الموضوع: رحلة يوم اوروبا

السلام عليكم ورحمه الله وبركاته

كيف حالكم إن شاء الله بخير .

رحلة 12 يوم شبابية الذهاب من القصيم إلى فيينا على الخطوط المصريه في 28 سبتمبر

ليلة فيينا
ليلتين زيلامسي او كابرون
ليلة ميلان
ليلتين باريس
ليلة ستراسبورغ
ثلاث ليالي زيلامسي او كابرون
ليلة فيينا


مادري طريقتي صحيحه او لا

لكن من فيينا الى زيلامسي 4 ساعات
ومن زيلامسي الى ميلان 5 ساعات ونص
ومن ميلان الى باريس 8 ساعات ممكن يكون فيه ليلة في جنيف
ومن باريس الى ستراسبورغ 4 ساعات
ومن سترا سبورغ الى ويلامسي او كابرون 5 ساعات ونص
والعودة لفيينا من زيلامسي 4 ساعات

-------
طبعاً شباب والسفر بالسيارة أفضل وأحسن وأطعم شي

شفت عرض على سيارة ديزل ب1200 ريال لمدة 10 ايام
سؤالي هنا هل راح يكون فيه مبلغ تأمين !

الفنادق والاكواخ راح يتم حجزه من بوكينج
طبعاً الاتفاق انه مايكون سعر الليلة أكثر من 300 ريال
والاسعار موجوده في البوكينج أقل من 300 بكثير شفت اسعار في ميلان 190 لليله
واسعار الاكواخ في زيلامسي على 270 ريال لليله
وووو

عطوني رايكم هل تنصحوني بالسفر بالسياره وهل فيه أمان وتسذا !

والميزانية 10 الف ريال بدون تذاكر

الفنادق 3300 لمدة 11 يوم
السيارة نقول 2000 لمدة 11 ايام
مصروف يومي 430 ريال تقريباً
مادري المصروف وين يبي يروح لكن منها ديزل وأغراض طبخ ومشروبات بسيطه

مع العلم عزبة الطبخ والقهوه معنا

حنى 3 أشخاص

عطوني رايكم واذا لكم نظره غير للي أنا اشوفه يكون أفضل

ربي يوفقكم وبنتظاركم

مواضيع عشوائيه ممكن تكون تعجبك اخترناها لك:

• مساعدة في تخطيط السفر
• رحلتي المجنونة الى حلب
• رأيكم بالبرنامج التالي مع بعض الإستفسارات
• استفسارات كثيره جدا الله يعينكم باريس انترلاكن زلامسي
• بدآية المشوار
• فزعتكم يا اهل اوروبا 💜
• رأيكم لخط سير مرتبسالزبورغ وزيلامسي
• فزعتكم ي جماعة في تخطيط شهر العسل ضروري لاهنتم؟؟؟
• خبراء النمسا ابي ارائكم قبل السفر بالجدول
• ايام في احضان الشام
• رأيكم يهمني في سفرتي الأولى لأوروبا أرجوا الدخول
• هل يوجد منطاد في زيلامسي او كابرون ؟؟
• منتجع التزلج هينترتكس غليشر الجليدي في وادي تكس في جبال الألب زيلرتال
• هل هالفنادق بساحة ستيفتز والي يعرف يكتبلي لو سمحتو الوقت يداهمني
• لاهل الخبرة مع الشكر
• محتار اين اتجه لـ شهر العـسل ؟؟ ؟؟
• مسافر مبتدئ واحتاج المساعدةفي رحلتي ل ميونخزيلامسيانترلاكن ميلانو
• يقود السيارة في الريف الأوروبي تقرير مفصل لاستئجار السيارة في أوروبا
• كيف الأجواء في سبتمبر ؟
• تكلفة السفر الى النمسا وتكاليف فنادق النمسا

السلام عليكم
اخي العزيز
المشكلة ماهي في السيارة المشكلة ان الاخوان ما يعطون كل مدينة حقها
عشان كذا يرجعون لنفس المدينة وهاذا لانهم متحسرين وهاذا ديدن بعض اخواننا العرب
وانا سابقا كنت منهم لاكن تعدل السيستم
وانا اخوك الي بيروح الخبر عندنا يتمشي يومين انقوله ماهو حق تعبها ولا تمشيت
فما بالك
باريس يومين ونصه بيروح خط
زيلامسي بعد يومين قليلة اقل من 5 ايام ماينفع
الافضل اعط المدن حقها
حتي لو تروح مدينتين او ثلاث
تحياتي

المشاركة الأصلية كتبت بواسطة رامي -شعيل
http://www.arabtravelersforum.com/tr...1/#post8051471

السلام عليكم
اخي العزيز
المشكلة ماهي في السيارة المشكلة ان الاخوان ما يعطون كل مدينة حقها
عشان كذا يرجعون لنفس المدينة وهاذا لانهم متحسرين وهاذا ديدن بعض اخواننا العرب
وانا سابقا كنت منهم لاكن تعدل السيستم
وانا اخوك الي بيروح الخبر عندنا يتمشي يومين انقوله ماهو حق تعبها ولا تمشيت
فما بالك
باريس يومين ونصه بيروح خط
زيلامسي بعد يومين قليلة اقل من 5 ايام ماينفع
الافضل اعط المدن حقها
حتي لو تروح مدينتين او ثلاث
تحياتي

هلابك يالغالي المتعة في أكتشاف المدينه كامله هذا معروف يالغالي
وكل مدينه المفروض يجلس فيها الواحد 5 ايام علشان يزور كل المعالم للي فيها

لكن لو انتم شباب وتزور أهم المعالم السياحية في كل مدينه مراح تاخذ عليك وقت , فيه اشياء ماتستاهل لشباب يجلسون فيها .
حنى اخذينها كشته
والجلسه والراحه ملين منها في ديارنا

بحكم خبرك السابقة يالغالي مارديت ع استفساري

بالتوفيق

جدولك مابين النمسا وسويسرا وفرنسا

او النمسا وايطاليا وسويسرا

او النمسا والمانيا وفرنسا

او المانيا والنمسا وسويسرا

وانت اختار وابشر بالجدول ،،،

هلابك شخص ما

الجدول 12 يوم إن شاء الله

طريقة تقسيمها كيف راح تكون طبعاً بزور دزني لاند في باريس ويورب بارك

وياليت تعطيني تفاصيل عن المصروف اليومي كيف أسرف من 750 الى 1000 عورني راسي ^_^

وجزاك الله خير حبيبي شخص ما

السلام عليكم
اخوي قبل ارد شف تقريري عن النمسا
ترا مازرت الا المعالم الهامة وما خلصت فيينا انا وخويي الا 4 ايام
انت موافق علي الفكرة نبدي في الشي الثاني منت موافق
ابشر نخدمك علي خطتك بلي نقدر عليه
وعلي طاري دزني لاند حديقتين يبيلك يوم فيها وبنزل لها تقرير ان شاء الله وانت حاط يومين لباريس وترا هي بعيدة عن باريس 45 دقيقة يبيلك
تحياتي

ما أزيد على كلام الاخوان ماقصروا .. لكن اقترح عليكم تشيلون باريس .. بعيدة عليكم و euorpa park تغنيكم عن ديزني

والسالفه مو سالفه مسافه ولا تعب متعودين على الطريق دايم كل شهرين نروح دبي ذهاب وعوده 2800 كيلو
بس حسافه يضيع الوقت هناك كله خطوط على ان خطوطهم أفضل مافيه نفود طالع بنص الشارع

طيارتي ذهاب وعوده من فيينا

أتمنى تطرحون جدول شبابي يكون متعه وطبيعه

والله يوفقكم

لغيت باريس طًِـِْيِّےْـَِّبِْ حلو

الوصول والعوده فيينا

جدولك بالليالي وليس بالايام عندك 11 ليله

فيينا ليلتين

زيلامسي 4 ليالي

مغادرة زيلامسي في الصباح الباكر والتوجه الى بادن بادن 3 ليالي

ميونخ ليله للراحه والاستكشاف

فيينا ليلتين والعوده الى ارض الوطن

اذا تقدر تضيف يومين للرحله تصير احلى

ماقصرت حبيبي شخص ما .

ترتيب جميل .

وإنا ببحث عن الفنادق وحجز

بيض الله وجهك

لكن بخصوص المصروف اليومي انت تقول من 750 الى 1000 . مثل ايش اقدر أسرف .

ربي يوفقك وشكراً لك

بالنسبه للصرف اوربا غاليه انا كنت اصرف في اليوم 100 يورو واحياناً اكثر واقل وعددنا 2 وسيارتنا ديزل واذكر مره وصل التانكي الربع وفللته في انترلاكن 91 فرنك ما يقارب 365 ريال الوقود غالي والمعيشه تصدق اشوف ارخص شي في الدول هذي السكن واذا انت من محبي الاكشن البارشوت او الطيران الشراعي غالي جربته في سويسرا وكان السعر 170 فرنك للشخص 680 ريال

النصائح :

سجاداة صلاة - اوقات الصلاة - الصلاة في وقتها ،،،

السكن كله شقق للتوفير والطبخ فيها ،،

فيينا خذ بطاقة فيينا كارد لمده يومين وهذي البطاقه شوف الشباب يعلمونك فيها لان ماعندي خلفيه بالضبط فيها

بطاقه zell am see - kaprun الصيفيه :: هذي تجي مع السكن ،،

السيارة ديزل

الاكل : معلبات اجبان رز بهارات و الخ.......

20000 كافيه إن شاء الله غير السكن والتذاكر و السيارة

المشاركة الأصلية كتبت بواسطة iPain7
http://www.arabtravelersforum.com/tr...7/#post8051837

ماقصرت حبيبي شخص ما .

ترتيب جميل .

وإنا ببحث عن الفنادق وحجز

بيض الله وجهك

لكن بخصوص المصروف اليومي انت تقول من 750 الى 1000 . مثل ايش اقدر أسرف .

ربي يوفقك وشكراً لك

امين يارب اجمعين والشكر لله

حبيبي انا بنيت الصرف هذا على اللي صرفته انا لان كل شي غالي تصدق الكعك الخبز اللي مثل الكيك ب 2.5 يورو وعلبة الماء 2 يورو اللي بريال هنا وتوصل احيان الى 2.5 يورو

انا معاي عزبه وكنت اطبخ وفله وبعض الليالي ناكل في مطاعم وصرفت تقريباً اكثر من 12 الف على الاماكن السياحه والاكل وديزل فقط ومخالفات مروريه وجمركيه ههههه