السلام عليكم
اولا احب اوجه الشكر الي الاستاذ امباكت والاستاذ وليد 8818
كان يوم ما يعلم بيه الا ربنا والحمدالله علي كل شيئ
كنت في السفاره الساعه 8 بلظبط
وقفت في طابور بيتأكدو من الورق وكده ابل ما ادخل السفاره
المهم دخلت السفاره وانا داخل تفتيش بطريقه تخنق بس الحمد الله مسكت نفسي وهزرت معا بتوع الامن قلعوني الحزام وقعد يقولي الكباسيل اللي في بنطلون الجينز قلتله أألعو بلمره قعد يضحك .المهم عديت من التفتيش بروقان
خرجت من الباب لقيت سلم علي يميني نزلت لقيت صاله اخرها بابين باب للدخول وباب خروج دخلت خت رقم وقلي الراجل استني بالصاله الخارجيه
استنيت مفيش ربع ساعه وندهولي رحت سلمت الابكيشن والبسبور وصوره ليه 5*5 وايصال البنك
سألتني الموظفه ليه مسافر قلت لها سياحه قلتلي استريح
فضلت قاعد ساعه ندهولي وخدو بصماتي وقلولي استرح
استريحت 3 ساعات
المقابله جت ركبي بتخبت جمدت قلبي ودخلت الساعه 12
موظف امريكي قلي عامل ايه ؟ ومسافر ليه ؟ ولمين رايح وهتروح فين ؟ ومين هيصرف عليك ؟ وانت بتدرس ايه ؟ وليه بتدرس كده ؟ ( وده طبعا عشان الدراسه اللي بدرسها غريبه شويه )
المهم قلي ان شاء الله خير وده رقم تابعنا بيه .
وتوكلت علي الله وانا بقول الحمد الله .
طبعا انا حاكي بالتفصيل عشان اخواني المصرين لما يروحو السفاره يبقوا عرفين ايه النظام .
ويارب يكون الاخوات العرب استفادو
بس معلش سؤال فعلن استني الرقم ولا بيوزعني بطريقه شيك ؟ وياريت لو حد حصل معاه الموضوه ده وجتله الفيزا يطمني
واي استفسارات انا موجود
و الحمد الله
اخوكم شاديمواضيع عشوائيه ممكن تكون تعجبك اخترناها لك:
- بعد عنا سبعة شهور؟؟
- سؤال عن النمووذج
- مدينة فلادلفيا ولاية بنسلفينيا مساعدة رجاء
- ساعدونا يا جماعة الخير الله لا يهينكم شهادة الميلاد الامريكيه ضايعه
- ايصال
- استفسار عاجل
- سؤالين كل واحد في زوايه مختلفه ههههه بإنتظار إجاباتكم الذهبيه
- سؤال مهم للجميع وارجوا مساعدة مشرفنا الحبيب
- هيوستن استفسار
- هل ممكن يتغير مكان البعثة ؟؟؟؟؟؟؟؟؟؟؟؟
- استفسار عاااااااااااجل
- هل يشمل إسم الأب والجد
- اجراءات السفاره وذهابنا مبكرا
- سؤال بخصوص كاريبيان كروز من لوس انجليس
- والله احترت من جنوب لوس انجلوس
- طلب مساعده اريد انقل سيارتي من امريكا الى الشرق الاوسط
- تايم شير للبيع
- رحلتي الثانية الى بلاد العم سام نيويورك أورلاندو وميامي مايو
- ياليت معلومات عن بنساكولا
- ودي بخبراء امريكا يشيرون علي ويساعدوني
رد مع اقتباس
المفضلات