الموضوع: حلم الدراسه خارجيا ؟ هل من مجيب

بسم الله الرحمن الرحيم

اولا هاذي اول مشاركه لي بالمنتدى ان شاء الله اكون من المتفاعلين


ثانيا باقي تقريبا على الاجازه الصيفيه 7 شهور وانا طالب في صف اول ثانوي


وفيه سوال محيرني او بالاصح محتار جدا فيه مره اقول ايه مره اقول لا


الي هو الدراسه بالخارج لدراسة اللغه الانجليزيه ولمدة 5 اسابيع شهر واسبوع


وتكون مكثفه 4 الى 6 ساعات في اليوم والغه عندي مقبوله وتنصحوني باي

دوله كنت ودي ببريطانيا لاكن فيها اولمبياد لندن وابي بلد يكون قريب مب بعيد زي امريكا والخ

هااذا اذا اقنعتوني بالدراسه

هل الدراسه تختلف عن الدراسه في بلدك بلدي السعوديه


وتنصحوني اية معهد يكون قوب وممتاز هاذا اهم شي عندي

والسلام عليكم ورحمةالله وبركاته

اخوكم سعد

مواضيع عشوائيه ممكن تكون تعجبك اخترناها لك:

• انـآ طالـب و ابغى اسافر ادرس انقليزي ، ممكن نصيحة منكم ؟؟؟
• الله يدخله الجنه اللي يفيدني
• هل المكافأة للطالب المبتعث تختلف بحسب الدولة المبتعث إليها ؟؟
• ماذا افعل اذا جاء الرقم الرأي والرأي الاخر
• اريد من يضعنى ع اول الطريق لاكمل الماجستير والدكتوراه بامريكا ان شاء الله
• وين اللي يدرس حاليا في كاليفورنيا ارفاين
• استفسار عن السفر ببريطانيا
• هل ممكن شخص يفيز من خارج وطنه؟
• ابي رايكم في هالمدينه
• الدراسة في أمريكا وانفلونزا الخنازيرهل من مجيب؟؟
• الى جميع الاعضاء بدون تحديدمن اصغر عضو الى اكبر عضو
• موعد السفارة؟؟
• بعض الجامعات التي ينصح بها تعقيب على موضوع أحد الأعضاء
• المواضيع المميزة ببوابة الدراسة في الولايات المتحدة الامريكية قريباً
• هل ممكن احصل قبول مشروط ؟؟
• استفسار عن مدينة وجامعة
• سؤال عن معهد في مدينة ساوثامبتون ؟
• هل ممكن هن اغير تخصص الماجستير ؟؟
• جامعة كالغري أو مكماستر أرجو المساعدة
• مدة الفيزه الامريكيه قبل السفر

والله ياخوي سعد شف إذا تبي نصيحتي ماعندك قريب إلا بريطانيا وعلى فكرة ترى الاولمبياد على مستوى المدن الكبيرة مثل لندن ومانشيستر وليفربول لكن تقدر تروح المدن الصغيرة أو إيرلندا لإنها حتى هي برضو حلوة في الدراسة

بالنسبة لموضوع الدراسة تختلف لا أبداً نفس إلي بتدرسة برا هو إلي بتدرسه هنا لكن إلي يفرق الإحتكاك فقط لا أقل ولا أكثر

الله يوفقك ويكتب لك إلي فيه الخير

الي افهمه منك يعني انا الدراسه برا ولا جوا كلها نفس بعض اجل وشوله ادفع مبلغ على شي نفسه

70 مشاهد ورد واحد يا شباب محتاج ردودكم

حياك الله اخوي

الدراسه في بلادك افضل من الخارج خصوصاً ان المده اللي انت طالبها قصيره وممكن انك تستحصل على نفس الافاده في بلادك وبتعليم نفسك بنفسك فما بالك انك تدخل معهد في بلادك !!

اخيراً قوانين المنتدى تمنع فتح اكثر من موضوع ، لذلك انا حذفت موضوعك بقسم بريطانيا

ونعتذر عن ذلك

تحياتي

المشاركة الأصلية كتبت بواسطة سعد المعالي
http://www.arabtravelersforum.com/tr...2/#post6469146

الي افهمه منك يعني انا الدراسه برا ولا جوا كلها نفس بعض اجل وشوله ادفع مبلغ على شي نفسه



إيه أكيد مافي فرق مثل ماقلت لك .۔ لكن انا يوم شفتك حطيت بالعنوان حلم توقعت إن داخلك قناعة إنك تحقق حلمك بـ أي وسيلة

والدراسة في بلدك أفضل بكثير منها قربك من أهلك والراحة النفسية وكل شيء الغربة صعبة ومثل ماقال لك المشرف المدة قصيرة وماراح تضيف لك الشيء الكثير وأنصحك تشوف لك أقرب معهد في مدينتك وتكون سمعته ممتازة

والله يوفقك أخوي سعد

جزاكم الله خير لاكن انا المشكله الصيف تعرف في الرياض عندنا كل الناس معطلين وما تتحمس للدراسه غيرر لين رحت برا محد حوك

المشاركة الأصلية كتبت بواسطة سعد المعالي
http://www.arabtravelersforum.com/tr...2/#post6470626

جزاكم الله خير لاكن انا المشكله الصيف تعرف في الرياض عندنا كل الناس معطلين وما تتحمس للدراسه غيرر لين رحت برا محد حوك



واضح إنك متردد بين الجلوس والسفر أنصحك تجلس مع أمك أو أبوك أو أخوك الكبير وتستشيرة بيقدمون لك شيء يفيدك خصوصاً إنهم أكبر منك بالعمر وأدرى بمصلحتك

أنا أنصحك إنك تجلس في الرياض ومن ناحية محد يحمس خذ لك واحد من اخوياك يدخل معك عشان تصير تحمسون بعض تروحون وبما إنك أول ثانوي يعني عمرك تقريباً بين الـ15 و الـ16 أشوف صعبة عليك تروح لحالك يصير لك شيء لاسمح الله ممكن ماتقدر تتصرف بهالعمر

والرياض مليانة معاهد وأنصحك بمعهد (بريتيش كونسل) بحكم تجربة شخصية معهد جداً ممتاز وهو بريطاني والكوادر التدريسية بريطانية وبتحس فعلاً كأنك تدرس في بريطانيا بما إنك ماتبغى تروح عشان الاولمبياد والخساير المالية

وفي النهاية الله يكتب لك إلي فيه الخير

http://www.arabtravelersforum.com/user430922/

يعطيك الف عافيه اخوي ساعدتني واجد الله يوفكك