المشاركة الأصلية كتبت بواسطة fsf00000
هل خريجي كلية المعلمين تخصص حاسب الي يحق لهم الابتعاث للماجستير بنفس التخصص ؟؟؟؟؟؟
او للجامعات فقط ؟؟؟؟؟؟؟
راسلت موقع الوزارة ما فترة وما وصلني رد منهم
وياليت تعطوني ايميل لهم يردون عليه
او رقم تلفون
.. يا خوي .. إذا انت واقف فوق راسهم .. ما هم راضيني يفيدونك .. تبيهم يردون على تيليفونك ...!!!!
.. يوم 24/6/2006م لما تفتح البعثات انشاء الله .. قدم عليهم .. منت بخسران شي ..
.. و بالتوفيق ..
طيب ياشباب ممكن تقولون لي كيف اطلع الضمان المالي..
وبعد ابي اي احد ينزل صيغة لرسالته الاولى لطلب القبول في الجامعة التي اتته الموافقه منها لكي نستفيد ..
فيه شي محيرني انا اشوف انه بعض الاعضاء يكتبوا انهم يبون يقدمون لطلب دراسة في الجامعه قبل ان يبدأ حملة التسجيل للابتعاث في الوزارة وش الموضوع ياشباب لازم انجيب موافقه من الجامعه قبل التقديم ولا وش الوضع
وشكرا لكم
السلام عليكم ورحمة الله وبركاته
اشكر الجميع بدون اسثناء على جهودهم الجبارة واعتقد الحين جا دوري اقدم مساعدة للشباب باللي اقدر عليه .
انا الحين في مرحلة استخراج الجواز الامريكي وراح اعطيكم الخطوات عشان ماتتبهدلون مثلي :
1 - شهادة الميلاد الامريكية اللي تثبت انك ولدت هناك
2 - اثبات للشخصية بطاقة الاحوال + ( اما جوازك السعودي او رخصة السواقة الجديدة عشان فيها اسمك بالانجليزي )
3 - صورتين شخصيتين 2 انش في 2 انش ( اظنها بالسم 5 في 5 ) .
4 - تعبي الابليكيشن حقت طلب الجواز وهم راح يعطونك اياها هناك .
5 - تجيب شهادة ابوك الجامعية اللي تخرج منها هناك او جوازه اللي يثبت فيه ان كان عنده فيزة طالب
وترا هذي ضرورية بشكل كبير لانهم ردوني عليها مع اني استخدمت كل الطرق السلمية والعنيفة ولا وافقوا
تكفون ادعوا اني الاقي شهادة ابوي لانه صارله متخرج 25 سنة ولا ادري وينها .
6 - تدفع الرسوم وغالبا مابين 60 دولار الى 97 كحد اقصى .
وبكذا تكون انت سويت اللي عليك والباقي عليهم عاد هم يجيبون لك الجواز بيومين باسبوع باسبوعين الله اعلم .
تكفون ياشباب ادعولي ان الله ييسرها علي .
ملاحظة بسيطة
ترا موعد مراجعة المواطنين الامريكين للسفارة من 1:30 - 3:30 لاتجي قبل لانهم بيردونك وخلو جوالاتك بالسيارة لانهم بياخذوه عند باب السفارة وسرا الجوال طويلة فانت خله بالسيارة احسن ماتصف سرا .
اتمنى اني افدتكم يااخواني وانشالله اني معاكم خطوة بخطوة .
تحياتي للجميع
طارق فرج الظمان المالي لمن تقدم عن طريق بوابة الوزارة الإلكترونية
يرسلونك لك ملف PDF هو الظمان المالي
طبعا يعطونك يوزر نيم وباسورد تراجع عليه كل شوي لان القديم كان احيانا يتاخر على البعض
عن نفسي طلع لي الظمان في دقيقة واحدة فقط
بالنسبة للرسالة في صيغة في موقع الوزارة الجميع أقتبس منها
كل اللي عليك انك تعدل بعض الأمور اللي مكتوبة باللون الأحمر
http://www.mohe.gov.sa/
اخوي ابن السعودية دورت في النماذج في موقع الوزارة وتقريبا كل شي مالقيت ياريت تنزل النك مباشرة للصيغة لاهنت... وانشالله مانحتاج مكاتب انا بس ابي اشوف الصيغه والكيفية يصير نكون رؤية واضحة عن كل الامور..
وفيه شي ثاني الي بيدرس على حسابه الضمان المالي هو انه ياتي بكشف حساب من البنك هل انا على صواب ام لا.. وشكرا لك
عندليب العادي حياك الله اخوي في منتدى العرب المسافرون
1 - بعثات المرحلة الثانية لدرجة الماجستير ماهي الخطوات التالية بعد التقديم على الوزارة ؟ وهل يمكن التقدم للجامعة لنيل القبول قبل التقديم على الوزارة أو قبل صدور الموافقة ؟
المشكلة يا اخي النظام الجديد اختلف
بالسابق كنت تقدم ويجيك ظمان مالي وبعد كذا تبدا تبحث في الجامعات والتخصصات
الجديد مختلف تماما طبعا تقدم عن طريق بوابة الوزارة الإلكترونية وتنتظر الموافقة اللي سمعت انها بتاخذ شهرين إذا جت الموافقة يجيك بعدها ظمان مالي وتبدأ مراسلة الجامعات
2 - هل كل الجامعات الموصى بها في موقع الوزارة يسمح للابتعاث إليها ؟
اكيد ولا ليش وضعوها
3 - إذا قمت بالتقديم للبعثة وقبلت ، وكان لدي ضروف مؤقته فهل يمكنني التأخر في السفر ؟ وماهي الخطوة التي يمكنني عندها التأخر لو كان التأخر ممكناً ؟
نعم يمكنك
بعد قبولك بالجامعة إن شاء الله يرسلون لك ورقة اسمها i - 20 فيها كل المعلومات واهمها تاريخ الدراسة
كل اللي عليك انك تقول للجامعة والله ودي اتأخر للسمستر اللي بعده يرسلون لك i - 20 جديد وفيه الموعد الجديد
وترى أسهل خطوة هي هذه الخطوة ما يبي لها فن او جهد رسالة فقط
4 - سمعت البعض يتكلم عن اختبار القياس ، وأنا لم أجري الاختبار لأنه لم يقر حينها ، فهل هو مهم للتقديم على بعثات الماجستير ؟
لطلاب الثانوية فقط حتى شهادة الثانوية ما تطلب منك إذا عندك دبولم او بكالوريوس أو ماجستير من معاهد وكليات وجامعات الحكومة (الحكومية)
يعني يطلبون شهادة ىخر مرحلة إذا الثانوية لازم إختبار القياس
أي خدمة حنا جاهزين
المشاركة الأصلية كتبت بواسطة الزعيم 7
السلام عليكم ورحمة الله وبركاتهشاب انا اخذت الموافقه من الجامعه بس الى اللحين ماقدمت لا علي السفاره ولا على الوزاره ايش المفروض اني اعمله الان ؟
لانه الموافقه جت قبل امس علماً الموافقه . F1 واعطوني موعد اختبار بالجامعه بتاريخ 14/08/2006
افيدوووووووني لاني ما ني عارف ايش اسوي
طبعاً الشكر موصوول للكل
.. مرحبا بيك اخونا الزعيم ..
.. اخذت الموافقة من اي جامعة .. :114: ؟؟؟
.. اذا كنت تقصد الجامعة في امريكا .. فعندك يوم 24/6/2006 تقديم على البعثات قدم و انت وحظ .. و احجز موعد للسفارة من الحين أحسن لك .. :101:
يا جماعه انا عندي استفسار صغير
انا قبل فتره كنت في الجوازات وقابلت اثنين اخوان وجلست ادردش
معاهم واعمارهم في العشرينات وسألتهم وش عندكم هنا قالوا جايين نطلع جوزات عشان بندرس
في امريكا مع البعثات الجديده والله يا جماعه انهم يقولون انهم مــا اختبروا اختبار القدرات
ونسبهم في الستينات بعدين قلتلهم كيف بتدخلون البعثه قالوا عندنا واسطه قويييييه في الوزاره
يعني سؤالي هو :
انا ما اختبرت القدرات وهل يمديني اختبر ولا راحت علي وانا نسبتي 80%
واذا ما كان معي قدرات هل فيه امكانيه اني اقدم بواسطه وهل فيه امل يقبلون
بس انا ودي اختبر القدرات عشان ما يقولون عني داخل بواسطه بس ما في اليد حيله
يعني بالواسطه ممكن يقبلوني بدون اختبار القدرات ؟ وبنسبه 80% ؟
تحــــــــــياتي لكم ومنتظر منكم
جوليانو وانت يا ابن السعوديه وش اخبار الوزاره وش راح تسوي بالنسبه لوظعنا احنا الي معه فيزه وخطاب سفاره وظمان مالي وهل فيه امل انهم يصدرون قرار ابتعاث لي يوم السبت اروح لهم ولا لا لان صراحه خايف ادق مشوار الرياض علي الفاضي ياليت تقولون لي وش الحل والله اني ما صرت انام اليلل كله بسبب البعثه وزاره التعليم العالي
.. و الله يا خوي ممرض مبتعث .. أنا شكلي بغسل ايدي من البعثة .. الفيزا أساسا إلى الان ما خلصت ..
.. و لو اني قدمت على البعثات الجديدة ما راح يقبلوني إلا بحظ يرفع الفيل بطرف خيط ..
.. على العموم أنا أنصحك إذا ما رحت للوزارة أبد من إستلامك للفيزا .. عدي عليهم مرة وحدة على الاقل قبل لا تفتح البعثات الجديدة .. لأن فيه كذا واحد راحوا للوزارة و اخذوا قرار .. المسألة حظوظ و واسطات ..
السلام عليكم
الرجاء من أخي ابن السعوديه او من الاعضاء ممن لدية معلومات عن جامعة انديانا الحكومية في مدينة تيري هيوت terre haute في ولاية انديانا
الافادة عن الجامعة من حيث
1- نوعية الطلاب
2- نوعية المحاضرين
3- مرونة الجامعة
4- الخ
وكذلك المدينة
1-السكن
2-الامن وهل تناسب العوائل؟
3-نسبة المسلمين
4-الخ
وفقكم الله لخيري الدنيا والاخرة ويسر لكم جميع اموركم
فأنا في حاجه شديده لهذه المعلومات عن هذه الجامعه وهذه المدينه فرج الله لكم000
السلام عليكم أيها الإخوة جميعاً ..
أسعد الله أيامك أخوي (ابن السعودية) على ردك الطيب على استفساراتي ، وإن دل على شي دل على طيب أصلك ..
استجد لدي سؤالين يسيرين بإذن الله ..
1- الإعانة التي تصرف للطالب من قبل الوزارة هل هي كافية إذا اقتصد الطالب في مصاريفه بما لايخل بضروريات الحياة والتعليم ، أم لا بد من أن يكون له مصدر دخل آخر غير الإعانة الحكومية ؟ خصوصا في ولاية مثل نيوجرسي ..
2- هل في نيوجرسي سعوديين ؟! أو على الأقل عرب .. :101:
وتقبلوا الود والاحترام
المشاركة الأصلية كتبت بواسطة lana1
السلام عليكم
الرجاء من أخي ابن السعوديه او من الاعضاء ممن لدية معلومات عن جامعة انديانا الحكومية في مدينة تيري هيوت terre haute في ولاية انديانا
الافادة عن الجامعة من حيث
1- نوعية الطلاب
2- نوعية المحاضرين
3- مرونة الجامعة
4- الخ
وكذلك المدينة
1-السكن
2-الامن وهل تناسب العوائل؟
3-نسبة المسلمين
4-الخ
وفقكم الله لخيري الدنيا والاخرة ويسر لكم جميع اموركم
فأنا في حاجه شديده لهذه المعلومات عن هذه الجامعه وهذه المدينه فرج الله لكم000
السلام عليكم ورحمة الله
بحاول اجاوب على المعلومات اللي قدرت احصلها وبتدي سؤال ورا الثاني .
1- نوعية الطلاب : كوكتيل
yjbb ألف مبروك
لكن يبدوا لي انك لم تقرأ البداية
عموما انا بدلك والروابط تحصلها في المشاركات الأولى
تحدد تخصص
تبحث عن ولاية مناسبة لك من جميع النواحي وخاصة الاجتماعية الإقتصادية
في كل ولاية عندك مجموعة مدن تحصل في أغلبها جامعات
تبحث عن تخصصك في الجامعة اللي اخترتها
تطبع الأبلكيشنات وتشوف الشروط والمسوغات
تراسلهم وتقول لهم وش عندك ووش عندهم وطلباتهم
انصحك بمراسلة أكثر من جامعة
بعد ما تعرف متطلباتهم تعبي الأبلكيشن بطريقة صحيحة وتحاول مطابقة الأسم مثل ما هو بجوازك وشهادتك
تترجم الشهادة وكشف الدرجات وتكتب الغرض من الدراسة لا يقل عن 250 كلمة
بعد كذا تقدم على الوزاة وفي حالة حصولك على الظمان المالي ترسل جميع الأوراق لهم مع الظمان وتركز على وقت مناسب لك للدراسة في المعهد
وتحاول تاخذ موعد في السفارة يكون قبل موعد الدراسة
بكذا امورك تتسهل إن شاء الله
للحصول على الجامعات والولايات أرجع لاول مشاركة لي وتجد ما يفيد ويسر إن شاء الله
السلام عليكم
كيف الحال ان شالله طيبين ومبسوطين يالله نخش بالموضوع:
انا صراحه قريت الموضوع واعجبني وان شالله استفيد منه وابي اقولكم اني شخص متخرج من ثالث الثانويه بنسبه 89,25وافكر اني اروح بعثه بالخارج وادرس الجامعه هناك بس وين ؟واذا رجعت ادخل كليه الملك خالد العسكريه ست شهوروصراحه مادري وشو التخصص الي ادخله ياليت تنفعوني تراي مادري وش السالفه وياليت تعطوني النصائح والارشادات والتخصص الي ادرسه تراي محتاج مساعدتكم والله محتاج
انا انتظر ردودكم باسرع مايمكن
xmagedo حياك الله
ما نقدر نخدمك في التخصص لعدم معرفتنا برغبتك
لكن أفضل شي لك العلوم التطبيقية
الحاسب الكهرباء الميكانيكا الإلكتورنيات والعلوم الطبية والطب والقانون
صدقني ما أحد يقدر يقول لك
بس انصحك انك تبحث عن الـ BioInformation
هذا يجمع العلوم الطبية بالحاسب وهو حديث وتوه بادئ بجامعة الملك فيصل بالدمام وللبنات فقط كمرحلة أولى , فكيف لمن تاخذه من أمريكا !!
موفق إن شاء الله
السلام عليكم
احب اشكر كل الاعضاء الي قامو على هذا الموضوع مقدماً ...
انا معي دبلوم ميكانيكا انتاج وابي اكمل الهندسة باميركا اذا تيسرت الامور انشاء الله :101:
ولا عندي اي خلفيه عن الجامعات الي بحطها . وياليت الي عنده اي معلومه او اشاعه يقولها واكون له من الشاكرين :115:
1- جامعه توليدو في اهايو
2- جامعه دايتون
3- جامعه وسترن متشغن في متشقن
تكفون الي يعرف شي يقولي
الله يجزاك خير ابن السعودية على هالمجهود الي تقوم فيه
حبيت اسالك عن امكانية التحاقي بالبعثات الجديدة .. علما بان كل الشروط تنطبق علي عدا شرط
المدة فانا متخرج من 6 سنين ( 20\21 ) ولي زملى واقارب متخرجين معي بنفس السنة والحين
يدرسون بامريكا .. السؤال البعثات الجديدة هل بيكون فيها تدقيق والا زي الاولى من ناحية شرط المدة ؟
والسؤال الثاني جبت باختبار القدرات درجة عااالية .. هل تفيدني ؟ وهل يتعاملون بالدرجة المكافئة ؟
واذا عندك لي اي نصيحة لاتبخل وانا اخوك
المفضلات