الموضوع: استفسار لاس فيجاس بعد خمس أسابيع إنتظار استلمت الأخضر والدرب خضر بإذن الله

السلام عليكم ورحمة الله ..


بعد خمس أسابيع إنتظار من يوم التقديم .. وأنا قاعد على أعصابي طول المدة هذي .. لانهم قالوا لي أسبوعين وتطلع ..


الحمد لله حصلت على الفيزااا لمدة 5 سنوات .. زيارة ..


وأول ما مسكت جوازي .. وأشوف الفيزااا إلى وأصفط على طوول عند مكتب الخطوط الظهر وأحجز وأقص التذكرهـ على لوس أنجليس ..


وإن شاء الله أخر الأسبوع رحلتي .. ( أدعولي بالتوفيق )


و أبسوي حفل عشاااء في المناسبة للأهل ..


استفساري .. الشباب هناااااك نسقواا يروحوا لاس فيجاس آخر الشهر 3 أيام ..


المدة قصيره لرحلة فيجاس ويمكن أكررها اذا حلوهـ .. ودي أعرف أهم الأشياء الي تستاهل يروح لها ..


أنا شفت التقارير .. لكن أريد أستفيد من خبرتكم .. طبعاً رحلة شباب لا عوايل ..


ما هي أفضل الفنادق ***** نجوم .. ومكانها رائع ..


اذا فيه ألعاب شيء .. ياليت تدلوني عليها .. ايش أفضل العروض .. أبغا شيء مسلي و ما يكون كله سواليف انجلش ..


وإذا كتب إن شاء الله .. أبسدح تقرير في نهاية الرحلة لأمريكا ..


والله يعطيكم الصحة والعافية ..

مواضيع عشوائيه ممكن تكون تعجبك اخترناها لك:

• على بركة الله
• لو سمحتوا انا ابي ناس يعرفون ولاية موتشقن مدينة ساوثفليد كويس
• اللي موجود في كوليج ستيشن
• شيكاغو ؟؟
• شركات التآجير وقبولها لبطاقات الائتمان مسبقة الدفع
• اقدم على الفيزا بقبول المعهد او انتظر قبول الجامعه
• استفسار القياده من امريكا الى كندا
• استفسار عاجل لو سمحتم
• كوربس كرستي
• مدينة بيتسبيرغ وايد عجبتني
• مساعده عاجله
• محتاج خبرتكم ضروري
• رجاء ساعدوني في مشكلتي
• الفزعة أعندي اسفسارات مهمة عن بيع الآي باد
• ما هي أجمل مدينة سياحية في متشجن ؟؟
• اخر الاخبار من امريكا
• امريكا اليوم ؟
• حجزوشراءالتذاكربالنت
• مساعدة للتخطيط ، رحلتي بشهر نوفمبر باذن الله
• استفسار عن الطيران الي مني سوتا

الف مبروك الله يعطيك خيرها ويكفيك شرها

اما لاس فيقاس حلوه بس لازم تزور الفنادق عشان كل فندق فيه تمثال وحلوه وتراه جوها حار زي السعودية

بالنسبة للفنادق : http://www.arabtravelersforum.com/tr...4/#post2860203


بالنسبة للعروض هماك العديد منها Le Reve واحدى عروض الـ Cirque du Soleil


بالتوفيق

يوم واحد حتى كافي على لاس فيغاس
بصراحه انا رحت لها و تحسفت اني رحت لها و ما انصح اي انسان مسلم يروح لها

مكان يغمت القلب كلها معاصي علنيه
مافيها الا شااارع واحد بس حواليه الفنادق
و كل فندق في شي يميزه
مثل فندق
فينيسيا
باريس
ميراج
واين
نيويورك
ام جي ام

و كل فندق داخله سوق ( احلى سوق فينيسيا )
بس عادي جدا سوقهم حتى الأوت لت حرقتنا الشمس و ماشرينا شي
سوق كاليفورنيا احلى

و العروض دخلنا ليون كينق ( حلو )
و يمدحون عرض ( o ) بس مارحناله

و الكازينوهات على افا من يشيل
و عشان تشوف الاشياء الحلوه لازم تدخل الكازينو

و الصور استغفر الله ماتدري وين تغض بصرك

والله اني خفت ان الله يخسف فينا هناك شي شي يوجع القلب

و الجو حاااااار مو حلو

بصراحه تجربه سيئه ما اكررها

اهلين اخوي00
انا حاليا بفيغس00بصراحة عجبتني انا وزوجي00وافكر اني اروحلها انا وزوجي مرة ثانية وثالثة00
بس ذبحنا الحر شي مو طبيعي مع ان السياحة هناك بلفنادق بس شووووووب برةعند الانتقال من فندق للثاني00يعني لوتروحون لها لما يبرد الجو شوي افضل00
احنا مقيمين بفندق بلانت هوليووود مو طبيعي جدا فخم وموقعه ممتاز على شارع الستريب بالنص واغلب المشاهير يقيمون فيه00بس المشكلة اذا بغينا انا وزوجي نطلع للشارع لااازم ندش الكازينو وبعدين نطلع00بس انتم شباب عادي000والتسوق في فندق بلاجيو ممتع00
والعروض اغلبها ممتعة يعني مافي كلام انجلش وتوهق00مثل الساحر ديفيد والأو شو والمستر شو00والساحر كريس انجلو و لارييف(عرض مائي) وفيه عرض موووووطبيعي لازم تروحون له انا ماحصلت حجز للاسف كان فل من قبل شهر من عرضه اسمه( كا)يعتبر سيرك بس خيالي00
وانشالله اليوم وباجر بحضر 3 شووووات00اذا يسوى بقولكم عليه
وشكرا

مبروووووووووك ودربك خضر ان شاء الله

عندك فندق
plazzo
bellagio
wynn

هذيل ال 3 وااايد حلوووين ..
والعروض عندك le reve , O , KA

في العاب معلقين فوق في فندق وانت رايح الاوت لت بس نسيت اسم الفندق وفندق نيويورك هم فيه العاب ووناسة

وموفقييين ان شاء الله في رحلتكم