الموضوع: الفزعة منتجعات ثقة من مكاتبنا في الكويت ؟

السلام عليكم ورحمة الله وبركانه

تحيتي وسلامي للجميع ,,

لو سمحتوا عيال ديرتي لا خلا ولا عدم وعسى عيني ما تبجيكم ..:108:

بغيت تنصحونى وماعليكم أمر بمكاتب بالكويت مجربة لحجز المنتجعات وبسرررررررعة
نبي نضبط الأمور قبل العطلة الصغيرة ( الله يعينا على البرد )
على أن ترتب لنا هالمكاتب السفر لمنتجعات صحية و تكون شاملة كللللللله ( علاجية , تخسيس , تجميل ) و أيضا يكون فيها صالونات تجميل
في أي من
التشيك / المانيا / فرنسا / كندا
وكندا كفتها أرجح
أو أي مكان آخر ,,
عدا إيران طلعوها من القائمة نبي بلدان مستقرة
.. وكذلك لبنان ( مع انه كان ودنا بس مالنا حظ مع هالديرة كل ما نوينا صار شي فيها ) :110:


ترى المطلب جماعي ,, و ناوينها بالجملة قروب يعني :106:
لذا لا تفشلونى حبايبي عفية .



تحياتي .............

مواضيع عشوائيه ممكن تكون تعجبك اخترناها لك:

• لاهل الخبرة بليز ساعدوني
• استفسار صيدلية الغانم
• ابي اخداثيات الافينيوز
• منتجع النخيل أو شيك يا أهل الخبرة؟؟
• حسومات تصل إلى على الحجوزات المبكرة في فنادق ومنتجعات «ستاروود»
• ابي مساعدتكم يا اهل الكويت
• استفسار عن مطار الكويت والخطوط الكويتيه
• مساعده ممكن فندق رخيص قريب لفندق هولدي ان السالمية
• دخول الخادمة للكويت ضروري جداً وعاجل
• رأيكم يهمني بالفندق وموقعه
• مجمع الكوت ومدينة الفحيحيل بالصور
• الكويت ويك إنـــد
• تعااااااااااااالوو بشااااااااوركم وخاصه البنات
• شاليهات الكويت ؟؟؟
• احداثيات مطاعم مع الوصف؟؟؟
• موفنبك البدع استفسار؟؟؟؟
• سفر الخادمه بدون كفيلها؟
• استفسار عن حولي
• فزعتكم برنامج عائلي لثلاث ايام في الكويت
• شقق نظيفه

اولا هذي الساعه المباركه لان مشرفتنا تطلب منا وحنا لها ان شاء الله

وثانيا وينج من زمان صارلج مده ما شفناج ادري مشغوله امتحانات وبلاوي

المهم انا دائما اتعاون مع سفريات اشكناني اللي في ميدان حولي قبل نقابه العمال
تراهم ثقه وعندهم كل شي واسعارهم بعد زينه
واذا اقدر احط رقم التلفون عطيني خبر

بارك الله فيك أخوي ناصر و ساعتك أبرك
و ماقصرت على كلامك الطيب ..
و يشهد الله إني خجلانه منكم شكثر على هالغيبة
لذا أرجو أن تسامحوني , فالدنيا و مشاغلها و مثلكم عارف .

وأشكرك وايد على سرعة التجاوب ,,,, شقردية أعرفكم :24:

المكتب عنوانه واضح و الرقم مو مشكله بأحاول أسأل عليه البداله او 808080
وإن مالقيته مالها إلا الخاص :106:
خبرك وعلمك أكو مشرف معادى القوارير من غير شي مدري شفيه علينا
و إسمه الباب العالي فخوفك لا يشوح الرقم :109:
ومحنا قد فرماناته العسكرية أدري فيه ما يغشمر ..:11ight:
أنا ماقلت شي ترى :109:
تحياتنا لمشرفنا بو عبد العزيز ...:106:


تحياتي ...............

[align=center]
[cell="filter:;"][align=center]

يا هلا وغلا فيج يا أم يوسف
اسفرت وانورت :113: :113:
ومن طول الغيبات جاب الغنايم
انتي الداخلة وحنا الطالعين
يا جماعة ترى تتهموني غلط :109:
وانا حبيب وقلبي طيب :110:
بس مقبول هالاتهام

وعلشان تعرفين ان انتي لج وساطة عندي راح اخلي سؤالك بالعامة
علشان يدشونه كل الشباب والشابات الطيبين ويجاوبون ......

وانتي قدرج عالي يا أم يوسف بس لا تهاجمين الاحرار :109: :109:

عموما يا أم يوسف
انا اشوف شركة الصوان متخصصين في هالشغلات بس فيهم غلا شوي ..[/align][/cell]
[/align]

لاخلا ولا عدم يابو عبد العزيز وماقصرت وعز الله قدرك ومتوره بأهلها الطيبين .

ادرى فيك حليو مشرفنا و منت ديكتاتوري ( لازم أتفخك شوي حاجتي بساحتك ) :109: :109:

و أنا مالي شغل بالاحرار روحوا تعالوا على راحتكم وما لي شغل بحربكم ابد ( ترى بس هنى هالكلام

بس بغير ساحة على كيف كيفي ) :109: :109:

تدرى بو عبد العزيز حتي احرارنا مخلينهم هالايام و مو ضاغطين عليهم

بس ما سألتنى ليش ؟؟

لأن الفرق بين احراركم واحرارنا ان احراركم يخلون قواريرهم

وهم الي يسافرون لكن أحرارنا قرروا بيخلون قواريرهم هي الي تسافر علشان محد يوقف ببلاعيمهم حق

روحات البر و التفقع لذا اجمعوا يطشرونا بالمنتجعات وهم الكسبانين قي كلا الحالتين خوش تفكير صح .:24:
فشرايكم تضمون قواريركم للقروب معانا و انتو طيحولة ساموده . :11ight:

ومن له حيلة فليحتال .

بالنسبة للصوان اتصلت فيهم وقالوا 1070 دينار شهر للتشيك و دبل السعر حق شهرين مدرى ليش

الاخوان بسلامتهم حاسبين لي التذكرة مرتين :114:

عساك ذخر مشرفنا .


تحياتي ...........

هلا اختي الباحثة
شوفي سفريات الدبوس وعندهم مصحات في بلغاريا بعد وانشاءالله توفقين بالمنتجع الطيب

لا كندا ولا المانيا مالج غير تايلند سمعي كلامي والله رح تدعيلي دشي منتدى تايلند وسأليهم وشوفي الناس اللي راحت هالديره للعلاج وشنو قالووو غير تايلند بانكوك لاتدورين وتتعبين نفسج احسن الاطباء واحسن المستشفيات في بانكوك لاامريكا والمانيا ولا هم يحزنون والفلوس اللي تقطينها على الدول المذكوره ماتوصل نص الفلوس اللي بتقطينها ببانكوك نصيحه مني بس والامر راجع لج اختي
والسفريات بالكويت وايد تحصلين كل شي تبينه لو تدشين جم سفريات بس

إختي مسافرة كويتية
أخي deshe1

لا خلا ولا عدم وعسى عيني ما تبجيكم
ماقصرتوا على هالمعلومات بارك الله فيكم
..
ذكرتيني أخيتي مسافرة ببلغاريا .. خل أسأل إلي جربوها
بس تبون الصج نبي ديرة كثر مايكون فيها أسواق و أماكن ترفيهية حلوه :106:
حجة وحاجة :106:

أخوي deshe1 إختك بدون شي ولهانه على تايلند بعد تزيد وتمدح لي منتجعاتهم ومصحاتهم العلاجية :110:
ياترى شنو عندهم وإنتو جربتوه في المجالات إلي ذكرتها
علاج الخشونه , التجميل , التخسيس
ومنكم نستفيد .
واذا عندهم منتجعات بالمناطق الباردة مثل شنغ هاي و إلا بس في بانكوك
بيني وبينك الجماعة يبون طبيعة و ايضا أسواق ما ايوزون أبد :108:


تحياتي ...........

والله اختي انا ماجربت بنفسي لكن اسمع الناس تتكلم وايد عن بانكوك ومثل ماقلتي اهي رحله علاجيه وسياحيه بعد ومااعتقد تحصلين اطباء ومستشفيات خبره في غير منطقه بانكوك افضل شي واذا تبين تستفسرين اكثر دشي ساحه تايلند ومايقصرون وياج هناك وبالتوفيق

كل الشكر أخي deshe1 وماقصرت على النصيحة
و ربنا يسهلها إن شاء الله .


تحياتي ...........

يسلمو عالى ها السنع