاكر لك مرورك






المشاركة الأصلية كتبت بواسطة اغلى قلب
http://www.arabtravelersforum.com/tr...0/#post1272090

شيء خياااااااااااااالي وانا رتبت رحلتي على هالبرنامج تقريبا الغالب


يعطيك العافية انت ومن معاك




الله يعافيك و نلتقي في رحلة هذا العام بحول الله

الف شكر يا اخوي بصراحه تقرير مب صاحي وممكن سؤال ياخال

وسمعت ان النمسا مافيها عنصريه مثل باقي الدول الاوربيه صحيح؟

وهل اللغه الانجليزيه تمشي هناك؟

وشكرا جزيلا

المشاركة الأصلية كتبت بواسطة عبدالعزيز-999
http://www.arabtravelersforum.com/tr...3/#post1451843

الف شكر يا اخوي بصراحه تقرير مب صاحي وممكن سؤال ياخال

وسمعت ان النمسا مافيها عنصريه مثل باقي الدول الاوربيه صحيح؟

وهل اللغه الانجليزيه تمشي هناك؟

وشكرا جزيلا




ما شفنا اي موقف عنصري على الاطلاق

الانقليزية تمشي بكثرة و يمكن شايب سواق باص واحد هو اللي قابلنا لا يتقن الانجليزية

العفو

يعطيك العافية وما قصرت على هالتقرير الرائع وبصراحة استفدت منه الله يجزاك كل خير يا K.f.u.p.m

المشاركة الأصلية كتبت بواسطة النيرة
http://www.arabtravelersforum.com/tr...2/#post1454472

يعطيك العافية
على كثر الدول اللي رحت لها الا مكة و النمسا غير
الله يكتب لي اروح لهم مرة ثانية






عفوا أختي ما في نسبة ولا في ادني مقارنة بمكة شرفها الله مع زيلامسي

اسمحيلي اقولج لا تضربين مثل بمكة بأي دولة لو شنو كان جمالها فمكة لا يوجد لها مثيل على هذه الارض اشرف وأطهر بقعة ع الارض شرفها الله

والله يكتب لج وتروحين مكة مرات عديدة وكل المسلمين اللهم آمين

رائع أخي الكريم

للتو أقرأ موضوعك الإبداعي ، ومسكته من أوله إلى آخره

ما شاء الله عليك

هيجت الشجون أخوي ،،،،

صحيح أني رحت للنمسا قبلك بسنة ، بس أنا أشهد أن رحلتك لزيلامسي كانت جداًا جداً موفقة

تمنياتي لك برحلات سعيدة قادمة ،،،،

بالمناسبة

ليتك تخبرنا عن عضويات الفنادق الشيراتون والميرديان ، أما الإنتر فأنا مثلك عضو معاهم واستفدت كثير منهم

أو أنك تفرد له موضوع خاص يكون أفضل نتبادل فيه الخبرات

تحياتي