الموضوع: صباح الخير لاهل المنتدى الطيبينعندي طلب خاص؟

الاخوه الكرام قررت اليوم اني ازور الكويت ...لاني من زمان وانا بصراحه قلبي متولع فيها من يوم حصلت الفرصه لي قررت السفر براً بواسطة السياره...لكن محتاج للمساعدة منكم ...لكي تكون الرحلة مرتبة انشاالله ......طبعاً الفضل لله ثم للمنتدى الرائع والمشرفين الكرام وبالاخص الباب العالي وبقية الاعضاء المحترمين .........المهم:
1_ممكن تدلوني على سكن يكون عائلي سواء فندق اوشقق فندقية(مايكون غالي)؟:24:
2_: اهم الاسواق الحلوه وكذلك الشعبية ....يفضل السكن قريب من الاسواق ؟:24:
3_ اهم المطاعم واحسنها واللي اعرفة ان الكويت فيها مطاعم روعة؟
ارجوا من الجميع المشاركة لاني مسافر اليوم ودي اقرأ الاجابات والردود من الناس الطيبه واذا هناك احد يفيدني ويصرف الفلوس بالسعوديه(الرياض) او بالكويت؟؟؟؟؟
شاكر ومقدر جميع المشاركات من الاخوة الكرام.........ولكم التحية الطيبه المعطرة بالعود..

السفرة لمــــــــــــــــــــدة 4 أيام إنشاالله..
وهذي جلسة علشان انتظر ردودكم:11_horror

مواضيع عشوائيه ممكن تكون تعجبك اخترناها لك:

• من يساعدني عطشان
• سؤال واحد فقط ؟؟ ابي رد سريع
• ارجو المساعده اخوواني الله يجزاكم خير
• مشكلة سفري الي الكويت
• جدول سيــاحي لديـــرتــي الغــــاليــــه الكـــــويـــت محـــدث
• «طيران الجزيرة » تبدأ رحلاتها إلى صنعاء الشهر المقبل والقاهرة في أكتوبر
• محدش هيفيدني غيركم
• استفسار لخبراء السفر بالسيارة
• شارع المطاعم وينه بالظبط
• الصليب الأحمر
• ابغى اسامي فنادق قريبة من الاسواق الكبيرة الله يعافيكم
• صور من سماء الكويت
• مين جرب شقق تراس حولي
• منع استخدام الهاتف النقال باليد اثناء القياده بالكويت
• تجربة مطعم
• ميناء الشويخ ميناء عبادان
• صور من الكويت لمحبين الغوص و البيئة البحرية
• ▒▐♫♫█♥√ فهـــرس المواضيع المصوره و المميزه في بوابتنا الكويتيـة √♥♫█♫█▌
• زيارة الملك الى استاذ جابر الدولي صور
• لليي عنده ساعة رولكس هل ابيعها

تروح وتجي بالسلامه ياغالي
بالنسبه لسؤالك بخصوص الشقق او الفنادق اتوقع انك لو تسكن في بنيد القار راح يكون احسن وبعدين ترى الفنادق او الشقق اعتقد انك راح تلقاها من فوق الثلاثين دينار وانت طالع (سكن محترم ).
اما بخصوص المجمعات انت لما تطلع لشارع الخليج العربي راح تكون اغلب المجمعات قريبه من هذا الشارع عندك شارع السالميه راح تتعب من المجمعات اللي فيه ولا تنسى على نفس شارع الخليج العربي راح تلقى مارينا مول وبنفس الشارع راح تلقى سوق شرق وبالنسبه للحدائق الترفيهيه راح تلقى حديقة الشعب وفيه حديقه ثانيه على نفس الشارع اذا ماكنت غلطان وبالنسبه للاسواق الشعبيه عندك المباركيه
وبالنسبه للمطاعم كل مجمع وفيه تقريبا دور او نص دور كله مطاعم بس اذا تبي تطيع الشووور حاول انك تمر مطعم البستان على نفس شارع الخليج العربي تراااه رايق بالمره ( وجهة نظر ) .
بس نصيحه لوجه الله لا ترووح الكويت الا في وسط الاسبوع حاول حاول حاول لان لو رحت بخميس وجمعه راح تلقى انواااع الزحمه

انا اقترح عليك ان تسكن في ريتز الشرق بالعاصمة وهوفندق 4 نجوم نظام شقق يوجد غرفة وغرفتين وثلاث

اتو تسكنون في السالمية في ريتز السالمية او بودل سويت او جمايكا او هوليدي إن السالمية

وهذا الرابط انشاء الله يفيدك

http://www.travel4arab.com/vb/showthread.php?t=91391

هلا فيك اخوي وحياك الله
بالنسبة للسكن كورت يارد (فندق) او ريترز شرق (شقق فندقية)
الاسواق :
سوق شرق
مجمع الراية
مجمع الصالحية
المهلب
الفنار
المارينا مول
الكوت
ليلى جاليري
الاسواق الشعبية:
سوق المباركية
المطاعم:
ميس الغانم
محل مغل
برج الحمام
قيصر
قصر البردوني
وعلى امتداد شارع الخليج سلسة من المطاعم العالمية
وحياكم الله

شكراً ..........مسافرة كويتية.....رحال....ابو خلوفي على مروركم وانشا الله السفر ه عصر هذا اليوم الجمعه بس شكلي راح اتوهق بالكويت ماراح ادل شئ ؟؟؟؟؟
لكن انشاالله انكم ماراح تقصرون معي ....لاني رايح انا وزارة الداخلية ...حفظها الله تمشيه
ارجع واكرر شكري لكم اخواني الكرام واختي مسافرة كويتية...
واتطلع للمزيد من المعلومات المفصلة.....

اخوي عندك مطعم بام بام بمجمع ليلى جاليري بالسالميه شارع سالم المبارك اكله روعه


وعندك مارينا كريسنت مقابل مجمع المارينا مول بشارع الخليج في وايد مطاعم حلوه مثل اشاز الهندي وتوتالي فيش للاكلات البحريه

المشاركة الأصلية كتبت بواسطة رحيمة
http://www.arabtravelersforum.com/tr...63/#post976599

الاخوه الكرام قررت اليوم اني ازور الكويت ...لاني من زمان وانا بصراحه قلبي متولع فيها من يوم حصلت الفرصه لي قررت السفر براً بواسطة السياره...لكن محتاج للمساعدة منكم ...لكي تكون الرحلة مرتبة انشاالله ......طبعاً الفضل لله ثم للمنتدى الرائع والمشرفين الكرام وبالاخص الباب العالي وبقية الاعضاء المحترمين .........المهم:
1_ممكن تدلوني على سكن يكون عائلي سواء فندق اوشقق فندقية(مايكون غالي)؟:24:
فندق المارينا مول -او البودل
2_: اهم الاسواق الحلوه وكذلك الشعبية ....يفضل السكن قريب من الاسواق ؟:24:
شارع سالم المبارك في اكثر من 8 مجمعات و المارينا مول وسوق شرق بشارع الخليج ومجمع الصالحيه ومجمع الرايه وبالنسبه للاسواق الشعبيه تلاقيهم بسوق المباركيه

ارجوا من الجميع المشاركة لاني مسافر اليوم ودي اقرأ الاجابات والردود من الناس الطيبه واذا هناك احد يفيدني ويصرف الفلوس بالسعوديه(الرياض) او بالكويت؟؟؟؟؟
ترى ماكو فرق لو صرفت بالكويت او بالسعوديه
13 ريال = 1دينار
شاكر ومقدر جميع المشاركات من الاخوة الكرام.........ولكم التحية الطيبه المعطرة بالعود..

السفرة لمــــــــــــــــــــدة 4 أيام إنشاالله..
وهذي جلسة علشان انتظر ردودكم:11_horror




وحياكم الله بالكويت

مشكورة روان بنت الكويت ..على المرور ولا تبخلين علي بالمعلومات
وعندي سؤال 1- وش افضل صالون تجميل نسائي ؟؟ واذا امكن توضحين الاسعار ؟؟؟
2- وين اماكن الصرافه في السالميه؟؟
ارجوا من لديه الرد التكرم باخباري وانا انتظر الردوود منكم.....

المشاركة الأصلية كتبت بواسطة رحيمة
http://www.arabtravelersforum.com/tr...73/#post977773

مشكورة روان بنت الكويت ..على المرور ولا تبخلين علي بالمعلومات
وعندي سؤال 1- وش افضل صالون تجميل نسائي ؟؟ واذا امكن توضحين الاسعار ؟؟؟
صالون مس فرساي بفندق الشيراتون
وصالون باشي إلوتشي بنادي فلكس بالشعب البحري
وصالون لازوردي بالسالميه
كلهم شويه غالين والاسعار على حسب نوع الشغل
2- وين اماكن الصرافه في السالميه؟؟
بالسالميه مااعرف بس بالمباركيه وايد محلات صرافه
ارجوا من لديه الرد التكرم باخباري وانا انتظر الردوود منكم.....



العفو اخووي واي خدمه احنا حاااضرين ؟

مشكورة حيل ...مشكورة روان بنت الكويت على المرور واليوم فريت وايد اماكن وكلها ما شاالله حلوه والله نغبطكم عليها ....علما اني سكنت في السالمية ..والحمد لله توفقنا في السكن .
1-بالمباركيه وايد محلات صرافه ؟؟؟؟ وين الطريق لها اذاممكن تدليني من شارع الخليج العربي؟؟ اكون شاكر لك.........وعارف اني ثقلت عليكم بالطلبات؟؟؟

المشاركة الأصلية كتبت بواسطة رحيمة
http://www.arabtravelersforum.com/tr...08/#post979208

مشكورة حيل ...مشكورة روان بنت الكويت على المرور واليوم فريت وايد اماكن وكلها ما شاالله حلوه والله نغبطكم عليها ....علما اني سكنت في السالمية ..والحمد لله توفقنا في السكن .
1-بالمباركيه وايد محلات صرافه ؟؟؟؟ وين الطريق لها اذاممكن تدليني من شارع الخليج العربي؟؟ اكون شاكر لك.........وعارف اني ثقلت عليكم بالطلبات؟؟؟



العفو ولو

اذا كان سوق شرق على ايدك اليمين

كمل سيدا راح تمر على وزارة الخارجيه عدها

بعدها تشوف دوار المسجد الكبير

اخذ الدوار يسار صوب بورصة الكويت (يعني لا تكمل سيدا لقصر السيف ولاترد لسوق شرق)و

بعدين تلاقي اشاره قبلها لف يمين وكمل الشارع سيدا اول اشاره اخذها يسار راح تشوف البنك الوطني على ايدك اليمين وسوق المباركيه على ايدك اليسار

واي خدمه احنا حااضرين ؟

الف الف الف شكر لكي ياروان بنت الكويت واضح بالمرة الله يعطيك العافية .....
1- ممكن تدليني على السوق اللى فية ماركات الشنط والملابس الفخمه والكشخة غير شرق والمارينا ؟؟؟
وبالنسبة للمركز العلمي اروحله ولا لا ؟؟؟وشفيه بالضبط؟ وبعدين وين احصل الدراريع الحلوة مرة والكشخة؟؟؟؟؟ اذا تكرمتي ...... والله يوفقك

السلام عليكم اخوي رحيمة
استفسر بس وين سكنت؟ و كم السعر؟ و اسم البناية او العنوان وكم غرفة؟
لاني بصراحه انا رايح السالمية بعد اسبوعين و من خبراتكم نستفيد.
و مشكوووور كثير

المشاركة الأصلية كتبت بواسطة رحيمة
http://www.arabtravelersforum.com/tr...29/#post980729

الف الف الف شكر لكي ياروان بنت الكويت واضح بالمرة الله يعطيك العافية .....
الله يعافيك العفو ماسويت شي
1- ممكن تدليني على السوق اللى فية ماركات الشنط والملابس الفخمه والكشخة غير شرق والمارينا ؟؟؟
عندج مجمع الصالحيه (عند فندق الشيراتون وعند مجمع المثنى) وايضا مجمع الرايه (بشرق عند مجمع الخليجيه وقريب من مطعم مغل محل)
وبالنسبة للمركز العلمي اروحله ولا لا ؟؟؟وشفيه بالضبط؟
انا انصحكم تروحون المركز العلمي واهم شي تدخلون الاكواريوم
وبعدين وين احصل الدراريع الحلوة مرة والكشخة؟؟؟؟؟
الدراريع الحلوه والكشخه تلاقينهم بالصالحيه وبعد عندج المعارض تحصلين فيهم مثل بيت ديفا وكاريزما وبيت لوذان
اذا تكرمتي ...... والله يوفقك



واي خدمه احنا حااضرين ؟؟

ماشاء الله روان ما خلت لنا مكان نقول راينا
تسلمين يا بنت بلادي رواااااااااااااااااااااااااااااااااااااااااااااااا ااااااان

العفو انا ماسويت الا الواجب


واي خدمه ثانيه احنا حاااضرين ؟

كاريزما وبيت لوذان ممكن توصفين لي المحلات السابقة ؟؟ لانه ماشاالله انامشيت على وصفت السابق لمحلات الصرافة وعلى طول وصلت لهم..... الله يعطيك العافيه ياروااااااااااااان يابنت الكويت انا انتظر الايجابة منكم؟ ,,,,,,, وتقبلي تحياتي وتقديري

المشاركة الأصلية كتبت بواسطة رحيمة
http://www.arabtravelersforum.com/tr...30/#post982130

كاريزما وبيت لوذان ممكن توصفين لي المحلات السابقة ؟؟ لانه ماشاالله انامشيت على وصفت السابق لمحلات الصرافة وعلى طول وصلت لهم..... الله يعطيك العافيه ياروااااااااااااان يابنت الكويت انا انتظر الايجابة منكم؟ ,,,,,,, وتقبلي تحياتي وتقديري



الله يعافيك اخوي

بيت لوذان بجانب مجمع المارينا مول

بيت كاريزما وديفا مقابل سوق شرق بجانب المستشفى الاميري

المشاركة الأصلية كتبت بواسطة hhs
http://www.arabtravelersforum.com/tr...62/#post980862

السلام عليكم اخوي رحيمة
استفسر بس وين سكنت؟ و كم السعر؟ و اسم البناية او العنوان وكم غرفة؟
لاني بصراحه انا رايح السالمية بعد اسبوعين و من خبراتكم نستفيد.
و مشكوووور كثير



:108:

جالسيين ننتظرك

عفوا.....على التأخير ...سكنت في السالمية في (بودل العماره الاول )على شارع عمر بن العاص(شارع المطاعم) بالنسبة للسعر 25 دينار ..للغرفة الصغيرة و30 دينار للغرفة اللي شوي كبيرة والغرفة مع صالة على ماأظن انها بـ 50 دينار ...
لكن والله تستاهل نظيفة جداً ولا فيها ازعاج,,,,,,
طبعاً ودي اشكر روان بنت الكويت على الرد على جميع استفساراتي واسالتي مقصرت الله يعطيها العافية
واي استفسار حنا حاضرين ...

مشكوور كثير و جزاكم الله خير

الله يعافيك اخوي واي خدمه احنا حاااضرين ؟

مساء الورد .....الاخت روان بنت الكويت ..كيفك انشا الله طيبه حبيت اسلم واطمئن عليكي ...
انتي منورة الموقع بصراحة وانا والله حبيت الكويت بعد زيارتي الاولى لها لانكن ماقصرتي خدمتيني كثير الله يوفقك.....ويزوجك!!!!!ولكي التحية والاحترام.

المشاركة الأصلية كتبت بواسطة رحيمة
http://www.arabtravelersforum.com/tr...5/#post1004415

مساء الورد .....الاخت روان بنت الكويت ..كيفك انشا الله طيبه حبيت اسلم واطمئن عليكي ...
انتي منورة الموقع بصراحة وانا والله حبيت الكويت بعد زيارتي الاولى لها لانكن ماقصرتي خدمتيني كثير الله يوفقك.....ويزوجك!!!!!ولكي التحية والاحترام.



هلا والله مساء النور

تسلمين بعد عمري تستاهلين

واي خدمه احنا حااضرين ؟

انا ماسويت الا الواجب


وانشالله قضيتو وقت حلو بالكويت

مررررررررررررررررررررررررررة حلوة الكويت.....ولا كان الجو حلو بالمرة امطار وخير ماشاء الله...
انشاءالله اذانزلتي للرياض ترى حضر وممنون بكل اللي تطلبينة واي استفسار بالامر ياروان بنت الكويت.،،

تسلمين بعد عمري ماتقصرين