مطاعم تناسب الي على قد حاله عائلة او افراد
حبيت انزل موضوع خاصه الي مازنيتهم ما تسمح في المطاعم الغاليه
يوفر على نفسه ويستفيد منها بشيء ثاني خاصه الي عندهم عيال وايد الله يحفظهم
مطعم بسيط لكن أكله فنان
وطعمها حلو ولذيذ
ابي الكل يشارك معي بطرح المطاعم الي اكلها لذيذ وفي نفس الوقت اسعارها حلوه ومقبوله
أبد انا بطرح الي عندي
مطاعم شبابيه
وفي الشارقة .. في المصلى عندك مطعم كباب على كيف كيفك ..
وعنده اظني الحين فرع جديد تقدر تقول عنه راقي عند حديقة المجاز وفي مكان خاص للعائلات في الدور الثاني ...
مطعم صدف بعد حلو وعائلي والحين جددوه من داخل من ناحية الديكور وصار فعلا مكان جميل وهو مطعم هادي واكله ممتاز...
مطعم البوم بعد اللي عند القهوة الشعبية آكله طيب ...
المطعم الكبير تقدر تقول عليه شبابي ما ينفع حق العائلات والمشاوي اللي عنده زينة .. وعليك بالفتوش مالهم والشوربة وخله يكثر من العظام....
وعندك مطعم الكروم اللي عقب إستديو الزورق يسوي لك سندويشات على كيف كيفك خبز لبناني كبير يوم تشوف السندويشه تخاف ووحده تشبعك....
وعلى بحر الشارقة .... روح مطعم النبع ..... جرب سندويش الناشف ماله ولا الربيان ولا بطاطا باذنجان ... وعقب ما تطلب بس تجدم 100 متر كافتريا تايلوس وخذ لك واحد كوكتيل فرش وسط بـخمس ريال....
وإذا تبا بوفيه اول البحيرة مطعم دانيال بس ما ينفع حق العائلات لأن ما فيه بارتشين ... اوبن بس حق الشباب ترتيب وسعره معقول ...
.................................................. ...........
وفي مطعم في الناصرية وانت داخل من صوب الباور هوس ... تطوف كافتريا بالخير تكمل سيده على اديك اليسار بتشوف مطعم الإمارات ... هذا اظني كان راعيه يشتغل في البر والبحر آكله بعد زين وعنده اماكن حق العائلات ....
وفي مطعم عقب ما ا تنزل من جسر الخان ساير صوب المنتزه .. على اديك اليمين في مطعم هندي انا جربته لكن ما اعرف شو اسمه آكله لذيذ واحلى من قصر الهند وهو مطعم مب راقي ولا انه عادي يعني تدخل تقول فوق المتوسط ...
.................................................. ..
إذا تبا سمبوسة نظيفة عليك بمخبز الواحة .... سمبوستهم ما تفرق على راعي السيكل اللي يحط السمبوسه في كرتون البيض .... وين موقع المخبز ما اعرف لكن في الجمعية فاتحين فرع السويحات ... اكيد تعرف وين السويحات مدرسة الشرطة... بس خلق الله اول ما يحط السموبسه خبر خير ما يخلون شيء .... لكن سمبوسه على كيف كيفك عاد يوم بتاخذ لازم تسوي سرات الهندي .. تبطل الصمونه وتحط في فيها السمبوسه وبصبعك العود تقطق السمبوسه في الصمونه وتحط على دقوس بوصقر وعليك بالعافية ...
وعلى طاري السمبوسه..
في مطعم هندي في ام القيوين (طق إعصي عنده) ويسويلك بعد طلبيه مب مقلايه..
جاهزه للقلي (يعني سمبوسه طويلة الأمد)
بتحصله على ما أظن في الفريج الجديم (اللزّيمه أو يسمونه فريج اللبنه)........
[b][b]صح وفي مطعم يمني اسمه البحر الاحمر ... هذا من دوار سبينس وانت ساير صوب دوار الحكومة قبل مدرسة القاسمية سابقاً
مطعم عجيب جلسة عربية وتطلب لوبيا ويا خبز وقافي حار بس ما اعرف شو يحطون فيه ويكون حار واللوبيا ما تنحط في صحن
لا شرات المطاعم الصينية.... انت بس من تشم الريحه تتخبل
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة جنب النافذه
المفضلات