الموضوع: خبرآء فرنسا هل باريس تكفيها يومين ؟؟

السلام عليكم مشرفين وأعضاء المنتدي الله يجزاكم خير علي جهودكم
وان شاء الله في موازين حسناتكم
حبيت أخذ رأيكم في خط سيري من 25 ماي الا 7 جون بحكم أني عزمت يكون اول محطة باريس
الرياض باريس2ليلتين ( أنا ما أحب المتاحف.... ) يهمني فقط الشأنزليه وايفل وباقي الأشياء اخليها لكم
بعدها اطلع من باريس علي الطيران الفرنسي الاقتصادي الي ميونخ نستأجر سيارة
وعلطول لزيلامسي 3 ليالي
انترلاكن 4 ليالي
ميلانو 4 ليالي للتسوق وذهاب يوم لفينيسيا بالقطار وان أسعفنا الوقت جارد و لوقانو وكوما
والعودة من ميلان الي ارض الوطن
ما رأيكم ؟؟؟ وشكرا مقدما لكم من الموبايل

مواضيع عشوائيه ممكن تكون تعجبك اخترناها لك:

• سفره الحلم باريس ميونخ زلامسي انترلكن جنيف
• باريس
• سكن في باريس لعائله من شخصين كبار وثلاث أطفال
• استفسار بشأن اي مخطط يبدا من باريس وينتهي بايطاليا
• طولون
• رحلتي إلى سوريا هـ
• اول مره أسافر ان الله كتب فرنسا احتاج مساعدة
• يوماً بأوروبا أفضل سفارة لإستخراج تأشيرة الشنقن؟
• لاتبخلون علي بمساعدتكم عاجل
• ساعدوني في التنقل بالمترو او الباص في باريس
• تقرير رحلتي الى باريس بالصور ابريل
• رحلة الى فرنسا و المانيا و زيلامسي
• مساعدة في تخطيط رحلة لاروبا
• باريس في ايام
• جوازي من تاريخ في السفارة الفرنسية؟ هل هذا طبيعي؟
• رحلة باريسية ابريل
• الشانز أو لاديفانس أو ؟
• ياريت تفدوني ضروري الله لايحرمني منكم
• الاوراق اللي اطبعها من بوكينق وتقديمها للسفاره سوال للوجهه
• الوزن المسموحه فيه على الخطوط الفرنسية رحلة داخل اوربا

وعليكم السلام ورحمه الله وبركاته

بعد انترلاكن لوقانو وكومو
مساله الانتقال لاكثر من دوله تعب صراحه

ايفل يحتاج اذا تحدد يومك تحجزون من النت لوقت الصعود له
والشانز سهل

رتبي ايامك بالضبط والجدل سهل يترتب
وممكن بالباص السياحي تزورين اغل بالمواقع دون النزول لها

انا أفكر اسلم السيارة بانترلاكن وخروج لميلانو بالقطار والتنقل به ؟؟؟
كم سعر الصعود لبرج ايفل ؟؟ من الموبايل

مساله من باريس الي ميونيخ مرور وعلي طول زيلامسي وكلها 3 ايام ما ادري والله احس ضاغطين انفسك تشوفوا اكبر قدر من المدن وتتعبون انفسكم

المتعه انكم تاخذون راحتكم بالمدن مش سريع سريع

خلوها باريس انترلاكن لوقانو كومو ميلان

ابستخير ،،
انا ماشجعني انزل من باريس الا ميونخ لاني ودي اشوف زيلامسي وقالو زيلامسي افضلها تنزلين لها من ميونخ ،، ولا ادري صراحة احترت
وتذاكرنا انا وزوجي وطفل من الرياض الا باريس وميلانو الي الرياض عليها عرض حلوووه كلها 5600 موب حسافة والاقتصادية كلنا 700 ريال بس انا خوفي اننا نتعب مااادري والله بفككر
على العموم اخ فيصل ماقصررت الله يوفقك يارب وباريس كم يكفيهاا ؟؟ من الموبايل

اذا براسك بس اللي قلتي يومين يكفي
انا قصدي ان السفره بعجله مالها داعي وانا اخوك
لازم تريحون وتشوفون البلد وانتم علي راحتكم مو مستعجلين
تدرين بما ان الطيران الاقتصادي 700 ريال زين

وتوكلي علي الله

لما جيت احجز على الطيران الداخلي قالي none luggage
اذا الشناط 68 ك لنا كلنا انا وزوجي وطفلي ندفع زياده بسيطه حدود 300 ريال
اذا نبي يكون الوزن 138 ك زيادة 500 على المبلغ الاصلي
وش رايكم كم يكفينا تتوقعون
للعلم على خطوط الفرنسية
يعني يدققون ولا يمشون ؟؟؟ من الموبايل

احنا ناوين نحجز لليلة 24 يعني عشان نحط عفشنا واغراضنا مالنا الا ذذا
مافهمتك ؟؟ يعني فيه خدمة اننا نحط عفشنا واغراضنا في الفندق اللي بنحجز فيه ونروح نتمشى؟؟
والتشيك ان واوت متى يبدا وينتهي بباريس من الموبايل

اذا انت التشيك ان يوم 25 تقدرون تحطون اغراضكم بالفندق فيه خدمه

ايش اسم فندقكم

التشيك ان في اغلب فنادق العالم الساعه 2 والتشيك اوت الساعه 12

مخليته عليك اخ فيصل اذا ماعليك امر ،، طبعا سعره يكون متوسط وموقعه حلو واهم شي طبعا النظافة
وديزني ودي اشوفها قولة اننا شفناها ولا احنا موب راعين ملاهي ووش رايك ؟؟
واذا الوصول فرنسا الفيزا تكون فرنسية ولا ؟؟ لان ايامي تقريبا متساوية في كل دولة من الموبايل

كم تقريبا ميزانيته السكن اختي في الليله وكم شخص

والله تذكرتها تقريبا حول 75 يورو يا انكم تلعبون يا انكم تخلونها
الا اذا تحبون تروحون هناك وتتفرجون من برا واذ خلصتم رحتوا للاوت لوت اللي بالمحطه اللي قبلها

الفرنسيين طيبين ما يدققون كثير الا اذا تغيروا مدري

بس قولوا لهم المده متساويه وبيشوفون الحجوزات ويقتنعون

قريب ايفل

http://www.booking.com/hotel/fr/novo...ml?aid=1329869

من موقعهم مع الافطار ارخص من بوكينق بس ترتيبه وسط


او خلف قوس النصر خطوات عن الشانز فنادق 3 نجوم
http://www.booking.com/hotel/fr/la-r...ml?aid=1329869




كتقييم هذا افضلهن ومع الافطار

http://www.booking.com/hotel/fr/ceci...ml?aid=1329869


وهذا

http://www.booking.com/hotel/fr/roya...ml?aid=1329869

تبون منطقه لاديفانس

http://www.booking.com/hotel/fr/sofi...ml?aid=1329869

http://www.booking.com/hotel/fr/novo...ml?aid=1329869

الله يوفقك،، ويحقق لك ماتتمناه يا اخ فيصل ماقصرررت ،،، من الموبايل

جزاك الله خير اختي

http://www.booking.com/hotel/fr/ceci...ml?aid=1329869 من الموبايل

ضيق الغرف - عازل الصوت هذي بأغلبهن ولا تستغربين هالشيء

افضل تقييم بنظري
http://www.booking.com/hotel/fr/ceci...ml?aid=1329869

ثم

http://www.booking.com/hotel/fr/roya...ml?aid=1329869

ثم
http://www.booking.com/hotel/fr/arc-...ml?aid=1329869

اجل توكلت على الله،،، سيسلاااا وبما انهم الأطفال مجانا والأفطار برضو مجاني

الله يسسسسسسعدك اخ فيصل من الموبايل

ويسعدك اختي
لي طلب اذا سكنتي ياليت رأيك فيه سواء هو او غيره
واذا انتي كريمه تصورين الفندق الاخر يمكن أحد يجي يسأل عنه
شكرا لك

تأخرت في تخطيط الرحلة لآني احاول اخلي باريس 3 ايام بس ما قدرت حسافة من قرادة الحظ لما حجزت في 27 ماي لان عليها عرض حلووو بعد شهر صار على 28 كمان عرض ): دقيت على الخطوط استفسر قالو غرامة على كل تذكره سعر اغلى من سعر التذكرة الاساسي يعني موب شرط ان الواحد اذا حجز بدري ارخص وكذا
مكتوب لي ماشوف باريس الا يومين مررره مقهورة بس خيرة ان شاءالله ،،،
انا وصولي في يوم 25 الصبح وحاجزة في فندقين محتارة بينهم cecilia او la regence etoile ماقصر الاخ فيصل مرشحها لي بس مشكلة سيسلا غرفة توأم اخاف تصير مرره صغيره ماحصلت مزدوجة
اللحين ايش اقدر اسوي في 25 يوافق الاحد و 26 يوافق الاثنين ماي يومين كاملات و 27 الذهاب لميونخ 12:55 ظهرا
اقلاع الطيارة
ودي اشوف هضبة المونمارت ايفل والشانزلية رحلة بالقارب حديقو لوكسنبورغ جسر العشاق مصنع العطور هل عطوره اسعارها معقولة ولاكييف ؟؟؟ وديزني ان امكن او اذا فيه مكان افضل ليت تفيدوني وانا وزوجي مانحب المتاحف ومن هالكلام

طبعا بعد باريس راح نطلع لانترلاكن 4 ليالي زيلامسي 4 ليالي ميلانو 4 ليالي اشوف كومو ( فيه رحلة بحرية مدري ايش افضل لي اهي او نهر السين ) ولوقانو وفينيسيا انا اقولكم عن خطة رحلتي يعني اذا فيه تشابه اماكن او شي الغيه من باريس


وشكرا لكم من الموبايل

..

معليه يختي خيره ويومين ان شاء الله بتكفيك
عندك الباصات السياحيه فكرتها جميله وبوضعك راح تفيدك كثثثثير
*بكل موضوع امشي واروج لهالباصات مفروض لي شيء منها*
المهم خذي الباص الاحمر يمر فيك ب 9 محطات توقف
ب اهم معالم باريس جميل وحلو ويعطيك زبدة باريس
اليوم الاول تاخذينه وتخلصين من الباص تروحين تكملين يومك ب هضبة المونمارت
http://www.arabtravelersforum.com/travel881116/

http://www.arabtravelersforum.com/travel594232/
شوفي هالموضوعين يتكلمون عن الباصات
كذا باليوم الاول رحتي لكل الاماكن اللي خاطرك فيها
اليوم الثاني لدزني لاند .

اذا اعجبك الترتيب كذا ولا نشوف ترتيب ثاني باللي تبينه

..

انا بصراحه ما زرتها دزني لاند بس ما اشوف احد ذمها ابد
وبرج ايفل عن نفسي ما كنت متحمسه اطلع له ابدا
لين جتني وحده من معارفي قالت برج ايفل لو ما طلعتي له فوتي نص متعتك بزيارة باريس
ف تحمست صراحه
بس ترا اذا اخذتي الباص الاحمر بيوديك بكل مكان ما عاد بيبقى لك اليوم الثاني اشياء عاديه مو ذيك الاهميه
لو قلنا نزلتي لبرج ايفل ساعه ساعتين ورجعتي للباص وقفتي عند الشانزليه ووقفتي عند الاوبرا دخلتي الغاليري لافيت وطلعتي وتمشيتي فيها شوي
ونزلتي بكل محطه توقف لو نص ساعه كويس مره
ومتى ما انتهت جولة الباص رجعتي للهضبه بيكون على وقت الغروب
وش باقي في بالك غير هالاماكن تحبين تزورينها بباريس ؟

يعني عادي انزل في مكان واتمشى فيه او اجلس فيه او اتسوق ساعه نص ساعه ؟؟؟ وعادي لو اكثرر
وانتي ايش رايك الباص الاحمر او الاصفرر ؟؟ مافي بالي الا اللي قلته اذا فيه شي تنصحيني فيه ؟؟ من الموبايل

..

عادي لو تقعدين للوقت اللي يعجبك
تنزلين من الباص مثلا لبرج ايفل وتقعدين حتى تطفشين وتروحين لمحطه توقف الباص بتلقين باص ثاني قد جاء
كل ربع ساعه بالصيف ونص ساعه ب الشتاء يجي باص ثاني وتكملين جولتك فيه
انا عن نفسي ذا اللي ببالي دام ما عندك غير يومين بسسس
الباص الاصفر حلو ويمر فيك باماكن ي كثرهاااا
يمكن كل باريس
بس له 4 مسارات وكل مسار له محطات توقف
اقري المواضيع اللي اعطيتك وانتي حددي اي باص تبين

بس ننتظر باقي الاعضاء يمكن عندهم شيء ثاني

ديزني حلوه وتستاهل الزياره بس في وضعكم احس بتكون مرهقه شوي لانها خارج باريس ويبيلها مشوار راح ومشوار جاي وهناك حركه ومشي ويوم ثاني وراكم سفره ولم عفش برأي مخططين ممكن يناسبوكم
الباص السياحي الأحمر لأول يوم بلف اهم المعالم السياحيه ويوم ثاني ديزني يوم كامل او نص يوم الاوت لت ونص يوم ديزني
الخيار الثاني الباص الأصفر لليومين لانه مساراته اكثر والاستغناء عن ديزني

دايم اقول اذا اول مره تروحون باريس يومين ماتكفي .. اقل شي اسبوع ل 5 ايام لكن لو متعود عليها وعارفها يكفي لها يومين

الله يعطيكم العافيه كلكم ماقصرتو
رتبتو لي افكاري الله يسعدكم يارب

اخت لندننيه هذا اللي صار حجزت وانتهيت ماعاد اقدر اعدل 🌚 ان شاءالله ارجع لها في السنوات الجاية ياااااارب

وش رايكم انا احترت بين الباصين
الاصفر الخط الاخضر ثم ابدل للخط الاصفر لاني ابي اشوف المونتمارت؟؟
او اخليها الخط الاحمر وبعدين اخر محطة اروح بالمترو لمحطة المونتمارت ؟؟؟
اميل للاصفر بس اذا بتعبنا وبكون ماعندنا وقت ومضغوطين خليته الباص الاحمر
يعني هالثنين بوديني لاشهر معالم باريس ايش ترشحون لي
طبعا اليوم الثاني نصه ل ديزني لاند و بعدها نطلع برج ايفل ابي اشوف الغروب منه ونهر السين بالليل ؟؟ والاوتلت ترشحون اروح له ولاكبير وبضيع علي وقتي وانا حاطة تسوق ميلان ؟؟ وابي محل بيع عطورات فرنسية حلو لاني سمعت عطورات باريس افضل شي وسعرها نفس سعرنا او اقل ؟؟ مدري صحيح او لا واااسفه تعبتكم وشكرررررا لكم من الموبايل

مبين ما معك وقت
خلي ايفل مع اليوم الاول
صعبه ديزني وايفل بتظلمين احديهم
الاخت نورا ذكرت انها جربت عطورات المصنع ولا اعجبها
الباص الاصفر ما يخليك تحسي ناقصك شيء

..

ورأي من رأي فيصل
دام رايحه لدزني اعطيها حقها كامل
اصلا لورحتي ما عاد طلعتي الا بالقوه ههههههه
والاصفر اشوف لوتاخذونه افضل
وخاصه ان مافي ذاك السعر عن الاحمر
ومميزاته اكثر

جلست فيها 7 أيام ولا كفت فيها معالم سياحيه كثيره وكل معلم يشدك أكثر

ديزني وأيفل ما يسوى نهائي
ديزني يا معاها الاوت لت يا بروحها

ادري انه اول زياره وتبين تشوفون كل شي بس بوضعكم صعب لمحدودية الايام
حددي الأهم والي لازم تشوفينه ولازم تتنازلين عن أشياء لمرات ثانيه ان شاء الله

يعطيكم العافيه ماقصرتووو الله لايحرمنا منكم
طيب خلاص راح اخلي اليوم الثاني ديزني لاند مع +الاوتلت... او افكر الغي الاوتلت وارجع بدري ونجلس بالشانزليه نودعه وعلى حسب الظروف
اليوم الاول حاولت اعرف كل المحطات الباص الاصفر السيرالاخضر ثم نبدل بالخط الاصفر عشان هضبة المونتمارت والسير البرتقالي حلاته فيه اللاتيني وحديقة لوكسيمبرغ
ولاعرفت ترجمة اسماء الاماكن كلها واتوقع انه مافيه بعض الاماكن اللي حابة اشوفها يعني
مثل الحي اللاتيني وجسر العشاق
وساحة فاندوم اي مسار الاقي فيها هالاشياء وانا شفت محطات السير الاخضر فيها اشياء كثيرة مالها داعي مثل الكنايس وغيرها ماانزل يعني وعلطول يمشي الباص وش رايكم ؟؟؟ وش تنصحومي فيه اي مسار

يعني انا حابة اشوف الحي اللاتيني وجسر العشاق والاوبرا والغاليري لافييت و سان جريمان وساحة فاندوم طبعا اكيد الشانزلية برج ايفل اللوفر اذا ممكن وفرساي ماعجبني كان بس اشوفه من برى ؟؟وبخصوص المونتمارت وبرج ايفل ايهم اهم اشوف الغروب منه- طبعا اذا فيه اشياء تحسونه عاديه الغيها انتم اخبر

واعذروني على الاطالة من الموبايل

..

شوفي انك تروحين لدزني وترجعين لبرج ايفل ولا الشانزليه صعبه
لانك بترجعين اكيد بوقت متاخر
ولاتسوى انك توصلين لدزني وتقعدين كم ساعه وترجعين
يا تلغينها ي تخصصين لها يوم كامل
الاماكن اللي عددتيها كلها يمر عليها الباص الاصفر
تقدرين تدخلين ع موقعهم وتشوفين كل مسار وش محطاته وتحددين اللي تبينه
اللي ما تفهمينه انسخيه وعلى قوقل ترجمه ولا سيرش وبيطلع لك صور له وبتعرفين وشهو
المسار الاخضر هو فيه كل شيء تقريبا
المسار البرتقالي كمان فيه سان جيرمان والحي الاتيني والحديقه
تقدرين تكتفين بهالمسارين لانهم الاهم وبعد ما يخلص الباص جولته
تروحين بالمترو لهضبه المونمارت
لان ما بيمديك اصلا توقفين بكل هالمحطات وتمشين على الثلاث المسارات
الوقت ما راح يكون معك
ف خليك على هالمسارين ومتى ما انتهى وقت الباص روحوا للمونمارت
قصر فرساي جميل جدا
بس خارج باريس ما تقدري تمري كذا عليه وتمشي وانتي ما عندك غير يومين بس
اذا تبين تزورينه تختارين بينه وبين دزني لاند
اذا رحتي له حدك بالكثير 4 ساعات وتقدري منها ترجعي تتمشي بالشانزليه وبرج ايفل
عكس دزني اللي كبيره ويوم اصلا قليل فيها

احسك بتزورين اماكن كثيره بيوم فقط

ايش اللي مهم عندك باليوم الاول
يمكن الباص الاحمر خيار لك اذا الغيتي مونمارت منها

يعطيكم العافيه اختي انا حاولت اطلع ترجمتها شي طلع وشي ماطلع و انا احتررت صراحة ماعاد عرفت راح اخلي ديزلاند اليوم الثاني كامل انا قلت الشانزلية لان فندقنا فيه اللي هو سيسلا

طيب اليوم الاول انا حابه اشوف الحي اللاتيني وجسر العشاق والاوبرا والغاليري لافييت و سان جريمان وساحة فاندوم طبعا اكيد الشانزلية برج ايفل ( مالقيت حجز فيه فول اللوفر اذا ممكن وفرساي ماعجبني تعقدت من متاحف تركيا كرهتني في شي اسمه متاحف واثار والناس اذواق وبخصوص المونتمارت وبرج ايفل ايهم اهم اشوف الغروب منه- طبعا اذا فيه اشياء تحسونه عاديه وافضل الغيه انتم اخبر يعني خلاص انا راضيه بلي بتعطونياه اي جدول مناسب لي ومعالم مهمه حسافه افوووتها؟؟ عطوني جدول امشي عليه بهاليومين من الموبايل

لحي اللاتيني وجسر العشاق والاوبرا والغاليري لافييت و سان جريمان وساحة فاندوم طبعا اكيد الشانزلية برج ايفل ( وبخصوص المونتمارت وبرج ايفل
علي اماكنك المقترحه روحي علي الباص الاحمر

هل تبين تنزلين بكل مكان ام تتفرجي فقط وانتي بالباص
في حاله تتفرجي
ابدي من قوس النصر ثم الشانز ثم الاوبرا وتنزلي الي غاليري لافييت مشي ثم ترجعي للباص
قبلها يتوقف في كونكورد وساحه فاندوم وكلهم قريب الاوبرا ممكن بالماب اوضحهم لك
ثم ايفل وبعدها الحي اللاتيني طبعا بتوقفون في كاتدرائيه نوتردام ومنها تروحين للحي اللايني وجسر العشاق

من قوس النصر الي الشانز الي كونكورد ساحه فاندوم الاوبرا غاليري لافييت

https://maps.google.com/maps?saddr=A...ra=pd&t=m&z=15


كاتدرائيته الحي اللاتيني جسر العشاق

https://maps.google.com/maps?saddr=C...ra=ls&t=m&z=16

سوري اخ فيصل بس مافهمتها بصراحة يعني ايش قريبة من بعضها وكلها يمرها الباص الاحمر ولافتحت معي خريطة ؟
اذا يمرها خلاص اتوكل على الله واحجز فيه
وانت تحس انه افضل لي من الباص الاصفر ولا برضو الباص الاصفر يمر بهالاماكن وزيادة يعني بوضعي وش تنصحني فيه ؟؟ من الموبايل

والله الاصفر ما جربته

لكن الاماكن مثلا
البدايه من الشانز تروحي تشوفي القوس ثم تركبي الباض

بيوقف في كونكورد تقدري تنزلي او تشوفيها

ساحه فاندوم قريبه من اللوفر تتمشي شويه بالساحه ثم تقدري تمشي الي الاوبرا وغاليري لافييت

الحي اللاتيني الكاتردئيه بجن بالحي اللاتيني وقبلهم جسر العشاق قبل اللوفر


كلهم قريبات من بعض ويمكن بدون باص تقدري تمخمخي عليهم اذا تحبي المشي

حلووو قراب من بعض
طيب يعني تأيدني انو مااخذ باص واروح لها بالمترو او المشي اذا قريب من فندق سيسلا
او اخذ الباص وانزل امشي لهالاماكن
ابي يكون عندي وقت يعني
لايضيع الباص علي ويوديني اماكن انا مابيها ؟؟
او مايضيع الوقت واركب الباص الاحمر او الباص الاصفر المسار الاخضر والاصفر وهضبة المونمارت مثلا
او المسار الاخضر مع المسار البرتقالي
وهذي الاماكن امشي لهااا
مثل ماقلت لي وبعدها الصعود لبرج ايفل و رحلة على نهر السين ( عادي تكون بالليل ولاحلاتها بالنهار ووقت الغروب )؟
وديزني لاند ثاني يوم ويكون كذا خلصت اليومين من الموبايل

افتحي قوقل ماب
واكتبي الاسماء
واذا بتفتحي خانه تضغطي علي المكان المقصور
كاتردائيه نوتردام Cathédrale Notre-Dame, Parvis Notre-Dame - Place Jean-Paul II, Paris, France
الحي اللاتيني Saint-Michel, Paris, France

جسر العشاق Pont des Arts, Paris, France

واذا بتشوفي قرب الجسر من اللوفر اكتبي متحف اللوفر



نجي من فندقكم تطلعي الي قوس النصر من تحت مدخل من المحطه وتتمشي بالشانز نهايته يجي الكونكورد يساره تشوفي المسله ويمينها اللوفر وساحه فاندوم

ومن ثم الاوبر وغاليري لاففيتت

قوس النصر Arc de Triomphe, Place Charles de Gaulle, Paris, France

الشانز Avenue des Champs-Élysées, Paris, France

كونكورد Concorde, Paris, France

ساحه فاندوم Place Vendôme, 75001 Paris,

اوبرا Opéra, Paris, France
جاليري لافييت Galeries Lafayette Haussmann, Boulevard Haussmann, Paris, France

اذا تعبتي من مشي الشانز تريحي بححديقه تويلري جنب كزنكورد ولوفر
ثم تمشيه الي ساحه فاندوم ثم الاوبرا والجاليري بتشوفي مقاهي وتريحي علي راحتك واذا تبين تطلعي من جاليري الي الحي اللاتيني تروحي بالمترو ثم تزوري الماتدرائيه ومشي الي جسر العشاق ثم اللوفر ومن اللوفر تروحي ايفل الدور متعب تنزلي الي القارب تاخذي رحله

فكري وشاوري

كذا فهمت يعطيك العافية اخوي الله يسعدك
بس باقي سؤال ايش افضل لي امشيها مشي هالاماكن
ولا اركب الباص الاحمر او الاصفر ؟؟
واللي ابي اشوفه انزله وارجع ثانية للنقطة ؟؟
طبعا الصعود اذا شفت زحمة عند برج ايفل راح اكنسله طبعا
واللوفر ماراح ادخله بس فرساي تحمست له شوي بعد ماقريت راي الاعضاء ولااا صعبه مررره من الموبايل

مدري عن تقبلكم للمشي

عن نفسي احب امشيها

لكن ممكن تتعبون مدري ياليت احد يفيدك

فرساي صعبه مره الا اذا قلتي بتروحي بدري لها ثم الساعه وحده تركبي الباص الاحمر وتشوفي الاماكن من فوق سريع سريع ثم تروحي الي ايفل

أوكي اخ فيصل ماقصرت كفيت ووفيت
الله يوفقك ويسرلك امورك اذا احد رد علي وافادني اذا متعب او لا زين واذا مااحد رد راح افكر واسوي اللي يناسبنا انا احب المشي انسى عمري بس زوجي وولدي معاي اخاف يتعبون مع انه راح يكون في عربيه بس بفكر
شكرا لك ولباقي الاخوات ماقصروا بعد❤️ ... من الموبايل

ان شاء الله يردون الاعضاء

الطفل بالعربيه متعب لكن بالباص كل مره طالعين نازلين متعبه ايضا

بما انه معاك طفل الغي فرساي بنظري بيكون تعب وتنشحنون علي انهاء البرنامج بشكل سريع ولا أحبذه

اخذوا تذاكر الباص بس لا تتقيدون بيه انه كل محطه يوصلكم بس انه وسيله مواصلات اسهل من التنقل بالمترو كل دقيقه .....ان شاء الله تكون واضحه الفكرهاحنا خذيناه من الشانز ولف بينا وبعدين من اللوفر ردينا الشانز مشي بدون ما ندري عن عمرنا مع انه معاي 2 أطفال والجو بارد بس لانه الاماكن الي تمرين عليها تفتح النفس ما تحسون للمسافه الي تمشونهافرساي الغيه مع انه حلو بس بيرهقكم أكثر من انه يمتعكم

طيب الباص راح اخذ الباص الاصفر المسار الاخضر ولما تخلص محطاته راح ابدل المسار بس ايش رايكم ابدل للمسار الاصفر عشان هضبة المونمارت واخر محطة تصير لنا
او ابدل للمسار البرتقالي عشان حديقة ليكسمبرغ واكمل الى سانت جيرمان وتصير اخر محطة ؟؟؟؟

اليوم الثاني ابيكم تصوتون لي برايكم ايش اهم ؟؟؟ متحف فرساي وحدايقة (او تغنيني حديقة ليكسمبرغ والحدايق اللي حول برج ايفل ) ،،، او ديزني لاند افضل لي ؟؟؟؟اهتماماتي كلها متسااااوية عندي واحتررت واكثر شي جااذبني لفرساي لما سمعت ان حدايقة جميلة ولا المتحف بشكل عام مايهمني من الموبايل

الباص ما ادري عنه

اجهز تقرير لي وصراحه مشغول مره
عطينا مسارات الباص وابشري

انتي وزوجك براسك لعب بديزني ام لا
لا تنسين انكم مجتمعين ما راح تلعبون لازم واحد عند الطفل
ثانيا بيمسك دور ويمكن تملين او هو يمل من الوقفه لحاله

اممممم بين فرساي وديزني شوي صعبه المفاضله
شوفي اني بفكر بصوت وانتي قرري الي يناسبك

انه كان فرساي بالنسبه لي من اهم الاماكن الي لازم ازورها ما كنت ادري عن الحدايق الي فيه بس القصر كان ساحرني اني أشوف حياة ماري أنطوانيت ولويس وشلون صارت الثوره الفرنسيه هالكلام الي كنا ندرسه يعني
لما رحت عجبني القصر وايد ما تحسفت بس الحدايق الي بره احلى وأحلى بالنسبه لي مع انها خضار وماي بس شي جميل وحلو للقعده والتمشي
لعمر ولدك الصقر داخل بكون شوي متعب المشي فيه لانه ما يسمحون بالعربه بس الحدايق بينطلق ركض وتنطط

ديزني حلم الكبار قبل الصغار وفي ألعاب وايد لعمر ولدج ممكن تركبون معاه انتوا الاثنين مثل قطار او سيارات بس ألعاب الكبار مثل ما قال فيصل لازم واحد يركب والثاني ينطر
ولدج اذا يعرف شخصيات ديزني راح يفرح بشوفتهم
بس في عمره بعد فتره راح ينسى كل هذا وما راح تبقى اي ذكرى لديزني في باله ( رحت لندن مع بنتي عمرها 4 سنوات والحين ما تذكر غير انها راحت لندن بس شنو سوت أبدا ما تدري )
احس اذا تخلون ديزني لرحلة ثانيه يكون ولدج صار اكبر افضل

شوفي الي يريحك

يعطيكم الف عاافية اخت fanda و romh مااقصرتو الله يسعدكم ويسهلكم اموركم
بصراحة احترت خيار صعب وولدي مستحيل يمشي سوداني صغير الله يصلحه بخلينا نشيله وببهذلنا الا كان نشتري له الحامل يمكن اسهل كذا وبنفكر
بس ماديتو علي بخصوص الباص ايش رايكم الباص الاحمر او
الباص الاصفر المسار الاخضر بعدها احول المسار الاصفر عشان ( هضبة المونتمارت)او احول للمسار البرتقالي عشان ( حديقة ليكسمبرغ ) والشارع اللاتيني بعد بهالمسار ايش تأيدوني عليه طبعا من الصباح راح نركبه بعدها بصير عندنا برج ايفل ورحلة نهر السين من الموبايل

والله الأحمر أحسه يكفي
كثرة المسارات والنزلات والطلعات متعبه تكون

طيب خلاص اتوكل على الله واخلي اليوم الاول الباص الاحمر طيب استفسار ايش هي المحطات انا حصلتها انجلش
Tour Eiffel
Champs de Mars
Musee du louvre
Notre Dame
Musee d'orsay
L'Opera -Galleries la fayette
Champs Elysees
Grand Palais
Trocadero
كم تاخذ هالجولة عادة
اقدر اروح لاشياء ثانية قريبة بما اني خليتها الباص الاحمر ؟؟ مثل الحي اللاتيني وساحة فاندوم وهضبة المونمارات
يعني قراب من بعضها ولايبيلهاا مشي ؟
وبكون عندي بعدها وقت لكم مكان ؟؟
يعني اماكن مقترحة مااتنتفوت ؟؟

واسفه طولت عليكم والله بس احس الباص الاحمر حلو ويختصر لي على قولتكم ماابي نحس بالملل من الموبايل

حنا متواجدين ولا فيه تعب ولا شيء

ولا نأخذ راتب هنا

بس دعوه بظهر الغيب تكفينا

ترايكادور اذا صرتي بالميدان تنزلي الي ايفل طبعا فيه عروض هناك من افراد

ومن هناك افضل تصوير لايفل

ثم تنزلي الي ايفل عبر الدرج

النهر تحتكم تشوفون القوارب


اذا جينا عند كونكورد بجنبكم المسله والاوابر واللوفر بس البعض يحسهم بعاد هم قريبين

باختصار المشي ممتع في باريس حتي لو معاكم طفل افضل من المترو بنظري شيل عربيه ونزل عربيه

الجوله كلها اعتقد ساعتين وثلث

مشينا من نوتردام الى جسر العشاق اللوفر الكونكورد المسله المصريه حديقة الترولي الين قوس النصر ورجعنا الشانز للغدا
مسافه طويله بس أبدا ما حسينا بيها

حاولوا تبدون الباص اول ما ينطلق عشان تستفيدون من الوقت وتلحقون عباقي الاماكن
صعود ايفيل احسها صعبه اذا ما كان عندكم تذاكر اذا تحبون اشتروها أون لاين

صادقه ام ريم والله التمشيه ما تحسين فيها ابدا

خذي للطفل معاك اي شيء علشان ما يتعبكم يبي ويبي

نصيحه لك خذي مناشف مبلله للطفل
خذوا للحمام ورق اللي يوضع علي الحمام وانتم بكرامه

..

برج ايفل والله زحممممممممه مو طبيعه من اول ساعه له لاخر ساعه
رحنا له 3 مرات وزحمه
يا تشترين اونلاين ولا انتظري ساعه ساعتين حتى تطلعي من الموبايل

اهلين اخواني خواتي حبيت اقولكم اني كنسلت ديزني لاند قال زوجي يومين وباريس اهم المره الثانيه نروح لديزني انشاءالله
بكذا بخليها اول يوم الباص الاصفر المسارين الاخضر والمسار الاصفر واللي ببقالي من اليوم اخذ جوله بالنهر وان امداني ومافيه زحمه الصعود لبرج ايفل ولابلاش منه
اليوم الثاني نروح للاماكن اللي عجبتنا واحنا بالباص والتسوق في غاليري لافييت وقصر فرساي
تمام كذا ؟؟ طيب بالنسبة للمواصلات ايش افضلنا عند الوصول لمطار باريس شارلز ديغول مترو او تاكسي بس اخاف ان التاكسي غااالي احنا راح يكون معنا شنطتين وشنطة صغيرة وفندقنا سيسيلا cecila رررايكم ؟؟
وايش هي السويس باس نستفيد احنا منها في باريس وسويسرا والنمسا طبعا راح تستأجر سيارة اذا رحنا لميونخ وهل مترو باريس واضح مايضيع اذا استخدمته ؟؟ نفس حق تركيا ودبي ولاكيف من الموبايل

اهلين من جديد

ايفيل اذا ما كان معاكم تذاكر فصعبه جداً الصعود من الزحمه
اليوم الثاني ما راح يكون في مجال لزيارة اماكن كثير
لانه فرساي راح ياخذ عالاقل 4 ساعات ولافاييت عالاقل 3 ساعات ولازم راحه ما بينهم شوي
يعني حددي بالضبط شنو الي بتزورونه عشان تعرفون شنو تبدون وشنو تاخرونه للآخر

من المطار دائم الأفضل التاكسي للعائلة حتى لو أغلى

السويس باس مالها علاقه في باريس

ما جربت المترو لافي دبي ولا تركيا بس مترو باريس سهلات لا تحاتين

مع راي الاخت

في دبي مسارين وتركيا يمكن 3 مسارات

في باريس اكثر وسهل الوصول للاماكن

..

بخصوص المطار
فيه باصات اتوقع بس مدري كيف نظامها ووقتها
الافضل تاكسي اريح لكم كثير
صحيح غالي بس هو الانسب
قيمته ممكن من 50-80 يورو
اول ما تطلعون من المطار بتلقون جهه مخصصه للتكاسي
لا ترحون مع اي احد غيرهم يقول يبي يوصلكم
ممكن تحجزون من هنا بس بياخذوا 78 يورو لشخصين لباريس