الموضوع: رحلة الاحلام لباريس شهر اغسطس ساعدوني بالجدول

مرحبا

رحلتي باذن الله راح تكون بالصيف من 8/ اغسطس
من الرياض ل باريس ع الخطوط الفرنسية


لمدة 15 يوم تشمل سويسرا و ايطاليا


مبدئيا حددت 5 أيام لكل دولة ناوية اروح لها


قريت كِثير بالمنتدى واستفدت لكن ماقدرت ارتب جدول
الصور مغريه والامكان كثيره والوقت قصير ..
وعندي امتحانات وكرف واخاف يروح الوقت وانا ما حجزت وقررت


اتمنى احد خبراء باريس يرتب وياي جدول




الاماكن اللي خاطري اروح لها :


طبعا الشانز + قوس النصر + برج ايفل
قصر فيرساي
ديزني لاند
هضبة فيرمونت
الحي اللاتيني


( ساحة الكونكرد + قريه الاوتلت هل يستحقون الزياره )

وبليز هل اختياراتي كافيه او في اماكن تستحق اروح لها
+
في اماكن تسوق اسعارها معقوله بتصادفني بهالاماكن
لان ماودي اخصص يوم كامل بمول ..

.... ويكفيها 5 ايام او 4 فقط
لان كِثير يقول لي حرام تخلين 5 ايام في باريس






+


اقترحوا علي فنادق 4 او 3 نجوم قريبه من الشانز

مواضيع عشوائيه ممكن تكون تعجبك اخترناها لك:

• رحلتي مع خبير الشام مشاري الشملان بالصور
• إستفسار بخصوص فنادق باريس
• مساعده من خبراء اوروبا ضروري
• مارأيكم في مدينة ليل
• تقرير باريسبعنوانوتحقق الحلم
• ابي اسافر اوروبا وابتدى في فرنسا وتنهتي في فينا
• مسافر باريس لاول مره
• أريد استئجار سيارة
• كيفيه السفر
• استفسار بشأن اي مخطط يبدا من باريس وينتهي بايطاليا
• طلبات السياحة
• الايفون والايباد بفرنسا
• فزعتكم ي خبراء باريسفنادق لشهر العسل؟؟؟؟
• ميزانيه مفصله لرباريس لندن
• استفسار لاني محتار
• استفسار فنادق ديزني لاند
• التنقل عبر الباخرة السياحية
• بخصوص ديزني لاند
• استفسارات عن مدينة العشاق باريس
• طلب برنامج لمدة خمس أيام لباريس مع بعض الاستفسارات الاخرى

5 ايام يكفي باريس

حددوا تواريخكم
عددكم
ميزانيتكم

الأيام
الوصول الجمعة 8 / اغسطس الصباح عالساعه 5
الى يوم الثلاثاء 12/ اغسطس


شخصين ( أنا و زوجي )


الميزانية شاملة لدول الثلاثة بحدود ال 30 الف

اختي كم مقررين لباريس ميزانيه سكن اخشى نبحث ولا يعجبك سكن
نقول يعني كل دوله 10 الاف كل يوم الفين للسكن والمصاريف

خمس ايام كافيه لباريس خصصي يوم واحد لزيارة ديزني
اغسطس بكون زحمه والأسعار مرتفعه جداً خصوصا السكن

اخوي فيصل

10 الاف بتغطي ( السكن + المصروف اليومي والتذاكر والمواصلات داخل باريس )


جذي ميزانيتي بتكون كافيه برايك ؟






واذا عندك فكره عن القطار من باريس ل سويسرا كم بيكلف

Fanda

ديزني خصصت لها اليوم الرابع اللي هو يوم الاثنين على امل الزحمه تكون اخف من الويكند

تذاكر ايش قصدك تذاكر اماكن سياحيه ومترو ايه تكفي

اي درجه تبون ياليت تاريخ تقريبي علشان السعر او شوفها هنا
raileuorp

هذا جدولي ويبيله تعديل واضافات




اليوم الأول : الجمعه
راح اوصل لباريس الساعه 6 صباحاً والفنادق اللي اعرفه تسلم الغرفه من 12 الظهر
راح يكون عندي الصباح كله اكتشف باريس
الشانز + قوس النصر




اليوم الثاني : السبت
قصر فرساي + الحي اللاتيني




الثالِث : الاحد
راح يصادف يوم الاحد باذن الله ويصادف تاريخ مهم بالنسبه لي
ودي اقضي فيه ديزني لاند
بيكون ويكند طبعا تنصحوني اروح ولا اجلها الي يوم الاثنين !!!


الرابع: الاثنين
زيارة لهضبة المونمارت


الخامس : الثلاثاء
--- مادري ماحددت








في مجال اروح انسي الفرنسيه بنفس اليوم وارجع ؟؟

ما فيه مجال لانسي
ديزني ما تصلح ويكند
شوفي لك مطعم او مقهي راقي بما انه يوم حلو لك
الايام فيها وقت كبير
لوفر ما شفته
اسواق ما فيه
الحي اللاتيني

اخوي فيصل مادري تقصد بشنو اي درجه !! ياليت توضح لي


رحلتي من 8/اغسطس لباريس


ل 12/اغسطس اطلع بالقطار لسويسرا

المشاركة الأصلية كتبت بواسطة فيصل
http://www.arabtravelersforum.com/tr...1/#post8219501

ما فيه مجال لانسي
ديزني ما تصلح ويكند
شوفي لك مطعم او مقهي راقي بما انه يوم حلو لك
الايام فيها وقت كبير
لوفر ما شفته
اسواق ما فيه
الحي اللاتيني




انا حاسه جذي ماعرفت اعبي الجدول


اوكي راح اخلي ديزني الاثنين جذي افضل اعتقد ؟


اقتراحاتك لباقي الجدول

..

وش رأيك ب اول يوم فره تعريفيه ع الشانز وبرج ايفيل وما حولها
اليوم الثاني :
الاديفانس قصر فرساي هضبة المونمارت
الثالث :
الباص الاحمر ولا الاصفر السياحي مع الجوله النهريه
وتدخلي منه للوفر وبرج ايفيل ونهر السين والاوبرا
الرابع دزني لاند
الخامس : الحي الاتيني وووممكن ترجعي لبرج ايفيل بعدها والشانزليه دامه اخر يوم
لان ما ينشبع منهم ابد

وصولكم الصبح يعني عندكم اليوم كامل تستغلونه والنهار طويل في الصيف
راسلوا الفندق قبل السفر وطلبوا تسجيل دخول مبكر اذا في مجال
لاديفانس فنادقها أرخص من الشانز شوفي مثلا سوفوتيل لاديفانس خمس نجوم وقريب المترو في حدود 800 ريال الليله
افضل اول يوم يكون الباص تفرين الديره وتشوفين الي يعجبكم وعلى أساسه تحددون باقي الجدول شنو ما غطاه الباص وشنو عجبكم وتبون ترجعون له
ديزني حرام تروحينها في الويك اند زحمه زحمه خليها الاثنين افضل
ايفل اذا ودكم تصعدونه لازم الحجز المسبق عشان تتجنبون الطوابير

اغسطس عز الصيف والنهار طويل
انا احب السكن حول ايفل واذا انتم عيله انسب شي لكم اللاديفانص
اطلعي ع الجدول المثبت مررررره زين وشامل والاهم خفيف

اخوي فيصل يعطيك الف عافيه عالموقع افادني كثير



قصيت التذاكر اليوم صار في تغير بسيط بعدد الايام
ونصيب باريس بيكون 4 ايام




اليوم الاول : جولة بالباص الاحمر او الاصفر + جولة نهريه + استكشاف الشانز وقوس النصر وساحة الكونكرد


اليوم الثاني : قصر فرساي + هضبة المونمارت


اليوم الثالث : الاوتلت فيلج + منطقة الاوبرا + قاليري لافييت


اليوم الرابع (الاثنين) : ديزني لاند






* بالنسبة لبرج ايفل لو بصعد له شنو فيه داخل حاولت ابحث عن صور لكن ماحصلت

* تنصحوني اروح لمتحف اللوفر ؟ لان امنيتي اشوف قصر فرساي احب هالاماكن اما اللوفر ما كان هدف

الباص الاحمر او الأصفر راح يمرون بأيفل والكونكورد وقوس النصر ... قصدك انك راح تنزل في هذي الاماكن ؟!!
اليوم الثالث راح يكون الاحد جاليري لافاييت مغلق
ايفل يعطيك مطل على باريس كامل وفيه مطعم فوق
اذا المتاحف مب من اهتماماتكم لا تضيعون الوقت في اللوفر
فرساي حلو القصر وحدايقه

فاندا قالت جاليري لافيت مغلق الاحد وليس الاوت لوت

اختي ياليت تحطين ايامك ايش تصادف افضل لان ممكنم يكون يوم اثنين وفرساي مغلقه

سوري جمعت بين الاوتلت والمول




هذي ايامي والتواريخ


الجمعه 8/ اوغست :
السبت 9/ اوغست :
الأحد 10/ اوغست :
الاثنين 11/ اوغست :

مميزتنا ديزني وين راح تكون

..

هي رتبتها على الاحد وانا نبهتها على الزحمه
اجل يكون اليوم جولة الباص السياحي
وبيوقف هو اصلا بمنطقة الاوبرا وروحي منه للغاليري لافيت ومصنع العطور
واذا تبين متحف الشمع كلها جنب بعض
وارجعي كملي جولتك بالباص واخر النهار اطلعي لبرج ايفيل
ويفضل قبل ساعه من الغروب
عشان تشوفين المنظر من فوق بالنهار والمنظر الجممممممممممممممممميل جدا وقت الليل
ووقت الغروب كمان الجميل
واليوم الثاني قصر فرساي والهضبه
الاحد الاوت لت والحي الاتيني واذا ودك خذي الجوله النهريه
والاثنين دزني لاند .

..

هههههههههههههه انلحس مخي
تقول 4 ايام باريس ؟
يعني الجمعه دزني
بس تختار بين قصر فرساي
ولا الباص السياحي
او
السبت يصير للشانز والاوبرا والغاليري لافيت وتختمها هضبة المونمارت
والاحد الحي الاتيني والاوت لت وبرج ايفيل والصعود له واذا بقى وقت تاخذ الجوله النهريه

اختاري بينهم

الجمعه الوصول لباريس 5 الفجر
عبال ما يوصلون الفندق يحطون العفش ويطلعون مباشره يروحون ديزني عشان يوصلون اول ما تفتح ويستفيدون من اليوم
ما تحسون بكون متعب ؟!!!
برايي اذا في مجال ديزني تكون يوم الاثنين والثلاثاء تروحون سويسرا

والله معاكم انا باللي تقولونه
ديزني تعب اول يوم
بس هي بتمشي الاثنين
يعني لابد تصير ديزني الاحد مع انها زحمه
مرغم اخاك لا بطل

..

يمديها تروح الجمعه افضل من زحمه الاحد
لان الطياره 7 ساعات نصها يروح نوم
واللي يجي بعده ارهاق
بس بعد ما تشوف الجمال والشعور اللي يجي وهي تتمشى ولا رايحه لدزني يكون حمماس
يغطي ع الارهاق والتعب .

والقرار لها اولا واخرا
اذا تقدر تستغني عن دزني وتبدلها بشيء ثاني
ولا تحتمل الزحمه الاحد
ولا اذا قدروا راحوا ع دزني الجمعه

روما لاتقولين استغني عن ديزني الفكره برحها تبجي



احس اني جننتكم بس هذا الصراع اللي صاير بمخي




ماقصرتوا والله




عشان استمتع بدزني من غير لا تطق جبدي من الزحمه وبعد تشاورات مع الهزبند قررنا نمددها يوم






الجمعه 8/ اوغست : جولة الباص الاحمر ( انزل بالمحطات اللي ابيها منها الاوبرا و الغاليري لافييت + متحف الشمع + مصنع العطور) + قريب الغروب اروح لبرج ايفل واصعد
السبت 9/ اوغست : قصر فرساي + هضبة المونمارت
الأحد 10/ اوغست : جولة نهرية صباحيه + اتمشى بالكونكرد + منطقة اللاديفانس + الحي اللاتيني
الاثنين 11/ اوغست : اولت فيلج + ديزني لاند




متحف الشمع و مصنع العطور بحثت عنهم ومايسكرون يوم الاحد يعني اقدر اروح لهم الاحد اذا حسيت الوقت مامداني
اعتقد جذي غطيت كول حاقه
سؤال داش عرض باللحظة الاخيره : شقة نابليون بمتحف اللوفر اقدر ادخلها بروحها؟؟ لان باقي المتحف مايستهويني صراحه






تنصحوني بفندق
Amarante Champs-Elysées



حسب ما قريت عنه باحد التقارير قريب من الشانز + المترو

..

اذا تبين تستمتعين بدزني لاند لا تجمعينها مع الاوت لت .
خليه يوم الاحد الاوت لت لانه ما يقفل وارجعي منه ع مصنع العطور والحي الاتيني

اللوفر تدفعي تذكرته تدخلي اللي تبين

فيه ترجمه للعربي للوفر من موقعهم الرسمي


امممممممم عطينا ميزانيتك للسكن والتاريخ


حلو مددتوا يوم

جربي

http://www.booking.com/hotel/fr/cris...ml?aid=1329869


http://www.booking.com/hotel/fr/fran...ml?aid=1329869

شكرا فيصل

الفندقين حلوين واللوكشين ممتاز
انشالله راح استقر على واحد منهم