الموضوع: سنغفورا وذكريات حلوه تقرير عن سفرتي

هلا حبيبتي المسافرة من قطر يابنت بلدي


شفتي اشلون انا في السفر اخر همي المطاعم ... لاحقه عالاكل الله يسلمج ... وتصدقين ويمكن لاحظتي مافي مطاعم في الرحله لاننا مارحنا مطاعم كلشي على السرريييع في الاكل

يعطيج العاااافيه
كم المسافه من سنغافوره لماليزيا؟
كم بالطياره؟ و الباص او قطار؟ و بالمركب؟

تسلم على التقرير الرائـــــــــــــــــــــــــــع .....

المشاركة الأصلية كتبت بواسطة المرام
http://www.arabtravelersforum.com/tr...6/#post1157876

يعطيج العاااافيه
كم المسافه من سنغافوره لماليزيا؟
كم بالطياره؟ و الباص او قطار؟ و بالمركب؟



اختي الفاضلة .. ياهلا فيج في سنغفورا .. اما المسافة بين ماليزيا وسنغفورا ... ساعة او بالكثير ساعة ونص بالسيارة .... اما الطيارة والقطار والمركب فما عندي فكره :101:







بانكوكي_2

تسلم على التقرير الرائـــــــــــــــــــــــــــع .....





الله يسلمك عزيزي

تقرير رائع بارك الله فيج يالغاليه ربي نجحك ووفقك ان شاءالله

مشكوره على التقرير الجميل .. هل تحتاجون انتم يالقطريين تاشيره مثلنا !

الحمد لله على السلامة
ماشاء الله تقرير رائع مدعم بالصور
مشكوره اختي ويعجبني اسلوبك
انا احتمال اروح لسنغافورة وتايلند هالصيف واستفدت من تقريرك

اسلوبك اكثر من رائع اختي


لكن توقعت سنغافورة احلى من كذا


يعني مثل الجزيرة اللي رحتيها توقعت فيها رحلات بحرية والعاب وغيره مثل بيننانغ


اعتقد السفاري احلى شيء


بس بسالك انتي مريتي جنب الاسد بالفعل وجها لوجه وماصار شيء لكم ؟؟

وهل اقدر اروح من بيننغ في ماليزيا الى سنغافورة وكم الوقت

او شي احلا من العقد ......... لباسه
يزها فيها ......... الماسة تلبس الماسة ...........
عفواً ......... تقرير حلو بس فيه بعض الملاحظات شوي الصور كلها للأسف اصنام ومجسمات وينه فيه .... انا من بذيين هااااااهااااااااااههاهاههاااااااا
وانتي رايك وجهة نظر ان سنغافورا ماليزيا حلوه ..........
في احلا ميلون مره منها وإذا سافرتي لها مراح تنسنها طول عمر :-
اول شي اندنسيا - الجبل الاخضر البنجاك فلل روعه على مناظر الخضار والطبيعه والبراد والامطار .... حديقة سفاري يبغاله يوم كامل تلفينها من كبرها .... حديقة الزهور والشلالات ومازارع الشاي يبغالها يوم بعد ......والطيران الشراعي والبجيره وغيرها بسراحه جنه خصوصاً الجلوس في الفله والشوي احلا شي متعه والله مأنساها عند المسبح عند الخضرا الطبيعه والبراد والمطر على فكره سعر الخروف الهرفي من 100-120 ريال يابلاش - جزيرة :surfبالي الخياليه والله وفيها رجلات البحريه وصيد الاسماك ورحلات الغواصات تحت البحر ولو تمشين مفصخه محد يمك والزين فيها مافيها لا عرب والا خليجيين ....... كلها استراليين واروبيين ويابانيين ..... والمعروف عنها ان مايجيها الا الناس الاغنياء لقضاء شهر العسل فيها شي خيالي مره بذات التسوق على الشاطي - والنقش الحناء والتاتو - والتحف والمساج على البحر - والجبل الشلالات الي في بالي ........ وعلى فكره ترى الديره مو غاليه مره ارخص من ماليزيا وسنغافور حقتك ..... الي لفيتيها في 3 ايام .... والي سمعته ان ماليزيا احسن مافيها لنكاوي بس اما بلينج يوم وتمل منها وشذا الديره البايخه الي كلها عبايات وثياب وعرب وخليجيين لو ترفع حصات ليقت خليجي مره ملل للأسف
اما ثاني شي
عزيزتي تايلاند جنت الله في ارضه بلا ماليزيا ولا سنغافور ...... اسمها بلد العجايب فعلاً والله بانكوك في الشارع نانا شي حلو لتمشي هيناك كان في القاهره او بلد عربي ما تملين من والاسواق والتسوق الساعات والشنط الماركات المقلده على كيفك بتراب الفلوس وتشوفين الخليجيات هينا لوحدهم مبسوطين وفلينها على راحتهم مأحد يقولهم شي ولا يطالعهم كلن في حاله
ثم جزيرة بوكيت:surf الي ما عمري شفت مثلها في عمري من شواطي رامال بيضاء وشواطي زرقاء تشوف حتى السمك في البحر من نظافت البحر ... رحلات لجزيرة بي بي الاند ..... الي سو فيها دعايت شمبو سنسيت
وجزيرة جمس:surf بوند الشهيره الي مثل فيها جمس بنود فلم 007 مشهور وفلم ذا بيتش المشهور وحرمية في تاليند وغيرها ....
بعدين شنقا ماي الجبل الاخضر فيه براد ومطر اكبر شلالات في شرق اسيا هيناك والتمشي في الغابات بالفيله في النهر والقارب كأنك في فلم اكشن ولا كرتون
وجزيرة كرابي الخياليه

نصيه زوري بوابت السفر لاندنوسيا ----------- وتايلاند -------------- وشوفي الفرق بالا ماليزيا ولا سنغافورا ولا سوريا ولا تركيا

ســــــــــــــــــــــــــــــــــــاحـــــــــــ ـــــــــر الــــــــــــــــريــــاض

لاتزعلين مني لاني والله مأجاملك مثل بعض الناس مشكلتي انني صريح والله والي على قلبي على لساني
الماسه تلبس الماسه ................

اختي من قطر السلام عليكم لوسمحتي المكتب السياحي كم اخذ منكم في اليوم وبالنسبه للاسواق كيف:114:_ _ _ _ _ _ _ _ _ _ _وشكرا لك من اختك بنت مكه:106:

بصراحه تقرير اكثر من رائع واتمنى لكم اجازة سعيده مع الاهل
وتقبلوا اطيب تحياتي

المشاركة الأصلية كتبت بواسطة المتجوال
http://www.arabtravelersforum.com/tr...3/#post1140693

صور رائعة مشكور اخوي والله يعطيك العافية



يا هلا ومرحبا واسمح لي على التأخر في الرد ...

المشاركة الأصلية كتبت بواسطة ام محمد 2006
http://www.arabtravelersforum.com/tr...4/#post1356994

تقرير رائع بارك الله فيج يالغاليه ربي نجحك ووفقك ان شاءالله



انتي الي رائعة وشكرا لمرورج وشكرا للدعوة والله يوفقنا اجمعين







سنترال بارك

مشكوره على التقرير الجميل .. هل تحتاجون انتم يالقطريين تاشيره مثلنا !




العفو اخوي ... نعم نحتاج تأشيرة لكن الفرق .. نطلعها من المطار على طول ومانتعامل مع السفارة ..






David Villa

الحمد لله على السلامة
ماشاء الله تقرير رائع مدعم بالصور
مشكوره اختي ويعجبني اسلوبك
انا احتمال اروح لسنغافورة وتايلند هالصيف واستفدت من تقريرك



الله يسلمك اخوي ديفيد (( اسمك ديفيد :109: احس اني اتكلم مع واحد من المسلسلات المكسيكيه ))
اشكرك على رايك والحمدالله ان اسلوبي اعجبك ... وان شاء الله تكون استانست في تايلاند وسنغفورا






ريــــوف

اسلوبك اكثر من رائع اختي


لكن توقعت سنغافورة احلى من كذا


يعني مثل الجزيرة اللي رحتيها توقعت فيها رحلات بحرية والعاب وغيره مثل بيننانغ


اعتقد السفاري احلى شيء


بس بسالك انتي مريتي جنب الاسد بالفعل وجها لوجه وماصار شيء لكم ؟؟



سبحان الله الناس اذواق .. انا مازلت اشعر بأن سنغفورا بلدة جميلة .. اي نعم مافيها العاب بحرية مثل ماليزيا .. لكن فيها شيء حبيته لا ادري ماهو بالضبط ولكن استمتعنا فيها جداً بالذات ان البلد نظيفة والناس نظاف ومحترمين جداً والسفاري ماعليها كلام طبعا ... اما الاسد انا مب كفو امر جدامه وجهاً لوجه .. مب لهدرجة هههههه






ريــــوف

وهل اقدر اروح من بيننغ في ماليزيا الى سنغافورة وكم الوقت




طبعا تقدرين ... ويمكن المدة ساعة بالطائرة .. واختاري اشيا اير ارخص خطوط طيران يمكن تكلفج فقط 250 ريال ... :24:




أعتذر منكم اخواني لتأخري في الرد .... اسمحولي حبايب قلبي

المشاركة الأصلية كتبت بواسطة علوي2006
http://www.arabtravelersforum.com/tr...7/#post1490857

اختي من قطر السلام عليكم لوسمحتي المكتب السياحي كم اخذ منكم في اليوم وبالنسبه للاسواق كيف:114:_ _ _ _ _ _ _ _ _ _ _وشكرا لك من اختك بنت مكه:106:



وعليكم السلام ورحمة الله .... انا الحين محتاره اناديج الاخ علي او عليوي ... ولا اختي من مكه ؟.؟؟؟ ماعلينا ... اعذريني والله الكبر شين مايطرا علي كم خذو منا المكتب السياحي بس كل رحلة لها سعر خاص شامل التنقلات ودخول المرافق والحدائق واحيانا الوجبات ... واسمحي لي على التقصير







بندر بيك

بصراحه تقرير اكثر من رائع واتمنى لكم اجازة سعيده مع الاهل
وتقبلوا اطيب تحياتي



ياهلا ومرحبا بندر بيك ... وشكرا لك على ردك .. وانا بعد اتمنى لك مب بس اجازة سعيدة اتمنى لك حياة سعيدة ... قول امين




اخواني واخواتي اعذروني على تأخري في الردود وذلك لظروف سفري .. وظروف اخرى

احبكم كلم (( اشتبون بعد ))

...... والله اشتقنا لأيام سنغفورا

روووووعة
ويعطيج ألف عاااافية يارب

الماسة القطرية .... ياهلا فيج وعيدج مبارك

روووووووووووعه تقريرك ,, الله يقدرني يارب واروح لسنغافورة ,,
عسى ربي مايحرمنا من جديدك ,,

اختي غرور الكون ..

ياهلا ومرحبا فيج وحياج في تقاريري اذا حابه تقرينها كلها موجوده في التوقيع .. وان شاء الله تروحين سنغفورا وانا اروح بعد

مرحبااا اختي

بغيت اسألج عن التذكره خذتيهااا من اي مكتب سفريات؟

وانتو رحتو من سنغافوره الى ماليزيا على القطريه ولا عالطيران الاسيوي؟

واشكثر المده ؟

واذا كنتو عالطيران الاسيوي ، بصراحه شلون طيرانهم؟

وشلون نسقتوو مع القطريه؟


اسمحيلي على اسئلتي الكثيره ، وبعد لي عوده باسئله جديده هههههه

يعطيج العافيه وعساج عالقوه

هلا اموله ... افا عليج والله اسألي كثر ماتبين يالله نجاوب على الاسأله :-

بغيت اسألج عن التذكره خذتيهااا من اي مكتب سفريات؟

اولا: الطيران الدولي من الدوحة إلى سنغفورا .... والعوده من كوالالمبور الى الدوحة من الخطوط الجوية القطرية وسعر التذكر في ذلك الوقت بـ 3350 ريال تقريبا..

وانتو رحتو من سنغافوره الى ماليزيا على القطريه ولا عالطيران الاسيوي؟

من سنغفورا الى ماليزيا ... رحنا عن طريق الطيران الاسيوي airasia وسعر التذكره تقريبا 200 ريال بس لاحظي ان من سنغفورا الى ماليزيا (( والخير الجيد ان المسافر صار يقدر يحجز من سنغفورا لين كوالالمبور مباشرة )) وتحجزين التذاكر من النت عن طريق هالموقع

http://www.airasia.com/




واشكثر المده ؟

اي مده ؟؟؟ قصدج الفتره الي تكونين فيها بالجو .... يعني تقريبا بحدود الساعه وشوي

واذا كنتو عالطيران الاسيوي ، بصراحه شلون طيرانهم؟

طياراتهم عاديه وتعتبر اقتصاديه الخدمه تمام والمكان نظيف بس الاكل في الطائره مش مجاني بس مافي طياراتهم عيب .. بس طبعا بدون شاشات تلفاز لانها تعتبر للمسافات القصيره ومافي داعي للترفيه ...

وشلون نسقتوو مع القطريه؟

عن طريق المكتب مباشره


واي سؤال اخر انا في الخدمة

اشكررررررررررج فديتج ع ردج ع اسئلتي

وبارجع انشالله باسئله جديده

هههههه

amoola

افا عليج في الخدمة ... سألي كثر ماتبيني ووقت ماتحبين

السلام عليكم ورحمة الله وبركاتة

اختي احلى من العقد مشكووووووووووورة على هالتقرير بصراحة كلمة روعة شويه عليه:113:

عيشتينا وياج في الجو وكأنج الس في بلاد العجائب :109:

كنت اقرى الموضوع ومستمعة واااايد:101:

وما كنت مقتنعة بسنغافورا الا عقب ما قريت تقريرج

حبيبتي ممكن خدمة..؟

انا انشاءالله ناوية اروح سنغافورة وماليزيا و ودي اتواصل معاج
و ودي تساعديني ما عليج امر:106:

في انتظار ردج حبوبة

افا عليييج يا ام سعيييد انا في الخدمه والي تبينه انا حاظره فيه


وياهلا فيج وفي تواصلج

مشكورة الغالية.. طلبي هو التالي:
انا رتبت هالجدول لسفرة الصيف و ابا منج ومن الاعضاء ملاحظاتكم ونصايحكم الغالية
.................................................. ......

ابوظبي--------------- سنغافورا (5 ايام)
من تاريخ 22-07-2008---------- الى تاريخ 27-07-2008[/b]"طبعا هالفترة ما اعرف وين اسكن وين اروح ممكن ترتبين لي جدول حلو على ذوقج"


ثم سنغافورا ------------- الى سلانجور (3 ايام)
من تاريخ 27-07-2008 ---------- الى تاريخ 30-07-2008
"ناوية اسكن في فندق صن واي لاقون"

ثم سلانجور ---------------الى لنكاوي (3 ايام)
من تاريخ 30-07-2008----------- الى تاريخ 02-08-2008
"مش حاطة في بالي جدول معين بس حبيتها وااايد من الصور"

ثم من لنكاوي---------------- الى كوالالمبور (4 ايام)
من تاريخ 02-08-2008--------الى تاريخ 06-08-2008

وبتاريخ 06-08-2008 انشاءالله بنرجع الى ارض الوطن الغالي

اولا التقرير رائع و سنغافورة من البلاد التى زرتها ولشدة اعجابى بها صورت رحلتى فى حوالى 7 ساعات فيديو واكثر من 100 صورة وحديثك عنها اثار شجونى وحنينى ( اسامة )

اخوي اسامة..

نتمنى ما تبخل علينا بتقرير حلو عنها دام عندك كل هالصور..

في انتظار تقريرك


اختي احلى من العقد.. انتظر ردح الغالية

مرحبا ام سعيد ...

اسمحيلي على التأخير

بخصوص الخمس ايام وين تروحين ...

شوفي انا صارلي حول السنتين من رحت اكيد الحين في اشياء وفعاليات ثانيه ...

عن نفسي اشجعج تاخذين جولات مع القروبات السياحيه كل يوم في مكان او مكانين اسعارهم حلوه و يخدمونج بالتوصيل والمعلومات ..

في كل فندق في سنغفورا يوجد مكاتب سياحيه تقدرين تستفيدين منهم ... واذا مب حابه تروحين مع القروبات السياحيه خبريني عشان اصف لج الاماكن الي ممكن تزورينها

واسمحي لي عالقصور ..

اسامه احمد


ياهلا ومرحبا فيك .... وانا سعيده ان التقرير اعجبك وياريت لو تعرض لنا كم صوره من صورك عشان تذكرنا بالذي مضى

وتشرفنا بوجودك

أختي أحلى من العقد بارك الله فيك .....

هل لديك فكرة عن طريقة التنقل بين سنغافورة ومدينة جوهوبحرو الملاصقة لسنغافورة . هل يوجد باص أم قطار . لأن التكاسي والفنادق يقولوا أنها أسعارها غالية في سنغافورة وأنا حاجز فندق في جوهور بحرو ل 3 ايام .

واحد متفيق هلا ومرحبا فيك ..

بخصوص استفسارك نعم يوجد قطار بين سنغفورا و جوهوربرو والتكاسي يمكن غاليه بس مب وايد ترا ... يوجد طائرات ايضا للتنقل بين المدينتين ..

بس اسمحلي مااعرف الاسعار

وااااااااااااااااااااااااااااااااااو

تقرير مررررررررررررة رائع

أختي "أحلى من العقد" فعلاً تقريرك أحلى من العقد

أشكرك لقد أفادني هذا التقرير بشكل كبير جداً.

لكن عندي استفسار أنا رايح سنغافوره إن شاء الله بعد شهر وزوجتي منقبة بتروح معي هل فيه مشكلة مع المنقبات

ياهلا ابو عبدالله ...


زوجتك منقبة وهل في مشكلة مع المنقبات ؟؟

بصراحه عادي مااظن ان فيه مشكله ... النقاب حرية شخصيه محد له خص ولا حد راح يقول ليش منقبه او غيره

تطمن اخوي روح وانت مستانس والله يسعدكم

العفو اخوي ... وياهلا ومرحبا فيك

بصراحة تقرير جدا رووووووووووووووعة

بس ممكن سؤال الله يعافيك

تعرفي مرشد سياحي أو سائق خاص بسنغافورة يتحدث العربية

حمامة مكة ..

شكرا على مرورك بس للأسف ماعرف والله ... بس مااعتقد انكم راح تحتاجون مرشد سياحي او سائق مع وجود مكاتب السياحة الي تاخذج لين كل مكان تقريبا ومع وجود التكاسي في كل مكان ...

بس بختصار للاسف ماعرف

تسلمين على التقرير الاكثر من راااااااائع ..بس عيوني عورتني وانا اقرا ... ممكن احصل على اختصار ..لاني ابي اروح وما اعرف فرق الاسعار ولا التذاكر كم ..

وسمعت انها غاليه جداااا ..


ويسلمووووووووووووووو اختي على التقرير الجميل

اخوكم:البحرين

الصوت الجبلي

هلا اخوي


انا بختصر الاسأله الي سألتها

بخصوص انها غاليه جدا .. لا والله مش غاليه جدا شوي اكثر من اسعارنا ... وان كنت تبي تعرف سعر التذاكر فاتصل على اقرب مكتب سفريات او فرفر في النت لان السعر يختلف من وقت لي وقت بس حط في بالك ان سعر تذاكر شرق اسيا عامتاً ليس اقل من 3000 بس والله البلد عجبني ونظيف ويستاهل الواحد يتعنى عشانه

الله على سنغافوررررررره

...

يعطيك العآفيه على التقرير

ياهلا ومرحبا


والله عليك وعلى مروروك يالطيب

ماقصرتي اختي احلى من العقد على هالتقرير الرائع والله يوفقج

مشكور والله يوفق الجميع وياهلا

مشكور تقرير
رائع مشكور

عاشق البلاد ياهلا ومرحبا فيك