الموضوع: بعـض اللـي لاحظتـه بـ أمريكـا

السلام عليكم و رحمة الله وبركاته
انا وصلت امريكا ولله الحمد من 12 مايو الماضي
لي تقريبا يعني شهر وخمس ايام
تكساس / هيوستن
ما توقعت فيه هالعدد الكبير من السعوديين والسعوديات
بس اكتشتفت ان العدد طبيعي يوم عرفت ان الملحقيه الثقافيه بالاصل في هيوستن
ومكتب ارامكو في هيوستن ... وفرع للقنصليه السعوديه بـ هيوستن
عالعموم ..
المدينه زينه وجوها تمام بس يميل للحراره وتمطر باي وقت .. الحين تمطر على خفيف واول امس امطرت كثير بالصباح ..
....
اكتشتف اشيا كثير من جيتي ..
اول شي : المعامله تمام ... لكن اذا تبغى تستفيد لغه من الامريكان ... انسى .
ثاني شي : قبل يومين كنت اشوف مباراة المانيا وبولندا تحت بالصاله حقت سكني .. لان كان فيه تلفزيون وقعده ..
قعد معي واحد امريكي ... تكلمنا هذرنا شوي ..
سالني : " انت من المانيا ؟ " قلت له لا انا سعودي ..
قال : " ايش يعني ؟ " ..
قلت له انا من السعوديه .. المملكه العربيه السعوديه ..
قال : " هذي في اوروبا ؟ "
انا : ... انت من جدك ؟؟
قال ايه .. هي بجانب المانيا ؟
قلت له ذي في آسيا .. زين انه عرف آسيا بس
...
قعد يقولي وش الفرق بين بلدكم وبلدنا ؟
قلت له كل شي سال عنه ..
قلت له الحريم عندنا ماهم مثلكم .. لازم يتغطون ..
قال : " are you serious ? "
قلت له : " ايه والله من جدي "
قال لو انا ببلدكم بموت مااقدر اعيش كذا ..
قلت له تعال وبتتعود :sweatdrop
لاحظوا اني ما كلمته وقلت له ان ذي اشياء من ديننا ..
ما بغيت اجيب طاري الدين .. يكفينا فكرتهم عنه غلط ..
تكلمت معه كلام كثير وفصلت له و بعدين شكله بدا يقتنع با اللي نسويه صح وان ذي قواعدنا وشروطنا بالحياه ..
المهم عندي هذره كثير ودي اقولكم عن اشيا كثير صارت لي .. بس شقول لـ اقول ..
...
ايه باقي شي مهم ..
على كثر السعوديين اللي بـ هيوستن ..
محد منهم كان رجال معي الا 1 بس .. اي والله انه واحد ... والباقي الله يستر عليهم ... اسلم عليهم ما يردون ...
ما كني لا مسلم ولا ولد بلدهم ولا حتى انسان يمر يمهم
مسوين احزاب وجماعات الله يهديهم .. :frown: ..
ودي اتعمق بهالمساله اكثر لانها زاعجتني جد ..
بس خلني اشوف آراءكم و رايكم باللي قلته لكم :21: ..
بس تذكروا ان هالاشيا اللي قلتها هذي انا مريت فيها ..
يعني لحد يجي ويقول لا كلامك غلط وانت بس تبي تهذر ..
لا يبه ... هذا اللي صار لي ومن تجربتي اللي لها شهر وخمس ايام:101:
وبالنسبه للنقطه الاولى يوم اقولكم ما بتتعلمون من الامريكان ..
تراني اقصد اللي نقابلهم كلهم .. سواء اللي بالسوبرماركت او اللي بالمطاعم او حقين السكن او اي امريكي تصادفه ...
لا .... والله اني صرت اكلمهم كني مااعرف شي بالانجليزي تعرفون ليه ؟؟
لانهم اغبياء .. ما يفهموون زين .. والله اغبياء ..
يعني والله انجليزيتي تمام بس خلوني افقد ثقتي بنفسي من عدم فهمهم اللي يدل على ثوارتهم ..
بس اذا تبي تستفيد لغه صح .... كل شخص داخل المعهد يكون تمام معك وتحس انك بلبل اذا تكلمت معه لانه يعرف انك تبغى تتعلم ويساعدك :24:
تعبت وربي من هالغربه
لا صديق ولا رفيق ..
حتى القرايب نسوني مع اني معهم بنفس المدينه ونفس المعهد
خلوها مستوره بس ... حالة ماهيب زينه والحمد لله ..


وربي ان مملكتنا احلى مكان ..

بس هنا الدراسه احسن .. هذا اللي مصبرني ..

بس جد السعوديه غير ورب الكون غير

مواضيع عشوائيه ممكن تكون تعجبك اخترناها لك:

• دراسة الميكانيكا
• عاجل جدا معهد
• تكفوووووووووون
• المعاهد في كندا
• الدورة الإلزامية
• ملبوووووووورن يا الغالي
• استفسار عن الحصول على الـ والفيزا
• مساعدتكم يا اخوان اول مره وميح
• هااام جداا انا في امريكا واحتاج معقب للوزاره ضرووووري
• استفسار عن القبول
• ابي ادرس ماستر في الولايات المتحده الامركية
• «التعليم العالي» تستعد لإطلاق المرحلة الثالثة من برنامج خادم الحرمين الشريفين
• ارغب في معلومات عن معهد انترناشينال هاوس ومدينة توركي
• ساعدونيي فيزا المرافق الزوج
• معاهد لغة في أورلاندو أو حولها
• مبتعث جديد ندآء إلى ملبورن او اي احد يستطيع مساعدتي
• خطوات تخليص الاجراءات
• الجامعة الأمريكية في لندن هل معترف بها؟
• ارجو المساعدة في موضوع الابتعاث لمريكا وجزيتم خيرا
• الله يخليييكم ساعدوني قبل ماتروح علي الفرصة وربي خايف

المشاركة الأصلية كتبت بواسطة مآثر


الله يعينك عالغربة توك ماصار لك الا شهر.. اتحمل
انا رايحه تكساس مع زوجي ان شاء الله بس مو هيوستن
رايحين دالاس إن شاء الله مافيها سعوديين ما أبي أشوف
أحد يعرفني... فشله مابقدر أغطي وجهي



؟؟؟؟؟؟؟؟؟؟؟؟؟؟؟؟؟؟؟
سبحان الله . ربنا متواجد بتكساس وفي الرياض . على فكرة ترى عااادي الوحدة بامريكا تغطي خاصتنا بتكساس وهيوستين متعودين هيوستن ممكن اكثر من 100 عائله مسلمه
وفقك الله

الله يصبرك أخوي ويستر عليك وان شاء الله ترجع لنا بالسلالالالالامة .....تحياااتي ؛؛؛

الحمدلله على السلامه
والله يوفقك
و عطنامعلومات زياده عن و وضعك
و وضع الطلاب السعوديين هناك

خخخخخخخخخخخخخخخخخخ والله من ناحية إنهم ثيران فهذي والله صدق ومن ناحية السعوديين من عافنا عفناه ولو كان غالي توكل على الله وروح المركز الإسلامي وبتحصل الخيرين من ربعنا هناك يوم الجمعة,,, ومن ناحية الإنجليزي بتتعلم في أمريكا غن شاء الله لو إنك في جحر,,, ودمت لأخيك,,,,

ترا هما كذا لأنهم شعب كثييييييييييييييير والإعلام عندهم مضيعهم غسييييييييل عقووول



بس انتو راح تتأقلمو بسررعه والله يعينكم

مرحبا اخي الباشا

الحمد لله على سلامتك اولا
وثانيا حز في نفسي طاري السعوديين اللي ما ردوا السلام يااخي اذا الواحد في الغربة ويشوف ربعه ويعززو هالاحساس داخلك (صعبه).
على العموم بكره تاخذ على الوضع وكل شي بالاول صعب
وبالتوفيق ان شاء الله

.. ربنا يسهل أمرك ..

اذكر قبل اسبوعين اكلم صيني وسالني من وين اقوله من السعوديه يسال وينها

السعوديه هل هي بـ القرب من افريقيا ......

قلت له لا بقرب من العراق على طول عرفاها يسالني يقول

مايجيكم اضرار من الحرب يقصد صاروخ طاير يخش

ولاكن جوبته ان السعوديه تبعد فو ق 10 الاف كيلو

الحمد لله على السلامة ..... والله يعينك ويعيننا على الغربه ان شاء الله .... حسيت حزن شديد وانا اقرأ كلامك لان الي تقول عليها هذرة حسيتها هذرة انسان فعلا مخنوق ومتضايق وواحد ما لقى يفضفض الا لناس بالانترنت ما لهم حتى وجوه بس ان شاء الله اننا نكون صادقين كلنا مع بعض واخوه في الله ....المهم زي ما قالوا الاخوان انك تحاول وتجتهد في البحث عن رفيق صادق لو واحد يونسك وتونسة يسأل عليك ويفقدك لاغبت لاتيأس اصعب الاوقات بتكون في الشهور الاولى في الغربة بعدين بتتأقلم اسأل الله لك ولنا التوفيق

ان شاء نجيك ونوسكـ


الله يوفقك يالغالي

السلام عليكم و رحمة الله و بركاته

يسلمون الاخوان اللي تفاعلوا

بس اعذروني ابغى ارد على اللي اسمه ( الامبراطور )



(( ان لم يكن لك صديق فهذا لانك انت اللي ماتبي الصداقه ولا تتقرب للناس تدري ليه ناظر الاقتباس باللون الاحمر ... انت وش ديبنك ؟! واي مسلم انت ....؟ ابيك تجاوب اذا امكن لاني ابي اكمل كلامي ... ))

^
^
^

سلامات !!!!!!!!!!!!!!!!!!!!!

انت من جدك تتكلم ؟؟

تسالني انا مسلم او لا ؟؟؟

ايه باذن الله انا مسلم ..

وبعدين وشو اللي (( اي مسلم انت )) ؟؟؟

تقصد المذهب ؟؟؟

انا ســـنــي ... هل هذا اللي تقصده ؟؟؟

وبعدين على كيفك تحكم اني ما ابغى الصديق والصداقه ؟؟؟

يااخي اتكلم مع الشباب هنا واحتك معهم واقعد معهم بالساعات ..

لكن يجي اليوم الثاني امر عليهم وكنهم ما يعرفوني ..

وش تبغاني اسوي ؟؟؟ اذل نفسي عشان يرضون علي ويكلموني ؟؟؟

او تبغاني اقط وجهي عليهم ؟؟

اذا انت تذل نفسك وتقط وجهك عند الناس ... فـ انا مو مثلك ولا راح اصير مثلك ولا على شاكلتك

و ردك اغبى رد شفته في النت ..

وش قال قال وش دينك

ياخي ودي اقولك استح على وجهك .. بس اعتقد واحد مـُبتعث لبلد خارج بلده .. فـ احترم عمرك وما راح اقولك هالكلمه مباشره

عالعموم ... انا بانتظار ردك ... وخلك متاكد برد على كل حرف بتقوله ..

ولو سمحت خلك محترم بالردود القادمه عشان نكون محترمين معك ..

بانتظارك

أكره الحوار حينما يكون السعودي طرفا فيه مابالكم والمتحاورين سعوديين سلمولي على هالموضوع

هلستون مهيب بيره تباع عندنا في ميد وتجي بطعم الفراولة والتفاح؟

اخي الباشا سر على بركة الله على منهجك
واجعل الاخرين يرون الاسلام فيك ولايسمعونه منك .


اخي الامبراطور الامور تغيرت ترى مهيب على خبرك والزمن تغير .


من أول كان تنشر الاسلام عن طريق المحادثه وعلى طريقة مباشره


أما الان فمع التكنولوجيا الحديثه والسرعه في كل شيء وبروز الاعلام وانتشار المعلومة بشكل هائل
الانجح في تغيير المفاهيم لدى الشعوب هي مايرونه بأنفسهم .

وهذهي وجة نظري الشخصيه .

ودي اقول مثال على ذلك (بس خايف انه مايناسب الاخوان في الخارج لكن ابقوله)
الان أمريكا اخذنا عنها فكره من كلماتهم واعلامهم بأنها دولة ديمقراطية تحترم حقوق الانسان وتقدر الانسان
لكن مارينا في غوتنامو وفي العراق عكس ذلك وتغيرت أرائنا عن امريكا 180 درجة.



عامل الناس معاملة اسلاميه حتى يقتنعوا بها وإن سألت عن الاسلام فاخبرهم عن الاسلام الحقيقي


زاحف ينحف
سأوديا أرايبا
نجد
الرياض
النزهة
عثمان بن عفان
خلف بنك الراجحي سابقا
تحياتي

المشاركة الأصلية كتبت بواسطة زاحف ينحف


هلستون مهيب بيره تباع عندنا في ميد وتجي بطعم الفراولة والتفاح؟




الناس في الناس والعنز في النفاس:108: :108: :108: ........بعدين اسم المدينة هيوستن

المشاركة الأصلية كتبت بواسطة كابتن


أكره الحوار حينما يكون السعودي طرفا فيه مابالكم والمتحاورين سعوديين سلمولي على هالموضوع




لايا شيخ احلف!!!!!!!! تكرة حوار السعودي والمحاورة معاة والله مو منك من الي يعطيلك وجة ويقرالك .....لاحول ولا قوة الا بالله المرضى في المنتدى اشوف كثروا :108: اقول شايف نفسك على اية من زود اللباقة والفهم الي عندك:icon_puke ....... ياخي احترم وجهات نظر الثانيين ولا تغلط على الناس اذا انت موسعودي ما ترضى احد يغلط على اهل بلدك واذا سعودي المصيبه اكبر :112: :112:

يا راعي ايوستن كيف الاجواء عندك حلوة وكم عدد السعوديين ولا عليك امر

اختي zonah

ما نقول الا الله يهدي الجميع

---

يااخ كاكا السعودي

اسم المدينه هيـوستـن

والسعوديين بالمعهـد 76 شخص ( اولاد ــ بنات )

وهم اكبر عدد لطلاب من نفس البلد في معهدنا ..

وهالكلام مو من عندي .. هالكلام من نفس موقع المعهد التابع للجامعه

وهذا الرابط عشان تصدقني

http://lcc.uh.edu/statistic.html

اسئله ثانيه يا غالي ؟

المشاركة الأصلية كتبت بواسطة كابتن


أكره الحوار حينما يكون السعودي طرفا فيه مابالكم والمتحاورين سعوديين سلمولي على هالموضوع



قل خيرا أو اصمت :105:
للأسف انك سعودي وتقول كذا:110:
وكلامك هذا ينطبق عليك أنت يا سعودي

المشاركة الأصلية كتبت بواسطة كابتن


أكره الحوار حينما يكون السعودي طرفا فيه مابالكم والمتحاورين سعوديين سلمولي على هالموضوع





اقول يالايطالي مدري الاسباااني !!

المنتدى مليااان سعوديين ومن اول اشوفك تطامر بالمواضيع وتتناقش الحين تقولي ماحب اتناقش اذا الطرف سعودي

وياليت يكون بكلامك نوع من الاحترام لاني ماشفت فيه اي ذرة احتراام لانه كلنا سعودين واي سعودي مايرضى بهالكلااام واظن انك لاحظت الشي هذا من الردوود


ولو سمحت خص ولاتعم في ناس ماقربوا منك ولا غلطوا عليك

الله المستعااان بس


ونسيت لا اقولك مبروك فوز منتخبكم الاسبااااااااااني على تونس يالاسباني

هلا اخوي كاكا السعودي..

اها الحين فهمت انك تقصد أوستـن Austin

على العموم هي عاصمة تكسـاس

واعتقد فيه اخ معنا بالمنتدى في أوستن ويمكن يفيدك فيها

لان والله ماعندي اي علم عنها ... اللي اعرفه انها مدينة ( ستيف اوستن المصارع ) ههههه

واللي اعرفه انها ( تكساس الحقيقيه ) ... يعني تلقى الناس اثرهم كنهم كاوبويس لووول

مدري والله .. عالعموم ياغالي بالنسبه لتخصصك مااقدر افيدك لان مااعرف والله

بس تكساس بشكل عام جوها حلو والى الآن الوضع فيها تمام من ناحية التعليم والمعيشه

اعذرني ماافدتك كثير يااخوي ... بالتوفيق وان شاء الله يجون اخوان ويفيدونك

---

بالنسبه للاخ ( الاسباني ههههههههه )

انا اصلا ما رديت عليه .. فـ تركوه يااخوان

المشاركة الأصلية كتبت بواسطة zonah


الناس في الناس والعنز في النفاس:108: :108: :108: ........بعدين اسم المدينة هيوستن



هذا نموذج للحوارات السعوديه ولاحول ولاقوة الا بالله:108:

هيا شوف جاك الثاني
لا تعممون
عشان كم واحد قال كلمة خلاص كل السعوديين كذا
اتقوا الله

هلا والله اخوي كاكا
اعذرني تاخرت عليك بالرد...بس انا ماكنت متاكد انك تقصد اوستن...عشان كذا فظلت اني انتظر الى ان اتاكد
عموما المدينه نفسها جدا جدا رائعه
بحكم انها مدينه موكبيره لذاك الزود يعني ماتقارن بهيوستن لكن فيها حقها
المدينه راقيه لابعد الحدود.............اعتقد هي عاصمة الموسيقى لامريكيه او نوع منها (هذا الي سمعته وشفته بس مانيب متاكد من اللفظ) فيها جامعة ut وهي من اقوى الجامعات في امريكا ويمكن هذا الي خلاها تزدهر اكثر فيها نهر كلوراو وفيها بعد بحير الصراحه ماعرف اسمها بس حسب ماسمعت انا شي خيالي عموما انا ماشفتها بس كثير سمعت عنها
بشكل عان المدينه حلوه واسعارها بعد معقوله
بس المشكله ان المدينه فيها معهدين معتمدين من الوزاره واحد منها الي انا فيه والثاني تبع ut والاثنين في منطقه وحده وهالمنطقه حقيقه فرع لسعوديه هنا ...........يعني على كثر ماكنت ابي اشوف سعودين لما اجي على كثر ماتفاجئت يعني يمر ويك اند كامل ماتلقى احد تكلمه انجليزي.....طبعا بحكم ان المدينه مو كبيره وهم مجتمعين في منطقه وحده..........ولي يبي يبعد عن هالمنطقه الله يعينه على المشاوير والوحده
طبعا انا ماوافق اخوي الباشا ابد على موظوع الكوبوي بلعكس المدينه جدا متطوره وراقيه
وبنسبه لتكسس الحقيقيه انا اعتقد انه صحيح ..........على فكره الي من تكسس في امريكا يفتخر انه منها وراح تلاحظ هالشي لما تجي.......والامريكان يحبون هالمدينه جدا........يعني ماكلمت احد الا قالي ماعشت في مدينه احلى من اوستن(الامريكان طبعا)
اذا فيه اي شي ثاني تحب تعرف عنه انا حاظر اخوي

الله يوفقك و ييسر لك كل امورك

you too brother

والله كلامك فعلا هذا الي يصير هنا انا الان موجود في اوريقون وفعلان قاعد اشوف التجمعات والاحزاب لكن الحمدلله عندنا واحد في المعهد اطلقت عليه الاب الروحي لكل السعوديين في المعهد مشاء الله عليه اي واحد يجي جديد يفزع معة ويساعدة في اي شي يحتاجة الله يجزاه خير
وفعلا المملكة ما لها مثيل بس الي مصبرنا الدراسة الله ينهيها على خير انشاء الله
اما ابلانورة الي تقول خل زيارتك بعد سنتين انا اقول انها كثيرة مرة ومحد يقدر يصبر انا الان صارلي شهرين وافكر اني ارجع في رمضان بس عاد مدري
اتمنى لكل المتبعثين التوفيق والي بيجون والي يدرسون في السعودية
والسلام عليكم ورحمة الله وبركاتة

هـــلا وغــــ harb ــــــــــلا اخوي ..........


يعطيكـ العافيهـ

انا تخصصي علاج طبيعي

وهذي الجامعهـ

THE UNIVERSITY OF TEXAS AT AUSTIN

ومترردد اجيب قبول منها ولا لا فا اشرايك انت

لاني محتار بينها وبين بنسلفينا وفلوريدا


وشاكرك اخوي ......

اختي zonah

ما صار الا الخير

--

بو فيصل

الله يعين الجميع ان شاء الله

والله امس الوضع تحسن شوي

لقينا بعض الوجيه الطيبه

بالنسبه لزيارة الاهل ... افضل شي قبل ما تخلص الفيزا

لان في ناس خلصت فيزهم و رجعوا عشان يجددونها .. وللحين هم هناك

الله يعين

وجزا الله كل خير لكل واحد يساعد ويعاون

---

اخوي كاكا

توكل على الله ترى الدعوى ماهي سهله

يعني عجل بامورك وان شاء الله كل شي خير