السلام عليكم ورحمة الله وبركاته
من 3 ايام ردينا من دبي ولله الحمد
كانت الرحلة ممتعة في كل شيء
الإ الفندق السيء الي اخترته للسكن
إبتداءا وصلنا للفندق يوم السبت ساعة 2 الظهر
وهذا التوقيت الرسمي لإستلام الغرف في الفندق
شنو صار؟
غرفتي إلي انا حاجزها مو جاهزه
ساكنها ألماني لا يتكلم الإنجليزي
وبسلامته يبي يمكل اقامته بالفندق!!
شنو كانت الحلول البايخة
نعطيك استديو + إفطار
أو
نحولك لفندق آخر
كان ردي
لا ابي استديو ولا افطار
ولا ابي فندق ثاني
ولا اي شي
الي ابيه فقط حجزي
غرفة + صالة
المراد بعد شد وجذب وصراخ مني
قرروا يعطوني استديو لغاية ما يقنعون الي قاعد بالشقة يطلع منها!!
استلمت الاستديو وكان عبارة عن غرفة 4 في 4 + مطبخ
اي كلام الصراحة
من التعب نمنا وقعدنا على الساعة 7 بالليل
نزلت اللوبي اشوف شنو صار
وانا طالع من الغرفة ولة اشوف الغرفة الي يمي فاضية
جان انزل للاستقبال اسألهم عنهم
جان يقولون انها محجوزة حق عميل ياي قبلي!!
قلت حق الموظفة: شلون جاي قبلي ويحق له يحجز قبلي!!
مو انتوا حاطين هاللوحة واشرت عليها ومكتوب فيها
الدخول ساعة 2
والخروج ساعة 12
المراد
عطوني عطوني الشقة ومع وعد من مدير الاستقبال بالتعويض يوم الخروج
بتأخير الشيك أوت
واستلمنا الشقة
شنو الي صار
ادري طولت عليكم بس تحملوني:
1- النظافة الله بالخير.
2- التكييف ليلتين خربان وما تصلح الا بعد ما اتصلت على دائرة السياحة بدبي واشتكيت على الفندق.
3- الشراشف والاغطية ما بدلوها الا بعد ما تطلب منهم!!
4- السرير اصغر مما هو معلن عنه في مواقع الحجز.
5- الشقة الي استلمتها اقل من الي انا حاجزها ودافع فلوسها.
6- الطامة الكبرى الفندق يسمح بدخول بنات الليل والدعارة!! والله العظيم أنه جدام عيني 3 خليجيين دخلوا بنات روسيات للفندق وكل الي صار طلبوا بطاقاتهم وخلوهم يدشون مع انه معلن عنه انه فندق عوائل!!
7- الوعد بخروج متاخر ما هو الا جذبة منهم الشيك اوت ساعة 2 الظهر حالهم حال اي فندق ثاني!!
8- الحمام ما في اهتمام في تنظيفه والبانيو حدث ولا حرج كله بقع صفرة.
9- سرير الاطفال فرشه قذز.
10- مفتاح الباب لك كرت واحد ومرجع والكرت حده مولي من تكرار الاستخدام.
تبون تعرفون اسم هذا الفندق
اسمه يا طوليين العمر
شقق ونشستر ديلوكس - Winchester Hotel Apartments
عنوانه: بر دبي - شارع الكويت
سؤال ممكن يخطر على بالكم:
ليش تقعد في مثل هالفندق دام كل هالملاحظات عليه؟
الجواب: دبي في الاسبوع الي رحت فيه الشقق فل والمتوفر اسعارها ناررررررررر
للعلم الشقة الي سكنتها كانت رقم 416
وشي ثاني
يمكن يكون هذا تقرير مبسط
وخالي من الصور
والسبب
انه ما يستاهل انشر له صورة
وآسف على الإطالة
هنا توصيه من الادارة بأفضل فنادق دبي 2021
https://www.otlaat.com/best/dubai-hotels/
اللهم هل بلغت اللهم فأشهدمواضيع عشوائيه ممكن تكون تعجبك اخترناها لك:
- المتطلبات لفتح مكتب استشارات اداريه
- ابي رايكم في هذا الفندق
- شقق ممتازه لاتفوتكم
- شرطة الشارقة تناقش الشكاوى الواردة من السياح بخصوص مكاتب تأجير السيارات
- عندي طلـــــــــــــب بسيط ياجماعه
- كرما وليس امرا احد يعرف فندق الجوهرة جراند
- ياريت احد يفيدني
- وين افضل شقق في الامارات ابوظبي او دبي
- افتتاح حديقة ألعاب ياس ووتروورلد أبوظبي
- ساعدوني يااهل دبي
- سؤال بخصوص الحجز على طيرات الإمارات
- موقع يقارن لك الاسعار ويعطيك اقل سعر للفنادق والسيارات والتذاكر
- مين بقي عنده كتاب الكوبونات لدبي
- شقق فندقية للأحباب مع التحية وبأسعار خيالية
- الإماراتية ترفع رحلاتها للسعودية رحلة
- معرض عطايا طريقكم لمساعدة الغير
- رحلتي من مطار دبي صباحا متى أروح للمطار
- فيكتوريا سيكريت تنطلق في المنطقة عبر فرعين دبي و الكويت
- محتاج برنامج سياحي لمدة ايام في دبي
- التخفيضات في دبي
المفضلات