السلام عليكم جميعاً
بصراحة .. اجابتكم اللي بالمنتدى حيل فادتني والحين لازم نرد الجميل
بورموث منطقة جداً جميلة ولكن صج ولهت عالشمس وانا هناك ..
طبيعة المنطقة ان المحلات تفتح الساعة 9 صباحاً وتغلق 5:30 مساء يعني إذا دوامك خلال هذي الفترة ماراح تقدر تطلع الا بنهاية الاسبوع
طلعات الليل بروحك ما انصح كلش ... لأن على كلام العايلة أن الشعب لما يسكرون يكونون عدوانيين
ASDA مكان للتسوق للاغراض المنزلية وفيه الكثير من الاشياء من بعض الملابس .. سعرة رخيص مقارنة ببعض الأماكن الأخرى
ان كنت تملك ايفون فاشترك بخدمة الانترنت لأنه GPS الآيفون سوف ينقذك في الكثير من اللحظات
نصيحة : ابتعد عن العرب .. هذا ما فعلته لدرجة كانوا يتكلمون معاي انجليزي ويسألوني من أي دولة انت
الرحلات .. أغلب المدارس يتعاملون مع شركات للرحلات على سبيل المثال
https://www.ukstudytours.com/departu...n/bournemouth/
يمكنك تغير منطقة الانطلاق .. في الوصلة السابقة كانت بورموث
طبعاً الرحلات تشمل المواصلات مع المرشد السياحي .. وبعض المدارس تسوي رحلات خاصة لطلابها
استعمال الباصات ... هناك كرت شهري جداً مفيد لأنه اوفر وفي كرت اسبوعين تشتري من سواق الباص او من البقالات
مطاعم الحلال .. في شارع الشارمستر وايضاً في السنتر "السكوير" في شارع christian church
يعني لما تكون بشارع السكوير " السنتر" تخلي بنك HSBC بظهر وتكمل كل سيدا وبعدها راح يلف الشارع يمين وكمل سيدا راح تشوف مطعم نسيت اسمه عليه صورة دجاجة زرقة لابسة لبس كابوي .. هذا حلال .. المهم كمل سيدة راح تلقى SUBWAY حلال ومطاعم اخرى ..
castle point مجمع كله محلات وفيه بعض المحلات اللي ما تحصلها ببورموث الا هناك مثل GAP , JDsport , Sportdirect
طبعاً محل SportDirect حدة رخيصة وفيه اغلب الماركات الرياضية وإذا تبون تتسوقون على الانترنت هذا موقعهم
http://www.sportsdirect.com/
.....
شغلات مهمة إذا حاجزين باص ياخذكم من المطار او تاكسي .. تقريباً انتظار الجوازات 45 دقيقة وطبعاً يمكن تقل شي بسيط واحتمال تزيد وايد ..
للي يبي يشتري كاكاو لأهله .. إذا تبي العلب الكبيرة اخذها من برة المطار لأنها غير موجودة جميعها بالمطار والاختلاف بالسعر وانصحكم بــ ASDA
ودي اكتب بس ما ادري شكتب
اللي ببالة شي انا موجود ..مواضيع عشوائيه ممكن تكون تعجبك اخترناها لك:
- سوال عن مكتب
- جامعة هيرتفوردت شير
- قصه نادر مع الدراسة
- توضيح وأعتذار يا أخوي ملبورن على كثرة المواضيع
- لخبراء الدراسه في بريطانيا محتاج مشورتكم
- اصحاب الخبرة
- نداء عاجل إلى الأخ العزيز مبلورن
- ناوي ادرس لغه ببريطانيا بالصيف بس محتار بالمدينه ساعدوني
- زيارة إلى مكتب الإف بي آي
- المشورة من اهل الخبرة باللغه و بريطانيا
- الحقوووووووووووووني
- مستقبلي هيضييييييييع لو محدش رد
- ابغا ادرس لغة في بريطانيا ساعدوووني ؟
- اذا ابي سكن ب فلويدا وفيه سيكيورتي لان معي عائله
- فيديو هكذا يجب ان نكون في بلاد الغرب والعزه للاسلام والمسلمين
- الله يرحم جدي
- فزعه
- اللي عنده اي سؤال عن تكساس وتحديدا هيوستن انا حاضر ومستعد للخدمه لوجه الله
- ولايات أمريكا ؟؟
- فزعتكم يا اهل ايرلندا
المفضلات