الموضوع: ممكن استفسار ضروري

السلام عليكم ورحمة الله وبركاته

لو سمحتوا خواتي بغيت استفسر عن محل عندكم في الكويت اسمه جوهرة الخليج هو يبيع اغراض وفرش للمواليد يا ريت حد يساعدني عشان ولادتي قربت بس بغيت رقم تلفونه وين مكانه بالظبط واذا حد عنده صور بكون ممنوه له

والله يجعله في ميزان حسناتكم اللي بتساعدني والله يعطيكم العافية

مواضيع عشوائيه ممكن تكون تعجبك اخترناها لك:

• دليلك الى الكــــــويت مجمعات فنادق مطاعم تكاسي
• طالبة منكم رقم الهاتف بلييز
• اللي ناوي يزور الكويت بعد أسبوعين
• الخطوط الجويه الكويتيه وجبات جديده و وجهات جديده
• تفصيل جلسات عربية
• رأيكم
• سؤال للبنات الكويتيات وخاصة روان بنت الكويت
• احدث الشقق الفندقية في الكويت ؟
• اين مراكز تعليم الغوص ؟
• القروبات السياحيه تجاربـــكم وآرائكم تهمنـا
• متى اوقات عمل مركز المعرومات ؟
• فندق الكورنيش بالكويت
• مشروع انشاء سكك حديدية
• افيدوني ياهل الكويت الطيبين
• استفسار عن شقق سويت هوم وفندق
• لا اطوفكم فنــــــــــادق الكويت
• افتتاح «دين ديلوكا» أكبر متجر للمنتجات الغذائية الفاخرة في «الأڤنيوز»
• من الخبر للكويت بس جاوبوني على سؤالين ممكن ؟؟
• اسواق ومجمعات شعبية للهدايا ؟
• ضروري ضروري ضروري ومهم يا اهل الكويت الحبيبه

هلا وردة اسمحيلي والله ماعرفه بس انشاءالله الاخوات واللي عندهم خبرة يساعدونج على العموم انا بسال لج عنه

اختي الكريمه


انتي متأكده من الاسم بالضبط هو جوهره الخليج ؟؟؟


لان اللي اعرفه فيه سوق اسمه (((الجوهره))) في منطقه حولي شارع ابن خلدون بجانب مجمع العثمان


وله فرع آخر بالفروانيه بجانب بنك بيت التمويل الكويتي

والسوق هذا فيه اغراض مواليد ممكن هذا اللي تقصدين

واذا تقصدين غيره ممكن الاخوان يفيدونك

تحياتي

مشكورة اختي مسافرة كويتية على ردج لي

اشكرك اخوي مور سيدس بنز على ردك بس هذا اللي مكتوب على الفرش اللي كنت شارتنه ومكتوب عليه رقم التلفون بس قلت اتغير الرقم لان الفرش اللي عندي كمل 10 سنوات متحفظة فيه كنوع من الذكري لان الين الحين درت في كل المراكز والاسواق ما لقيت مثل اللي عندي بس اذكر قبل رمضان مره شفت دعاية في قناة فلاش نفس الفرش اللي ادور عليه بس للاسف ما لحقت اكتب رقم التلفون ولا الاسم

هلا اختي وردة الشارجه للأسف ماعرفه بس انشالله الاخوان والاخوات يفيدونج

يوجد مجمع في سوق الكويت (العاصمة) أسمه (مجمع عيد النصار) وفيه محلات ذهب
ولكن في السرداب جميع المحلات تبيع تجهيزات للمواليد
وهو أكبر تجمع لمحلات المواليد في الكويت

مشكورة اختي روان
ومشكور اخوي ابو ضرار والله انكم ما قصرتوا ويزاكم الله الف خير ان شاء الله باقرب فرصه بزور الكويت وبدور على المحلات اللي ساعدتوني فيها

مره ثانيه اشكركم جزيل الشكر

حياج الله ورده وانشاء الله تلقين اللي تبينه ترا الكويت الحين متغيره قبل 10 سنوات غير والحين غير تحصلين كل شي فيها وايد محلات وايد اسواق كل شي موجود ببالج تحصلينه موجود لاتخافين من شي

في محل نسيت اسمه


بمجمع الاوقاف عند مكتبة تيسير


عندهم كل شي لتجهيز المواليد