الموضوع: استفسار شركات سياحية لبيع عقد التايم شير

السلام عليكم ورحمة الله وبركاته

كنت مع زوجتي بالكويت و انا مواطن سعودي لقيت مصري بسينما الافنيوز و جاوبت على السؤال و ربحت معانا و من هالخرابيط

المهم واعدوني بالسالمية تبع شركة جولدن جيت وفيوتشر جيت استلم جائزتي و بعدها قالوا بنسوي لكم محاضرة ساعه و طلع شغل النصب و كنت مشكك من أول لكن للأسف انطوت علي الخدعة و وقعت على اوراق التزام سداد اقساط للدفعه الأولى 980 دينار

50 دينار في الحال و 930 دينار مقسطة
و بعدها سداد باقي مبلغ 4500 دينار ( 3520 دينار )

لما طلعت اتصل علي قريبي يحذرني للأمانه انا جاهل بالشغلات هذي لان ما عندي خبره فيها و الكل قال انها نصب

انا كنت افكر ألغي العقد لكن الشرط الجزائي 40% من العقد
و المشكلة الثانية أوراق طباعة عادية تحت مسمى كمبيالة بالأقساط للدفعه الأولى 930 دينار لمدة 7 شهور


كيف أتخلص منهم لأن حسب الشروط من وزارة السياحة الكويتيه أن لابد ان جميع المشاريع المتفق عليها تامة البناء

و انا هنا مرتاح لأن من الأماكن المتفق عليها فندق بدبي باقي تحت الإنشاء - حد قولهم - يجهز منتصف 2016 م فهل العقد هنا أختل شرط من شروطة أم لا ؟


سؤالي أقدر أسحب عليهم أو لا ؟ او راح اكون مطالب قانونيا بالكويت ؟
هل هم شركة وهمية غير مرخصه بوزارة السياحه أم لا ؟

ملاحظة : الإتفاق 3 عقود متشابهة الصيغة
للطرف الأول بمصر ( سينيه )
للطرف الثاني شركة جولدن جيت
للطرف الثالث أنا كلها عليها توقيعي فقط باقي توقيع الطرف الأول و الثاني

أتمنى منكم الفزعة و مشكورين و العذر على الإطالة

مواضيع عشوائيه ممكن تكون تعجبك اخترناها لك:

• اهم المتاحف
• الى اهل الكويت تكفون الفزعة
• تجربة مطعم
• ارجوكم ابي رقم محل للملافع والحجابات بالجملة
• افضل الاوقات لزيارة الكويت؟؟
• لو سمحتو
• مخيمات
• الأمير يرعى اليوم افتتاح مبنى الشيخ سعد للطيران وإطلاق «الوطنية»
• الموقع الالكتروني لمجمع الافنيوز
• بحريني جاي للكويت بتاريخ
• مابي سكن ولا ابي سوق ولا مطعم
• ابي فزعتكم ياهل العز
• كـــ السيـــ فــي ــــــــاحــه ــــــويت
• المقيمون في الخليج يدخلون الكويت بدون تأشيرة
• عاجلا وليس أجلا انقذوني هيلب مي بليززز
• ابغى المسافة بين الرياض والكويت بليز
• الكويت عينها على السياحة
• ابي شقق مفروشه بالكويت كم المسافه حوليبنيد القار ؟
• اعيش فى ايطاليا و نفسى ازور الكويت ولا اعلم كيف ؟
• افتتاح «فندق المنشر روتانا» أواخر الشهر الجاري

أتمنى منكم المساعدة يا أخواني

وعليكم السلام

الله يعينك اخوي المفروض الحذر من هذه الشركات الاستغلالية , عموما انصحك بالتواصل مع حماية المستهلك بالكويت 135

http://www.moci.gov.kw/ContactAdmin.aspx

كلم حمايه المستهلك وقولهم كل شي وان شاءالله يساعدونك

والله يعينك اذبحونا هالشركات

الله يعطيكم العافيه الجميع انا من سكان السعودية و الخط الساخن 135 ما اقدر اتصل عليه اتصلت على رقمهم اللي آخره 80000 ما يردون

انا بسحب عليهم و بشوف آخرتها معاهم لان المحامي يكلفني 1000 دينار و مو ناقص خسائر

سؤال مهم هل الكمبيالات نظامية حاليا بالكويت أو لا ؟ لأن سمعت أن الدولة مانعه من المكاتب إصدار أي كمبيالة

اي نعم مانعينهم من زمان من الموبايل

المشاركة الأصلية كتبت بواسطة q8ya metnaqla
http://www.arabtravelersforum.com/tr...8/#post8204890

اي نعم مانعينهم من زمان من الموبايل



الله يعطيك العافيه بارك الله فيك

الله يعوض علي 50 دينار و بسحب عليهم أجل