الموضوع: تذاكر برج ايفيل و الباص الأحمر

السلام عليكم
بالنسبة لبرج ايفيل:
- هل اذا شريت التذاكر من النت يغنيني عن الوقفة في طابور البرج؟؟
نعم

- هل لازم احدد التاريخ او التذكرة مفتوحة؟
تحدد التاريخ

- كم طابق البرج؟ 2 او 3؟ هل سعر التذكرة يختلف اذا ابي طابق او طابقين؟
طابقين
من هنا الحجز ممكن تلقى اسعار ارخص بكثير
شرح طريقة الحجز اونلاين

بالنسبة للباص الأحمر:
اشتري التذاكر من هناك عادي لو من النت عشان احصل سعر احسن؟؟

كل الشكر

مواضيع عشوائيه ممكن تكون تعجبك اخترناها لك:

• مسافر جديدو محتاج جدول لباريس لمدة ايام
• نداءالمشرفين وجميع الأخوةاستفسار لو سمحتم
• ارجو المساعده من الاخوه الكرام
• متى اجازة العيد للمكتب التأشيرات؟
• من دزني الى مطار شارلي دقول
• اليوم سفرتيساعدوني بجدول لباريس لـ ايام
• لا تبخلون علي يالغالين
• لأول مره سأذهب باريس
• معتمدة عليكم ساعدوني رجاءااا
• إخواني نجدتكم جزاكم الله خير
• استفسار عن كوفي ينقل القنوات الرياضية
• مساعدة في ترتيب رحلة
• تخطيط رحلتي لأوروبا
• مساعده لفنادق باريس
• استفسار مسافره باريس
• ابي فزعتكم تكفون
• لأصحاب الخبره والمعرفه في الفيزا
• مناطق السكن لاديفانس او مونتبارس ؟؟
• احتاج مساعدتكم في خط سير رحلتي
• برنامج سياحي لمدة 13 يوم فرنسا

وعليكم السلام
ايفل يغنيك عن الطابور
لازم تحددين التاريخ والوقت ولا تتاخرين نص ساعه عن وقتك
طابقين

الباص اذا لقيتي من النت ارخص مرات تجي عروض اشتري

كل الشكر اخوي فيصل
جزاك الله كل الخير

انصحك وبقوه شراء تذاكر ايفل تحديدا لانه زحمه مقررررررررررفه لابعد حد ويمكن تقعد 5 ساعات ولاطلعت وهالكلام طبعا في مواسم الصيف
ديزني من محل بالشانز اسمه ديزني

لندنية 2011
هل اسعار التذاكر في المحل نفس اسعار موقعهم؟
هل في المحل في اوفرات لو كانت موجوده على موقععهم؟

يمكن نفسها او يفرق سعر قليل
الاوفر بتلقينه يا بالفندق او بالموقع الالكتروني

يا جماعة الخير, بعد جم سؤال
- حصلت موقع
http://www.isango.com/france-tours/paris-tours_r7129
في احد عنده فكره عنه؟ اذا مضمون او لا؟

- اشلون اقدر اروح فرساي؟ ما ابي المترو؟ ابي وسيلة مواصلات غير, هل في امكانية احصل تور سياحي بس حق فرساي ع الاقل اضمن المواصات؟
- تذاكر ايفيل اشتريهم من موقعهم؟
http://www.tour-eiffel.fr/en.html

كل الشكر و الامتنان

في قطارات sncf مباشره من محطة لاديفانس الرئيسيه الى فرساي بدون تبديل محطات
القطار مريح ومب سريع مثل المترو

الموقع ما عندي فكره عنه بس في موقع اذا مو غلطانه احلى من العقد كانت حاجزه منه رحلات أظن اني خزنته بشوفه لك

ِركات تفضلي

http://www.parisrama.com/

http://www.pariscityvision.com/

Fanda
كل الشكر اختي ما قصرتي

فيصل
زاد فضلك اخوي ما قصرت

- حطيتوا في احد التقارير موقع استأجار سيارة من المطار الى باريس و العكس, هل يسوى احجز من قبل او التكاسي الموجودين في المطار مثل ما قلتوا تحت اشارة التكاسي كفاية؟؟

- في باريس حجزت في Hotel California Chmap Elysee
شرايكم؟؟ زين؟ شين؟؟

- في ديزني في Radisson Blu
بعد رايكم يهمني.

- نوصل باذن الله الظهر, يومها العصر هل نروح المونامرت او الحي اللاتيني؟
- السبت ان شا الله بنروح اول برج ايفيل و بعدين بنركب الباص الأحمر لأهم الأماكن السياحية, باحجز الباص لين وصلت باريس او احجز من الحين من النت؟؟؟
- الأحد بنروح فرساي من الصبح عن طريق مكتب سياحي لمدة نص نهار 4 ساعات بيكلفني تقريبا 200 يورو لخمسة اشخاص، اشرايكم؟؟

كلا ورغبته اختي
انا اقول من المطار يروح الواحد لأنه ما تدري يمكن ترتبط او تتاخر رحلتك والشركه تنتظرك

فنادق بما انك اخترتي توكلي علي الله ما عليها ملاحظات

كاليفورنيا اذكر مغرور يثني عليها

روحي مونمارت وقبل المغرب روحي الحي اللاتيني



هل المكتب ياخذكم ويرجعكم ويدفع كل التذاكر

هل كلكم كبار

الجو بارد وكل ما صعدتوا فوق ببرد زياده
اعطيج 80% احتمال انه اذا رحتي راح تلغين الصعود بسبب الجو والطوابير الطويله
اذا حابين تشوفون باريس من مكان مرتفع عندكم قوس النصر او مونمارت طبعا لفيو مب نفس ايفل بس شي افضل من ولا شي

رحلة فرساي لو رحتوها بالقطار بتكون وايد أرخص
اذا كانوا حاسبين لكم رحلة القصر كامل ما راح يمديكم الوقت لانه كبير ومتعب

كل الشكر
صج ما قصرتوا

بالنسبة لفرساي: حصلت باص تابع لهم يطلع من برج ايفيل لي فرساي, عندهم نوعين من التذاكر، النوع الاول شامل تذاكر الباص و القصر و النوع الثاني بس توصيل للقصر و الرجوع،
اذا كنت باخذ بس تذاكر الحديقة, لان اليهال طبعا ما يبون يدشون القصر, ف هل اخذها اون لاين او لي وصلت هناك؟؟
- اذا انا ساكنه في الشانز شنو اامن طريقة اروح للبرج؟ (مابي المترو) اروح بتاكسي؟ هل ينمشي له؟؟
- اش كثر يبعد القصر عن باريس؟
-
القطار الي يودي فرساي من باريس له محطتين
SNCF Trains
Arrive at Versailles Chantiers station from Paris Montparnasse
Arrive at Versailles Rive Droite station from Paris Saint Lazare

اي وحده منهم اجرب لي اذا انا ف الشانز؟؟

(انا قاعدة افكر بصوت عالي)
اذا باروح بالقطار المذكور اعلاه طبعا بيطلع لي ارخص
واذا رحت بالباص السعر معقول بس المشكله اشلون بوصل لايفيل؟؟

ساعدوني لو تكرمتوا

..


ما ادري عند وجود الاطفال صراحه
بس احنا يوم رحنا لفرساي اخذنا اقرب محطه مترو للاديفانس تمشينا فيها شوي وافطرنا ومشينا بقطار sncf ومباشر لقصر فرساي
الباص حلو بأن ما تشيلي هم الروحه للقضر بعد ما تطلعين من المحطه
اذكر اننا مشينا مشي وتعبنا صدق من الموبايل

المشي الي ايفل من الشانز ممتع

هذا موقع يعطيك السعر التقريبي للتاكسي لاي مكان
من الشانز الي ايفل غير مكلف

http://www.taxifarefinder.com/main.p...94481000000019

ارتفاعات ايفل ع ثلاث مراحل

romh
احنا بنسكن في الشانز ما عرف اشكثر تبعد اللاديفانس من فندقتنا؟
دام السالفه فيها مشي، اظن بناخذ الباص اظمن

كل الشكر

FANDA
احنا الشهر الياي يعني المفروض ليحين لشته
ما عرف شنو اجرب محطة لفندقنا Hotel California Champ Elyesee
انتي تعرفين؟؟

فيصل
كل الشكر ع الموقع, وايد زين عشان اعرف التكلفه قبل ما روح

لندنية
اختج تخاف من عمارة بو طابقين يعني ما في امل اركب لي الثالث, حدي الاول
بنعطيكم الاخبار لي رديت بالسلامة

جزاكم الله جميعا كل الخير

يقولون محطة جورج سانك George V والا اشرايج 😅😅

صدقيني اول مره اسمع عن الباص من ايفل
ما اعتقد يوقفكم بعيد ما دام هم كاتبين انه يوصل يعني قريب
ان جربتيه عطينا الخبر

بالنسبه للارتفاع الثالث في ايفل يكون مغطى تماما ولايخوف مثل الاول والثاني مكشوف
انا عن نفسي رحت باريس كثيرررررر جدا لكن ماطلعت ايفل الا مره وحده ولا افكر اطلعه مره ثانيه

اتوقع اذا مش غلطان يبعون تذكرة برج ايفيل في محل فيرجن اذا مب غلطان ، انا كنت اشتري تذكرت دزني من فيرجن يليت احد ياكد علي المعلومه

..


اتوقع انه يوصلكم لاني شفت باصات كثثثثثير عند القصر

FANDA
romh

خلاص قررنا ع الباص الي يطلع من ايفيل, ما فينا شدة مشي من المحطة و عددنا عود ما فينا شده ننسه احد في القطار

كل الشكر جزاكم الله كل الخير

اختي اذا جربتي ياليت تقولين لنا الطريقه بالتفصيل

الصور سهله احسبي حسابها من الحين ما دام كريمه خلينا نتشرط بعد
انتي كريمه وحنا نستاهل علشان ام ريم بنت الديره

ما يأمر عليك عدو
تسلمين

ما عندي فكره اذا يم ايفل في او لا
الي اذكره في حديقة تويرلي و في شارع الشانز حمامات بفلوس بس نظيفه جداً
اذا كلش محتاجين شوفو كوفي شوب او مطعم قريب وصرفو عمركم

..


فيه بالرصيف قدام ايفل
بس بفلوس , يورو يمكن او شيئ مثل كذا
يعني تطمني فيه ونظيف بعد .

فيه قبل ايفل قبل الكوبري بالحديقه الصغيره بس مش نظيفه

كل الشكر اخواني وخواتي ما قصرتوا