اشكر كل الاعضاء المشاركين في هذا المنتدى الرائع على جهودهم المثمره و النافعه لنا كمشاركين في هذا المنتدى. و التي تفيدنا في السفر و السياحه.:24: :113:
و انا لي مشاركه بسيطة عن رحلتي الى الفلبين الدولة الرائعه. اتمنى ان تحوز على اعجابكم و يكون فيها نفع للجميع.
لكن المعذره اذا كان اسلوبي مهب ذاك الزود لاني مرايح اكون مثل بعض الاعضاء في طريقه السرد و كتابه الموضوع بشكل جميل و ممتع. لكن السموحه و المعذره.:110:
الصراحه مادري كيف ابدأ في كتابه مشاركتي وكيف اكتب في اسلوب مميز و جذاب يشد القاري لقرائته لكن تحملون شوي و الله يعينكم:101:
الفلبين البلد لجميله حقيقه لا تمل من زيارتها بشواطئها الجميله و غاباتها الممتعه و اهلها الطيبين الذين يجبرونك على احترامهم. هذه الدوله زرتها كثيرا و كل زياره تكون اجمل من التي قبلها. و لكن تقريري هذا عن اخر زياره زرتها
كانت رحلتي الى الفلبين في يوم الخميس الموافق16/3/2006 من مطار الملك خالد الدولي بالرياض على الخطوط السعوديه و كانت قيمه التذكره 2700 ريال:110:
كنت مرتب لكل شئ قيل الرحله و كان لي خوي فلبيني اعرفه هناك اتصلت عليه و طلبت منه ان يحجز لي فندق و ان ستقبلني في المطار و عطيته التاريخ وقت الوصول, لنه رجل صراحه ثقه و محترم و انا اعرفه من زمان. المهم قبل الرحله بحوالي ساعتين ونصف يعني حوالي الساعه 11:30 لان الرحله تأخره ساعتين يعني وقت الرحله كان الساعه 2 صباحا و على فكره قبله بيوم الحطوط متصلين علي و مخبرينن ان الرحله سوف تتأخر:101: .. كنت في المطار و عند الميزان على شان احمل العفش مع انه كله شنطه صغيره بس انا ماحب اشيل شئ بيدي (عجاز ) لذا دايم عفشي شوي المهم يوم عطيت الرجال الجواز و التذكره ناظرهن و قال رايح لمانيلا قلت ايه قال اصبر:114: قلت له خير قال لا بس الطياره مزحومه و يمكن تصبر لبكره:110: و بعد قال و قلت و احذ و عطا لين صاره الساعه 1:30 قال لي معليش انت بكره:112: قلت ليش اجل راصن كل المده, ضحك وقال لا الحق على الطياره حطيتك درجه اولى:24:
شكرته و اسرعت وختمت الجواز و رحت لاطياره و يمكن كنت انا اخر واحد ركب:101:
( لي وقفه بسيطه هنا على الخطوط السعوديه و مطار الملك خالد ِِ وهو من حيث التعامل - لاني و من حيث قرائتي لبعض المشاركات و جدت بعض النقد في هذا الموضوع- واقول ان كل انسان معرض للحطأ ولا يمكن يخلو مكان من التقصير. لكن الحق يقال انه في جميع سفرياتي وهي جميعها عن طريق الخطوط السعودية و من مطار الملك خالد وكان التعامل اكثر من رائع وصراحه لم ارى ماذكرة بعض الاخوه من التعقيد. لكن كل شخص يذكر ماواجه) وهذي مداخلتي البسيطه وشكرا
طارت الطياره الساعه الثانيه صباحا و كانت مده الرحله مايقارب التسع ساعات,,,,, وصلنا الى مانيلا الساعه الرابعة عصرا و كل العاده في مطار مانيلا سارت الامور على خير وبكل يسر وتسهيل وبعد تختيم الجواز واخذ شنطتي وطلعت للخارج ادور على رفيقي:108: وشوي الا وهو يصوت لي ويشر بيده رحت لمه وسلمت عليه,, وركبت معه بالسيارة وبعد السواليف و حنا بالطريق قال لي ودك تروح للفندق او تبغى تأكل اول قلت لا والله ودي اكل ان والله ميت من الجوع:101:
رحنا الى منطقه اسمها برين ياكي (prnaqne ) وفيها شارع اسمه (( دمبا)) وهو خاص بالأكلات البحريه والله نأخذ ذاك السمك و الربيان الي يحبه قلبك وكان الطعام ممتاز و لذيذ.
وبعد مااكلنا وعين من الله خير,,, قال لي خويي وش رايك نروح لمول قريب من هنا هذا مايدخله او بلاصح مايشري منه الا الي توه جاي للفلبين يعني الي جوازه له اقل من 24 ساعه مختم و السبب انه مايبع الا بالدولار علشان مايشغلومنهم الناس على حسب كلامه
المهم اسم هذا المول هو (جوتي فري) بس الحقيقه انه غالي شوي لذا لك بس رحت:097: وتمشيت فيه ولا اشتريت شئ.....
بعدين رحنا للفندق لأني صراحه تعبان ماشوف طريقي من التعب ,, و كانت حاجز في فندق اسمه اكسفورد
(oxford suites hotel) سكنت في الغرفه لرقم 2302 الدور 23 و كانت غرفه ديلوكس سعرها 2550 بيسو لمده اسبوع وهذا عنوان الفندق:-
oxford suites hotels
Durban. P. Burgos Street
makti city philippinens
phon. 632.899 7888,,, 632.610 3333
fax 632 899 6891
http://www.oxfordsuitesmakati.com
وصلت الفندق و جلست شوي بالغرفه اتفرج عاى التلفزيون:11_horror وعدين رحت بنومه حتى الصبح.:thumb_ico
وفي يوم الجمعه الموافق 17/3/2006 كان يوم عادي لا روحات ولا جيات كل اليوم قضيته بالفندق اشاهد التلفزيون, الا اللهم بعد الظهر رحت الى مول اسمه جلوريتا مول رحت هنا و تمشيت شوي و اكلت و بعدين رجعت للفندق. اخذت تكسي من الفندق و كان سعره 120 بيسو .
هذا مايخص اليومين الاول والثاني من رحلتي و اسف اذا ماكان فيه صور لان صراحه مافيه مكان رحتله يستحق التصوير.
بس انشاء الله اذا كملت التقرير رايح انزل معه صور و الله يعين انه تكون زينه و تكفي بالغرض.
انشاء الله عن قريب ابكمل الموضوع.... السموحه و الله اني عجاز اكتب واجد علشان كذا انا كتبت شوي سامحون:101:مواضيع عشوائيه ممكن تكون تعجبك اخترناها لك:
- استشاره ضروريه بنسبه للفلبين لغير السعودين
- بعض الاستفسارت لاهل الخبره ضروري رجاء
- ايهما افضل بالحجز عن طريق المواقع
- ما هو الافضل برأيك ؟ السفر بعد أيـام ضروري جدا
- الفلبين أم اندونيسيا ؟
- رقم ديبي الي عندة
- شاركنا برايك اذا ممكن ؟؟
- ماهي الشركات للطيران الداخلي في الفلبين
- ممكن مساعده يالغالين
- استفسار بشان السيفتي بوكس
- اهم االانشطة في بوراكي
- استفسار عن تأجير سيارة وخدمة الهاتف النقال
- مطار كلارك
- ما اللذي يميز الفلبين عن تايلند
- عاجل وظروري
- سؤال عن المركز الأسلامي
- موظف السعودية قبل الرحله بست ساعات
- الفلبين او تايلند
- الخطوط الداخليـة بين مانيلا بوراكاي وسيبو
- العقد الجديد للعاملات
رد مع اقتباس
المفضلات