الموضوع: المساعدة يا شباب تكفون ماني فاهم شي ابد

بسم الله الحمن الرحيم

انا بسافر اسبوع للنمسا في اجازة عيد الأضحى الجاي

و الصراحة اني ما عمري طلعت برى السعودية غير الكويت

حتى الطيران ما ركبته غيرمرة وحدة

عشان كذا بطرح اسئلة راح تلقونها بالنسبة لكم تافهة بس بالنسبة لي مجهولة جدا

لقيت كثير من الأجوبة بس ذي الأسئلة ما لقيت لها جواب

نبدأ بالمطار :

هل الترانزيت تتغيرفيه الطيارة ؟

يعني نطلع و نروح ننتظر مرة ثانية و ينادون علينا مرة او كيف الوضع !

في مطار ميونخ استخدم السواقين او القطار للوصول للفندق ؟

النمسا :

توقيت الصلاة في النمسا ؟ و هل تتوفر المساجد هناك ؟

برودة جو النمسا في اكتوبر هل هي كبيرة او الجاكيت و البجامة الشتوية تكفي ؟

اذا مرضت لا سمح الله كيف الوضع ؟ هل يكون معي تأمين طبي من البداية أو كيف ؟

هل احضر معي بعض الأدوية احتياطاً ؟

اذا خرجت من الفندق الى مكان سياحي كيف اعود إليه ؟

أسعار المعيشة فياليوم الواحد ؟

و يمكن تطرى علي اسئلة في الأيام القادمة الله يعينكم علي ...

مواضيع عشوائيه ممكن تكون تعجبك اخترناها لك:

• احتاج مساعدتكم و خبرتكم
• بـ جانب النمسـآ ممكن أضيف لـ شهر العسل ؟
• شلال كريمل
• الفزعه جدول لشهر العسل
• اهل الخير الفزعه ابي اروح شهر عسل للنمسا وسويسرا وماعرف شي
• سائق من سلوفينيا الى بروكسل
• مسافر الى النمسا واحتاج مساعدتكم
• شهر العسل في النمسا ارجو المساعده
• سكن رخيص وبعض اسئله
• رحلة ابوفهد السعيدة الى بلاد الشام موثقة بالصور والمعلومات
• مطلوبي ترتيب خط الرحله للخبراء
• محتاج مساعدتكم لتخطيط سفرة خاصة بوالدتي حفظها الله
• شهر العسل في النمسا والمانيا ابريل احتاج مساعدتكم تكفوون
• ايش رأيكم في قرية قرينواليد
• عااجل بخصوص فيزا الشنغن النمسااا
• أرجو مساعدتي في مخطط رحلتي واختيار الفنادق
• تجربتي بالسكن في كابرون
• مساعدتي في تخطيط جدول رحلتي لشهر العسل جزاكم الله كل خير
• بلييييز مساعدة
• مساعدتكم لقضاء اجمل شهر عسل في الريف فيينا

المشاركة الأصلية كتبت بواسطة لو الود ودي
http://www.arabtravelersforum.com/tr...5/#post8085479

بسم الله الحمن الرحيم
انا بسافر اسبوع للنمسا في اجازة عيد الأضحى الجاي
و الصراحة اني ما عمري طلعت برى السعودية غير الكويت

حتى الطيران ما ركبته غيرمرة وحدة


عشان كذا بطرح اسئلة راح تلقونها بالنسبة لكم تافهة بس بالنسبة لي مجهولة جدا
لقيت كثير من الأجوبة بس ذي الأسئلة ما لقيت لها جواب

نبدأ بالمطار :
هل الترانزيت تتغيرفيه الطيارة ؟

ايه تنزل المطار وتجلس فيه الفترة الموضحة في الحجز وتطلع طيارة ثانية

يعني نطلع و نروح ننتظر مرة ثانية و ينادون علينا مرة او كيف الوضع !

ايه نعم مثل ماوضحت في الاعلي

في مطار ميونخ استخدم السواقين او القطار للوصول للفندق ؟

الي تبي وعشان هي اول سفره وتوك واصل لا يخوي اطلع لموزين احسن لك لتضيع وتوك واصل

النمسا :
توقيت الصلاة في النمسا ؟ و هل تتوفر المساجد هناك ؟

مافيه الا مساجد قليلة وصل في الفندق احسن ولمعرفة اوقات الصلاة
http://www.islamicfinder.org/cityPra...ia&lang=arabic

برودة جو النمسا في اكتوبر هل هي كبيرة او الجاكيت و البجامة الشتوية تكفي ؟

ايه برد ومن شخص الي اخر تفرق وخذ احتياطاتك يعني وانا اكتب الرسالة الان زيلامسي درجة الحرارة 7 درجات مئوية

اذا مرضت لا سمح الله كيف الوضع ؟ هل يكون معي تأمين طبي من البداية أو كيف ؟

ايه نعم وشف تفاصيل التأمين الطبي وخذ علاجات معك وتكون بكرتونها عشان يكون واضح عليها تاريخ الانتهاء
وحط العلاجات في الشنطة الي بتشحنها في الطيارة

هل احضر معي بعض الأدوية احتياطاً ؟

ايه مثل ماقلتلك سابقا لاكن لاتأخذ علاجات خطيرة الا برشته وتحتوي علي كمية من
من المسكنات او مسيلات الدم وتكون قوية الا برشته موقعة وبالانجليزي مكتوبه
اما علاج الزكام والصداع ومضاد حيوي ماهو قوي ويكون في كرتونه الخاص به لمعرفة تاريخ الانتهاء

اذا خرجت من الفندق الى مكان سياحي كيف اعود إليه ؟

سؤال غير مفهوم في المدينة ارجع الي المحطة القريبة من فندك الخاصة بالاندر قراوند او النقطة الي انطلقت منها علي الباص السياحي
وهذا يعتمد علي وش بتستخدم من مواصلات
الارياف بالسيارة استأجر وخذ معك قارمن ونزل احداثيات الفندق والاماكن السياحية

أسعار المعيشة فياليوم الواحد ؟

تعتمد علي شخصك الكريم ممكن 70 يورو وممكن 250 يورو
لاكن المتوسط بدون الديزل اذا بتستأجر سيارة من 120 الي 170 يورو
وتقدر اقل باكثير اذا اكتفيت بوجبتين وتاكل في المدينة من الاكشات
والارياف تقضي من السوبر ماركت وتاكل افطور في البيت ووجبة وحدة في مطعم

و يمكن تطرى علي اسئلة في الأيام القادمة الله يعينكم علي ...

حياك الله في الخدمة

وفيت وكفيت اخوي رعبوب ،،، تحياتي لك

المشاركة الأصلية كتبت بواسطة الحوسني
http://www.arabtravelersforum.com/tr...5/#post8085685

وفيت وكفيت اخوي رعبوب ،،، تحياتي لك

لا شكر ع واجب اخي الحوسني لاكن للاسف تعبنا ومجهودنا لا يقدر من جهه الادارة

الف شكر اخي الحوسني وتقبل مروري بصدر رحب

المشاركة الأصلية كتبت بواسطة رعبــوب
http://www.arabtravelersforum.com/tr...5/#post8085795

لا شكر ع واجب اخي الحوسني لاكن للاسف تعبنا ومجهودنا لا يقدر من جهه الادارة

الف شكر اخي الحوسني وتقبل مروري بصدر رحب

السلام عليكم
اخوي رعبوب
انتظر فقط الدعاء من الناس لك في ظهر الغيب
اما جهودك
فهي واضحة ولاتحتاج شهادتي او شهادة غيري
تمنياتي لك بتوفيق
عزيزي

الأخ رامي -شعيل و الأخ رعبوب


بيض الله وجيهكم و الله لا يحرمكم الأجر والله ريحتوني كنت شايل هم هالسفره


طيب استأجار السيارة يحتاج لرخصة دوليه وانا ما معي الرخصة ذي و لا عندي وقت استخرجها


هل بإمكاني استخدم سائق يكون معي طول الوقت و الا هذا الشي راح يكون غالي جدا ؟؟

السلام عليكم
هلا اخوي مافيه بأس انك تطلع رخصة دوليه
لاكن اذا رخصتك من بلدك مترجمة بالانجليزي تكفي زي الرخصة السعودية
وانا سافرت اكثر من 50 مدينة واغلبها استأجر سيارة برخصة البلد بس شرط تكون مترجمة
نعم بامكانك استخدام سائق اضافي عند حجزك لسيارة في النت توضح ذالك
وبيكون فيه زيادة للسعر بسبب ذالك
اما انك تستاجر سيارة بسائق فيه موجود بس مكلفة جدا جدا ولا بتاخذ راحتك انت وعيالك
واحسلك استأجرها انت وشفلك واحد من عيالك ولا الي معك في السفر عنده رخصة وحطه سائق اضافي
في الحجز وخذ معك وجهاز قارمن(نوفا) اشتره من الحين ونزل خرائط اوروبا واحداثيات الاماكن السياحية وتوكل علي الله
للإحاطة الرخصة الدولية ماتاخذ منك يوم أي مكتب سياحي معروف يسويها لك

المشاركة الأصلية كتبت بواسطة لو الود ودي
http://www.arabtravelersforum.com/tr...3/#post8085843

الأخ رامي -شعيل و الأخ رعبوب


بيض الله وجيهكم و الله لا يحرمكم الأجر والله ريحتوني كنت شايل هم هالسفره


طيب استأجار السيارة يحتاج لرخصة دوليه وانا ما معي الرخصة ذي و لا عندي وقت استخرجها


هل بإمكاني استخدم سائق يكون معي طول الوقت و الا هذا الشي راح يكون غالي جدا ؟؟

حياك الله حبيبي وتساهل كل خير ومشكور ع دعواتك الصادقة

المشاركة الأصلية كتبت بواسطة رعبــوب
http://www.arabtravelersforum.com/tr...1/#post8086051

حياك الله حبيبي وتساهل كل خير ومشكور ع دعواتك الصادقة




الله يحيك اخي رعبوب تستاهل الطيب والله يكثر من امثالك

عندي مجموعة اسئلة جديدة :

هل يجب علي ان اغير توقيتي الى التوقيت النمساوي ؟


رحلات الطيران دايم تكون على اي توقيت ؟


في مطار ميونخ وفرانكفوت كيف يتم الكشف عن هوية زوجتي ؟ هل يوجد نساء متخصصات في هذا الشي ؟ او هذا الشي لا يحدث ..


طيب قلتوا لي يجب علي اني اسجل جوازي السعودي في السفارة طيب وين يكون هذا التسجيل في المانيا او النمسا ؟؟ في المطار او اذهب لهم ؟؟


كل دولة لها قوانين ما هي اهم قوانين التي يجب علي ان اعرفها اذا ذهبت الى النمسا ؟


هل جهاز القارمن مهم بالنسبة لي اذا لم استأجر سيارة ؟ او انه مهم في كل الحالات ؟ و اين يباع ؟

المشاركة الأصلية كتبت بواسطة لو الود ودي
http://www.arabtravelersforum.com/tr...9/#post8087019

عندي مجموعة اسئلة جديدة :

هل يجب علي ان اغير توقيتي الى التوقيت النمساوي ؟

شوف الان النمسااء ممطر وجوها حلوو اكتوبر بيكون ابرد شوي لاكن مش سئ للغاية مثل شهر 12.1.2.3 ذولي الشهور تجمد اكتوبر حلوو يعني فيينا وميونخ وسالزبورغ برودتهم ع شمس حلوووة لا نهم مرتفعين زيلامسي ابررد يعني لو اخذت جاكيت مشت امورك اذا عندك فرصة تغير الوقت احسن غير من منتصف شهر مايو الي سبتمبر حلوة الاجوااااء الاوربية عامة

المشاركة الأصلية كتبت بواسطة لو الود ودي
http://www.arabtravelersforum.com/tr...9/#post8087019

رحلات الطيران دايم تكون على اي توقيت ؟

تختلف كل شركة عن الثانية ويفضل تختار وصولك في النهار علي الساعة وحدة او ثنتين الظهر عشان التشك ان للنفنادق

في مطار ميونخ وفرانكفوت كيف يتم الكشف عن هوية زوجتي ؟ هل يوجد نساء متخصصات في هذا الشي ؟ او هذا الشي لا يحدث ..

في ميونخ توجد نسااااء اذا زوجتك مغطية وجهاا يدخولنها غرفة مع حرمة وتفتشها

طيب قلتوا لي يجب علي اني اسجل جوازي السعودي في السفارة طيب وين يكون هذا التسجيل في المانيا او النمسا ؟؟ في المطار او اذهب لهم ؟؟

مش ضروري تسجيل جوازك في السفارة اهم شي انتبة لجوزاتك لا تضيع واخذ معاك ارقام السفارة لا قدر الله صار شي تكلمهم يساعدونك


كل دولة لها قوانين ما هي اهم قوانين التي يجب علي ان اعرفها اذا ذهبت الى النمسا ؟

يقولك يا غريب كن اديب فقط لا غير احترام الناس والنظاااااااااام ثم النظااااااام في القيادة او بالاماكن العامة لا تخترق النظاااام كل شي موجود عندك لا تتجاوز النظام


هل جهاز القارمن مهم بالنسبة لي اذا لم استأجر سيارة ؟ او انه مهم في كل الحالات ؟ و اين يباع ؟

والله شوف استجار السيارة راح يريحك جدااا مالياااا وبدنيااااا لا اني اشوفك تقول سواق سواق هناك غالي جدااا ممكن اليوم يوصلك مكانين ما تقل عن 1500 ريال الي 2000 ريال تخيل والتاكسي اقل مشوار 60 يورور حول 400 ريال فا السيارة افضل لك والرخصة تجديدها مو مثل اول الان وانت واقف تاخذها كلها ساعة زمن

الجارمن يباع بمحلات دار موجة بكل فروع المملكة اكتب بقولو وتعرف وين موقعة

جارمن نوفي 50 ممتاز وسعرة حلو حول 700 ريال انا اخبرة يمكن صار اقل حمل علية الخرايط وبس وبرامج الجوال افضل السايتك هو افضل شي
واذا مو ماخذ سيارة مالة داعي الجارمن خلك ع الجوال


تحياتي لك
رعبوب

الله يجزاك خير يا اخي رعبوب

انا فكرتي في التنقل كالتالي بستخدم التكسي لتنقل بين المدن و في المدن نفسها باستخدم وسائل النقل الموجودة
هل التكسي مكلف بين المدن ؟




طيب الجوازات احطها في امانات الفندق او اخليها معي أفضل ؟

السلام عليكم
عمي التنقل بين المدن مكلف يعني منت بلاقي واحد يوصلك بس من مدينة الي اخري
باقل من200 يورو بس توصيلة طيب سالزبورغ وزيلامسي وش تسوي فيها بدون سيارة
صعبة من ناحية الرخصة جددها في نفس اليوم تجدد ماتاخذ ساعات منك صور وسدد وعلي المرور
بالنسبة للجوال نعم مفيد لاكن متعب والقارمن افضل اعدادات تنزل احذاثيات سكنك المواقع السياحية
وبعدين انت تسوق ولا تقعد تطالع بالجوال
والرخصة لابد منها يعني لازم تكون صالحة سواء عندك دولي ام لا يطلبونها
لا ياخوي الجوازات في كل فندق تلقي خزنه في غرفتك حطها فيها وقفل برقم سري لك
في زيلامسي ممكن ماتكون لاكن حطها في مكان غير ملاحظ في الشنطة وترا امان منت في شرق اسيا سرقات ووو
اخوي اذا انت خايف من السيارة عشان لايسير عليها شي امن تأمين شامل
وهو ثلاثة انواع يطول شرحها
اذا صدمت واعدمت السيارة وسيارة الي صدمته ماعليك شي وترا سواقتهم ماهي مثل ربعنا

وفي لك سوال اظن كان قصدك الوقت في النمسا تعدل الوقت عليه الجوال الايفن تلقائي يتعدل عليه
وترا مافيه ذاك الفرق في الصيف ساعة والشتاء ساعتين
ماهو زي امريكا اقل مدينة 7 ساعات

المشاركة الأصلية كتبت بواسطة لو الود ودي
http://www.arabtravelersforum.com/tr...3/#post8087113

الله يجزاك خير يا اخي رعبوب

انا فكرتي في التنقل كالتالي بستخدم التكسي لتنقل بين المدن و في المدن نفسها باستخدم وسائل النقل الموجودة
هل التكسي مكلف بين المدن ؟

التنقل مثل ما قال اخوي رامي مكلف بين المدن وساعات الاسعار تكون اغلي من 200 يورو هذا سعر ممتاز لو حصلت 200 يورو

المشاركة الأصلية كتبت بواسطة لو الود ودي
http://www.arabtravelersforum.com/tr...3/#post8087113


انا تكلمت مع تاكسي اروح البندقية من زيلامسي مسافة 5 ساعات توقعت بيقول لي 1000 ريال راح جاي ع الاقل صدمني بسعر 3500 ريال رايح جاي ههههههههههه تدري رغم ان عندي سيارة بس حبيت اني اسالة عشان اعرف الاسعار

تتنقل بالقطارت ارخص لك ولا كن سعر القطار عن اجار يوم سيارة وعليك الحسبة

طيب الجوازات احطها في امانات الفندق او اخليها معي أفضل ؟

والله الفنادق امان هناك واحسن لك اخذ صورة منهم وخلها معاك

وعلي حسب الفندق اسالة وقلة الصندوق امان عندكم ام لا

سي فيلا وجراند امان بحول الله تعالي

انت اذا حسيت ان الفندق لعاب لا تحطهم جربهم اول حط ساعة ولا جوال برااا شف يشيلونه وقت التنظيف ام لا

مرحباً والله ياخوي ماسك خط ووقفت علي شانك وتستاهل وكل مسلم قبل السيارة جدد الرخصة يطلبونها مع الرخصة الدوليه ماتأخذ ساعات. إيجار السيارة انت محطة وصولك الي فهمته فيينا آخر يوم لك وبتطلع من فيينا استأجر سيارة وسلمها في ميونخ وإذا محطة وصولك ميونخ العكس سلمها اول يوم في وصولك لفيينا لأنك ماتحتاجها في فيينا وميونخ أما الفنادق تجد احداثياتها في ورقة الحجز إذا حجزت عن طريق بوكينج والعنوان وكل شي والإحداثيات حقت الأماكن السياحية تلقاها في التقارير ولا شف اخوي رعبوب احفظها عنده انا ولا في الجهاز ماني حافظها في الكمبيوتر أما سعر الإيجار يختلف من شركة إلا أخري ادخل علي الشركات وشف مثل يورب كار شركة دولار. هيرتز. وشركات كثيرة. التامين نوعين تأمين ضد الغير والشامل. انا الشامل في الغالب في أوروبا ثلاث أنواع نوع إذا حصل أي شي لسيارة لوتنحرق كلها بسببك مبلغ في العادة لايتجاوز 800 دولار النوع الثاني أغلي شوي ونفس الكلام ما تدفع مبلغ لايتجاوز 400 يورو والنوع الأخير وهو الأغلي ما تدفع مبلغ لايتجاوز إلا 100 يورو وإذا ماعندك خلفية كيف تجدها في النت امس سألت علي الخاص والسائل مايعرف للنت فشفت اسلم حل له وهو من أهل الرياض انه يروح مكتب يورب كار في الملز وحجز بتأمين شامل اسكودا 3400

الاخوان ماقصرو بس استعجل في موضوع الفيزا لان مابقي وقت

المشاركة الأصلية كتبت بواسطة لو الود ودي
http://www.arabtravelersforum.com/tr...5/#post8087345

الله يجزاكم خير يا شباب و بيض الله وجيهكم









المشاركة الأصلية كتبت بواسطة لو الود ودي
http://www.arabtravelersforum.com/tr...5/#post8087345

حاضرين حبيبي وبخدمتك


طيب بتوكل على و اخذ سيارة و الله يعينكم على أسئلتي

ابد اسال مثل ما تبي


طبعا اخذ السيارة من مكاتب التأجير في مطار ميونخ , صح !

اي احجز من النت اول مكان التسليم مطار ميونخ والترجيع من المطار


و ترجيع السيارة يكون لنفس المكتب بعد اسبوع ؟

عدل ترجعها بنفس المكتب المطار فيها كل المكاتب او ماتدخل المطار تشوف اللوحات


كم سعر اليوم الواحد ؟

يعتمد ع السيارة الي بتاخذها الكبيرة لها سعر والصغيرة لها سعر والاسعار موجودة بالموقع

واخذها تامين شامل افضل


كم سعر التأمين ؟
ع حسب عدد الايام اسبوع مش كثيرة اذا اخذت سيارة حليوة مثل الي عندي بالتوقيع كشف مع تامين شامل مدة 8 ايام اخذتها 3000 ريال غالية عشانها كشف بس الكشف شغل عدل شوف الصورة واقتنع هههههههههههه يفلك الكشف


هل احداثيات جميع الفنادق موجودة ؟ أو يجب علي تنزيل احداثيات كل فندق ؟





الفنادق تحصلهم في موقع بوكينج يعطيك كل الاحداثيا لكل فندق وانا احاط لك مواقف الانشطة كلهم بالموضع اطبعة وتوكل ع الله دخل الاحداثية من السعودية من محل دار موجة اخذ الورقة وخلة يعلمك عليها واشتر جارمن نوفي 50 ممتاز وسعرة حلو


وحاضر حق اي سوال والاخ رامي ماقصر فصل لك الاسئلة

الله يجزاك خير يا اخي رامي -شعيل و بيض الله وجهك و ما قصرت و تستاهل الطيب والله

انا خطة السير عندي اول لية ميونخ ثم ثلاث ايام في زيلامسي ثم ليلة في فينا ثم ليله في سالزبورغ ثم على مطار ميونخ عودة


باقي علي تجديد الرخصة السعودية و استخراج رخصة دولية ..
هل تكفي الرخصة السعودية اذا كانت مترجمة ؟


على كذا انا ما احتاج السيارة غير في زيلامسي أما سالزبورغ ما يحتاج لأني ما راح اقعد فيها غير ليلة وحدة




الفيزا خلصت منها

السلام عليكم
توني واصل المعذرة تاخرت كنت مسافر خط 300 كيلو
افضل خل مسارك ميونخ زيلامسي سالزبورغ فيينن
من زيلامسي الي فيينا 3 طرق اقربها 282 كيلو علي الطريق s6
من سالزبورغ الي فيينا 3 طرق اقرب طريق 299 علي طريق a1
يعني ميونخ -زيلامسي -سالزبورغ-فيينا
من زيلامسي الي سالزبورغ اقرب طريق 88 كيلو
تاخذ السيارة اليوم الاخير في ميونخ وتسلمها اول يوم في وصولك فيينا
ونتبه تمشي بدري لان زيادة ساعة وحدة عن التسليم يعتبر يوم يعني صل الفجر وسلمها
او سلمها ثاني يوم في فيينا والاول افضل لانك يوم في سالزبورغ توصل الصباح عندك نهر السالزك والقلعة وشارع المشاة قريبة من بعض وبعدها نوم في الليل وطلع الفجر
الرخصة السعودية تكفي لم استاجر سيارة في أي مدينة في حياتي بالرخصة الدولية الا في المكسيك وبس شافوها لاكن اعتمدوا رخصة البلد اذا مترجمه

الزبده تاخذ السيارة في سالزبورغ وزيلامسي والرخصة السعودية تكفي والدولية خذها ماتاخذ منك 10 دقائق من أي مكتب سياحي 150 الي 180 ريال
تحياتي

لازم رخصة دولية حتي لو كانت الرخصة مترجمة انا سالني عن الاثنتان

والباقي اخوي رامي ما قصر فصلها لك تفصيل

وتراك كبرت الموضوع ههههههههههههههههههههه

اخوي رامي ذكرت في احد الردود ان فيه 3 طرق من فيينا لسالزبورغ اقربها 299 كيلو a1 ..

سؤالي هل الطريق a1 واضح للي اول مره يزور المنطقه ؟؟

السلام عليكم
نعم واضح وتزبط اعدادات القارمن عليه
ولا تخلي القارمن يختار ازبط اعداداته اقريب طريق ويتضح معاك فوق علي الشاشة مع انه في الغالب يختاره
طرق فيينا سالزبورغ 3 طرق
الاول a1
296 كيلو تماما
الثاني
a9-s6
401كيلو

الثالث
s6

389 كيلو
وعاده الجهاز يختار الاول
تحياتي

اخواني ما قصروا واعذروني تراني مشغول والله يسهلها إن شاء الله

اذا انتهيت من رحلتك تشوف كيف الامور سهاله بإذن الله

واذا باقي أسئله الله يحييك ،،،

ههههههههههههههههههههههه لا تشيل هم والله الدنيا هناك سهالات والخليجين والعرب كثار لو تهت خلك معاهم ومايقصرون

الدنيا برااااد وخضاااار وربيع ومطار اللهم لك الحمد ووين ما تمشي وناسة وفلة خلك منبسط ولا عليك

الله يوفقك وسال ع راحتك حبيبي بخدمتك
رعبوب

السلام عليكم
وجهك ابيض
وتقبل الله دعائك