السلام عليكم ورحمة الله وبركاته
بسم الله الرحمن الرحيم
13 ساعة في الطائرة من الدوحة إلى نيويوركـ وأنا أحاتي المطار عسى ما يوهقوني عسى ما يرجعوني عسى ما يفشلوني عسى عسى عسى عسى
وصلت المطار وأنا والله ما نمت حتى ساعة من التوتر والقلق !! 13 ساعة صاحي فيها الكل نايم وأنا صاحي تقول جني خخخخ
صفيت سرا في الجوازات ما كان فيه زحمة ، كانت كل الكباين شغاالة وفييها شرطة والكبايين كثيييييير ، عشان كذا ما فيه زحمة الناس متوزعة
مو مثلنا يحط لك 50 كبينة ولا يشتغل منها اللا 2 !!!
عموما صفيت ورا الخط الاسود ونادتني الشرطية وعطيتها جوازي + الفورمين اللي عبيتهم بالطائرة
ختمت عليهم وخلاص ، وقالت لي متى بتروح ميامي ( لأن فيزتي دراسية على جامعة فلوريدا بميامي) قلت لها الساعة 7 رحلتي ! قالت اوكي وعطتني جوازي مع الفورم الأزرق وقالت لي توكل
رحت أخذت العفش وبعدها كان فيه زي النقطة نوقف فيها طابور وقفت وكان الشرطي يبي بس الفورم الأزرق
عطيته الفوزم طلعت وبس !!!
يقولون بالمنتدى فيه تفتيش على اللابتوب وما أدري إيش يسوون سجن 20 سنة إذا لقوا برنامج غير اصلي
بقول لكـ : أصلا هم ما فتشوني أنا !! آخر تفتيش كان بالدوحة بس ! في نيويوركـ بس شافوا جوازي والفورم وكذا بس ...!! ولا لابتوب ولا حاجة
عموما طلعت من المطار بعد 20 دقيقة تقريبا من النزول إلى الطائرة (واللي أخّرني هو العفش جلست أدور شنطتي)
كلمة أخيرة : إلى الآن أنا مو مصدق إني طلعت من نيويورك !! ياااليت كل المطارات مثل جون كينيدي
عموما أنا الآن في ميامي آخذ كورس لغة لمدة شهر
وكاميرتي معي ، لكن متردد أسوي تقرير ولا لأ
إن شاء الله إذا رحت آماكن حلوة وصورت صور كويسه بسوي تقرير بيعجبكم إن شاء الله
تحياتي ، عمرمواضيع عشوائيه ممكن تكون تعجبك اخترناها لك:
- ما افضل ديزني لاند و ينيفيرسال ستوديو في اورلاندو ام لوس انجلس؟
- تذاكر مدن الالعاب؟؟؟ سؤال
- فيزة مولود جديد
- هل بركان ايسلندا بيكنسل الرحله
- ساعدوني في وضع جدول سياحي في نيويورك
- بخصوص بطاقات الصرااف في الصفر
- ســؤال لــخــبــراااء أمــريــكــا
- احلى الاماكن في نيو يورك واورلاندو
- لبى قلوبكم جاوبوني
- استفار عن نيويورك غدا رحلتي
- طيران الإمارت إلى بوينس آيرس وريو دي جانيرو
- أفيدوني عن تكاليف السفر لأمريكا
- من البوم رحلتي صيف
- تهت بين شركات تأجير السيارات ساعدوني بليييز
- اطلب نصحكم في رحلتي الاولى انا والعائلة
- عندي سؤال مهم يا مشرفين الاعزاء عن الجوازات
- ماهى كل الاوراق التى قد ياخذونها قبل اجراء المقابلة مباشرا؟
- الى الاخ وكل من لديه خبره
- احد اجر من شركات تأجير السيارات هذي و و
- يا اهل الخبرة
المفضلات