الموضوع: بخبرتي وخبرة الأعضاء هنا أستفسارات البعثات الأمريكية

يعطيك العافيه بابن السعوديه انت والاخ الكريم جوليانو انا عندي بعض الاستفسارات وياريت الاقي الرد: انا عندي الضمان من السنه الماضيه وعندي ال i-20 وعندي موافقه المعهدوالجامعه لازم اختبر اختبار الرخصه الامريكيه لان تخصصي تمريض وبعدين تعطي القبول وعندي موعد بالسفاره اخر اغسطس بس كيف اجيب خطاب السفارة مع اني قرات انو سار دايركت بالبريدالالكتروني يترسل والله مو فاهمه شي...؟؟ يعني ارسل المرافق الرياض للوزاره ولا لأ وياريت تدلوني كيف اجيب ال i-20 للمرافق باسرع وقت.
ياريت تسااااااااااااعدوني تري مالي بعد الله الا نشامتكم بليييييييييييييز...

أولا أعتذر عن تأخري في الردود لكثرة إنشغالي الأسبوع هذا واللي بعده

ثانيا اللي يستفسر عن غير بعثات أمريكا من الدول الثانية يمكنه مراجعة

فتى الشرقية و المايسترو وشارع التحلية وطير البحرين لنيوزيلندا وأستراليا
والأخ ملبورن عن بريطانيا
والأخ زامل عن الصين
والباخص عن كندا

وكلهم إن شاء الله مو مقصرين

AAT قدم وإن شاء الله ما يصير غير الخير

بس كيف لك 6 سنوات متخرج وعندك إختبار قدرات أنا تخرجت من الثانوية قبل 5 سنوات ولا كان فيه شي اسمه اختبار قدرات؟؟؟

قدم واجتهد وموفق بإذن الله

mojazef_2005 حياك الله

تبي الصدق كان من المفروض تصبر وتجدد البطاقة ولا تستعجل باقي شهر كامل ليه العجلة

لكن ان شاء الله يهتمون للجواز أكثر من البطاقة هذا إذا كان جوازك مجدد

أكرر اسفي عن التأخر

والشكر للأخ جوليانو

.. مرحبا بطلتك اخوي ابن السعودية ..

نفس حالتك maje2006انا حاصل علي دبلوم تمريض انا حصلت علي قبول عن طريق الملحقيه الثقافيه من SOUTH DAKOTA STATE UNEVIRSITY تخصص NURSING اختبار الرخصه بعد ما تخلصين البكالوريس علي شان نزاولين المهنه لازم اختبار الرخصه مو اختبار الرخصه زي مو انتي فاكره قبل الدراسه انا عندي ضمان مالي وخطاب سفاره وفيزه والوزاره مو راضيه تعطيني قرار ابتعاث اخر خطوه وزاره الهم حطمتني فيها راح تعب سنه علي الفاضي للاسف كله بسبب وزاره الهم اتمني ان تكوني استفدتي
تحياااااااااااااااااااااااااااتي

حياكم الله جميع

الشيء اللي عجبني في التقديم الجديد ونقول ان شاء الله منه أمل

وجود ثلاث بنود جديدة

هل عندك تأشيرة وهل تملك قبول من جامعة معترف بها وما هو التخصص

هذه الأشياء ممكن بإذن الله تسهل علينا أهل المرحلة الأولى اللي تأخروا بسبب السفارة

تحياتي للجميع

عندي استفسار

اداره الاعمال هل هي مع المحاسبه ولا والتجاره الالكترونيه
لاني ابغى اقدم ومو مكتوب اداره اعمال

السلام عليكم
كيف حالكم ياشباب وشابات ان شالله بخير مبسوطين بالعطله
يالله نخش بالموضوع يا عضاء منتدى العرب المسافرون انا سجلت في منتداكم وبصراحه اعجبني وهو منتدى رائع بكل معنى الكلمه ورايت ان عندكم خبره لاتتوفر بكل المنتديات وقلت استفيد من منتداكم وسجلت فيه وحبيت اطرح موضوع هنا وابي نصيحه منكم لخبرتكم فيه انا تخرجت من الثانوي بنسبه حلوه ولله الحمد وقررت اني اروح بعثه وخيرت بين مدن وابي نصيحتكم ايهم افضل فيهم من ناحيه السياحه والدراسه
وهي
نيوزلندا,الصين ,كندا,ماليزيا
وزي ماقلت ابي نصيحتكم بصراحه
وشكرا

xmagedo حياك الله في منتدى العرب المسافرون

الخيارات الممثلة في الدول اللي وضعتها صدقني هي بميولك

فيه ناس مبسوطة من هالدول وفي ناس لا

اللي أعرفة فقط أن كندا قوية دراسيا ومش سهلة

ماليزيا يكفي انها أكبر بلد مسلم متطور

فكله راجع لك بالنهاية

المشاركة الأصلية كتبت بواسطة ابن السعودية


Aat قدم وإن شاء الله ما يصير غير الخير
بس كيف لك 6 سنوات متخرج وعندك إختبار قدرات أنا تخرجت من الثانوية قبل 5 سنوات ولا كان فيه شي اسمه اختبار قدرات؟؟؟
قدم واجتهد وموفق بإذن الله



حبي انا اختبرت بالاخير :$

وتراني قدمت واضطريت احط ان لي 3 سنين متخرج لانه اقل خيار ممكن

بس ربك يستر لا انحط بالبلاك لست

بعدين كاني قريت لك ان معك خطاب سفارة ؟ خلص امورك هنا وهناك وان طلعت فيزتك

ادخل على اي مسأول واوراقك كاملة والله لو على الدكتور خالد .. ولايهمك كلام المبطين

الله يوفقك للخير ان شالله

Aat

أنا اموري كلها خالصة

ما اخرني غير السفارة وبعد كذا نشبت الوزارة

وكله على الله

اذا فيه نصيب بيجي بعون الله

مشكور اخواني على نصايحكم وارشاداتكم

السلام عليكم

سؤالي يا شباب

كم الفتره ما بين التقديم على الطلب والحصول على الرد من وزارة التعليم ؟

جاني أول إيميل يقول هذا الباسورد وراجع حالة الطلب ؟ كم الفتره المتوقعه على ما يكون الرد النهائي منهم جاي أو تطلع النتجيه من حالة الطلب ؟

تحياتي للجميع

السلام عليكم
يعطيكم العافيه

عندي سؤال أرجو الاجابة عليه
أنا بعد ثلاثة أسابيع ان شاء الله رايحه أمريكا مع زوجي
وأفكر أني أروح للملحقية وأقدم من هناك
وسؤالي ماهي الأوراق المطلوبة ؟؟ وهل يطلبوا نسخة
من شهادة التخرج باللغة الانجليزية

المشاركة الأصلية كتبت بواسطة مآثر


السلام عليكم
يعطيكم العافيه
عندي سؤال أرجو الاجابة عليه
أنا بعد ثلاثة أسابيع ان شاء الله رايحه أمريكا مع زوجي
وأفكر أني أروح للملحقية وأقدم من هناك
وسؤالي ماهي الأوراق المطلوبة ؟؟ وهل يطلبوا نسخة
من شهادة التخرج باللغة الانجليزية




.. تروحون وتوصلون بالسلامة إنشاء ...

.. كل ما يطيح تحت يديك خذيه معاك ..

:24:

السلام عليكم ورحمة الله
شباب نتمنى لكم التوفيق والحصول على البعثة في اسرع وقت وباقل جهد ,
ومهمتنا نحن شباب امريكا ان نوفر لكم القبول والاي توني حتى تتمكنو من الحصول على الفيزة والبعثة بأذن الله ...
فلقد اجتمعنا مع ريئس معهد اللغة بمدينة فورت لدردل .. مدينة راقية وهادئة ولايوجد بها عنصرية .. المهم انهم وعدونا بتسهيل امر القبول للطلبة السعوديين .وذلك لطلبة البكالريوس

الموضوع سوف يكلف الاتي
50 دولار رسوم قبول الجامعة
100 دولار رسوم قبول معهد اللغة
50 رسوم الفدكس او دي اتش ال

ونصيحة للجميع حاول قد ما تقدر انك تحصل على قبول من اي جامعة معترف بها واحصل على قرار الابتعاث ولما توصل هنا حول الى اي جامعة تناسبك

الجامعة معترف فيها والمعهد قوي ويدرسك التوفل من ضمن الدروس
جو المدينة من اروع الاجواء بامريكا وفلوردا غنية عن التعريف

للتواصل ارسل رسالة على الايميل التالي
mailto:[email protected]
الرجاء عدم الاضافة بالمنسجر

السلام عليكم ورحمة الله
شباب نتمنى لكم التوفيق والحصول على البعثة في اسرع وقت وباقل جهد ,
ومهمتنا نحن شباب امريكا ان نوفر لكم القبول والاي توني حتى تتمكنو من الحصول على الفيزة والبعثة بأذن الله ...
فلقد اجتمعنا مع ريئس معهد اللغة بمدينة فورت لدردل .. مدينة راقية وهادئة ولايوجد بها عنصرية .. المهم انهم وعدونا بتسهيل امر القبول للطلبة السعوديين .وذلك لطلبة البكالريوس

الموضوع سوف يكلف الاتي
50 دولار رسوم قبول الجامعة
100 دولار رسوم قبول معهد اللغة
50 رسوم الفدكس او دي اتش ال

ونصيحة للجميع حاول قد ما تقدر انك تحصل على قبول من اي جامعة معترف بها واحصل على قرار الابتعاث ولما توصل هنا حول الى اي جامعة تناسبك

الجامعة معترف فيها والمعهد قوي ويدرسك التوفل من ضمن الدروس
جو المدينة من اروع الاجواء بامريكا وفلوردا غنية عن التعريف

للتواصل ارسل رسالة على الايميل التالي
mailto:[email protected]

xmagedo التأمين له مستقبل كبير جدا في البلد

بس ما ادري هل موجود من ضمن البعثة

والمحاسبة أيضا قوية وجيدة

موفق

mojazef_2005 شهرين إلى ثلاثة أشهر

M H يعطيك العافية وفي ميزان حسناتكم إن شاء الله

200 دولا ر ولا 3000 او 6000 ريال مثل ما تبي المكاتب

أخوي Mh .. حياك الله ويعطيك ألف عافية ..

.. سؤالي هل هذه الجامعة تعطي قبول مشروط .. و هل السكن فيها غالي ..؟؟

.. شكرا لك مقدما ..

يا شباب المنتدى الله يعطيكم العافية ويجزاكم خير على هذا التعاون المميز..:24:
والله يوفق الجميع في البعثة والقبول والفيزا بكل يسر وسهوله انشاء الله..
انا هذي أول مشاركة لي وعندي سؤال الله يعطيكم العافية..
سؤالي هو:
ابي أقدم على الفيزا من السفارة وشلون ؟؟:108:
ولو قدمت طلب اليوم مثلا .. متى بيعطوني موعد تقريباً ؟؟ هل بيكون بعد شهر أو شهرين أو ثلاثه ؟؟
الله يعطيكم العافية

... هلا فيك أخونا / الشيب ضيف عزيز علينا ..

.. عزيزي .. للتقديم على السفارة تحتاج أن يكون معاك اي تونتي ... و الاي تونتي يحتاج قبول من الجامعة .. و قبول الجامعة يحتاج ضمان مالي .. و الضمان المالي يحتاج تنجح في المقابلة .. و المقابلة تحتاج تنجح في الفرز الأولي للأسماء .. و الفرز الأولي للأسماء يحتاج معدل ممتاز .. و البقرة تريد حشيش .. و الحشيش عند الجبل .. ووووو ... الخ .. ههههه
.. بإختصار آخر شي فكر بشي أسمه فيزا .. إلا إذا كنت بتروح على حسابك سواء سياحة او دراسة فهذا شي آخر ..
.. و عذرا على الإطالة ..

اسعد الله صباحكم او مسأكم بكل خير

انا خريج دبلوم اللغه الانجليزية


وقدمت على البكلوريس الحاسب الالي


ودي انكم تخدمون هل طريقتي صحيحه؟

واذا لا ... ايش الي يتوافق مع تخصصي؟

الفصول الاربعة حياك الله أخوي

انا عارف واحد خريج ثانوي تجاري وتخصص علوم حاسب وما كلمته الوزارة هذا في النظام القديم

فالحاسب الآلي موجود في كل الأقسام الثانوية إداري تجاري صناعي طبيعي شرعي تحفيظ

فإن شاء الله تخصص الحاسب اللي اخترته صحيح ووضعك مطمئن إن شاء الله

أي سؤال احنا جاهزين

هل وجود المحرم إلزامي للبنات
لأنه بصراحة أنا مالي محرم بس كل السروط منطبقة علي
ولمن جيت أعبي الورم لقيت مطلوب اسم المحرم وصلة القرابة
هل هدا له دخل بالقبول ؟

هل وجود المحرم إلزامي للطالبات
لأنه بصراحة أنا ما عندي محرم فهل في احتمال لقبولي

الله يعطيك العافية ويجزاك خير يا جوليانو..

والله إني ضحكت بقوه وحسيت إن سؤالي مهوب لم سالفه :109: :109: :109:

بس ما أدري يمكن طريقة سؤالي غلط ..

أنا قصدي آخذ موعد (فقط) من الآن عشان إذا طلع لي قبول بالبعثه يكون موعد السفارة قرب ؟؟

بمعنى ثاني هل طلب الموعد أيضا يحتاج الطلبات اللي تقوله ؟؟ :114:

ومشكور على تجاوبك وتعاونك...

.. تضحك معاك العافية أخوي الشيب ..

فيه خانة بنموذج طلب موعد في السفارة الامريكية تطلب منك إدخال رقم الاي توني .. و أنت الآن ما عندك أي توني .. يعني بالعربي ما تقدر تاخذ موعد لين تكمل قصة البقرة ... ههههه

سعووودية أكيد مافيها كلام هذه

وهذه انظمة الدولة

مشكورين على الموضوع الحلو
سؤالي هو
قدمت على البعثه وعبيت الطلب وعطوني رقم الطلب وكلمة المرور
وتحتها مكتوب العوده للصفحه الرئيسيه حطيت كلك عليها طلع لي ايرور
المهم خفت قلت اكيد طلبي ماانقبل وبقدم بالليل مره ثانيه
رحت شيكت على ايميلي لقيتهم مرسلين لي رقم الطلب وكلمة المرور
بس المشكله اني اذا دخلت الموقع ودخلتها يقولي غلط
وش السواة الحين!!

swa7ah هلا بك اخت سواحة

الظاهر انك حطيت كلمت المرور والرقم السري في برنامج المرحلة الأولى وهو لا يقبل
فعليك بوضع كلمة المرور والرقم السري في متابعة طلب البرنامج الثاني الجديد برنامج خادم الحرمين الشريفين

تجدين متابعة الطلب في نفس صفحة الطلبات الجديدة

جربي والله يوفقك ان شاء الله

طيب والمسج اللي جالسه ارسله يقولي نفس الكلام!!

أي مسج ؟؟

عموما يا اختي الكريمة

إذا كل الطرق ما نفعت فاتصلي على الوزارة علا وعسى ان ينفعوك بإذن الله

والله الموفق

.. الله يشافي ويعافي أخوك الصغير يا ابن السعودية .. و سلامات وما تشوفون شر إنشاء الله ..

آآآمين جوليــانــو وشكرا على دعائك له

يعطيك العافية

وش السالفه يابن السعوديه عسى ماشر في اخوك
الحمدالله على قدرة الله

الشر ما يجيك

والله تبعان شوي وأتعبنا معاه

انما ادعوه له بالعافية

الله ينزله العافية والحمدالله على كل الحال وتخفيف من ذنوبه انشاءالله

شكراً لجهودكم والله إنكم حليتوا أزمات
والله يكتب لكم الأجر ويوفقكم في حياتكم
رجااااااااااااااااااااااااء
إلى أهل الخبرة والتجربة والمقيمين في الولايات المتحدة الأمريكية
الإطلاع على موضوعي ..على هذا الرابط
http://www.travel4arab.com/vb/showthread.php?t=74441
وياليت ألقى جواب من عندكم
مشكووووووووورين

ياجماعة الخير انا سجلت بالأبتعاث

ومني خريج السنه هاذي خريج السنه اللي قبله

وماودي اضيع الوقت هل اقدر اني اسجل واخذ موعد بالسفاره

وانا توي ماجاني قبول

ياليت اللي يدري يجاوبنا وليه؟

.. هلا بيك أبو خالد ..
.. مواعيد السفارة تتطلب قبول من الجامعة .. إذا عندك قبول تقدر تحجز موعد ..

ابو_خالد لا تستعجل

والله يوفقك

شكرا جوليانو وابن السعودية على تشريفكم لي بالرد

ولكن إستفساري هل أستطيع حجز (موعد ) عن طريق موقع السفارة الإكتروني؟

وهل هم يطلبون مني i20 وخطاب قبول البعثة في حجز الموعد عن طريق الموقع

شاكر لكم...

السلام عليكم ورحمة الله وبركاتة
أخواني أخواتي الرجاء الرجاء أنا مالي غيركم بعد الله
راسي مصدع من خمس أيام وكلة بسبب البعثة
أنا خريج كلية التقنية تقنية حاسب الحمد الله الشروط كلها مطابقة قدمت على طلب بعثة على امريكا من موقع الوزارة والحمد الله تم من تاريخ 16/6/1427هــ وتم ارسال رسالة الى e-mail أسم المستخدم والرقم السري وراجعت موقع الوزارة من نفس التاريخ تظهر عبارة (تم أستلام طلبك وجاري مراجعتة) والى وقتكم الحالي أتابع الطلب من الموقع وتظهر نفس العبارة
س/هل هذا طبيعي ؟ متي تظهر لي رسالة تم دخولك او ترشيحك للمفاضلة او عبارة اخري؟
وعندي كذا سؤال لو تفضلتوا
س / انا مااخترت اي جامعة ولا نسقت مع اي جامعة بعد تقديم الطلب ؟ هل انا أختار الجامعة او الوزارة تختار الجامعة من عندها ؟ كيف انا انسق مع الجامعة ولا ايش أعمل ؟
س / ماذا يعني القبول المشروط والغير مشروط ؟
س / انا لغتي الانجليزية شبة معدومة ؟ هل يحق لي الحاقي بمعهد للغة انجليزية هناك أولا قبل ان اكمل دارستي ؟ وهل على حسابي الخاص او على حساب البعثة ؟
س / أنا اقرء عن المقابلة الشخصية والضمان المالي وخطاب من السفارة والجامعة ؟ وحجز موعد السفر ؟
والفيزا ؟ ماأدري متي اعمل هذي الاشياء وكيف ترتيب خطواتها ؟
افيدوني جزاكم الله خيرا

الأخ ابو_خالد

هذي المشكلة:112:

يعني بالفورم حق طلب الموعد بالموقع فية خانة اجبارية لرقم i20

وهذا اللي عرفته من الشباب بهذا المنتدى الطيب..

مدفوووون التغير ممكن لكن يبي لك سبب قوي يقنع الملحقية

الفيزا ما يهم للجامعة أو المعهد المهم يكون المعهد تبع الجامعة

بس يمكن اذا جبت قبول المعهد ما يعطيك غير فيزا أقل من سنة

موفق ان شاء الله

ابو_خالد أكيد لازم يكون عندك i - 20 وخطاب السفارة والأوراق والمبالغ اللي يطلبونها

زمان ما كان يطلب الـ i - 20 إلا في المقابلة مو بالحجز

ما ادري لازالت ولا تغيرت

سوف أغيب فترة قرابة الشهر عن المنتدى وعن بوابة البعثات خاصة
من تاريخ 23 / 6 إلى 30 / 7 1427 هـ

فأي استفسارات حديثة الشباب مو مقصرين ان شاء الله

ولا يحتاجون تعريف لأنهم أشهر من نار على علم

تمنايتي للجميع بالتوفيق

... تروح وترجع بالسلامة إنشاء الله . . و لاتنسانا من صالح دعائك ..
..ربنا يوفقك انشاء الله ..

سؤال يطرح نفسه يا اخوان

انا مقدم على البعثات اللي راحت وجبت ضمان مالي وخطاب سفارة بس ما خلصت اجراءاتي لأن ما خلصت مع السفارة فهل في البعثات الجديدة احتاج بس i-20 جديد واجيب الفيزا ويمشون اموري تمام؟؟

اذا انت من البعثات الفتراة السابقه

فقدم في البعثات الجديدهـ

لن لي صديق راح لهم وهو من التفرة الثانيه وقال ابد من الجديد

قدم في البرنامج وامقابله شخصيه واذا قبلوك بيعطونك ضمان مالي ثاني

وجدد ال -20 اذا هو منتهي وخذ منهم خطاب السفاره

ورجع لهم وعطهم الفيزا و ال-20 ويعطونك قرار الابتعاث

وكذالك خطاب السفاره الي معك و الضمان المالي ماله فايده لك

بعد ما فتح البرنامج الجديد

يا شباب عندي سؤال واتمنى الرد عليه
انا طالب على وشك التخرج من كلية الهندسة بمعدل عالي ومشكلتي اني الان اتدرب مادة التدريب الالزامي يعني بانهي التدريب على شهر شعبان الجاي وكذا تكون مواعيد التقديم للبعثات والمفاضلة انتهت..... سؤالي هو التالي:
هل يوجد هناك تقديم للبعثات بعد نهاية الفصل الدراسي الاول القادم؟
تكفون ياشباب الي عنده اي معلومة يقولها واكون شاكر ومقدر لكم...... ويعطيكم العافية جميعا

أسعد الله أوقاتكم بكل خير أحبابي

أسأل الله العلي القدير أن يجعل مساعدتكم وعملكم في ميزان حسناتكم أجمعين

لمن لديه الخبرة :

أرجو إفادتي بكيفية الحصول على موعد من السفارة الامريكية

لاني قد حصلت على i-20 منذ حوالي ثلاثة أشهر وراجعت الوزارة وقالوا سجل في البعثه من جديد

وسجلت وانتظر خطاب السفارة

أرجوكم أحبتي إفادتي مع جزيل شكري وإستمرار دعائي لكم




تحياتي

jody_008 : مافيه احد يعرف موعد البعثات حتى الوزير ما يعرف لن في الوزارة ماسحين شئ اسمه التخطيط المستقبلي يعني مايفكرون في بكره

توصي شئ ...؟ :
https://ksa.us-visaservices.com/Forms/default.aspx
بتحصل في كلمة فوق مكتوب Arabic عشان يكون موقع عربي
وفيه رسوم لزم تسددها اذا مامعك فيزا سددها من بنك سامبا

متمني لكم التوفيق

السلام عليكم جزاك الله الف خير على جهودك
وانا اخوك انا جاني قبول من معهد في جامعة واشنطن يونيفيرسيتي اوف سياتل
واستخرجت الفيزا وبداية دراستي في 21 سبتمبر
اولا وش رايك في الجامعه
وش رايك في الولايه سياتل ماهو تقييمك لها ولاهلها واسعار السكن
متى تفضل يكون اقلاعي من الرياض يعني متى انسب تاريخ اكون فيه في سياتل
هل تفضل ان رحلتي تكون على الخطوط السعوديه
واذا كانت على خطوط اجنبيه فرضا البريطانيه هل فيها اشكال علما باني معاي فيزا على بريطانيا
بصراحه انا متخوف من المطارات وبالاخص نيو يورك والتعقيدات اللي فيه ولا يهون واشنطن ابي شرح مفصل لهذا الموضوع
وبماذا تنصح سواء في المطارات او بعد وصولي الى سياتل
وشكرا لك

اهلين اخوي لو تضع موضوع وتطلب فيه الاخ ( شارع التحليه )

كان افضل وبيعطك معلومات اكثر لنه متواجد في سياتل

وبخصوص ميزة انك تجي على الخطوط السعوديه تستقبلك الملحقيه

بدون ما ترسل لهم خطاب ولا شئ واذا انت بتروح على خطوط غير

السعوديه لزم ترسل لهم عشان يستقبلونك الملحقيه في واشنطن

وتجلس يومين معهم تخلص اوراقك ويسكنك على حسابهم

ولو تجي قبل البدء بـ بسبوعين الى اربعه لتتاقلم مع البدايه

في المعهد وزي ماقلت لك اكثر واحد بيفيد شارع التحليه

وبتوفيق

يسعد مساك اخوي لوتكرمت خط السير على الخطوط السعوديه متعب :110:
الرياض جده نيو يورك وانتظار في المطار لمدة 4 ساعات والتحقيق مقرف وبعدها واشنطن وبعدها بيومين سياتل
لاكن الخطوط البريطانيه الرياض لندن سياتل:24: وارسل اوراقي للملحقيه بالفاكس مايكون افضل واريح
وحجزت بتاريخ
12 سبتمبر قبل الدراسه بعشر ايام تتوقع تكون كافيه لاتعرف على الولايه والمعهد

8مرات ماليزيا شكرا على مرورك وكلماتك الجميلة

أعجبني توقيعك

تحياتي لك

السلام عليكم يا شباب ممكن سؤال

انا ما اعرف ارسل الجامعات هل تعرفون مكتب تثقون فيه بالرياض يجيب قبول في اقل وقت ممكن وبسعر معقول

علما بان معي شهاده دبلوم تقنيه ميكانيكه ( انتاج ) وابي اكمل هندسه
وفيه ناس نصحونه في جامعه توليدو في اوهايو , وجامعه تكساس على ما اعتقد في تكساس , وجامعه متشقن في متشقن
هل هذي الجامعات تعترف بالساعات الي درستها
هل هذي الجامعات الي ذكرتها ممتازه من حيث التحصيل العلمي ومكانتها قويه بين الجامعات وهل نسبه الجرائم متدنيه ....
تكفون يا شباب الي يعرف شي لا يبخل علينا والي يعرف جامعه حلوه في تخصص هندسه ميكانيكيه يقولها


انتظر ردكم

هقاوي نصيحة اذا لك قريب درس بامريكا خليه يساعدك في الأبلكيشنات ارجل من المكاتب ولافيها اي كلفة

بالنسبة للمكاتب كلها في شارع التخصصي والعليا والمنطقة هذيك مليانه مكاتب

بالنسبة للجامعات اعرف واحد خريج تقنية قدم على توليدو وورطته بأشياء كثيرة منها المعهد فأبعد عنها

بالنسبة للساعات الجامعة اللي قدمت عليها قالت بعد المعهد نجلس ونشوف الساعات لأني مثلك خريج تقنية

بس انصحك تطبع خطة الدراسة بالانجليزي لأنك بتحتاجها في حسب الساعات ومعرفة المواد اللي أخذتها
روح لإدارة المناهج في المؤسسة وراح يخدموك فيها كثير

مشكور يا ابن السعوديه على الرد
انا خويي بامريكا في جامعه توليدوو ومعادلين له بعض المواد الى ان صارت الدرسه سنتين ونص بس من دون سنه حقت الانقليزي
بس وش قصدك ( بطبع الخطه الدراسيه ) يعني المواد الي درستها بالتقنيه

بس وش قصدك ( بطبع الخطه الدراسيه ) يعني المواد الي درستها بالتقنيه



الله الله

هي موجودة على النت وفي واحد وعدني من يومين انه يرسلها لي لكن ما ارسلها
بس يقول اخذ الرابط من قسم المناهج بالمؤسسة العامة

يقول اخوه في امريكا طلبوا منه الخطه