ما عليك الا انك تضع تاريخ المغادره وتاريخ العوده .. وعدد المسافرين .. ودرجة السفر ..
وخل الباقي عليه ..
وبالنسبه للخطوط السعوديه اذا حجزت عن طريق النت حجز تستطيع استرجاع مبلغ التذاكر فيه ..
سدد مبلغ الحجز عن طريق نظام سداد .. كأنك تسدد فاتورة تلفون .. بس خذ رقم الحجز وادخله بالمباشر
للراجحي او خدمة السداد لأي بنك اخر.. ولو كنسلت الحجز تمر اي مكتب خطوط وتاخذ فلوسك ..
و لو حجزت عن طريق البطاقة الائتمانيه ..
وبعدين نويت انك ترجع قيمة التذاكر اقل شي تاخذ عملية الاسترجاع شهر ..
وممكن انهم يشيبون فيك لين ترجع لك فلوسك .. وانا صار لي هالموقف معهم .. واسمع نصيحتي تراني مجرب ..
والله يا مغطوا فيني تمغيط .. سويت استرجاع لتذاكر .. واستنيت شهر وما نزلت في الحساب حق البطاقه الائتمانيه ..
(( للمعلومية ترى مبلغ الاسترجاع يرجع على حساب البطاقة ما تاخذه كاش ))
وبعدين رحت ادور الموظف اللي ألغيت عنده الحجز قالولي في اجازه تعال بعد يومين قالو لي الموظف معه اجازه مرضيه .. وهو الوحيد المختص بعملية استرجاع الحجوزات اللي من البطاقه الائتمانيه ..
اخر شي ارسلت ايميل شكوى على خدمة العملاء في جده .. وبعد يومين اتصلوا علي .. و قلتلهم عن اللي صار
واخذت 3 اسابيع لين رحلت فلوسي فوق الشهر اللي انتظرته ..
أما بالنسبة للحجز الغير مسترد ماعندك مشكله فيه احجز عن طريق الائتمانيه او غيرها لانك في النهايه ما تقدر تسترجع التذاكر ..
وكلامي هذا كله يخص الخطوط السعوديه ..
للمعلومية (( الحجز عن طريق النت ارخص بكثير من الحجز عن طريق المكاتب السياحيه .. او مكاتب الخطوط السعوديه ))
هذا اللي اقدر اخدمك فيه .. وسامحني على التقصير ..
المفضلات