الموضوع: بخبرتي وخبرة الأعضاء هنا أستفسارات البعثات الأمريكية

االله يعطيك العافيه يا ابن السعوووديه وادري اني غثيتك معي بس مالي الا الله ثم انتم


ومشكور والله يكتب كل شي في موازين اعمالك

أخواني أنا سمعت عن والآية ilinois ولي رغبة في الدراسة فيها
بس تمنيت أنه يكون عندي معلومات عنها فأرجوا من لدية أي معلومات عن والآية ilinois
وجامعتها western ilinois unversity
يعطينا من خبرته ولو شي قليل
وأكون لكم شاكراً

كولونبوس راجع الصفحة الأولى وستجد ما يرضيك

هقاوي حياك الله

مشكور أخوي أبن السعودية
والله ماقصرت كفيت وفيت وهذا مهو غريب عليك
بس أخوي إذا أمكن تعطيني معلومات مختصرة
لين أخوك مهو دافور في للغة
تحيتي لك

الا اخوي ابن السعوديه رحت لمكتب مراسلات وزحلقني بجامعات :
1-utah

حياك الله اخي كولونبوس






بس أخوي إذا أمكن تعطيني معلومات مختصرة



تفضل

والله يا اخي هقاوي ما أدري ولا أقدر افتيك

ومشكلة المكاتب انها تجمع كل الطلبة في جامعة واحدة

بس نصيحتي ابحث انت وشوف وأقرا عن مواضيع الجامعات سواء بالعرب المسافرون او غيره

ورح للمكتب وعطهم الجامعة اللي تبي تقدم عليها ليساعدونك في التقديم

موفق ان شاء الله

جزاك الله خير يا ابن السعوية واسئل الله ان يجعل ما تقدمة للشباب في موزين حسناتك


ابو عبدالرحمن

السلام عليكم جميعا
قدمت على ماجستير في الكمبيوتر ساينس ورحت الرياض لموعد الوزارة اللي كان في فندق الفهد كراون وطابقو مستنداتي وقالو بعد اسبوعين النتائج
المشكلة هنا اني كتبت في النموذج ان عندي قبول في الجامعة وانا ما عندي بس كنت في طريقي لعمله والى الان لسه ما عندي قبول
هل ممكن تعرف الوزاره ان ما عندي قبول في فترة التصفيات الاسبوعين ويكون سبب في استبعادي
لاسيما واني الان احاول احصل على القبول في اقرب وقت ودمتم سالمين

شُعَاعْ القبول كان فائدته المساعدة في الترشيح

لكن إذا هم ما طلبوه في المقابلة فما أعتقد ان فيها مشكلة

الحاجة الثانية طلاب الدراسات العليا كلهم اعلن عن قبولهم بدون استثناء

وربنا يوفقك

شكرا جدا ابن السعودية جزاك الله خير
بالتوفيق للجميع يارب

ملاحظه : انت باكالوريوس ولا ماجستير ؟
ومن اي جامعة جبت قبول ؟
والله يوفقك ان شالله

ابن السعودية كيف ما كتب الله النصيب ولسه النتائج ما ظهرت ؟؟
ان شالله بعون الله تطلع في البعثة وتتسهل امورك قول امين
تحياتي

شُعَاعْ شكرا لإهتمامك
راجع موضوعي بالضغط على التالي:

http://www.travel4arab.com/vb/newrep...ote=1&p=882279

مشكور يالغالي ... وانا معك متابع ...

بس ما قلتلنا هل القبول اللي جاك قبول معهد ولا قبول جامعة ؟؟


واذا كان قبول جامعه كيف قدرت تجيب قبول مشروط وش الصيغه اللي ارسلتها لهم ...



شكرا

يعطيك العافية اخوي ابن السعودية ...

انا اللي فهمته اراسل المعهد اول واجيب منه قبول ,, بعدين اراسل الجامعه وارسلهم صورة من قبول المعهد علشان يعطوني قبول مشروط ؟؟



مكشور اخوي

الله يعطيك العافيه على التوضيح اخي ابن السعودية

الله بعطيك مليــون عافية اخي ابن السعودية ,,,


الله يجعله في موازين حسناتك قل امين

اخوي ابن السعودية انا اتمنى انك تساعدني واسفه اذا ثقلت عليك

اخوي بس بغيتك تطلعلي الاستمارة التقديم للقبول المفروض اطبعه واعبية وارسله مع الضمان المالي وصور جواز السفر الى الجامعه

اتمنى يا اخي تساعدني فقط في ايجاد الاستمارة المناسبة انا ادخل الموقع لكن للاسف ما احصل استمارات التقديم

http://www.sdsu.edu

الله يعافيك الف شكر

حياكم الله

ولي يومين بعيد عن النت

Breker حياك الله في منتدى العرب المسافرون

وحياك في بوابة البعثات التعليمية

بالنسبة لنسبتك كان من المفروض تروح للوزاة وتقدم إعتراض لعل وعسى ان تقبل لكن تأخرت

بالنسبة للسنة الجاية نقول إن شاء الله يكون في بعثة لأن العام كان فيه

بس حاول تشوف لك بلد غير أمريكا لأن المتقدمين على أمريكا كثير جدا جدا

تمنياتنا لك بالتوفيق

الله يسلمك أخوي ابن السعودية
طال عمرك بعد ما طلعت النتائج على طول طلعت للرياض من اليوم الثاني وانا عندهم
وقدمت بدل الاعتراض ثلاثة قلت لعل وعسى ماشافوا ذا يشوفون ذا
وانواع الغرابيل صرت ادوام قبل الموظفين حتى الموظفين عرفوني كل ما شافني احد بالممرات
قال وش صار عليك
ما فيه أحد ما دخلت عليه من اصغر موظف الى وكيل الوزراة المعجل والدعوى ما فيها فائدة
حتى فيه مسؤول قال لي بالحرف جب امر سامي وما لك الا اللي يمشي اوراقك__من وين امر سامي الله يخلف لا واسطه ولاشي_
راسلت الجرائد ارسلت برقية عاجلة لخادم الحرمين من شهر ولا صار للحين وحالة نفسية زفت والله معاناة
خلها على ربك
سؤالي انا خريج عام 24_1425هـ هل يحق لي السنة الجاية اني اتقدم او لا؟؟؟اخاف يرفضوني علشان لي مدة متخرج
هل توجد بعثات جديدة خلال هذه السنة اي قبل ما يتخرج طلاب الثانوي؟؟

مشكوور اخوي ابن السعودية تحياتي لك وللجميع

مشكوور اخوي ابن السعودية على النصيحة
بس انا طال عمرك اخترت الولايات المتحدة لان كثير من اصدقائي واقاربي موجودين هناك
وبالنسبة للفيزا تكلمت مع بعض المسؤلين في الوزارة قالوا ان إجراءات السنة هاذي من ناحية الفيزا تبي تصير ميسرة

وبالنسبة طال عمرك انك ما تصير متخرج اكثر من خمس سنوات اعتقد هذا في حالة خريج البكالوريوس والماجستير اما بالنسبة لخريجي الثانوي اعتقد انها لازم ما تتجاوز اكثر من ثلاث سنوات فقط
يعني 24_1425 هاذي سنة
25_1426 هاذي سنتين
26_1427 هاذي ثلاث سنوات
يعني السنة القادمة بتصير
27_1428 يعني اربع سنوات=يمكن ما فيه بعثة
بس فيه ناس تقول ان السنة اللي يتخرجون فيها الطلاب ما تعتبر والله اعلم

Breker
امورك سهلة ان شاء الله

.. إرسال صورة من التذكرة لفاكس الملحقية مبين فيه موعد الوصول و ذلك لإستقبالك ..

.. أحذري من مطار نيويورك .. حاولي تنزلين في واشنطن .. ما قدرتي .. شوفي أي مطار ثاني لو تجين لواشنطن بالقطار .. و خلي العفش والشنط معاك علشان ما تضيع وتنحاسين .. أعرف واحد يدرس في ولاية نيويورك .. نزل في مطار شيكاغو و بعدين راح على المدينة حقته بواسطة طيران داخلي دون المرور على مطار نيويورك ..
.. وبالتوفيق ..

طيب يستقبلوني حتى لو كنت دارسه على حسابي ؟؟
يعني ماني من المبعتثين على حساب الدوله عادي بيستقبلوني ؟؟

الله يسهل الامور
الله يجزاك خير ماقصرت

swa7ah ما قصر جوليانو

بس ذهابك للملحقية غير مهم وخاصة إذا كنتي على حسابك
أهم شي ترسلين لهم انك وصلتي أمريكا وهذا تاريخ وصولك

وأيضا أشدد على ان تذهبي لأقرب مطار دولي قريب من مدينتك
وإذا لا بد من نيويورك فتغيير الخطوط أفضل

أكيد بالخطوط السعودية طمأنينة أكبر
لكن من خاف سلم

في حاجة ثانية إذا انك بتروحين الملحقية وبتلفين على كذا مطار وكذا مدينة مجبرة طبعا
فأنصحك أن تأخذين المهم من عفشك والباقي الله يعينك أشحنيه يجيك بعدين

وموفقة إن شاء الله

طيب اخوي ابن السعوديه
انا سمعت ان لازم امر على الملحقيه افتح ملف عندهم
خصوصا اني بحاول انضم للبعثه بعد مااجيب علامات مرتفعه بأذن الله
فهل اقدر افتح ملف بأني اكتفي ارسل فاكس او لازم اروح لهم؟

اخت swa7ah

كل عام وانت بخير

صدقيني ذهابك للملحقية غير ضروري سواء على حسابك او حسابهم
الضروري وصول معلوماتك لهم

بعد ما تستقري في السكن ترسلين لهم جميع البيانات وخاصة عنوانك و صورة من تختيم جوازك بتاريخ الدخول

وإذا قلبك غير متطمن فروحي لهم وما عليك من كلامي

هذا اللي أقدر أقوله لك

والله يوفقك ان شاء الله

وعليكم السلام ورحمة الله وبركاته

كلنا تم ترشيحنا للمفاضلة لكن ما ترشحنا للمقابلة

لأنها هي عدة خطوات

تقديم
ترشيخ مفاضلة
ترشيح مقابلة
قبول نهائي

وترى النظام هذا لم يكن متبع في السابق
تقدم ويجيك الظمان على طول

بس اخوي مكتوب تم قبول جميع طلاب الدبلوم وتم ترشيحهم
لليابان والصين وسنغفاورة وكوريا والهند

انا فكرتك تتكلم عن مبتعثين امريكا

والله الدول الثانية ما ادري عنهم

ليه ما تسال الوزارة

يعطيك الف عافيه ابن السعوديه على مجهودك بس انت منقبل او لا
واتمنى لك ياغالي تعطيني ايميلك اذا ماعندك مانع

××× يمنع تداول الايميل ×××
الادارة

الإجابة هنا

http://www.travel4arab.com/vb/showth...D3%D8%D3%ED%C9

××× يمنع تداول الايميل ×××
الادارة

ورقه رابحة

إذا عندك سؤال أسئلني هنا وأمام الجميع

مسألة الماسنجر شيلها من راسك تماما

أنا حتى الخاص مقفلة أفتح المسنجر !!!

السلام عليكم ورحمة الله وبركاتة

مشكور اخوي ابن السعودية على هذه البادرة الطيبة

عندي سوال للاخوة اللي سبقونا انكان فيه احد منهم في المنتدى وخصوصا اللي في ولاية اوهايو ؟

ابي اسال عن مدن المدين وعن جامعات :

Ohio State University - Main Campus
. Ohio University - Main Campus

في اي من الولاية وكيف مستوى المعيشة وكم عدد العوائل السعوديين هناك . لاني ابي اخذ عائلتي معي بصراحة ولا ادري وش الدبره !!!!!!!!!!!!

والله يا أخي ما عندي غير الروابط

لكن انصحك بالبحث في ملف موضيع الأخت fw_kw هي عاشة ودرست هناك وتكلمت عن تجربتها
وراجع صفحات بوابة البعثات لأن فيه كم استفسار عن اوهايو ممكن يفيدك

بس ملاحظة انت وضعت اسم الجامعة ولا وضعت اسم المدينة

كتبت موضوع وشكلي حطنش البوابه مرررره باااارده


هذا هوا الموضوع


ياليت تفيدوني اخواني بخصوص البعثات خطيبي حتبتعثه الجامعه (جامعه الشارقه) الى اميركا


وطبعا حكون معاه


الي ابغى اعرفه اقدر اقدم طلب بعثه لاننا حنكون عرسان وحرام اتعبه واكلف عليه واكيد انا ماحيحسبوني معاه في البعثه لانو رجال


المهم اش شروط تقديم الطلب مع العلم اني طالبه في الجامعه (جامعه الملك عبدالعزيز) في جده مستوى ثالث وفين اروح انا دايما اسمع انو الزوج ومرته رايحين بعثه بس كيييييييف اش الطريقه


يعني بيعطوني وجه والا لا


ومرسيييييه

راجعي موقع الوزارة

إلحاق الأهل للبعثة

وراح تشوفين قد ايش سهلة

ممكن جدا ليه لا

تفضلي

http://www.mohe.gov.sa/scholar/Scholar9.asp

السلام عليكم ...... قبل كل شي اشكر لكم جهودكم الجباره وتواصلكم مع اخوانكم وعسى لله يتقبله في موازين حسناتكم

عندي استفسارين .. أولا .. انا قبلت من ضمن البعثات الاخيره ودخلت المقابله الشخصيه وسمعت مثل ماسمعتو عن المركز اللي يقوم بدور المكاتب الخاصه من حيث تخليص الفيزا الدراسيه من السفاره الامريكيه واستخراج i-20 ... بالنسبه لي انا عندي جواز امريكي وعندي i-20 مدري اقدر اروح الرياض ويصدرون لي قرار ابتعاث على طول ولا الموضوع بيطول اكثر علما بأني ودي ابدا مع بدايه السمستر january

ثانيا .. ودي احجز من الحين وسمعت الوزاره متعاقده مع بعض شراكات الطيران ياليت تنوروني وشهي الشركه اللي ممكن احجزعن طريقها مع رقم الهاتف

شاكر لكم تواصلكم

السلام عليكم

اولا هذه اول مشاركاتي معكم واتمنى الا تكون الاخيرة

أنا طالب بالثانوية العامة وعلى ابواب التخرج كما يقال وارغب في اكمال دراستي الجامعية بالخارج ... ولكن لاحظت من بعض المشاركات انه بعد التقديم على البعثة يتاخر الرد من الوزارة...

انتظر نصائحكم بالنسبة للتاشيرة والفيزا والافضلية في الابتعاث حتى اكون ملما بكافة الشروط قبل ان انهي دراستي الثانوية.....

تحياتي

مدري اقدر اروح الرياض ويصدرون لي قرار ابتعاث على طول ولا الموضوع بيطول اكثر علما بأني ودي ابدا مع بدايه السمستر january



لا ما تقدر بس يمديك إن شاء الله على يناير
ولو انا قريت أمس في جريدة الوطن ان الوزارة تصلح لك كل شيء

تختار الجامعة وتطلع الفيزا وكل شيء






ثانيا .. ودي احجز من الحين وسمعت الوزاره متعاقده مع بعض شراكات الطيران ياليت تنوروني وشهي الشركه اللي ممكن احجزعن طريقها مع رقم الهاتف



الطيار هو المسئوول عن الحجوزات

وعندك شركتين فقط
إما السعودية أو يونايتد إيرلاين

بالتوفيق

السلام عليكم

استفساري يااخوان


1-متى موعد ذهاب البعثة؟؟اذا كان احد يعلم

2-هل استطيع إدراك هذه البعثة والإلتحاق بالسنة الدراسية الجديدة في الولايات المتحدة
على الرغم من أنني لا املك تأشيرة ولا قبول من الجامعة؟؟

3-هل يوجد في الولايات المتحدة طب بشري لمرحلة البكالوريوس؟؟


شاكرا ومقدرا مساعدتكم

الله يوفقك يابن السعوديه

على كولن انا انشالله اني بطلع ادرس على حسابي الخاص
ومادري وش اول خطوة اسويها بما اني فكرت بهالموضوع
والله يعطيك العافيه ولااتنسى موضوع على حسابي الخاص مادري احس ان الشغله بتكون بسيطه
مقارنه اذا كانت على حساب الوزاره

وشاااااااااااكر لك

السلام عليكم

هل يوجد محركات بحث استطيع ان اجد خلالها دورة تدريبية صيفية لمدة اسبوع في احد مدن امريكا وتكون في مجال التقييم البيئي حيث اني لم استطع الحصول على احد المواقع عن طريق قوقل ...

حيث يبعثني جهة العمل لها فاستفيد منها علميا وعمليا وكذلك فرصة سياحية

السلام عليكم

أريد ان أعرف فقط : هل نحن ملزمون فقط بالتخصصات التي قدمتها لنا الوزارة ؟

أنا قدمت على تخصص التجارة الإلكترونية , ولست متأكدا من رغبتي بهذا التخصص ولا حتى بمستقبله , هل يمكنني التحويل إلى تخصص آخر من التخصات الموجودة في إدارة الأعمال ؟ أو إلى إدارة الموارد البشرية مثلا ؟ أو إلى تخصص آخر ليس موجودا ضمن قائمتهم حتى ؟

يا أيها الشعب العظيم

شباب وفتيات


ايش هي شروط تحويل الدراسة على حساب الوزارة ؟؟

السلام عليكم ورحمة الله وبركاته
نشكركم على البادره الحسنه والى الامام وبالتوفيق ايها الشباب السعودي

اكيد اخوي لازم تساوي الفيزا

اخواني

اذا طولت الفيزا لأمريكا أقدر ألغي اجراءاتها ؟؟

طيب وش نقدر نخلص من إجراءات الآن على ما يبدأ موعد التسجيل للبعثات ؟
بالذات لمرحلة الماجستير
هل أقدر أجيب قبول من جامعة .. أو بس انتظر ؟

انا من طلاب الكلية التقنية تخصص الكترونيات
هل اقدر احصل على بعثة لأمريكا
وماهي الجامعات التي تناسب تخصصي

السلام عليكم

انا سويت المقابله وخلصت وكان ناقصني الورقه الي من الوزاره

عطاني الورقه الصفرا وقالي اذا جبت ورقة الوزاره تعال .

طيب اذا جبت الاوراق ورحت لمهم هل يعطون الفيزا على طول والا انتظر بعد

وهل انا كذا اعتبر تجاوزت المقابله ولا لا

سؤال:
أحد الأصدقاء يحمل شهادة البكالريوس من كلية الشريعة، وموظف في وزارة التربية والتعليم.
تخرج عام 1423-1424هـ بمعدل 3.2 من 5.
لديه الرغبة في إكمال دراسته في الخارج في تخصص يدور حول الحكومة الإلكترونية.
أرجو الإفادة، وكيف الطريق؟
مراسلة الجامعات ذات الشأن.
مكاتبة الوزارة -مرجعه- لوزارة التعليم العالي.
وما يخص بقية الإجراءات...

شاكراً ومقدراً تعاونكم وجهودكم سلفاً.
والله يرعاكم.

السلام عليكم

الله يعطيكم الف عافيه يا جماعه على المجهودات الي تبذلونها..
عندي سؤال مهم وللحين ماحصلت له إجابة دقيقه

انا ناوي اقدم على البعثه لدراسة الماجستير ، ان شاء الله
سؤالي هو : متى موعد البعثات الجديده ، هل بدأت أو ستبدأ قريبا ، واذا كانت بدأت كيف طريقة التسجيل فيها ؟

زرت موقع التعليم العالي وما حصلت اي جواب شافي ، لازالت البيانات الموجوده تتكلم عن البعثه الي انتهت وتم فيها وضع اسماء المقبولين

شاكر لكم مقدما ،،

اخوي معوذي

احسن طريقه تراسل الجامعات الي برى عبر شركات خاصه في هذي الامور وشركات تكون ثقه (لان في

تلاعب كثير في هذي الامور)ومااقدر انصحك بوحده لاني ماجربتها ..

اما الشغلات الثانيه ماعندي علم بها بس ممكن تسال عنها في احد الشركات الي بتروح لها عشان يراسلون

لك جامعه في الخارج ويجهزون لك كل شي ..او في موقع وزاره التعليم العالي ..


اخوي][f.s.s][

البعثات تفتح في اوقات محدده واقرب وحده ..في هذي الصيفيه ..

اذا بدت الصيفيه يمكن بعد اسبوعين افتح موقع التعليم العالي ..وقدم من هناك في البدايه تكتب معلومات عنك ..

ثم يقبلونها ويعلنون اسمك من المقبولين وبعدين يطلبون اوراقك الرسميه عشان يتاكدون من صحه بياناتك

الي كتبتهاا واذا قبلوك يعلنون قبولك مره ثانيه ويراسلون الجامعات في الخارج واذا قبلت في الجامعات

الي برى .. يرسلون اوراقك لسفاره والسفاره تحدد موعد للمقابله الشخصيه (على حسب الدوله الي بتروح

لها)ثم اذا قبلوك يعطونك خبر

الله يعطيك العافيه / ملاذ البحر

الصيفيه ، هل المقصود بداية الإجازة الصيفيه ؟
واذا كان هناك جواب اكثر تحديدا ، اتمنى انكم ما تبخلون به

تحياتي

المرحلة الثالثة للابتعاث لن تنطلق في بداية الصيف !!

لسى المرحلة الثانية ما انتهو وعدد كبير ماسافرو

لذلك سوف تأجل المرحلة الثالثة ربما الى رمضان القادم او الى ان يقفل تماما المرحلة الثانية

صعب جداً الوزارة تطرح المرحلة الثالثة ولسى ماخلصو من المرحلة الثانية !!

وعدد كبير من الطلاب لم يستلمو قبولاتهم وايضا يبقى مشوار الفيزا ومشاكلها



طبعاً باقي على الاجازة الصيفية شهر الا يومين !!

اسبوعين تنتهي الدراسة ومن ثم اسبوعين لاختبارات النهائية

السلام عليكم
وشكرا للاخوان علي وضعهم لهذا الموضوع ليتم ارشاد من لايعلم عن المعاهد شيء
انا حائر ولايوجد لدي خلفيه عن التسجيل ولا الاماكن واريد ممن يجد في نفسه ان يساعدني مشكورا في اختيارمعهد للغه يكون ممتازوالجامعه تعطي قبول مشروط ان يساعدني بسرعه الله يوفقكم