الموضوع: تجربتي السيئه مع دبي

السلام عليكم ورحمة الله

أول شي الحمدلله على كل حال,,,وعسى أن تكرهو شيئا وهو خير لكم....
في البدايه كنت أحاول أقنع زوجي انا نروح دبي الاجازه الجايه (اجازة منتصف الفصل الثاني) وكان رافض تماما الفكره عأساس عندنا أولويات لازم نخلصها وتعديلات في البيت لازم نسويها...لكني حاولت أحجز شقه لعل وعسى يغير رأيه لما تقرب الاجازه وبالفعل حجزت شقه( جناح بغرفة نوم وحده) في شقق فندقيه اسمها mazoon hotel apartment وكان حجزي من يوم 6 مارس يعني قبل الاجازه بشهر كامل وفعلا حصلت سعر حلو حق 7 ليالي شامله الفطور.. السعر النهائي للغرفة AED 2625.00
طبعا السعر خرافي وصور الشقق وموقعها القريب من شارع زايد شجعني أفاتح زوجي مره ثانيه
من ضمن شروط الحجز انه مايتم سحب شي من البطاقه لحد قبل الوصول بيوم ولا حتى يحجزون أي مبلغ.....لكن جات رساله لزوجي من البنك تفيد بمحاولة سحب من هذا الفندق بمبلغ 400 ريال لكن العمليه رفضت طيب عديناها وقلنا أهم شي حجزنا ساري ...
خلال هذي الفتره كنت كل شوي أشيك على موقع البوكينق وأشوف الفنادق وأسعارها لقيت نفس شقتنا ارتفع سعرها الى 8900 درهم
طيب مره ثانيه يرسلون لي البوكينق يقولون حجزكم ممكن يلغى لأن معلومات البطاقه غير صحيحه,شلون؟ وأتصل على الفندق مباشره ويرد علي شخص غير عربي وياخذبياناتي ورقمي عأساس بيتصل علي والى هاللحظه مافيه رد...
واليوم طبعا البوكينق أرسل لي ايميل بأن الحجز تم الغائه,,,وزوجي طبعا عصب وكنسل السفره تماما لأنه من الأساس وافق وهو مش مقتنع ولما صادفتنا هالعقبات ألغى الفكره تماما
وألحين أدخل على البوكينق مره ثانيه وألقى نفس شقتنا ب11435.72 ريال لنفس الفتره وبدون فطور
ساعتها عرفت ان الموضوع من الأساس قايم على التطفيش والطمع طبعا رحلتي كلها تكنسلت والحمدلله على كل حال بس حسيتها غصه بقلبي كل اللي صار وتمنيت اني حجزت شقه ثانيه يمكن ماكان هذا حالي

مواضيع عشوائيه ممكن تكون تعجبك اخترناها لك:

• كم سعر تاجير سيارة خاصة
• وصلت الامارات وورطت في الفندق
• تكفون ياشباب ابي رايكم وخاصة الي يسافرون الى دبي برا
• سؤال عن اسيا اير لو تكرمتو في ابوظبي
• السينما
• بلييييييييييييييييييييز ساعدوني انا مسافرة بعد ست ايام دبي ابغى شقة رخيصة لثلاث اشخاص
• كيف دبي في ايام العيد ؟؟ بليززز
• الــــــــــــــــــــــــــعيـــــــــــــــن
• دبي بين أهم وجهات سياحية في العالم وأبو ظبي الأسرع نمواً إقليمياً
• كيف تسافر الى دبي وتتسوق وتتعلم من الاخرين؟
• اسئلتي كثيره لوسمحتم جاوبوني
• ليل أبوظبي مليئ بالمفاجئات
• استفسار حول الذهاب في رحله شبابية
• دبُـــــــــــــي و التــــكـــــاسي ؟؟
• الرجا المساعده
• احسن المطاعم في دبي ؟
• سـؤال عاجـل الى عيال زايد أرجو الرد
• ممشى جميرا بيتش ريزيدنس يستقبل موسم الشتاء بعشرات الآلاف من الزوار
• تكسي من المطار
• افيدونا عن فندق سيتي سيزون دبي

خيرها في غيرها...... هم استغلوا احداث البحرين مع الاجازة ورفعوا الاسعار وشانت اخلاقهم والرد عليهم بسيط ......لا تقبلون بالاسعار العالية ولا تروحون لهم الى ان تكون الاسعار مقبولة. دبي ما راح تطير....

لعل في الامر خيره

شكرا ع التنبيه

خيره ..
وشكرن على طرح الخبرة

زلمساويه

اختي خيرها بغيرها..
وان شاء الله تزورين دبي وتستانسين

بس لي ملاحظة صغيرونه

انتي حجزتي من موقع بوكينق,..مب من موقع الفندق دايركت

فالملامه من موقع بوكينق مب من الفندق او الشقق الفندقيه
ومن عنوانج تدمين الشقق مع انج ما زرتيها ولا تعاملتي مع موظفيها!!

وبعدين ما فهمتها كيف يتكنسل حجزج على البوكينق؟؟؟ وانتي اصلا حاطة رقم الكرديت كارد وغيرها من البيانات؟؟

ومثل ما قلت ما تزعلين وخيرها بغيرها

عسى بالأمر خيرة
وما عرفنا الغلط من الفندق وإلا الموقع
وتشكرين لنقل تجربتك

ومن عنوانج تدمين الشقق مع انج ما زرتيها ولا تعاملتي مع موظفيها!!



حتى انا فهمت كذا

المفروض حاطه موقع البوكينق

وخيره ان شاء الله...

هلا اختي
ان شاء الله خيره
بس انا مره حجزت في بوكنق وحطيت رقم حسابي وبصراحه ما سحبو ولا درهم ولا حتى بعد ما الغيت الحجز كان في نفس اليوم يعني لازم يسحبون نص المبلغ في حال الالغاء في نفس اليوم .
حتى يوم سرت اشوف الفندق موظفة الاستقبال قالت معلومات البطاقة غير صحيحه ونحنا بناخذ الفلوس كاش في حال سكنتو.. فأتوقع ان سياسة كل فندق تختلف من الاخر

للتوضيح بس أنا مشكلتي مع الفندق مش مع موقع البوكينق,,,الموقع مجرد وسيط بيني وبين الفندق وأرسل لي ايميل يذكر فيه ان الفندق يرفض بطاقة الإئتمان ولازم أحدث بياناتها خلال 24ساعه طبعا أنا بادرت بالاتصال على الفندق مباشره عشان أحدث البيانات وخذو بياناتي عأساس بيردون علي وماردو وانتهت مهلة 24 ساعه واتلغى الحجز!!!
أما البوكينق فهو موقعي المفضل للحجوزات ودائما واضح في الشروط والأحكام ولما يذكر ان الفندق ماراح يحجز أو يسحب شي من بطاقة الإئتمان ويجي الفندق يحاول يسحب معناته المشكله من الفندق لأنه ما التزم بالشروط وماقد صادفت مشكله مع البوكينق من قبل!!!بس لما شفت السعر اللي وصلت له الشقه ألحين من 2625 الى 11435.72 ماأستغرب يسحبون مني الشقه عشان يزيد الربح!!

اختي اسف ع التدخل بس معلومة حبيت اني اقولها عسى ان تنفع ..
بالنسبة للحجز عن طريق النت سواءا كان الموقع امن او غير امن يفضل استخدام بطاقة إئتمانية اخرى غير البطاقة الاساسية , يعني فيه بعض البنوك مشكوريين عندهم بطاقة إئتمانية مسبقة الدفع (تشحن مسبقا) وبهالطريقة بإمكانك وضع مبلغ الليلة الاولى كاملة وخليهم يسحبونه عشان تضمنين ان الحجز ما يروح ولما توصلين عندهم تدفعين الباقي بواسطة البطاقة الاساسية , هذه طريقتي انا من خلال موقع booking ومرتاح ع الاخر ...
ولعل الامر فيه خيرة لك ولعائلتك فلا تندمين ولكن خذي العبرة ..

مرااحب

الاخت العزيزه

ان كان على الفندق زيادة في الطلب و محدودية عدد الغرف المتاحه فهذه السياسه معموله في كثير من الفنادق عند الحجز يقومون بحجز مبلغ تأميني من البطاقه خاصة اذا كان الحجز قبل الوصول بفترة

ومبلغ 400 درهم هو مبلغ ضئيل جدا كان من الاسلم ان يكون في البطاقة

وهذه السياسه متبعه وان كنتي تريدين التاكيد فاعملي التجربة التالية:

اتصلي في اي فندق مباشرة وقوليلهم ابغي احجز غرفه اول شي بيطلبونه منج رقم بطاقة الائتمان وبيسون بلوك على مبلغ تأميني على البطاقة


للمعلوميه: (حجز مبلغ يعني يقوم البنك بحجز المبلغ في حسابك لحساب الجهه المستفيدة ولا يتم تحويله الا بعد طلبها من الجهه المستفيدة ويتم ارجاعه اذا لم تطلب هي خلال 72 ساعه من نهاية المهله المحدده للشخص اذا ما اكون غلطان)

طيب أختي الكريمة الديرة مليانة شقق و فنادق و خيرها في غيرها

ابحثي عن البديل المناسب و الله يكتب الي فيه الخير

كل الشكر لكل من رد على موضوعي بس أنا اللي أثر فيني طريقتهم في المماطله عطوني 24 ساعه عشان أحدث بياناتي واتصلت فيهم وخذو رقم تليفوني وموعد حجزي واسمي على أساس بيتصلون علي وينسقون تحديث البيانات لكن ما ردو علي لحد ما انتهت المهله واتلغى الحجز حسيت الموضوع تسحيب وتضييع وقت عشان يسترجعون الشقه...وهذا اللي صار,,,أما بالنسبه لسحب المبلغ من البطاقه أنا ذكرته عشان أبين شلون خالفو شروط الحجز بس بالنسبه لي كان ذنب مغفور في البدايه وكان همي يكون الحجز ساري وبس.
واللي يقول انتي مارحتي الفندق شلون تحكمين عليه!!! أنا ماحكمت على صاله أو غرفة نوم عشان لازم أشوفه أنا قيمت تعاملهم معي وهذا يكفي....ياما فنادق راقيه ومواقعها حلوه بس موظفينها زي الزفت يخلونك تعافين المكان بكبره وماتشوفين جماله والعكس صحيح.

هالمواقف متعبه جدا ومحبطه بوقتها فعلا والله يعوضكم بالافضل ولا تقفون بسبب فندق او شخص وموفقيين

اللي فهمته لما أرادوا سحب المبلغ أو حجزه من البنك رفظ زوجك لذلك أعتقدوا بان المعلومات غير صحيحه .


العموم لعل في الأمر خير لكم

والشقق والفنادق أستغلت أحداث البحرين

لعل في الامر خيره
و معوضين خيرررر .,.

يمكن من نوع البطاقه ...يعني مثلا بطاقة الراجحي قسط الاتمانيه...الاماكن اللي فيها ملاهي ليليه ماتقدري تحاسبين فيها.

ويمكن الفندق في ملهى ليلي ورفضت العمليه ....

حسبنا الله جيت ابسوي حجز على فلاي دبي قال بفيزا او ماستركارد جيت ابسافر واسكن بفندق قال موقع البدنغ بفيزا طيب ياهووووووووووة الحوالات السريعة والايداع البنكي ماينفع
والا شكلها نسكن بسوووووووق نايف

مشكوووووووووووووور