الموضوع: دزني لاند

السلام عليكم

عائله 4 : 2 كبار- 2 اطفال

وصول من مطار شارل دي غول من رحله داخليه الساعه 5 ونص مساء
واتوقع ساعه ونص الى وصول الفندق
والتوجه مباشره الى دزني , كيف ترتبون الجدول ( علما الجدول لدزني فقط)
الوصول يوم السبت - الاحد - الاثنين- الثلاثاء العوده للمطار اقلاع 11وربع صباحا طبعا الحظور قبل يعني مو محسوب اخر يوم
____
جدول لهذي الايام ,لان ماعندي خبره في دزني وقريت انها اقسام الاستديو والملاهي نفسها
يفضل التقسيم والاستفاده من كامل الايام
.
وشكرا لكم

مواضيع عشوائيه ممكن تكون تعجبك اخترناها لك:

• رأيكم بخط سير من باريس وينتهي بميونيخ
• استفسار عن فندق ضرووري
• رحلتى الباريسيه الى الأراضى الفرنسيه
• ابي اسافر لفرنسا ومحتاج مساعدتكم
• استفسار عن مترو باريس
• ممكن افاده يا اهل الخبره
• رحلة شهر العسل الي فرنسا
• خبرآء فرنسا هل باريس تكفيها يومين ؟؟
• أفيدوني يا أهل الخير أنا مسافر لـ شهر العسل
• ديفون ماذا افعل هناك
• الى باريس
• استفسار عن شرائح الانترنت في فرنسا وكذا دولة
• اول مره اسافر لباريس سااااااااااااااعدوني
• تقرير باريسبعنوانوتحقق الحلم
• عاجل استفسار انا في فرنسا الان
• لا احد يقول ماقريت في المنتدى قريت وشوفوا الثمره بس باقي شويات لوسمحتو
• حابة استفسر عن السكن في باريس لاهنتم
• استفسار عاجل
• آنسي آو ايفيان أو نيس و كان ؟
• مخطط لاوروبا لمده يوم طلبتكم ،،

وعليكم السلام

من المطار ممكن تاخد تاكسي وهو الوسيلة الأغلى بس الأريح خصوصا في وجود أطفال وشنط وعفش
في باصات من المطار لديزني في حدود 18 يورو للشخص
وممكن تاخذ القطار بس راح يكون في تبديل محطه يعني من المطار الى محطة Chatelet ومنها تاخذ RER A المتوجه الى ديزني محطة Marne la Vallee
وأول ما تطلع من المحطه راح تلاقون باصات مجانيه تنقلكم الى الفندق الي ساكنينه

يوم الوصول السبت اذا رحلتكم خمس ونص عبال ما تخلصون المطار وتوصلون ديزني وتروحون الفندق تستلمون الغرف يكون اليوم خلص والبارك صك تقدرون تطلعون تتمشون في Disney village فيها مطاعم تتعشون فيها ومحلات تسوق ولا تطولون لانه بتكونون تعابه من الرحله ووراكم يوم حافل
الاحد ويك اند وزحمه خلوه للاستوديو اصغر من البارك وان شاء الله تغطون اكبر عدد من الألعاب
الاثنين البارك الين ما تصك
الثلاثاء متى الرجوع ؟! اذا الليل مثلا تقدرون الصبح تزورون الاوت لت او المول القراب من ديزني محطة وحده بس قبل ديزني

رحلة موفقه

يعطيك العافيه
يوم الوصول ممتاز.
..
الاحد فيه مجال للبارك والاستديو؟ لان البارك الاحد تقفل 8 ؟
والاثنين تكمله للبارك ؟
لان اللي فهمته البارك هي اللي فيها اللالعاب يعني هي المهمه؟
والاستديو ممكن بالضبط وش تحتوي؟
...
الثلاثاء صباحا الرحله والاولت لت محطوط في جدول باريس هذي .

village
متى تقفل؟

صح في دزني
ويعطك العافيه ماقصرت

http://www.arabtravelersforum.com/travel779675/

زين جرب وقت الوصول علي الاوت لوت والاحد الاستديو والبارك الاثنين
وش رأيك ام ريم

الاوت لت يصك 8
اذا وصولهم المطار 5 ونص المساء نقول على الأقل نص ساعه في المطار بين جمارك و أخذ العفش
الطريق راح ياخذ حوالي الساعه سواء تاكسي او بالقطار
الوصول فندق ديزني واستلام الغرف بعد يبيله 30-45 دقيقه
صعبه جداً يوصل قبل لا يسكر

نعم فيها محلات تبيع ملابس تنكريه

شكراا اخوي على استفسارك
وشكراا لكل من قدم اقتراحاته
السؤال الفيلج عباره عن شنووو ؟؟
البارك والاستوديو معروفين
اما الفيلج مادري هل تكون مفتوحه على طول
وهي عباره عن شنو بالضبط وشكراا مقدما

الفيلج عباره عن محلات تسوق فيها اغراض كلها على شخصيات ديزني
وفيها مطاعم وكوفي شوبز مثل McDonald , Starbucks , rainforest , planet hollywood, Disney cafe
وفيه IMAX سينما
يعني منطقه ترفيهية تفتح لوقت متأخر من الليل تقدرون تكملون السهره فيها عقب ما تصك البارك لانه مايكون في شي ثاني تسوونه