الموضوع: ارجو مساعدتي في اسرع وقت

السلام عليكم ورحمة الله وبركاته

وصولي الى سنغافوره في يوم 3-6 -2013 لمدة ثلاث ليالي

تم اختيار فندق شانجريلا غرفتين سوبريور في موقع اجودا

مع العلم عددنا 3 بالغين و4 اطفال بمبلغ 6794 ريال

سؤالي :
هل تكفي الغرفتين لانه مكتوب في الشروط تكفي 4بالغين

وما رايكم في موقع اجودا

وياريت تضعون لي برنامج لثلاث ايااااااام

وبالنسبه لليونيفرسال من اين تباع التذاكر الافضل من نفس الموقع او من اين

ولكم جزيل الشكر

مواضيع عشوائيه ممكن تكون تعجبك اخترناها لك:

• الساعات تقليد درجة أولى في كوريا
• كرت الدخول
• ملامح عن أماكن السكن بالصور في دمشق
• الشقق الفندقيه في سنغافورة
• أبحث عن فندق نظيف جدااا وآمن ومتوفر فيه الخدمات وقريب وسط البلد
• المساعدة ياخبراء المنتدى لدول جنوب شرق أسيا
• سفر الى أذربيجان
• استفسار عاجل عن سوريا
• ماهو الفرق بين و في فندق سنغافورة ؟؟
• رحلتي لعاصمة فيتنام هانووي بالصور
• اتمنى تردون علي لو سمحتوا الصين
• أيام في آسيا الصين هونج كونج مكاو تايلاند
• رحلتي العائلية لسورية كل العرب م
• استفسار عن متطلبات الفيزا اليابانيه
• ارجو المساعدة في الحصول على شقة مفروشة غرفة واحدة بكوانزو فترة المعرض ابريل
• مساعده لو سمحتم لرسم جدول في سنغافورة
• التنقل من ماليزيا لسنغافورة
• خمسة ايام في سنغافورة؟؟
• أحدث زياره لسنغافورة
• معشوقتي سمرقند الجزء الثاني

حياك soma221 ...
بالنسبة لموقع الفندق في بوكينق موجودج ان الحد الاقصى لغرفة سوبريور 2 بالغين ومجانا لطفل واحد اقل من 11 سنة او اقل من سنتين اذا تم استخدام سرير الاطفال
اما عدا ذلك لابد من دفع مبلغ اضافي عن كل واحد .. وهذا موقع الفندق اذا بتراجع الشروط
http://www.booking.com/hotel/sg/rasa...ml?aid=1329869

اما بالنسبة لموقع اجودا ( موقع ممتاز ومقارب لبوكينق)
بالنسبة لللبرنامج مافهمت قصدك تبيه لنفس الجزيرة والا لسنغافورة بالكامل

واليونيفرسال تقص تذاكرها عند مدخلها بالضبط

رحلة سعيدة

يعطيك العافيه البرنامج ابغاه للجزيره وخارج الجزيره النايت سفاري والفلاير ماني متاكده من اسمها ااظن في منطقة المارينا واذا في شي اخر يستحق الزياره خارج الجزيره جعله الله في موازين حسناتك من الموبايل

اخوي دكتور محاسبه طبعا ما قصر كفى ووفى

والغرفه لازم تقرون شنو سياستها هل تكفي او لا

انا قبل فتره اخذت غرفه وكنت ابي سرير اضافي لطفل وبعد ما حجزت وخلصت راسلت الفندق على الايميل

وقالولي ان الغرفه لا تكفي لإضافه سرير وكنسلت الحجز

الي اقصده انكم لازم تراسلون الفندق وتاخذون الكلام منه عشان ما تروحون هناك وتتوهقون

اما بخصوص الرحلات والفسح طبعا يفضل انكم تتطلعون على التقارير وتختارون الاماكن الي انتم تحبونها افضل من اننا نعطيكم شيء يمكن ما يعجبكم

يعني مثلا انا لما كنت ابي اروح اول مره وانا عزوبي كانوا الشباب يعطوني حديقه الفراشات و وحديقه الورود

على العموم هذا جدول صغير حق 3 ايام كنت معطيه لواحد هني قبل كم يوم اتمنى يفيدكم

اليوم الاول :

1 - الذهاب للمارينا باي ساندس وركوبه من الاعلى

2 - رحله الكروز في المارينا

3 - الذهاب لشارع العرب والغداء والتسوق هناك

4 - ركوب الفلاير في المارينا ليلا

اليوم الثاني :

1 - جوله في جزيره سنتوزا من قبل الظهر الى قبل المغرب

2 - الذهاب لشارع الاورشارد للتسوق والعشاء

اليوم الثالث :

1 - زيارة اليونفيرسال في سنتوزا ( يفضل زيارتها باكرا لانها تسكر الساعه 7 مساءا )

2 - زيارة النايت سفاري ومن ثم العشاء في المارينا

طبعا تقدر تضيف وتعدل على الجدول مثل ما انت تحب وانصحك تشوف بعض المواضيع وتشوف صور الاماكن


تقبلوا تحياتي

يعطيك العافيه اخوي بس انا حجزت في الشانجرلا في الجزيره فما اعرف كيف انسق جدولي في الزيارات وبكم قيمة التاكسي من الجزيره الى منطقة المارينا ياريت تساعدني وتعطيني رايك الله يسعدك في الدارين من الموبايل

الله يعافيك

والله الصراحه انا مادري الطريقه بالضبط لاني ما سكنت بسنتوسا قبل

بس في تكاسي تجي عند الفنادق وفي باصات وفي ايضا التلفريك

وتقدرون تنسقون مع الفندق بعد حق المواصلات يعني ان شاء الله لا تشيلون همها

حاضرين لاي استفسار

ياريت تقولي اهم الاماكن الي ازورها من وجهة نظرك مع العلم عندي اطفال علشان بعدين مااندم واتحسر اني مارحت لها في اشياءتكون ضروري الواحد يزورها في منطقه معينه من الموبايل

بامكانكم تضغطون وقتكم شويه او تقللون من وقت التسوق وتروحون لحديقه الحيوان الصباحيه وحديقه الطيور والفراشات

واسأل عن المدينه الثلجيه سمعت عنها قبل فتره انهم فتحوها

أختي ليش حجزتي بفندق شنقيريلا ؟
انا حاط تقرير كااااااااااامل عن سانتوزا والأطفال وفيه أفضل فندق مناسب للعائله الي معاها أطفال لأن الغرفه تتحمل عدد 2 كبار + 3 صغار !!
وقبل فترة حجزت عندهم وكانوا مسوين عرض إذا حجزتي ليلتين يعطونك افطار مجانا + تذاكر دخول اليونيفيرسال ستوديوز مجانا + تذاكر دخول مدينة الأكوارابك الجديده الي فتحوها مطلع هذا العام مجانا + تذاكر دخول الأكواريوم مجانا !!!!!
شنو السبب الي خلاكم تحجزون بفندق الشنقريلا ؟ هل شفتي تقرير عنه ؟ هل تأكدتي ان غرفته كبيرة وفيها مساحة للأطفال ؟ هل تأكدتي من سياسة الفندق قبل الحجز ؟
انا بالتقرير كاتب كل شي وموضح كل صغيره وكبيره وكل مزايا الفندق ومزايا الغرفه العائلية وشكلها وحجمها و و و و و ...... بس الظاهر التقرير مو عاجبكم
على راحتج !

العفو اخوي ابو سعود تقريرك كان جدا رائع الله يجعله في موازين حسناتك بس ما لقيت حجز الي مسوين عليها عرض نفذت يعني اختياري غير موفق انا حاجزه الغاء مجاني بس احتر شنو اختار غرفه في الفندق الي كتبت عنه انا موعد رحلتي 3/6الى6/6 بس ممكن سوال ليش معصب انا حاسه من ردك انك معصب وااااايد واطلب منك السموحه اخوي والله يحفظلك عائلتك يااااارب من الموبايل

المشاركة الأصلية كتبت بواسطة soma221
http://www.arabtravelersforum.com/tr...2/#post7731562

العفو اخوي ابو سعود تقريرك كان جدا رائع الله يجعله في موازين حسناتك بس ما لقيت حجز الي مسوين عليها عرض نفذت يعني اختياري غير موفق انا حاجزه الغاء مجاني بس احتر شنو اختار غرفه في الفندق الي كتبت عنه انا موعد رحلتي 3/6الى6/6 بس ممكن سوال ليش معصب انا حاسه من ردك انك معصب وااااايد واطلب منك السموحه اخوي والله يحفظلك عائلتك يااااارب من الموبايل

لا يا أختي مو معصب ولا شي والله ، بس بصراحه راح أتظايق لو أكون مكانكم حاجز بفندق وما يخلوني أدخل !
عموما شي طيب اكم حجزتوا بفندق تقدرون تلغون الحجز مجانا وبدون خسائر ، انا مع رأي الاخوان انكم تراسلون الفندق وتذكرون له عددكم وتسألونهم هل ممكن يخلونكم كلكم ولا لأ ؟
عشان إذا لا سمح الله في حالة الرفض تقدرين تحجزين بفندق آخر
وتفضلي هذا الموقع فيه كل الفنادق الموجوده بجزيرة سانتوزا
http://www.asiawebdirect.com/singapore/sentosa/
تقدرين تشوفين أي فندق تكون غرفته كبيره ومناسبه لعددكم
وإذا تبين اساعدك بالحجز دزيلي التواريخ وان شاء الله بشوفلكم غرفه عليها عروض
بس المهم تراسلون الفندق الي حاجزين فيه بالأول قبل كل شي
وهذا الشي انا سويته مع فندق فاستيف وقالولي ماعندهم مانع |، ان شاء الله نفس الشي يصير معاكم


والسموحه منج إذا حسيتي اني معصب منك !!

والله اخوي الغالي ابو سعود انا ما اتضايقت بالعكس فرحت حسيت انك اهم شي عندك انك تخدم اخوانك المسافرين الجدد مثلي وتعطيهم النصيحه ياطويل العمر انا وصولي سنغافوره يوم 3بشهر 6يوم الاثنين الساعه 3الظهر والمغادره يوم الخميس الموافق 9 وسلمت اخوي الغالي من الموبايل

مشكورة أختي على هالكلام الحلوكلج ذوق
أختي تقولين بتروحين سنغافورة بتاريخ 3 من شهر 6 لغاية تاريخ 9 ؟ ولا لغاية يوم الخميس ؟؟؟لأن يوم الخميس تاريخ 6 مو 9 !!
عموما انا حصلت لكم العرض الي انا ماخذه
بس السعر غالي شوي ! مادري ليش زاد السعر يمكن لأن الحجز غير مبكر أو يمكن لأن شهر 6 يعتبر هاي سيزون !! لأن انا حاجز هذا العرض لشهر 9 !
العرض هو كالتالي :
3-6 Jun 2013 - Includes daily breakfast for 2 adults, 1 Day Admission to Universal Studios Singapore™ for 2 adults, 1 Day Admission to S.E.A. Aquarium™ for 2 adults and 1 Day Admission to Adventure Cove Water park™ for 2 adults. Tickets are valid during stay period


وهذا هو الموقع


http://www.asiawebdirect.com/singapore/sentosa/resorts-world-sentosa-_-festive-hotel/


دخلي على الموقع وادخلي التاريخ واختاري العرض واسمه :
Multi Attractions Package


وإذا ما عرفتي عطيني خبر وان شاء الله بساعدج أكثر

يعطيك العافيه اخوي ابو سعود بس اعتقد نفس اسعار بوكنق لاني كل حجوزاتي من بوكنق بس ياريت تعطيني اسم الغرفه بالعربي ومعليش ازعجتك وماني عارفه احجز من موقع الفندق

الغرفه اسمها فاميلي روم
يعني غرفة عائلية
بس تأكدي هل معاها العرض ولا لأ ؟