خامس وآخر مكان سياحي تمت زيارته وهو حديقة الحيوانات
Singapore Zoo
هذا باليوم الأخير لنا بسنغافورة ، كانت طيارتنا العصر فقمنا الصبح مبجر ورحنا حديقة الحيوانات
مثل ما ذكرت بالسابق اني قطعت تذاكر شاملة 3 حدائق ، زرنا النايت سفاري واليوم بنزور السنغافور زوو وحديقة الطيور ما زرناها لأن مافي وقت
وذكرت لكم ان مكان النايت سفاري بجانب وملاصق للسنغافور زوو ، وفي عدة وسائل للذهاب إلى هناك بس انا دايما أختار التاكسي لأنه أسرع وفيه خصوصية . هي عبارة عن حديقة حيوانات تقليدية ، أحلى من النايت سفاري من وجهة نظري وطبعا أحلى من حديقة الحيوان في ماليزيا ، فيها عدة أقسام والعديد من الحيوانات المختلفة .
مثلا هناك ركن للحيوانات المفترسة ، تشوفون فيه الأسود والنمور والقطط الوحشية و و و
وقسم للحيوانات الأليفة الصغيرة مثل الأرانب والسناجب و و و ، وتكون بمتناول ايديكم
يعني يقدرون اليهال يشيلون الأرنب أو يحركون جسمه ويلمسونه ، والحلو فيهم انهم حاطين مغسلة بجانب هذا الركن ومعقم لليدين عشان يغسلون اليهال ايديهم ويعقمونها بعد لعبهم مع الحيوانات
الشي المميز الي فيها ان أغلب الحيوانات ما يفصلها عنكم قفص أو حاجز !
بالعكس تكون موجوده بركن خاص ما تقدر تتجاوزه طبعا ، لكن تقدرون تشوفونهم بكل حرية وبكل راحة بدون زحمه وبدون أقفاص
يعني كأنها محمية طبيعية مقسمة لعدة اقسام. أيضا الشي المميز ان فيها أوقات خاصه لتقديم الأكل للحيوانات ، تلقونها مكتوبة بالكتيب الخاص بالحديقة ، شي حلو انكم تشوفون الأسد وهو يفترس وياكل
نبتدي بالصور الحين
أول شي هذا مدخل الحديقة والطابور لقطع التذاكر ..... احنا ما صفينا بالطابور لأني كنت قاطع التذاكر من قبل
وهذي صورة من ركن الطيور
تقدرون تصورون مع الطيور بكاميرتكم مجانا
أو يصورونكم مصورين الحديقة بكاميراتهم وتدفعون قيمة الصورة
طبعا مثل النايت سفاري فيها عروض للحيوانات لكن هذي عروضها أكثر من النايت سفاري ، الأوقات كلها مكتوبة بالكتيب الخاص للحديقة ، أحرص على العروض إذا كان معاك أطفال
هذا مدخل لأحد أماكن العروض
هذا النمر الأبيض وهو من الحيوانات النادرة
و هذا ركن الأسود
في مكان مغلق مثل الغرفة الزجاجية تطل على عرين الأسد
لو تلاحظون في مساحة مربعة بجانب الزجاج هذي المساحة مخصصه للأكل
يعطون الأسود أكلهم بهذا المكان والسياح بالجهه المقابلة يطالعونهم وهم ياكلون ، بس للأسف ما قدرت أصورهم وهم ياكلون لأن المكان يصير زحححححمة ، طق مطاقق عشان يشوفونهم يفترسون
وفي مكان مكشوف ، تقدرون تشوفون الأسد بدون حواجز تعيق الرؤية ولا أسوار ولا أقفاص حديدية
تقريبا عند كل ركن للحيوانات تلقون مجسم للحيوان نفسه وبعدين تشوفون الحيوان على الطبيعة
المفضلات