الموضوع: كوريااااااا

السﻻم عليكم......
حبيت استفسر عن كوريااا كيف بيكون الجو في بداية ابريل؟ وكيف بتكون درجات الحراره؟
واي المناطق افضل للسياحه بوسان وﻻ جزيرة جيجوو؟ للعلم السفر بيكون مع اطفال
شو افضل الفنادق في كﻻ المنطقتين.... من الموبايل

مواضيع عشوائيه ممكن تكون تعجبك اخترناها لك:

• تقرير رحلتي صيف لسوريا الحبيبة بالصور
• جوام الكنز المجهول
• تذاكر طيران لسنغافوره
• تكفووون استفسار مهم
• أيام ليالي في سنغافورة
• رآيكم بهذه آلفنآدق
• ضـــروري كوريـآ آلجنوبية
• مدينة الـ مليون نسمة بكين واقليم شنجايان الساحر الصـيـن
• ضروووري
• محميـة بـاسـل الأسـد الطبيـعية
• تأشيرة كمبوديا ،، للسعوديين ؟؟
• السفر إلى كوريا الجنوبية دايجو
• سؤالين عالسريع كوانزو ومطار هونج كونج
• استفسارات عن سفرتي القادمه لليابان
• استفسار عاجل عن فنادق جزيرة سنتوسا
• هل الاسعار انخفضت في ظل الاحداث
• استفسار يا خبراء سوريا
• المساعدة ياخبراء المنتدى لدول جنوب شرق أسيا
• احب الناس اللي يساعدون وادعيلهم حتى لو ماساعدوني انا ساعدو غيري كوريا الجنوبيه
• تقرير رحلتي الى الشام

ليش محد يرد عليه؟؟؟؟ من الموبايل

ينقل لقسم الاستفسارات ,,,

و عليكم السلام و رحمة الله و بركاته ..
فصل بيكون ربيع ، من 29 درجه إلى 7 درجات ^^
بوسان شاطئيه و جيجو جزيره رائعه ♡♡♡
كم المده و الميزانيه ؟

10 ايام ...بنسبه الى جيجو شو الاماكن السياحيه الحلوه فيها؟؟؟؟ وكيف بيكون الجو فيها بارد؟؟؟؟بغيت بعد اماكن حلوه للاطفال:001:

يزاك الله خير بس عندي استفسار عن كيفيه الوصول الى الحدايق والاسواق عن طريق المترو:002::001:

ما قصرت أخوي

معلومات مفيده جداً

من ناحية كيفية الوصول للحدائق والاسواق وغيرها
اقترح اول ما توصلون لمطار سيول تاخذون خريطة للمترو باللغة الانجليزية

لان كل منطقة فيها اسواق وفعاليات وحدائق
اسواقهم كثيرة

او اختر الاسواق اللي تبي وانا اشوف الخريطة واعطيك رقم المترو ورقم المحطة

المشاركة الأصلية كتبت بواسطة الزنون
http://www.arabtravelersforum.com/tr...6/#post8181236

من ناحية كيفية الوصول للحدائق والاسواق وغيرها
اقترح اول ما توصلون لمطار سيول تاخذون خريطة للمترو باللغة الانجليزية

لان كل منطقة فيها اسواق وفعاليات وحدائق

اسواقهم كثيرة

او اختر الاسواق اللي تبي وانا اشوف الخريطة واعطيك رقم المترو ورقم المحطة

تسلم اخوي ...
ان شاء الله بحجز في فندق Fraser Suites Insadong
شو الاماكن القريبه من هالمنطقه من مولات و اماكن ترفيه خصوصا للاطفال:001:
بنسبه نامي ايسلند كيف الوصول اليها؟؟؟
وبعد نهر الهان:012:
اسمحولي وايد اسال :005::001:

الشباب ماقصروا بالرد

وبالنسبة لتجربتي

فكان سفري في يونيو (شهر 6)

الجو روعة وقتها

جزيرة جيجو مكان رائع جداً
تحتاج برنامج كامل يغطي كل الأماكن فيها

وفندق لوتي lotte جميل
وهذا رابط الفندق
http://www.lottehoteljeju.com/kr/



وأما بوسان فلم أزرها

وما قرأته من كلام الشباب والتقارير الأخرى لاينصحون بزيارتها

وأنصحك
بسيئول (الإقامة أطول فترة ممكنة)
وجيجو (إذا فيه وقت على الأقل اسبوع لتغطية الأماكن السياحية)

تسلم اخوي ...



العفو




ان شاء الله بحجز في فندق Fraser Suites Insadong



فندق حلو وبموقع ممتاز
طبعا الفندق قريب من المترو رقم 5 اللون البنفسجي محطة رقم 534 اسمها jongno المخرج 6 لما تطلع فوق تخلي الشارع على يسارك والمباني بيمينك سيدا امامك مبنى هو خلفه





شو الاماكن القريبه من هالمنطقه من مولات و اماكن ترفيه خصوصا للاطفال:001:



من ناحية ترفية الاطفال والله ما لي علم به
لكن قريب منه القصور الاثرية تركبون المترو البرتقالي طبعا انتم بالمحطة رقم 329 وتوجهون للمحطة رقم 327
وفيه اسواق شعبية قريبة منه
برج سيول مو بذاك البعيد عنكم




بنسبه نامي ايسلند كيف الوصول اليها؟؟؟



مدروي والله ويش هذي
وبعد نهر الهان:012:
نهر الهان تركبون المترو البنفسجي اللي عند فندقكم طبعا انتم بالمحطة رقم 534 وتوجهون للمحطة 527



اسمحولي وايد اسال :005::001:
ابد وانا اخوك ما جينا هنا الا نفيد ونستفيد
وان شاء الله بذكر لك الاسواق القريبة وكيفية الوصول لها

تسلم اخوي الزنون ع المعلومات

صراحه انا حترت في فنادق فريزر شو الافضل من الموقع هل 1 Fraser Suites Insadong و
Fraser Place Central Seoul 2

الاول افضل من ناحية الموقع

اذا ما يهمك سعر الليلة فيه الافضل منهم وبموقع ممتاز وكله اسواق وخاصة سوق نامدمان
وبجانب محطة المترو لا تتعدى عشره متر تقريباً
الا وهو
Lotte Hotel Seoul

فنادق اللوتي فرعين واحد منهم قريب من مطار جمبو
اختر الاخر اللي بوسط سيول انصحك فيه
هذا رابط الفندق
http://www.booking.com/hotel/kr/lott...ml?aid=1329869

او اختر هذا وهو الافضل من ناحية التقييم وقريب من اللوتي
The Plaza
http://www.booking.com/hotel/kr/thep...ml?aid=1329869

اما اذا تبي فندق سعره معقول لكن ثلاث نجوم وهو قريب من فندق اللوتي
اختر هذا خاصة ان فيه مطعم قريب منه
اسمه Ibis Ambassador Myeong-dong
http://www.booking.com/hotel/kr/ibis...ml?aid=1329869

اخترت لك الفنادق بافضل موقع بسيول
وهي الافضل من ناحية التقييم

للمعلومية انا ما جربت ولا فندق من هذة
لكن اخترتها لك من اجل الموقع اللي فيه اسواق وبعض المنتزهات

انصحك تدخل موقع بوكنق وتشوف الخريطة اللي فيها الفنادق اللي انا اخترتها لك وتختار اللي يعجبك الاهم بالمنطقة اللي انا حددتها

واتمنى تستمتع بالرحلة والاهم اذا انا خدمتك ان تدعو لي

واي استفسار لا تتردد اطرح سؤالك وانا باقرب وقت اجيب لك
اليومين هذي بغيب عن المنتدى وان شاء الله يوم الاحد اكون متواجد
كل ما طرى لك سؤال اطرحه وان عدت انا على خير راح اجيب لك

تحياتي

مثل ماتفضل الأخ الزنون

منطقة السيتي هوول
هي الأفضل

فإذا ما يهمك السعر وتبي مكان يكون قريب للأسواق والأماكن السياحية ويقع بوسط البلد تقريبا
فندق the plaza هو الأنسب
وهذه إحداثيات الفندق
37.564825,126.978253
ألصقها في خرائط جوجل

وأنا سكنت فيه
فهو فندق لكبار الشخصيات والوفود والأجانب ويقع بوسط سيئول
لكن عيبه أن غرفة ضيقة قليلا

يزاكم الله خير على كل من رد ع موضوع:042::041::041:

عندي استفسار بنسبه الى فندق Fraser Suites Insadong شو الاماكن القريبه منه ؟ هل7/11 قريب منه ؟؟؟بنسبه لحديقة لوتي كم تبعد عن الفندق؟لانه يمكن احجز 5 ليالي في فريزر وليلتين في فندق لوتي اذا ممكن ترتبولي جدول 5 ايام في احلى الاماكن اللي تستحق الزياره وكيفة الوصول اليها بالمتروو مع ذكر اسماء المحطات
وبنسبه للصرف وين اصرف؟؟؟؟


واسمحولي ع الاطاله:001:

يزاك الله خير ما قصرت

عاد تراني ابي منكم خدمة بعد شهر
عندي نية بزيارة للامارات ان شاء الله بنهاية شهر ابريل
بسألك عن اهم الاشياء هناك اذا قرب وقت السفر

[/QUOTE]

ان شاء الله

عندي سوال ميوج دونج كم يبعد عن فندق فريزر سويت؟
بغيت اسواق ومولات اسعارهن مب غاليه
:001::001:

عندي سوال ميوج دونج كم يبعد عن فندق فريزر سويت؟



اذا تقصد منطقة myeong dong
فهي تبعد بثلاث محطات عن الفندق
المحطة اللي عند الفندق تطلعون على المترو البرتقالي طبعاً انتم بالمحطة رقم 329 وتنزلون بالمحطة رقم 331
تتجهون للمترو الازرق طبعاً انتم بالمحطة رقم 423 وتنزلون بالمحطة التالية رقم 424 اسم المحطةmyeong dong
طبعاً المحطة هذي قريب منها برج سيول

بغيت اسواق ومولات اسعارهن مب غاليه



اللي انا شفته
موديلات عادية ولا تناسبنا نحن الخليجيين وفوق ذلك اسعارهم مبالغ فيها
هذا من وجهة نظري انا
ربما تعجبكم فالنظرات تختلف

اعتقد الارخص اذا ما خانتني الذاكرة
سوق نامدمان
وسوق نام دايمون
وسوق دونق دايمون

تحياتي

الحمدلله تم حجز من تاريخ 2 الى 10 ابريل الى سيوول:012:ابغي جدول رحلات لو سمحتووا:000:

حبيت تفيدوني باسماء حدايق في سيوؤل فيها اشجار الكرز:001: وكيف الوصول لها ؟؟؟؟؟
وبنسبه للقريه التراثيه كيف الوصول اليها بالمترو.؟؟؟؟

المشاركة الأصلية كتبت بواسطة شمـس الامارات
http://www.arabtravelersforum.com/tr...4/#post8200984

حبيت تفيدوني باسماء حدايق في سيوؤل فيها اشجار الكرز:001: وكيف الوصول لها ؟؟؟؟؟
وبنسبه للقريه التراثيه كيف الوصول اليها بالمترو.؟؟؟؟



من ناحية اشجار الكرز متواجدة بكل مكان بسيول
اغلب الشوارع فيها اشجار الكرز
هذي صورتها
http://www.gulfup.com/?6dwJje

اما من ناحية القرية التراثية
ما ادري ايش تقصد بالقرية
هل قصدك القصور او شيء ثاني؟

القريه الشعبيه من الموبايل

المشاركة الأصلية كتبت بواسطة شمـس الامارات
http://www.arabtravelersforum.com/tr...5/#post8204055

القريه الشعبيه من الموبايل



يمكن قصدك القرية الكورية التقليدية
Namsangol Hanok Village

وأقرب محطة هي
Chungmuro

وبالإمكان الوصول للقرية ولأماكن أخرى سياحية تراثية أو متاحف أو معالم سيئول السياحية عبر الباص السياحي
Seoul City Tour
ويكلف 10000 وون كوري
مايعادل 35 ريال سعودي أو 34 درهم إماراتي

وعلى حسب المسار ومحطات التوقف يكون السعر

وهنا معلومات إضافية
http://english.visitkorea.or.kr/enu/SI/SI_EN_3_4_10.jsp