السلام عليكم ،،،
كيف الشباب؟؟
انا الحين في طوكيو ادرس لغه يابانيه ، وبنفس الوقت إجازه
معلومات عن جبل فوجي،،،
جبل فوجي (باليابانية: فوجي سان) أعلى قمة في اليابان، يبلغ ارتفاعه 3,776 مترا. يمكن أن يرى الجبل في الجو الصحو من العاصمة اليابانية طوكيو.
يعرفه اليابانيون باسم "فوجي سان"، إلا أنه يغلب على الأجانب الوافدين تسميته بفوجي ياما، وهذا خطأ. يرجع هذه الالتباس الذي وقع فيه البعض لكون مقاطع الحروف الصينية (أو كانجي) التي تكتب بها اللغة اليابانية، يمكن أن تلفظ بعدة أشكال ممكنة.
على الرغم من مظهره الذي يوحي بالهدوء، يظل جبل فوجي من بين البراكين النشطة العديدة المتواجدة في اليابان، يقوم الخبراء برصد نشاطاته يوميا. نظرا لموقعه الإستراتيجي وبعده عن الأماكن الحضرية، قام اليابانيون بإنشاء مرصد فضائي في أعلى قمة الجبل.
يعتبره اليابانيون جبلا مقدسا منذ القدم. كان يحظر على النساء الاقتراب منه (رفع الحظر أثناء فترة مييجي). أصبح الجبل اليوم مكانا مفضلا للسياح ولهواة التسلق من مختلف أنحاء البلاد.
المهم قبل امس طلعت جبل فوجي ،،، طلعت إلى 3100 متر
ماقدرت اطلع الـ600 متر الباقيه ،،،
علشاني كنت مره بطيء ، تعرفون سعودي عجاز لا لياقه ولا شي
كنت محدد بوقت معين ،،، بديت تقريبا الساعه 7.00 الصبح ،،،
ولما تجي الساعه واحده ،،، وانا فب اي مكان في الجبل لازم ابدا انزل
ولا الباص بيروح علي ،،،
وهذي بعض الصور من البدايه ،،،
الجبل عباره عن 9 مناطق استراحه ،،، :101:
الناس بالعاده تبدا من استراحه رقم 5 لان السيارات تقدر تطلع لها ،،،
ورقم خمسه على ارتفاع 2305 متر
بعدين 6 على ارتفاع 2390 متر
و 7 عالى ارتفاع 2700 متر
ومن هنا تبدا الصعوبه ،،،
رقم 8 على ارتفاع 3020 متر
وفيه رقم 8.5 على ارتفاع 3360 متر
وبعدين رقم 9 على ارتفاع 3776 متر وهي القمه ،،، :24:
انا طلعت معي جروب امريكان ،، بس انهم بمواصفات سعوديه
يعني انواع العجز ،،، ومافيه لياااقه ابدا
المهم ،،، انه انواع التعب
هو فيه طريق تمشي عليه إلي ان توصل منطقه
وفيه بعض الاماكن لازم تستخدم يدينك علشان تطلع
مايحتاج ادوات تسلق ،، ولا حاجات زي كذا
اهم شي شنطة ظهر كبيره حقت تسلق
و قاروره 2 لتر مويه ،
كاب ، و سناكس ،
والبس كم طويل بس خفيف
ولبس المطر ، وجاكيت ،
وكريم الشمس اهم شي هو ،، ماتبي ترجع نصك محروق مثلي :112:
خذ معك ذولي الاشياء علشان فوق الجبل المحلات غاااليه نار دبل الاسعار
حبه سنكرس بثلاثه دولار
حتى الحمام ( الله يكرمكم) بدولار
يوم بدينا نطلع ،، بدينا نشوف مناظر
ياسبحان الخالق ،،، بكل صراحه شي مايوصف
بس ينشاف فقط ،،،
سبحان الله
بكل صراحه احلى شي ،،، لما توصل مستوى السحب
احلى شعور لما السحابه تدخل فيك
ماتتخيل وشلون
سبحان الله
تراني مارفعت الكاميرا ،،، قاعد اصور اللي قدامي
يعني شي غير طبيعي ،،،
المهم ،،، يوم بدينا نرجع
طبعا هو فيه طريق للرجعه ،، وطريق للروحه
الطريق حق الرجعه سهل ، هذي لوحة طريق الرجعه،،
وهذي خنفسه قعدت اصورها ،،، واضح انها نفسيه
تحس ان الاخلاق قفل ،،، وش يبي ذا يصورني
وبعد مابدينا ننزل ،، جا انواع الضباب
لدرجه اني ماشوف قدامي ،،، امشي على الله
وكان فيه واحد ياباني خبييير
الله يجزاه خير ،، قالنا ترى يمكن تمطر بعد شوي
فالبسوا جاكيتات المطر
اشوه انه قالنا ،، ولا رحنا فيها غرقانين
وهذي صور قبل الاستراحه رقم 5 ،،،
وايه صح ،،، قبل لاتبدا تتسلق
تلقى محلات في الاستراحه الخامسه
اشتر عصى من هناك ،،، بس لاتاخذ الكبيره مره
ولا بتبلش كيف ترجعها بالعفش
المهم عند كل استراحه تلقى واحد يختم على العصيان
عند كل استراحه اختم ،، يحطلك فيها انت على ارتفاع كم
انا معى عصى صغيره ،،
طبعا الختم مو ببلاش ،،، تقريبا دولارين
:36_15_24: :101: اتمنى ان الموضوع عجبكم ،،،،:101: :36_15_24:
سلااااام
رد مع اقتباس
المشاركة الأصلية كتبت بواسطة طالب اليابان
المفضلات