السلام عليكم اخواني
اول شي احب اشكر هالمنتدى الرائع لولا الله ثم هو ما عرفنا اشياء كثيره
انا كتبت اكثر من موضوع عن مشكلتي مع مواعيد السفاره النمساويه وانها غير متوفره وموعد سفري قريب 4 سبتمبر !
طبعا انا تقريبا قلت شكل الرحله بتتكنسل لان اقرب موعد بالسفاره بالرياض على 2 سبتمبر او حولها ..
دورنا من هنا من هنا لقينا موعد بالخبر على 20 اغسطس وحجزناه.
بس بداخلي مو مقتنعه ومشواااار خصوصا اني قبلها باكون في جده يعني خطوط سفر اه بس
جلست كل يوم ادخل المنتدى واقرا مواضيع السفارات واحاول الاقي حل ..
لحد ما كتب واحد من الاعضاء ان المواعيد في السفاره الالمانيه فتحت ...
فكرررت قلت وانا ليه محبكتها الا اطلعها من النمساويه !! شاورت زوجي قال ما اظن تضبط احنا بننزل فيينا واكثر اقامتنا بالنمسا بعدين بنروح انترلاكن وميونخ ..
قلت ما عليك نجرب وحجزت على 5 اغسطس اللي هو اليوم ..
واستشرت الاخوان هنا بالمنتدى قالو خذي معك حجوزات وهميه لالمانيا ..
وفعلا حتى سوينا حجز خطوط ع المانيا دايركت >> نصابين خخخخ
المهم
اليوم الموعيد يا اخواني رحنا الصباح المكتب اللي بام الحمام عند هايبر بنده
انا موعدي 10 وموعد زوجي 12
عطيناهم الاوراق قالو عائله تدخلون سوا وعطونا رقم
يعني لا تعتمدون عالوقت روحو بدري احسن
المهم جا رقمنا قالت واحد فيكم يجلس قال زوجي انتي خلصي معها
والحمدلله تعامل الموظفه جدا مهذبه
قالت سياحه قلت ايه
الحمدلله اوراقنا كامله وهي : 1 تعبئة الابليكشن
2 صورة الجواز
3 التأمين من التعاونيه
4 حجوزات الفنادق
5 خطاب من عمل زوجي بالانقلش
6 كشف حساب بنكي بالانقلش
7 صورتين
( رجعت لي صورة اخذو لكل واحد صوره فقط ورجعت لي حجز الطيران ورجعت لي صورة دفتر العائلة وبطاقة الاحوال ورجعت لي صورة الصفحه الثانيه من الجواز )
وبس وقعت على كم ورقه وعطتني ورقه فيها اسئله كلها انقلش قالت اكتبي كلها no بس سؤال واحد yes الاسئله عن اوروبا وهل زرتها وووالخ
طلع عندنا بس مشكله بالتامين زوجي الله يصلحه حط التامين من يوم 5 سبتمبر
قالت انتم وصولكم 4سبتمبر ناقص يوم تأمين !!!! فاضطر زوجي يعدل من عندهم فيه مكتب ودفع حق 5 ايام زياده 118 ريال لان اقل شي 5 ايام واحنا من اول مسوينه ب 200 من التعاونيه ..
بعدين دفعنا مبلغ الفيز لكل شخص 430 المجموع 860 وللاسف ما عندهم شبكه اضطر زوجي ينزل يصرف من الصراف بهايبر بنده ..
وبعدينا نادونا للتبصيم وقالو بعد 10 الى 15 يوم تستلموها ..
عاد انا فيني قلق قلت لها وانا بالمانيا كذا لو جا على بالي مثلا مثلا اروح النمسا اقدر بها الفيزا قالت ايه عادي
وكانها فهمتني وقالت لا تغيري اي شي من الحجوزات حتى تصدر الفيزا ... هههههه
وتوته توته خلصت الحدوته ..
الان ارتححححت ...
بس والله لولا الله ثم المنتدى ومتابعتي للاخوان كان ما ضبطت ..
ربي بعافيكم .. عشان كذا قلت لازم احط تجربتي كامله .. من الموبايلمواضيع عشوائيه ممكن تكون تعجبك اخترناها لك:
- رحلتى الى سوريا
- راحت علي ولا ايش السالفه مع السفارهـ
- احتاج شقق فندقية في فينا وسالزبورغ وميونخ وفي زيلامسي كوخ
- تعالوا نتجول داخل قرية النمساوية بالصور
- برنامج سفري واحتاج منكم المساعد
- استفسار عن فنادق في فيينا
- رحلتي في عيد الفطر أرجو المساعدة
- ممكن برنامـــج
- رحلتي الى مدينة قــراز النـمـســاويـة
- أود معرفة المواقف
- ماخاب من استخار وماندم من استشار
- تعبت مرررره أرجو المساعده
- استآجار سياره من ميونخ
- شرح مفصل لطريقة رفع الصور في المنتدى وكتابة الحقوق عليها
- الطريق من الشام إلى بلودان امطار وثلوج مبااااشر
- رحلة يوم اوروبا
- تحديد الميزانية كـ حد أدنى إنتوآ كرماء وإن شاء الله الإجابة عندكم
- استفسارات ساعددوني؟؟
- تخطيط رحلتي
- اخواني العزيزين انا موجود في النمسا وحاضر لاستفساراتكم
رد مع اقتباس
يعني مو دايم الاسشاارات هنا صح قلبت عليكم
المفضلات