الموضوع: ممكن مساعدة في عمل تخطيط لرحلة لفرنسا وبلجيكا وهولندا

ممكن تساعدوني الله يجزاكم ألف خير
في عمل تخطيط لرحلة لفرنسا وبلجيكا وهولندا لمدة 16 يوم

ويا أهل الخبرة كيف حالة الجو في هذي البلدان في شهر 8 ؟
و وين أماكن التسوق تنصحوني فيها ذات الأسعار المناسبة ؟
وشاكرة لكم مقدماً

مواضيع عشوائيه ممكن تكون تعجبك اخترناها لك:

• متى احجز لباريس
• ارجو منكم ارشادي مطار اورلي
• فيزا الشنجن
• خذلك نظرة و أتبرع لو بقطرة مخطط خام
• وش رايكم بهالفندق ابغى رأيكم
• استفسار عن حجوزات الانترنت لـ برج ايفل ديزني اللوفر
• الطريق من باريس الى كان
• المسافة بين باريس وبون وباقي المدن
• برنامج باريس
• عاجل ارجو المساعده انا في باريس حاليا
• ارجو المساعده فأخوكم مبتدئ
• استفسار عن مخطط رحلة اوروبية باريس بروكسل جنت بروج بلجيكا هولندا فيينا
• هل ارياف فرنسا تصلح لشهر عسل
• اول مره اسافر الي اوروبا فرنسا باريس و سويسرا انترلكن
• رحلة لشخصين لمدة تقريبا شهر ل دول
• فيصل لندنيه أو أحد الاعضاء لوسمحتوا مساعد
• بليييييييييييز ساعدوني
• باريس في ليال
• جدولي النهائي ساعدوني فيه باريس ، ليل الفرنسيه ، بروكسل ، امستردام
• استفسار بخصوص باريس

ينقل لقسم الاستفساراتارجو قراءه شروط الكتابه بالمنتدى

عودتك من وين
استخدم الخطوط klm اشوفها افضل بمخططك
باريس 6-7 ايام كافيه

العذر والسموحة أبو طلال أنا جديدة على المنتدى فلا تلومني , ماعرفت وين أكتب

أخي العزيز فيصل شاكرة ومقدرة لك على الرد , العودة أن شاء الله راح تكون من أمستردام
والخطوط حجزت على الإماراتية , والسفر راح يكون لشخصين فقط انا و زوجي

فيه قسم بوابه دول اوربا الاخري زوري قسم الاستفسارات وضعي استفسارك هناك ولا يقصرون

اسواق بروكسل يمكن الاخوات يعرفونها رومه وفاندا

باريس الاوت لوت وجالري لافيت هم الاشهر فيه الفصول الاربعه وبون مارشيه
اذا خلو باريس 6 ايام

أخوي فيصل بارك الله فيك
ممكن تنقلون لي الموضوع هذا الى بوابة دول أوروبا قسم الأستفسارات ولا عليك أمر

لا ليش ننقله

خليه لاستفسار باريس
واعمل موضوع ثاني

فيصل + romah+ FANDA

الله يعطيكم الف عافية على الرد , طيب أبي تسوون لي جدول يومي بالأيام في باريس ولا عليكم أمر
يعني وين أروح كل يوم الصباح والعصر والليل , الأماكن السياحية
هذي أول مرة أروح فرنسا ولا أدري وين أروح

كم يوم حددتي لكل منطقه ؟؟!!

وشنو اهتاماتكم والي حابين تزورونه ؟؟
تبون متاحف قصور تمشي واماكن مفتوحه
تبون ديزني

متحف الانسان اول مره اسمع عنه
ممكن نطلع عليه
ديزني يبيلها يوم
الباقي علي حسب مزاجك
ممكن الرحله كلها 6 ايام بتكون مبححبه علي الاخر ومش مزحوم جدولك

يعطيك العافية أخوي فيصل على الرد
طيب بسألك عن نهر السين شرايك فيه وممكن نروح له أي وقت ؟ وكيف الترتيب له وكذا

5 ايام باريس + يوم في ديزني مناسبين
متحف الانسان ما ادري عنه شخصيا ما تستهويني هالامور
فرساي دامكم تحبون التمشي والاماكن المفتوحه لا تفوتون حدائق القصر

شوفي موضوع الاخت romh فيه جداول لاهم الاماكن السياحيه
خذي فره عليها وحددي شنو الي يعجبك وممكن نرتبه لج بالايام

فيصل + fanda
الله يعطيكم العافية ماقصرتوا ,

أن شاء الله رتاح أضبط جدول وأكتبه هنا حتى تعطوني آرائكم بالجدول أذا مناسب أو يحتاج الى تعديل

مرحبا أخواني + أخواتي
أبي رايكم في السكن أول يوم
تنصحوني أسكن في فندق بجانب المطار أو منطقة أخرى ؟
فقط ليلة وحده , لأني راح أوصل لباريس أن شاء الله الساعه 2 ونص الظهر
وإذا سكنت أول يوم في فندق جنب المطار وين ممكن أروح ؟ بمعنى هل في أماكن سياحية قريبة أقدر أروح لها ؟

ليش فندق قريب المطار ؟؟
راح تطلعون من باريس يوم ثاني او شنو الترتيب ؟؟

خلكم وسط باريس افضل اختاروا فندق قريب المترو
اذا وصلتوا الظهر عندكم باقي اليوم كامل والنهار طويل تقدرون تستغلونه في جوله تعريفيه بباريس

لا ماراح نطلع من باريس يوم ثاني
بس قلت بنوصل من السفر تعبانين ونبي بسرعة نوصل للسكن نرتاح وكذا
أول مرة باروح ومدري وش السالفة أحس نفسي ضايعة
بس كلامك عدل نروح وسط باريس فندق قريب من المترو ونستغل اليوم كله بدل مايضيع علينا وألف شكر لك
في حال سكنت مكان بعيد شوي عن المترو شلون بقدر أروح له ؟؟؟

قررت أروح الى الأماكن التالية :
1- متحف اللوفر
2- شارع الشانزيلزية
3- قوس النصر
4- برج ايفل
5- جولة بـ نهر السين
6- متحف الشمع
7- ديزني لاند
8- الألوت لوت
9- قصر فرساي
10-قرية بيرسي
11- ساحة الكونكورد
12-حديقة الترولي
13- مجمع لي هالس
14- هضبة المونمارت
15- حديقة تردواكاد
16- منطقة لاديفانس

ممكن جدول لو سمحتوا على هذي الأماكن ؟
وهل في أماكن ممكن ألغيها وأستبدلها بأخرى ؟

كم يوم
متي تبدأ اذكر اليوم مثلا سبت واحد

الوصول يوم السبت
عدد الأيام من 4 الى 6
تشوفها مناسبة؟ أو أزود أو أنقص أيام
وبعد ذلك راح أتوجه مع زوجي الى بروكسل وبروج ثم هولندا

وينكم يا طيبين , تراني بإنتظاركم

ليش مستعجله
فندقكم وين
اذا تبون هالاماكن كلها اشوف ان خمس ايام مناسب
قريه بيرسي ما اشوف تستحق العنوه
ديزني هل تبون تلعبون ام تدمجونها مع الاوت لوت
هل انتم من الناس اذا رحتوا مثلا لوفر بتقعدون عدة ساعات وكذلك الحدائق ام تمرونها عن قولة ما مرينا المكان الفلاني

معظم الاماكن على خط واحد
مثلا اذا خذيتي الباص الاحمر من الشانز يمر على قوس النصر الكونكورد حدايق التويلرى اللوفر برج ايفل وتروكاديرو
طبعا اذا بديتوا من الصباح يمديكوم تخلصون الروت كامل وتنزلون مكان الى تبون
اذا ناوين تصعدون البرج الافضل تشترون التذاكر اون لاين قبل عشان زحمة الطوابير
اللوفر بعد ممكن تدخلونه الا اذا كنتوا تحبون توقفون وتشوفون كل شي فراح ياخذ وقت وايد

يوم ثاني ممكن الصباح فرساي وبعده الحي اللاتيني ومونمارت
قريب الغروب الرحله النهريه

يوم كامل لديزني وممكن تخلون معاه الاوت لت راح ياخذ منكم حدود الساعتين للتسوق
الاغراض الي تشترونها في لوكرات في ديزني ممكن تخلونها الين ما تخلصون اللعب

يوم تسوق تبدونه بلاديفانس وتستكشفون المنطقه بعدين مول الفصول الاربعه ولافياييت ولي هال .... كل واحد مكان بس بالمترو ما في مشكله توصلون بدقايق

ديزني تجنبوها الويك اند عشان الزحمه
فرساي يغلق الاثنين
اللوفر مغلق الثلاثاء
جاليري لافاييت مغلق الاحد

أخوي فيصل عاد أنا متحمسة للحجز وأنت تقول لي ليش مستعجلة هههههههه
أبي أخلص وأفتك , لأن زوجي محملني كل الترتيبات وأحس هم على راسي
كل يوم يسألني وشو صار معك على الحجز
....
بالنسبة للفندق لسى ماحجزت راح أحجز بناءً على الجدول ياللي تسوونه لي في اليوم الأول والثاني والثالث ...... وهكذا
عشان أسكن في فندق قريب من الأماكن اللي بروح لها وفقاً للجدول
............
قرية بيرسي يقول زوجي عاجبته لأن ماتدخل فيها السيارات وكذا
وديزني حابين نلعب
..........

بالنسبة للأولت لوت عندي سؤال : هل الماركات فيها مخفضة جداُ يعني يابلاش وكذا ؟ تستاهل وقت طويل للتسوق ؟ أو أسعارهم مو مخفضة ذاك الزود ؟

................

بالنسبة للوفر بنجلس ساعتين بس والحدايق كذلك ساعتين بالكثير
.......
ومتحف العطور وين فيه أبي أروح له كمان نسيت أكتبه

يعني ما فيه الا 3 اايام فقط لباريس

أهم شي فندق قريب من المترو
حوالين الشانز حلو عشان السهر نهاية اليوم

لا أكثر من 3 ايام لباريس
هذا كان جدول مقترح لبعض الأيام
في أماكن ثانيه حابه تشوفها ممكن نرتبها لباقي الأيام أو حتى نعيد ترتيب الي حطيته

مشكورين على الردود جميعاً
فديتكم

وين الأفضل أستخدم القوارب أو الباص الأحمر لزيارة الأماكن السياحية ؟؟؟؟؟؟؟؟؟؟؟؟؟؟؟؟؟

وينكم يا طيبين

الرحلتين مختلفين
الباص تقدرين تنزلين وتصعدين في اي محطه يمر فيها
الجوله النهريه متواصله يلف بيكم القارب عالمسار كامل ويوقف في المحطه بعد ما تنتهي الرحله

الاثنين يستحقون التجربه

يعني الرحلة البحرية ماهي مثل الباص الأحمر ؟

لأني قريت هذي الجملة : "

الرحلة النهرية برضو حلوة.. نفس فكرة الباص الأحمر تماما، وتنزلك الأماكن السياحية تنزلي تتجولي وترجعي تركبي البوت النهري من نفس المكان"

أنا ضعت هل هي نفسها أو تختلف

FANDA
عزيزتي ودي انك تروحين معي لفرنسا تدبريني هههههههههه

عروض يا ام ريم

الرحله النهريه ممكن اعطيك رابط تتطلعي عليه
http://www.arabtravelersforum.com/travel875483/

فيييييييصل
الله يوفقك ويجزاك ألف خير ويجزاك الجنه
الرابط جا بوقته

صباح الخير

ماقصرو الخبرا


وبخصوص نقاط توقف وحجز القوارب بنهر السين


والابوات والزوارق الخاصه


موجود بالموضوع اللى بتوقيعي


وافضلها اللى ينطلق من قرب المسله المصريه


بخصوص السكن


افضل لكم السكن قرب شارع جورج فيه فنادق ممتازه


واسعارها بعد حلوه


لو ماحجزتو لسى


بعطيك اسمائها

يا الله مشينا ما بقول لا هههههههههههههه

انه الي كنت اقصده الجوله النهريه الي ما تنزلين من البوت
حوالي الساعتين يدور بيكم القارب يمر على اهم المعالم
وبعض الرحلات يكون معاها غدا او عشا اذا تحبون

برايي خذو جوله الباص عشان تتعرفون عالمعالم السياحيه وتنزلون مكان الي تبون
والجوله النهريه تكون رحله فقط
جربنا Bateaux Parisiens
وكانت ممتازه جدا

ابوطلال قصدك اللي عند كونكورد يمين الميدان وانت متجه الي حديقه تويلغري باتجاه لوفر ام مكان آخر

بالضبط ابو خالد

ولكي يتضح الموضوع لاكثر من موقع ومعلومات اكثر

بزودكم من موضوعي بهالنسخه

والافضل الباص الاصفر

. L'OpenTour

https://s.yimg.com/qn/up/travel/1/4/...250bbede8b.jpg



وشراء تذاكرة بقيمة 44يورو للشخص مع مرور لااهم معالم باريس اظافة لاكثر من 50 موقع يتوقف فيها

وكذالك تشمل هالتذكرة خصم للدخول اغلب الاماكن السياحية بباريس



https://s.yimg.com/qn/up/travel/d/d/...8b6680161f.jpg



وكذالك تمكنك هالتذكرة من ركوب قارب

بنهر السين اللى هو

Batobus

https://s.yimg.com/qn/up/travel/6/9/...dec9d5eccc.jpg



https://s.yimg.com/qn/up/travel/b/9/...dbe87346ab.jpg


https://s.yimg.com/qn/up/travel/1/c/...f3bbbe1c3f.jpg

بعد اخذ جولة بالباص ممكن يكون الخيار الافضل هو التوجة لنهر السين للبوت السفينة اللى قلت قبل

او أي مركب واخذ

جولة بنهر السين في.califeالقارب "الخليفة"، وحجز عشاء ،
في جو غير عادي، ورومانسي، في قلب باريس.



https://s.yimg.com/qn/up/travel/a/8/...af0011abf4.jpg


https://s.yimg.com/qn/up/travel/5/7/...22f0ed5986.jpg


https://s.yimg.com/qn/up/travel/f/9/...647aa522f5.jpg


https://s.yimg.com/qn/up/travel/1/7/...b234c0dff5.jpg


مع عشاء بنهر السين في اجواء شاعرية او غداء
تكلفة من 60الى 88يورو للشخص مع حجز طاولة وتقديم تورتة بالمناسبة المحتفل بها بحدود 20يورو


https://s.yimg.com/qn/up/travel/b/8/...a3d744fdf0.jpg


https://s.yimg.com/qn/up/travel/c/f/...103a04caa2.jpg


https://s.yimg.com/qn/up/travel/8/c/...82277d7808.jpg



https://s.yimg.com/qn/up/travel/c/8/...81c590e197.jpg



والتمتع بجمال نهر السين برحلة كلها مشاعر لاتوصف في مدينة الانوار والحب


https://s.yimg.com/qn/up/travel/9/7/...226e8ac5dd.jpg


https://s.yimg.com/qn/up/travel/d/6/...7fd6aaadbc.jpg

او احدى القوارب التالية
bateaux-mouches


https://s.yimg.com/qn/up/travel/0/7/...5ab2dbeaa1.jpg

https://s.yimg.com/qn/up/travel/5/d/...d92c179369.jpg


وهذى خريطة للمواقع اللى يمر فيها وهو من افضل قوارب نهر السين


https://s.yimg.com/qn/up/travel/e/1/...a53e0d32d6.jpg


https://s.yimg.com/qn/up/travel/6/d/...88162873b9.jpg


https://s.yimg.com/qn/up/travel/3/a/...aa24a329f6.jpg


Vueaerienne او مركب



https://s.yimg.com/qn/up/travel/0/7/...0f4953615e.jpg


او مركب ماكسيم او الاكساندر


وهذى خريطة موقعهم


https://s.yimg.com/qn/up/travel/6/3/...3dd9b8d012.jpg



https://s.yimg.com/qn/up/travel/8/e/...51545e9cc4.jpg


ومشاهدة الاضائات اللتى تزين برج ايفل


https://s.yimg.com/qn/up/travel/7/7/...5549ff9bb7.jpg



https://s.yimg.com/qn/up/travel/6/3/...3dd9b8d012.jpg

أيش رايكم في جدولي هذا :
يوم السبت وهو أول يوم أوصل فيه أن شاء الله الساعة 3 المساء وجدولي فيه: لاديفانس + مول الفصول الأربعة + غاليري لافييت
+ لي هال + متحف العطور + الأوبرا

يوم الأحد : فرساي + الحي اللاتيني + مونامارت + الرحلة النهرية + كاتدرائية نوتردام + حديقة لوكسمبورغ

يوم الأثنين : الشانز + الكونكورد +حدائق التويلري + اللوفر + برج ايفل + ساحة تروكاديرو
يوم الثلاثاء : الأوت ليت + ديزني لاند
1- وشرايكم جدولي مضغوط أو فاضي ؟؟؟ راح يكون خروجي يومياً فترة الصباح ماعدا أول يوم
2- هل بإمكاني الإضافة عليه ؟؟؟
هل هو مرتب من ناحية الأماكن اللي راح أزورها بمعنى هل هي قريبة من بعض في اليوم الواحد ؟؟؟
يعني ماودي أروح يمين وبعدها يسار ثم أرجع يمين

المشاركة الأصلية كتبت بواسطة وين دلوني
http://www.arabtravelersforum.com/tr...0/#post8288730

الله يسعدك دنيا وآخرة أبو طلال وكل اللي رد أو حتى قرأ موضوعي
...
عموماً ( كل عام وأنتو بخير ومبارك عليكم شهر رمضان الفضيل ) أنا صاحبة هذا الموضوع رجعت لكم بعد غياب مر أسبوعين تقريباً
سويت لي حساب جديد لأن واجهتني مشكلة الدخول في المنتدى ولازالت مشكلتي لم تحل حتى الآن
مما جعلني بفتح حساب جديد لكي أتمكن من اتمام أستفساراتي



ممكن من ايقونه الاتصال بنا بالاسفل حل مشكلتك

مضغوط يا غالي

طيب ممكن ترتيب بحيث انها تكون قريبه من بعض وحولين بعض او على خط سير واحد

اليوم الاول فيه برنامج يومين في منطقتين مختلفتين ( لاديفانس و الاوبرا )

باعتبار سكنتي في لاديفانس ووصولك الساعه 3 العصر تروحون الفندق تريحون وبعدين تطلعون تستكشفون المنطقه حوالينكم وبعدين الفصول الاربعه تتعشون وتردون الفندق
لافاييت مصنع العطور في الاوبرا كلهمفي مشوارواحد
يوم الاثنين ممكن الباص السياحي الاحمر يمر كل الاماكن الي ذكرتينها ومنها اللوفر اذا كنتوا من النوع الي ما يدقق في كل شي
ويمر قريب نوتردام بعد
برنامج الاحد الفتره الصباحيه فرساي وبعدين الحي اللاتيني وممكن المسا الرحله النهريه

..


ما قصرت فندا .. وبتلاحظ ان في اماكن لابد تستغني عنها
تبي تزور اماكن كثير بوقت قليل من الموبايل

شكراً فندا على التوضيح

الآن أصبح الجدول كالتالي :
يوم السبت : الأوبرا + مصنع العطور

يوم الأحد : فرساي + الحي اللاتيني + مونامارت + الرحلة النهرية + كاتدرائية نوتردام + حديقة لوكسمبورغ

يوم الأثنين : الشانز + الكونكورد +حدائق التويلري + اللوفر + برج ايفل + ساحة تروكاديرو
يوم الثلاثاء : الأوت ليت + ديزني لاند

كذا صحيح ؟؟؟

..
يوم الاحد مره مزحوم .
ويوم السبت فااضي
اليوم الاول خليه لبرج ايفيل والشانز والكانكورد وقوس النصر وحديقة تريلي
اليوم الثاني خليه لمتحف اللوفر والاوبرا والغاليري لافييت ومصنع العطور
اليوم الثالث لقصر فرساي والمونمارت ولو يمديك للرحله النهريه
والاخير لدزني

ايوه والله يأختي روما لاحظت اليوم الاول فاضي ههههه
بحلول أسوي جدول مضبوط مييية بالمييية من الموبايل

هل ما زال وصولك السبت الساعه 3 ؟؟
اذا اي فعندك نص نهار يعني برنامجك مضبوط ليوم السبت
ممكن اضافة جاليري لافاييت لانه في نفس المنطقه يقفل الساعه 8

الاحد مضغوط فرساي يحتاج حوالي 4 ساعات والرحله النهريه حدود ساعتين

اذا عندك ترتيب ثاني خل نشوفه ونحدد الانسب

حجزت في فندق فايس فيرسا
وهذا موقعه :
يقع الفندق في مدينة باريس (كار مونتبارناسي بورت دي فيرسيليه)، ويتميز بالقرب من بورت دي فيرساي في معرض باريس.
أنا لما شفته بالخريطة حسيته بعيد عن برج ايفل , أيش أقرب مكان سياحي لي ؟

بس يعتبر بالمنطقه

خلفه كثير

^
^
أخوي فيصل ما فهمتك شلون يعني خلفه كثير 😁 أرجو التوضيح من الموبايل

عدت لكم بجدول جديد 😃
بمشي حبه حبه يعني كل يوم بيومه 😄

جدولي يوم الأحد كالتالي :

فرساي + الحي اللاتيني + مونامارت + نوتردام + حديقة لوكسمبورغ ..

عساه ماشي حاله بس ؟؟؟! وإلا يحتاج تعديل من الموبايل

جدولي يوم السبت وهو اول يوم وصولي في تمام الساعة 3 مساءً كالتالي:

جولة للأماكن السياحية بالباص الأحمر + صعود برج ايفل وبنجلس شوي بحديقة البرج + رحلة نهرية + قوس النصر والسهرة بالشانز...


1- شرايكم في جدول هذا اليوم ؟
2- وتنصحوني اروح للبرج النهار او الليل؟
3- كذلك الرحلة النهرية ايش افضل النهار او الليل ؟ من الموبايل

ما ادري ليش احس دائماً في شي مكركب في جدولك ههههههه
بالنسبه ليوم السبت حطي هالنقاط في بالك:
الباص الاحمر الروت كامل اذا ما راح تنزلون مكان ياخذ حوالي ساعتين ونص
الباص يخلص الساعه تسع ونص مساء
الرحله النهريه حوالي الساعتين وتمر بنفس مسار الباص تقريبا بس في النهر ....شخصيا ما احب يكون الباص والرحله في يوم
الصعود للبرج لازم حجز مسبق والا بضيع يومكم في طابور النطره

المشاركة الأصلية كتبت بواسطة FANDA
http://www.arabtravelersforum.com/tr...4/#post8293454

ما ادري ليش احس دائماً في شي مكركب في جدولك ههههههه
بالنسبه ليوم السبت حطي هالنقاط في بالك:
الباص الاحمر الروت كامل اذا ما راح تنزلون مكان ياخذ حوالي ساعتين ونص
الباص يخلص الساعه تسع ونص مساء
الرحله النهريه حوالي الساعتين وتمر بنفس مسار الباص تقريبا بس في النهر ....شخصيا ما احب يكون الباص والرحله في يوم
الصعود للبرج لازم حجز مسبق والا بضيع يومكم في طابور النطره



هههههههه وانا احس نفسي ضايعه ماغير اسحب أماكن من مواضيع المنتدى وأسجلها في جدولي

طيب الجدول بعد التعديل
ألغيت الرحلة النهرية
والبرج أكيد راح أحجز من النت

وين الأفضل النهار او الليل صعود البرج ؟ من الموبايل

جدول يوم السبت بعد التعديل أصبح كالتالي :
جولة للأماكن السياحية بالباص الأحمر + صعود برج ايفل وبنجلس شوي بحديقة البرج + قوس النصر والسهرة بالشانز...


1- أعتمد على هذا الجدول ؟؟؟
2- ومن رآيكم الأفضل النهار او الليل صعود البرج ؟؟؟

^
^
أنتبهوا تراهم سؤالين

علي التسلسل ذا لا تعتمدينه لان القوس بيقل ما تلحصون عيه اذا بتجمعونه مع سهرة الشانز يكون مبكر شويه

الغروب افضل وقت لصعود البرج

ليش ما تاخدين فره في موضوع رومه فيه جداول جاهزه
كل الاماكن القريبه من بعض في يوم
بريحك في التنظيم

شكلي كذا ماراح اخلص
أحباط من الجدول 😭 ودي اكنسل السفرة وقسم هههههههههه من الموبايل

الا صحيح
فيصل وينك منحاش 😄 حطيت لك سؤال قبل يومين تقريباً من الموبايل

المشاركة الأصلية كتبت بواسطة فيصل
http://www.arabtravelersforum.com/tr...3/#post8292233

بس يعتبر بالمنطقه

خلفه كثير



^
^
أخوي فيصل ما فهمتك شلون يعني خلفه كثير 😁 أرجو التوضيح

هذا هو السؤال في ردك رقم 57