الموضوع: هوليدي ان السالميه

السلام عليكم ورحمة الله وبركاته

ارجو منكم ان تعطوني معلومات عن مستوى الفندق وموقعه وعن المسافه بينه وبين المجمعات التجاريه اللي بالسالميه وكم الوقت بينه وبين مارينا مول مشي ؟؟

واذا ممكن موقعه على النت لأن الموقع الموجود بالمنتدى يعطيني موقع هوليدي ان داون تاون؟؟

وهل الفندق قريب من المطاعم او من الكورنيش وماهو اقرب مجمع له؟؟

وشكرا

مواضيع عشوائيه ممكن تكون تعجبك اخترناها لك:

• ياليت شباب الكويت يضعون وصف واضح لمجمع أفيونز ؟
• بخصوص هلا فبراير
• مستحظرات العناية بالجسم الأن في الكويت
• مساعدة مضيع شقق
• تقرير لزيارتي لمطعم ســاتــشــي
• جزاه الله خير لي بيدليني
• وش افضل طريق الي الكويت
• دشداشه
• عاجل للاهميه
• اول مره الكويت
• عاااجل جو الكويت يوم السبت
• الكويت ترحب بكم
• كم يوم تستغرق الغاء التذاكر عن طريق الانترنت بالفيزا علي الخطوط الجوية الكويتية
• استفسار عن مهرجان باللكويت
• يااهل الكويت
• لبنات الكويت
• الى اهل الكويت استفسار
• ممكن تدلوني على فندق حلو ورخيص
• دلوني عالطريق
• ياليت تفيدوني جيمكا ان للشقق الفندقيه

هلا اخوي المغرور

فندق هوليدي ان السالميه مقابل شوبيز وبالقرب من المركز العلمي

وتقدر تروح للمجمعات بالسياره ماياخذ اقل من 5 دقايق

شكرا اختي روان على الرد

لكن ودي اعرف وكم الوقت(تقريبا) بينه وبين مارينا مول مشي ؟؟

العفو اخوي المغرور


ماعندي فكره عن الوقت بين المارينا والفندق مشي


انشالله الاخوان يفيدوونك

هوليدي إن السالمية اكثر من ممتاز وموقعه رائع ويختوي على مطاعم رائعه واسعرها جدا معقولة ولة لطلالة على شاطئ الخليج ولكنه بعيد اذا كنت تريد ان تذهب للمرينا مشي ولكن بالسيارة لاياخذ منك اقل من 5 دقائق

وجرب الرابط هذا
http://www.ichotelsgroup.com/h/d/hi/...ilsearch&ias=y

واذا كنت تريد فندق ملاصق للمارينا مول ومستوارع راقي انا ارشح لك فندق الكورنيش وهو تابع لسلسة فنادق المرديان
وهذا موقعه على الأنترنت
http://www.ritzkuwait.com/corniche/index.htm

شكرا اخوي رحال بس ودي اعرف المسافه بينهم كم يعني ممكن اني امشي له لو حتى المسافه بعيده شوي انا ممكن امشي لو الطريق نص ساعه

اي واحد من هذه الفنادق اقرب من مارينا مول

فندق راديسون ساس

رتز السالميه

فوربوينتس شيراتون الكويت

كراون بلازا

الهيلتون

ريجنسي

فندق الميرديان

سفير

الأخ العزيز بالنسبة للمشي من هوليدي ان الي بداية المجمعات فعلا قد تصل المسافه نصف ساعة يمكن اقل ويمكن اكثر على حسب السرعه وبالنسبة للفنادق الذي وضعتهم الأقرب هو ريتز السالمية ومن ثم رايسون ساس

فعلا هوليداي ان السالمية روعة وبصراحة أنا جربت الكثير من فنادق هوليداي ان في العالم وكان السالمية أحلى وأفخم والعيب الوحيد بينه وبين الفنادق الأخرى انه فطوره أصنافه قليلة جدا

شكرا اخوي رحال
يعني ريتز السالمية وراديسون ساس اقرب من هوليدي ان للمرينا مول والمجمعات الثانيه ؟
واي الثلاث الفنادق افضل للسكن من حيث المستوى والقرب من منطقة التسوق؟

اخوي Dorak شكرا على الرد

أخوي المغرور أقرب الفنادق بمنطقة السالمية للمجمعات هي الهوليدي إن وغني بالاس وطبعا الهوليدي إن أفخم بس أغلى
وبالنسبة للمارينا أقرب مجمع هو الكورنيش بإدارة شركة أعمال (وكيل للميريديان بالكويت)فندق جديد وجميل واسعاره 40 إلى 50 دينار بس نظام الفندق جميل على شكل البوتيك (يعني ديزاين الغرفة مختلف قليلا عن الفنادق حيث تجد الخشب كثير بالاثاث وبشكل مرتب وحلو .

شكرا اخوي فهد الأحمد

العفو أخوي المغرور وحاضرين لأي إستفسار

أقرب الفنادق للمارينا مول هي:-
فندق المارينا(سعره مرتفع) - الكورنيش - هوليدي ان السالمية - غني بالاس - ريتز السالمية...

أما عن أفضلهم...اكيد المارينا(بس ما انصحك فيه لانه غالي و خصوصا اذا كنت تبحث عن التوفير)
و يليه هوليدي ان ثم الكورنيش...


توجد شقق "مارينا رويال" الفندقية اسعار جدا ممتازة و هي مستواها جيد...تفضل!!!


مارينا رويال - السالمية...Marina Royal


من أرخص الشقق اللي مرت علي...و تعتبر ايضا شقق جميلة بالنسبة لسعرها...!
حيث يبعد مارينا رويال خطوات عن مجمع المرينا مول...
Tel: 5752121/5 ولا تنسى الكود 00965


تحياتي...!

اخوي Dhari
جزاك الله خير انا حجزت في هوليدي ان السالميه

اخوي المغرور هوليدي إن السالمية اختيار موفق جدا وراح يعجبك انشاء الله

الله يجزيكم خير
زين بخصوص روتانا شلون

روتانا المنشر بمنطقة الفحيحيل عند مجمع الكوت

انا سمعت ان بيفتحون الفندق شهر 12

حجزنا على فندق الهوليدي ان السالمية وطلع ب 845 ريال
هو يستاهل ؟؟؟؟؟؟؟؟؟؟

ولا ناخذ فندق ثاني يستاهل السعر؟؟؟؟؟؟؟؟

وسؤال هو مش من ضمن الفنادق اللي منزلة عروض ال 35 دينار
ومشكورين

والله ماعندي فكره عن هوليداي ان بس اغلبية الاعضاء يمدحونه


على فكره فندق المارينا وايد حلو بس ماعرف سعر الليله