المشاركة الأصلية كتبت بواسطة mr.borla
http://www.arabtravelersforum.com/tr...2/#post5085522
راح اجاوب على الي اعرفه
بالنسبه للسؤال الاول :
ايه عاادي تقدرو تروحو حتى لو ما كان عندكم انجليزي
البعض او الكثير يتكلم العربيه الى تمشي الحااال
السؤال الثاني :
ما اتوقع 15 الف تكفي الى 15 يووم وخصوصا مع التذاكر
اتوقع 15 تكفي لـ10ايام لشخصين مع التذاكر ( وجهة نظر)
السؤال الثالث :
عادة انا احجز قبل السفر بشهر
يعني شهر او اكثر بقليل اتوقع حلوو
سعر التذكره والسكن يكونو مناسبين
بالتووووفيق بالسفرررر
ربي يوفقك ويجزاك كل خير
احنا قلنا 15 يوم مبدئياً
لكن خلاص القرار النهائي 10 ايام 
المشاركة الأصلية كتبت بواسطة al-mosbah
http://www.arabtravelersforum.com/tr...2/#post5085540
اللغة ليست عائقاً أبداً في أي مكان بالعالم بالعكس يتعلم الإنسان ثقافات ويتعرف على عادات الشعوب الأخرى ..
بالنسبة للحجوزات الأفضل من بدري لأن الصيف فترة الذروة وأغلب الحجوزات تكون فل وأسعار التذاكر من الأن بدأت
بالارتفاع والأفضل الحجز من الأن وقطع التذاكر قبل الموعد الذي يحدد لكم ..
الميزانية تحكمها أسعار التذاكر ولكن الأفضل أن تكون ميزانيتك بين 200-250 دولار كمتوسط صرف يومي يشمل
السكن والرسوم والتنقلات والأكل ..
السكن يجب أن يكون من خلال فنادق 4-5 نجوم وهذا مهم للعائلة وليست الشغلة تمضية ليلة للنوم فقط !!
هذا المفهوم لا ينفع بالسفر فمن أساسيات الرحلة الناجحة السكن وأغلب الأوقات يكون بالسكن فجميع الفعاليات
هناك تنتهي بدري ولا توجد أماكن للسهر الليلي مناسب للعائلة وأيضاً الشباب !!
الخيارات كثيرة وهناك أسعار معقولة ولكن كبداية ياريت تضعي خطتك وترتبي أفكارك وتحددي المدن ومن خلال رأي
اقترح عليك كزيارة أولى لخارج الوطن الغالي أن تقتصر رحلتك على جاكرتا وأخواتها وحسب ميزانيتك ..
جاكرتا باندونق الجبل+بوقور جاكرتا
هذه جداول تفيدك في ترتيب رحلتك ..
http://www.arabtravelersforum.com/travel396390
جاكرتا باندونق الجبل+بوقور جاكرتا
رايك مناسب جداً خلاص توكلنا على الله على الخطه هذي ومده الرحله 10 ايام
واحنا المهم عندنا انه تكون رحلتنا ترفيه للروح وثقافه
الأسواق والمولات شايلتها من راسي ما ابي رحله تسوق لا ابي رحله تجدد الحياه فينا وتكون ترفيه وثقافه
والله يجزاك كل خير و يوفقك
المشاركة الأصلية كتبت بواسطة أبن السعودية
http://www.arabtravelersforum.com/tr...2/#post5085544
السلام عليكم ورحمه الله وبركاته
وعليكم السلام ورحمه الله وبركاته ...
أعضاء منتدى العرب المسافرون
جيتكم وكلي أمل أنكم تساعدوني و بأدق التفاصيل وان شاء الله انكم ماراح تقصرون
انا وزوجي عقدنا النيه على السفر الى اندونيسيا والله يكتب لنا السفر وتساهيله
اللهـــــم آمين ...
لكن و للأسف انه انا وزوجي ماعندنا خبره ابد ابد ابد بالسفر وهذي بتكون اول رحله لنا خارج السعوديه
لانه زوجي كان متعقد من حكايه الأنجليزي (( يقول ما أقدر اروح لأي مكان وانا ما اعرف اتكلم انجليزي
))
والسبب هذا سوا لنا عائق كبير
سؤالي الأول :
هل نقدر نسافر لـ اندونيسيا واحنا مامعنا لغه انجليزيه ؟
نعـــــم تقدرون تروحون وراح ندلكم على سائقين يتحدثون اللغه العربيه وبطلاقة ...
سؤالي الثاني :
احنا حددنا ميزانيتنا ما تتعدى 15 الف ريال سعودي للسفر شامل التذاكر
هل تكفي هذي الفلوس لـ سفرنا و التذاكر ؟ علما انه مده رحلتنا 15 يوم فقط
لمدة 15 يوم كاملة فالمبلغ غير كافي لاأن التذاكر الدولية لكي ولزوجك لن تقل عن مبلغ 6000 ريال
ولو خصمنهـا من مبلغ 15000 ريال فالمتبقي راح يكون 9000 ريال وهذا المبلغ لن يكون كافي الا
لمدة 11 يوم فقط ...
سؤالي الثالث :
متى نحجز التذاكر والسكن اذا كان موعد سفرنا 15 / 8 / 1432هـ ؟؟
أنصحكم قبل سفرتكم بشهرين تحجزون تذاكر الطيران الدولية ...
علما انه احنا مانبي نسكن بـ فنادق 5 نجوم نبي مكان نظيف بس اهم شي النظافه
و احنا نفكر حالياً نروح فقط لـ بالي وش تقترحون مكان ثاني حلو
أنصحكم بزيارته العاصمة جاكرتا والجبل بنشاك ومدينه باندونق وضاحيتها لمبانق فجميع
ماذكرته تعتبر من أهم المدن السياحية باأندونيسيــا ...
وياليت يتم تزويدي بـ معلومات شامله و فنادق او شقق نكون بـ سعر مناسب لـ ميزانيتنا واماكن سياحيه ومعالم
نبي نستمتع برحلتنا ونروي الروح من الطبيعه
بالنسبه للسكن المناسب والملائم لكي ولزوجك فاأنصحكم بالتالي :-
جاكرتا انصحكم بفندق مارلين بارك او فندق منهاتن هوتيل ..
بالجبل بنشاك أنصحكم بفندق سيروني 2 او فندق سيروني 3 ..
بمدينه باندونق انصحكم بفندق سنسا هوتيل او فندق استون توربيكانا ..
بجزيرة بالي انصحكم بفندق نوسادوا بيتش ..
ياليت تتحملون اسئلتي و ازعاجي ..
أخذي راحتك بالاسئله فالجميع هنا راح يكونون بخدمتك بأذن الله تعالى ...
ياليت والله تدلوني على سائقين يتحدثون اللغه العربيه
وخلاص قلصنا المده لـ 10 ايام وحذفنا بالي من القائمه جاكرتا باندونق الجبل+بوقور جاكرتا
ابي مساعدتكم اللحين بالفنادق والاماكن السياحيه من حيث معالم وطبيعه خلابه
الله يجزاك خير ويوفقك
رد مع اقتباس
المفضلات